Fréttablaðið - 17.10.2007, Síða 21

Strákafélagið Styrmir lagði leið sína alla leið
til Argentínu á dögunum þar sem heimsmeist-
aramót homma í knattspyrnu fór fram. Hannes
Pálsson er einn leikmannanna og segir borgina
Búenos Aíres undurfagra og eftirminnilega.
„Við vorum 24 sem fórum til Argentínu; átján til að
spila fótbolta og svo sex gestir sem voru stuðnings-
menn og börn keppenda,“ segir Hannes og bætir við
að liðinu hafi gengið glimrandi vel í mótinu. „Við
vorum í öðru sæti í okkar riðli og kepptum í kjölfarið
í sextán liða úrslitum. Það var reyndar útsláttar-
keppni og við töpuðum fyrsta leiknum þannig að við
enduðum í níunda til sextánda sæti,“ segir Hannes og
tekur fram að leikmenn Styrmis grínist með að það
sé besti árangur sem íslenskt knattspyrnulið hafi náð
á heimsmeistaramóti.
Þrátt fyrir skemmtilega keppni í knattspyrnunni
segir Hannes að borgin standi upp úr eftir ferðalagið.
„Það er merkilegt að fara yfir hálfan hnöttinn og sjá
að Búenos Aíres er mjög lík stórborgum í Evrópu.
Hún er ofboðslega stór og ægifögur,“ segir hann.
Rosalega mikil saga sé í borginni sem sjáist vel á
arkitektúrnum. „Þetta var greinilega mikið veldi hér
áður fyrr en nú er misskipting gæða alveg greinileg,
en borgin er að rísa upp aftur eftir slæmt efnahags-
ástand undanfarin ár.“
Hannes segir skoðunarferðir hópsins ekki hafa
verið sérstaklega skipulagðar heldur meira þannig
að farið var á þá staði sem sérstaklega var bent á.
„Svo er náttúrulega ótrúlegt að geta farið út að borða
á hverju einasta kvöldi fyrir nánast engan pening.
Við borðuðum stórkostlegan mat í glæsilegu umhverfi
alla daga og dýrasta máltíðin sem ég fékk mér kost-
aði 900 krónur.“
Fótbolti í fjarlægu landi