Fréttablaðið - 14.05.2007, Side 11

Konum á þingi fækkaði um þrjár
við kosningarnar á laugardag.
Tuttugu konur og 43 karlar náðu
kjöri.
Við kosningarnar 2003 hlutu
nítján konur kosningu en á
kjörtímabilinu fjölgaði þeim um
fjórar þar sem konur tóku þingsæti
fjögurra karla sem hættu á þingi.
Flestar konur, átta, voru kjörnar
á þing fyrir Sjálfstæðisflokkinn,
sex fyrir Samfylkinguna, fjórar
fyrir VG og tvær fyrir Framsókn-
arflokkinn. Hæst hlutfall kvenna er
í þingflokki VG; fjórar á móti fimm
körlum. Í kosningunum 2003 náðu
fjórar konur kjöri fyrir Sjálfstæð-
isflokkinn, níu fyrir Samfylking-
una, fjórar fyrir Framsóknarflokk-
inn og tvær fyrir VG en þegar
kjörtímabilinu lauk hafði sjálfstæð-
iskonum fjölgað um þrjár og
framsóknarkonum um eina.
Aðeins karlar eru þingmenn
Norðvesturkjördæmis.
Þremur konum
færra á þingi
Hinn 27 ára gamli framsóknarmaður, Birkir Jón
Jónsson, er yngstur þingmanna, líkt og fyrir
fjórum árum þegar hann var fyrst kjörinn.
Næstyngstur er Ágúst Ólafur Ágústsson
Samfylkingunni sem er þrítugur og þar á eftir
er Katrín Jakosdóttir VG sem er ári eldri.
Ellert B. Schram Samfylkingunni er elsti
þingmaðurinn, 67 ára, Jóhanna Sigurðardóttir,
flokkssystir hans, er 64 ára, og Jón Bjarnason
VG er 63 ára.
Jóhanna er sá þingmaður sem býr að mestri
þingreynslu, hún var kjörin fyrst á þing 1978.
Steingrímur J. Sigfússon VG var fyrst kjörinn
1983 og Geir H. Haarde Sjálfstæðisflokki 1987.
Ellert B. Schram er þó sá núverandi þingmanna
sem fyrst var kjörinn, það var 1971 fyrir
Sjálfstæðisflokkinn.
Þrettán lögfræðingar voru kjörnir til þings á
laugardag. Flestir eru í þingflokki Sjálfstæðis-
flokksins; sex, fjórir í Samfylkingunni og einn í
Framsóknarflokknum, Frjálslynda flokknum og
VG. Nokkrir framvarðarmenn í sveitarstjórnar-
pólitík náðu kjöri, þar á meðal einn bæjarstjóri
og tveir forsetar bæjarstjórna, auk prests og
bóksala svo nokkuð sé nefnt.
Enginn bóndi er á Alþingi og er þetta að
líkindum fyrsta kjörtímabil þingsögunnar sem
bóndi situr ekki á þingi.
Þrettán lögfræðingar á þingi
Tuttugu og fjórir nýir menn
setjast inn á þing í haust, þar af
eru þrír sem hafa setið á þingi
áður. Það eru Ellert B. Schram
fyrir Samfylkinguna, Árni
Johnsen fyrir Sjálfstæðisflokkinn
og Karl V. Matthíasson fyrir
Samfylkinguna.
Nýir þingmenn eru Höskuldur
Þór Þórhallsson, Bjarni Harðar-
son, Ólöf Nordal, Björk Guðjóns-
dóttir, Ármann Kr. Ólafsson, Jón
Gunnarsson, Illugi Gunnarsson,
Kristján Þór Júlíusson, Guðfinna
S. Bjarnadóttir, Ragnheiður Elín
Árnadóttir og Ragnheiður
Ríkharðsdóttir, Jón Magnússon og
Grétar Mar Jónsson, Steinunn
Valdís Óskarsdóttir, Árni Páll
Árnason, Gunnar Svavarsson,
Guðbjartur Hannesson, Katrín
Jakobsdóttir, Árni Þór Sigurðs-
son, Álfheiður Ingadóttir og Atli
Gíslason.
Þrír hafa setið
á þingi áður
Kristinn H. Gunnarsson, Frjáls-
lynda flokknum, var á laugardag-
inn kjörinn alþingismaður. Miðað
við kosningalögin komst Kristinn
inn á Alþingi á 1.216 persónuleg-
um atkvæðum. Þetta er reiknað
þannig að sá frambjóðandi sem er
í öðru sæti lista fær helming
atkvæða listans talinn sem
persónuleg atkvæði sín. Fram-
bjóðandi í þriðja sæti fær
þriðjung þeirra og svo koll af
kolli.
Flest persónuleg atkvæði
teljast til Þorgerðar Katrínar
Gunnarsdóttur, sem var í efsta
sæti Sjálfstæðisflokks í Suðvest-
urkjördæmi, eða 19.307.
Á Alþingi með
1.216 atkvæði