Fréttablaðið - 10.03.2007, Page 91

Bikarmeistarar Hauka
og spútniklið Gróttu mætast í dag í
úrslitaleik SS-bikars kvenna í
handbolta og hefst leikurinn klukk-
an 13.30 í Laugardalshöllinni.
Grótta hefur aldrei unnið bikarinn
en Haukastúlkur unnu hann í
þriðja sinn í fyrra.
Fyrirliðinn Harpa Melsted hefur
verið með í öllum sigrunum. „Við
horfum mjög hungraðar á þennan
titil þar sem við erum að missa af
lestinni í deildinni,“ segir Harpa
og Alfreð Örn Finnsson, þjálfari
Gróttu, gerir sér grein fyrir að
Haukar hafa reynsluna. „Það hefur
ekki gengið vel hjá Gróttu í bikar-
úrslitunum og hefðin er Hauka-
megin,“ segir Alfreð.
Það er mikill hugur í Hörpu en
Haukaliðið hefur sýnt á sér ýmsar
hliðar í vetur. „Við förum mjög
erfiða leið í bikarúrslitaleikinn,
vinnum fyrst Stjörnuna og svo Val
sem eru klárlega tvö bestu liðin í
dag ásamt Gróttu. Það voru topp-
leikir hjá okkur og ég vona að við
náum upp sömu stemningu í Höll-
inni. Ef við náum því þá erum við
til alls líklegar,“ segir Harpa sem
segir tímabilið í ár vera mjög svip-
að og þegar liðið vann í fyrra.
Alfreð veit hvað þarf að stoppa í
liði Hauka. „Maður leggur upp
leikina á móti Haukum á hefðbund-
inn hátt. Þar hafa verið tveir yfir-
burðarleikmenn í boltanum undan-
farin ár, Hanna og Ramune. Við
þurfum að reyna að takmarka það
að Ramune skori einhver hundrað
mörk og forðast það að þær fái
mikið af hraðaupphlaupum. Það er
einfalt að segja það en erfitt að
eiga við það,“ segir Alfreð.
„Stelpurnar hafa allflestar spil-
að bikarúrslitaleik en það er mikil
spenna í liðinu og við þurfum að
halda taugaspennunni í lágmarki
þannig að hún fari ekki að vinna
gegn okkur. Það gerðist alveg klár-
lega síðast. Nú vona ég að stelp-
urnar mínar séu reynslunni ríkari
og við fáum nýtt nafn á bikarinn,“
sagði Alfreð en Grótta (og KR) tap-
aði með 14 mörkum í úrslitaleikn-
um 2005. Haukaliðið hefur átt
marga góða leiki í vetur og þegar
liðið spilar vel er mjög erfitt að
eiga við það.
„Þegar við höfum virkilega þurft
á því að halda þá höfum við spilað
best og þannig þarf það að vera á
laugardaginn (í dag),“ sagði Harpa
Melsted sem er væntanlega að
spila sinn síðasta bikarúrslitaleik
þar sem hún ætlar að leggja skóna
á hilluna í vor.
Hefðin er með Haukunum
Júlíus Jónasson, lands-
liðsþjálfari kvenna í handbolta,
býst við jöfnum og skemmtilegum
bikarúrslitaleikjum. Hann spáir
því að Stjarnan og Haukar muni
verja titla sína frá því í fyrra.
„Vonandi verður þetta hörku-
leikur hjá stelpunum því það er
alltaf gaman að sjá spennandi bik-
arúrslitaleik. Það er erfitt að meta
það hvort liðið sé sterkara. Ég hef
hrifist af Gróttuliðinu í vetur og
liðið berst alltaf og gefst aldrei
upp. Haukarnir hafa spilað betur
upp á síðkastið og hafa hefðina sín
megin. Þær hafa klárað þessa
stóru leiki í vetur og ég tippa því
frekar á Hauka,“ segir Júlíus um
kvennaleikinn.
„Það verður mikil spenna hjá
körlunum og vel tekið á því. Það
hefur verið hiti í leikjum liðanna
og það gerir það enn skemmti-
legra fyrir þá sem horfa á leikinn
að það sé smá æsingur. Það skiptir
miklu máli hvort liðið sé í lagi
hvað meiðsli varðar. Ef Stjarnan
er með alla leikmenn klára þá er
liðið með alveg feikilega góðan
mannskap sem ætti að geta landað
bikarnum. Ég spái því að Stjarnan
vinni en eftir alveg hörkuleik,“
sagði Júlíus.
Júlíus tippar á Hauka og Stjörnuna