Fréttablaðið - 03.06.2007, Síða 1

Eftirlit Trygginga-
stofnunar ríkisins (TR) hefur
skráð 200 bóta- og tryggingasvika-
mál á stuttum tíma. Flest málin
varða bótasvik einstæðra foreldra.
Hæstu fjárhæðir einstakra trygg-
ingasvikamála eru mál sérfræð-
inga í heilbrigðisþjónustu. Dæmi
eru um mál einstakra sérfræðinga
þar sem svikin hafa staðið um
langt árabil og nema tugum millj-
óna króna. Ábendingum í bóta-
svikamálum einstæðra foreldra
og vegna svartrar vinnu fjölgaði
um rúmlega 250 prósent milli
áranna 2005 og 2006.
Gunnar Þ. Andersen, forstöðu-
maður eftirlits TR, segir fjölgun
skráðra bóta- og tryggingasvika-
mála skýrast af því að sérstakt
eftirlit var sett á fót innan stofn-
unarinnar árið 2005. Hann segir
afar erfitt að áætla hversu algeng
bóta- og tryggingasvikamál eru.
„En það er reynsla nágrannalanda
okkar, sem hafa hert eftirlit mjög
mikið að undanförnu, að svikamál
eru mun algengari en talið var.“
Gunnar segir að þrátt fyrir að
eftirlitið hafi skráð 200 mál að
undanförnu sé það aðeins toppur-
inn á ísjakanum. „Hvað varðar
bótasvik einstæðra foreldra fáum
við aðeins vitneskju um lítinn
hluta þeirra brota sem viðgangast.
Það sama á við um svarta atvinnu-
starfsemi.“
Af þeim 200 málum sem stofn-
unin hefur upplýst eru 117 mál
einstæðra foreldra þar sem lög-
heimili maka er rangt skráð til að
hækka bótagreiðslur. Alls eru 69
mál vegna svartrar atvinnustarf-
semi á tímabilinu og tíu mál sér-
fræðinga í heilbrigðisþjónustu.
„Við höfum þó fleiri mál sérfræð-
inga til umfjöllunar og nokkur
þeirra verða kærð til efnahags-
brotadeildar ríkislögreglustjóra. Í
sumum tilfellum er um að ræða
brot sem ná yfir langt tímabil og
svikin nema háum upphæðum.“
Jóhanna Sigurðardóttir félags-
málaráðherra segir að taka þurfi á
vandanum „ef það liggur klárt og
kvitt fyrir hvort slík svik eru stað-
reynd. Ég vil persónulega fara
varlega svo ekki sé verið að bendla
menn við þessa hluti að ósekju“.
Björn Stefánsson , eða Bjössi í Mínus, hefur hamrað skinnin
með bestu rokksveit Íslands síðan á síðustu öld. Nýja platan er
„bara fín rokkplata sem við erum mjög sáttir við”.
Tryggingasvikamál-
um fjölgar margfalt
Tryggingastofnun ríkisins hefur skráð 200 bóta- og tryggingasvikamál á stutt-
um tíma. Bótasvikamál einstæðra foreldra eru algengust. Hæstu fjárhæðirnar
eru í málum sérfræðinga í heilbrigðisþjónustu sem verða kærð til lögreglunnar.
Á sjötta hundrað manns gekk
á Esjuna í gær, en það er Íslands-
met, að sögn Stefáns Aðalsteins
Drengssonar, meðlims 5 tinda
hópsins.
„Það var ekki til neitt sérstakt
Íslandsmet, við vildum bara setja
það,“ segir Stefán. Hópurinn
hvatti fólk til að taka þátt í að slá
Íslandsmet í Esjugöngu á tólf
klukkustunda tímabili og virðist
það hafa tekist.
„Þetta er búið að vera mjög
skemmtilegt, allir hafa skrifað
nafn og heimilisfang á blað og við
munum fara nákvæmlega yfir það
hversu margir þetta voru,“ segir
Stefán.
Rúmlega 500
gengu á Esjuna
Sjómenn kepptu í kappróðri
og ofurhugar þutu á sjóbrettum
fram af bryggjunni á sjómanna-
dagsskemmtun í Friðarhöfn í
Vestmannaeyjum í gær.
Að sögn aðstandenda heppnaðist
hátíðin vel og tóku margir þátt í
viðburðunum. Konur jafnt sem
karlar tóku þátt í koddaslag og
Lúðrasveit verkalýðsins keppti við
innfædda tónlistarmenn í kapp-
róðri. Unga fólkið skemmti sér á
sjóþotum og í vatnaþrautum.
Sjómannadagurinn er haldinn
hátíðlegur víða um land í dag.
Hátíð hafsins verður sett á
Miðbakka í Reykjavíkurhöfn
klukkan 14 í dag.
Á Vestfjörðum verður líka mikil
hátíð víða um firði. Á Flateyri
verður glens á bryggjunni.
Koddaslagur til
hátíðabrigða
Norska bókmenntaelítan hefur komist
að þeirri niðurstöðu að Völuspá og Heimskringla
Snorra Sturlusonar séu tvö bestu bókmenntaverk
Norðmanna. Handritin eru í fyrsta og öðru sæti á
lista yfir 25 rit sem mælt er með að öll norska
þjóðin lesi svo hún þekki menningararf sinn.
Gísli Sigurðsson, rannsóknaprófessor við
Stofnun Árna Magnússonar, segir það vissulega
staðreynd að Konungsbók Eddukvæða og Heims-
kringla voru skrifaðar hér á Íslandi af íslenskum
mönnum.
„Völuspá er varðveitt í Konungsbók Eddukvæða
sem er íslenskt handrit sem var skrifað hér á
seinni hluta 13. aldar. Það sama á við um Heims-
kringlu sem er íslenskt bókmenntaverk ef nota á
þessi þjóðernishugtök yfirleitt.“ Gísli segir
þennan misskilning vera nokkuð útbreiddan
meðal almennings og að margir Norðmenn telji að
Snorri Sturluson hafi verið norskur. „Þetta er
hluti af sama máli og þjóðerni Leifs Eiríkssonar,
svo þetta er allt hluti af sama grínþættinum.“
Listinn var útbúinn af dómnefnd á árlegri
bókastefnu í Lillehammer í Noregi. Ekki eru allir
Norðmenn þó tilbúnir til að viðurkenna listann.
Kjell Tore Nilsen, lektor í norrænum fræðum,
spyr í viðtali við netmiðilinn dagbladet.no. „Hvað
myndum við segja ef Svíar myndu eigna sér
Henrik Ibsen?“