Fréttablaðið - 14.05.2007, Qupperneq 12

Reykjavíkurborg
byggir þjónustu- og menningarmið-
stöð í Spönginni í Grafarvogi að
loknu útboði, að tillögu Björns Inga
Hrafnssonar, formanns borgarráðs.
Í október var undirrituð viljayfir-
lýsing á milli borgarinnar og sjálfs-
eignarstofnunarinnar Eirar, hjúkr-
unarheimilis, um byggingu
miðstöðvarinnar, og öryggisíbúða á
sama stað. Olli hún titringi innan
borgarkerfisins þar sem því var
haldið fram að miðstöðinni hefði
verið bætt inn í yfirlýsinguna eftir
á, og að hún væri ekki í samræmi
við samþykkt borgarráðs. Björn
Ingi sagði í nóvember að mistök
hefðu verið gerð í orðalagi viljayf-
irlýsingarinnar, sem yrðu leiðrétt.
Minnihlutinn í borgarstjórn hélt því
fram að lög um opinber innkaup og
útboðsskyldu sveitarfélaga hefðu
líklega verið brotin með viljayfir-
lýsingunni.
Á fundi borgarráðs í gær var sam-
þykktur samningur við Eir hjúkrun-
arheimili, um úthlutun bygginga-
réttar fyrir öryggisíbúðir í
Spönginni í Grafarvogi og samstarf,
samvinnu og verkaskiptingu vegna
framkvæmda, byggingar og rekst-
urs öryggisíbúða og þjónustu- og
menningarmiðstöðvar. Eir byggir
öryggisíbúðirnar en Reykjavíkur-
borg þjónustu- og menningar-
miðstöðina.
Í október var gengið frá viljayfir-
lýsingu um byggingu menningar-
miðstöðvarinnar við Eir. Björn Ingi
Hrafnsson, formaður borgarráðs,
sagði á þeim tíma að mistök hefðu
verið gerð í orðalagi yfirlýsingar-
innar þegar menningarmiðstöð varð
hluti af henni. Hann lýsti því að hún
væri ekki bindandi á neinn hátt og
enginn skaði skeður þar sem hún
tæki aðeins til þess sem átti að
ræða.
Björn Ingi segir að niðurstaðan
sé í samræmi við svör sem hann gaf
í nóvember. „Það stendur allt sem
ég sagði um málið. Það urðu mistök
varðandi orðalag í viljayfirlýsingu
og málið var afgreitt í samræmi við
það sem ég þá lýsti. Ekkert af því
sem minnihlutinn hafði áhyggjur af
hefur orðið raunin, eins og kemur
fram í bókun þeirra í borgarráði.“
Í bókun sinni fagnar Samfylking-
in niðurstöðu í málinu og að búið sé
að taka af allan vafa og misskilning
varðandi fyrirhugaða uppbyggingu
í Spönginni. Dagur B. Eggertsson,
oddviti Samfylkingarinnar í borg-
arstjórn, segir meirihlutann hafa
bakkað með að láta Eir hafa verkið.
„Allar okkar ábendingar og gagn-
rýni náðu fram að ganga, þótt það
hafi tekið tíma.“
Lausn fengin í um-
deilt skipulagsmál
Viljayfirlýsing um byggingu menningarmiðstöðvar í Mjódd olli deilum innan
borgarstjórnar í fyrra. Formaður borgarráðs segir gagnrýni hafa verið ástæðu-
lausa frá upphafi. Minnihlutinn segir borgarstjórn hafa bakkað í málinu.
Það stendur allt sem
ég sagði um málið. Það
urðu mistök varðandi orðalag
í viljayfirlýsingu og málið var
afgreitt í samræmi við það sem
ég þá lýsti.
Landspítalanum - háskóla-
sjúkrahúsi (LSH) bar að leggja mat
á hæfni Salmanns Tamimi saman-
borið við aðra starfsmenn áður en
honum var sagt upp störfum árið
2006, samkvæmt dómi Hæstaréttar
sem féll á fimmtudag. Hæstiréttur
sneri dómi Héraðsdóms Reykjavík-
ur og dæmdi uppsögnina ólög-
mæta.
„Þessi niðurstaða er fagnaðar-
efni og að nokkru leyti fordæmis-
gefandi,“ sagði Jóhannes Rúnar
Jóhannsson, lögmaður Salmanns,
eftir að dómur var kveðinn upp.
Hann sagðist ekki vita til þess að
áður hefði fallið dómur þar sem
fram kæmi að leggja bæri mat á
hæfni starfsmannsins samanborið
við aðra starfsmenn áður en honum
væri sagt upp.
Salmann er menntaður tölvunar-
fræðingur og vann sem verkefna-
stjóri á upplýsingatæknisviði LSH í
11 ár. Honum var sagt upp störfum
þar sem ákveðið hafði verið að
leggja niður starf hans vegna skipu-
lagsbreytinga. Í rökstuðningi vegna
uppsagnarinnar kom fram að þar
sem Salmann hefði sérhæft sig í að
þjónusta ákveðið tölvukerfi spítal-
ans sem til stæði að hætta að nota
þyrfti að leggja starf hans niður.
Hæstiréttur komst að þeirri nið-
urstöðu að uppsögnin hefði verið
ólögmæt, en að ekki hefði verið
hægt að ógilda hana þar sem hún
hefði þegar verið orðin að veru-
leika þegar málið fór fyrir dóm.
Uppsögnin var því dæmd ólögmæt,
og Landspítalanum gert að greiða
málskostnað Salmanns, 750 þúsund
krónur.
Átti að leggja mat á hæfni
Vextir hér á landi
verða að líkindum áfram háir
næstu árin, og erfitt að sjá hvern-
ig Seðlabankinn getur lækkað
vexti jafnvel þótt atvinnuástandið
versni, segir Þórólfur Matthías-
son, hagfræðiprófessor við
Háskóla Íslands.
Hann segir að upp sé kominn
ákveðinn vítahringur. Ef Seðla-
bankinn lækki stýrivextina megi
búast við því að erlendir aðilar
sem eiga eignir í krónum selji. Við
það lækki gengið og verðbólga
aukist, svo eina leið Seðlabankans
sé að hækka stýrivextina aftur til
að standast verð-
bólgumarkmið-
in.
Hann bendir á
að erlendir aðil-
ar sem eiga bréf
í íslenskum krón-
um fjármagni
þau með lánum í
erlendri mynt
þar sem vextir
séu mun lægri, og hagnist á vaxta-
muninum. Það séu þeir sem græði
á háu vaxtastigi hér á landi, á
meðan almenningur tapi.
„Það getur vel verið að við verð-
um í þeirri aðstöðu að þurfa að
hafa háa vexti áfram, jafnvel þótt
atvinnuástandið versni, bara til
þess að halda uppi genginu, og þar
með halda verðbólgunni niðri,“
segir Þórólfur. Vel geti verið að
það takist að ná vöxtunum niður,
en ljóst að það eigi eftir að taka
talsverðan tíma.
Þórólfur segir að ein leið út úr
vítahringnum sé að taka upp
erlenda mynt, til dæmis evruna,
hér á landi, þó það geti auðvitað
tekið töluverðan tíma, og krefjist
líklega inngöngu í Evrópusam-
bandið.
Vextir áfram háir næstu árin