Fréttablaðið - 17.10.2007, Side 18

fréttir og fróðleikur
Armenar myrtir vegna fordóma
Sköpunarsinnar vilja að
sköpunarsögum Biblíunn-
ar sé gert jafnhátt undir
höfði og þróunarkenningu
náttúruvísindanna. Evrópu-
ráðið varar við hættum sem
stafaraf uppgangi sköpunar-
hyggjunnar.
Skapaði Guð heiminn á sjö dögum
eða þróaðist lífið á jörðinni smám
saman og löturhægt samkvæmt
lögmálum þróunarkenningarinnar,
sem Charles Darwin setti fram á
nítjándu öld?
Ætla mætti að deilur um þetta
væru löngu afstaðnar í nútímaleg-
um samfélögum, löngu teknar af
dagskrá opinberrar umræðu og
löngu gleymdar nema þá helst sem
nokkuð skondnar og á köflum frek-
ar sorglegar neðanmálsgreinar í
sögubókum.
Því er þó ekki að heilsa. Í Banda-
ríkjunum hafa bókstafstrúarmenn
nægileg ítök meðal ráðamanna til
að halda sköpunarkenningunni á
lofti. Svo mjög hefur reyndar að
þeim kveðið að átök um sköpunar-
hyggju hafa árum saman verið
meðal stærstu pólitísku hitamál-
anna þar vestra.
Í Evrópu hefur sköpunarhyggju
einnig víða vaxið ásmegin, eins og
sjá má af því að fyrir tæplega hálf-
um mánuði sá þing Evrópuráðsins
ástæðu til að samþykkja ályktun
þar sem aðildarríki ráðsins eru ein-
dregið hvött til þess að sköpunar-
kenning Biblíunnar verði ekki
kennd í skólum nema með skýrum
fyrirvara um að vísindalegt gildi
hennar sé nákvæmlega ekkert.
Í ályktuninni eru afskipti
Evrópuráðsþingsins rökstudd með
því að þingið hafi „áhyggjur af því
að útbreiðsla sköpunarhyggju geti
haft slæm áhrif í menntakerfi
okkar og af afleiðingum hennar
fyrir lýðræðið í löndum okkar. Ef
við gætum ekki að okkur gæti
sköpunarhyggja orðið að ógn við
mannréttindi, sem er meginvið-
fangsefni Evrópuráðsins.“
Í greinargerð sem fylgdi álykt-
uninni eru rakin ýmis dæmi um
vaxandi áhrif sköpunarsinna í Evr-
ópulöndum, þar sem sumir hægri-
flokkar hafa gengið í lið með kristn-
um heittrúarmönnum og halda
uppi baráttu fyrir því að sköpunar-
sögu Biblíunnar sé gert jafnhátt
undir höfði og þróunarkenningu
vísindanna. Þetta hefur helst verið
áberandi í austanverðri álfunni, en
einnig á Norðurlöndunum, í Hol-
landi, Belgíu, Frakklandi og Þýska-
landi auk fleiri landa.
Meðal múslima í Tyrklandi hefur
einnig risið upp skyld hreyfing
sem hefur haft mikil áhrif meðal
múslima víðar í Evrópu. Forystu-
maður þeirrar hreyfingar er Harun
Yahya, sem hefur skrifað nærri
átta hundruð blaðsíðna doðrant,
The Atlas of Creation, bæði á tyrk-
nesku og ensku, þar sem hann fer
meðal annars hörðum orðum um
„leynileg tengsl milli darwinisma
og blóði drifinnar hugmyndafræði
nasista og kommúnista“.
Einar Árnason, líffræðingur hjá líf-
fræðiskor raunvísindadeildar
Háskóla Íslands, fagnar heils hugar
ályktun Evrópuráðsþingsins.
„Þessi fáfræði, sem er komin frá
Bandaríkjunum, veður núna uppi í
nánast öllum Evrópuríkjum.“
Hann segir þetta vissulega snerta
okkur hér á landi þrátt fyrir að
sköpunarsinnar hafi ekki náð sér
jafnmikið á flug eins og víða ann-
ars staðar. „Þetta er ekki bara fjar-
lægt vandamál í útlöndum, því hér
á Íslandi ríkir mikil fáfræði um
þróunarkenninguna,“ segir Einar
og nefnir þar sem dæmi nýlegar
fréttir um mikla notkun sýklalyfja
á Íslandi, sem veldur því að þær
bakteríur sem þola lyfin betur velj-
ast úr og verða óviðráðanlegri.
Guðfræðingar hér á landi virðast
almennt vera sammála um að halda
beri sköpunarsögu Biblíunnar og
þróunarfræðum náttúruvísindanna
greinilega aðskildum.
„Það er ótækt að lesa þessa texta
eins og raunvísindi,“ segir til dæmis
Kristinn Ólason Skálholtsrektor, sem
er í þann veginn að senda frá sér bók
um sköpunartexta Biblíunnar.
„Þetta eru ekki lýsingar á atburð-
um sem áttu sér stað í því formi sem
lýst er. Það er verið að setja í stíl
hugmyndir fólks um tilurð heimsins
og eðli heimsins. Þessir textar verða
yfirleitt allir til við að svara áleitn-
um spurningum í þeim heimi sem
textarnir verða til í. Það er ekki
verið að svara spurningunni um það
hvernig heimurinn varð til.“
Sköpunarhyggjan er hættuleg
FIT-kostnaður
er okur