Fréttablaðið - 17.10.2007, Blaðsíða 10

17. OKTÓBER 2007 MIÐVIKUDAGUR2 skipulag&hönnun
Listamaðurinn og hönnuður-
inn Stuart Haygarth hefur á
undanförnum árum tekist að
skapa sér nafn í listaheimin-
um með því að finna gömlum
hlutum nýtt hlutverk.
Með því segist listamaður-
inn vilja gefa hlutum sem oft
eru sniðgengnir alveg nýja
merkingu. Jafnframt því öðl-
ast þeir aukið vægi.
Þannig hannar Haygarth
ljósakrónur úr pennum, ein-
nota glösum, gleraugum og
töppum svo dæmi séu tekin.
Verk hans hafa verið sýnd um
allan heim og hlotið mikið lof.
Gamlir hlutir fá
nýtt hlutverk
Annað glas gert úr gömlum
gleraugum.
Arna S. Guðbrandsdóttir
heldur úti nýrri bloggsíðu þar
sem rætt er af hispursleysi um
íslenskan arkitektúr og málefni
líðandi stundar.
„Ég fór af stað með síðuna þar sem
mér fannst málefnið bæði spenn-
andi og eins af því að það vantaði
almennilegan umræðuvettvang,“
segir Arna Ösp Guðbrandsdóttir,
BA í arkitektúr frá hönnunar- og
arkitektúrdeild Listaháskóla Ís-
lands, um bloggsíðu sína.
Á síðunni leiðir Arna hugann að
arkitektúr, bendir á áhugaverðar
uppákomur, deilir sinni sýn á borg-
ina og er ófeimin við að tjá skoð-
anir sínar á því sem hún kallar há-
pólitískt fag.
„Arkitektúr er pólitískt, flókið
og erfitt fag, sem fólk er feimið
við að ræða,“ segir hún. „Það er
eins og fólk þori ekki að vera reitt
og hafa skoðanir á hlutum, af því
að það þarf hugsanlega að éta þær
aftur ofan í sig seinna.
Mér finnst hins vegar í lagi að
vera óhrædd við endurskoða af-
stöðu mína. Stjórnmálamenn eru
alltaf að því.“
Arna telur samfélagið allt
stjórnast af hræðslu við að tjá sig
um stór málefni, hugsanlega af
því það kunni að skapa því óvild
hjá valdamiklum aðilum. Það sést
til dæmis í orkumálinu, sem sé af-
leiðing þess að fólk þori ekki að tjá
sig fyrr en það er of seint. Skort-
ur á faglegri umræðu um arkitekt-
úr á Íslandi sé einn angi þessarar
hræðslu.
„Arkitektar á öllum aldri hafa
hrósað mér fyrir síðuna,“ bend-
ir hún á máli sínu til stuðnings.
„Hins vegar gera þeir það í tölvu-
póstum og þora ekki enn að koma
fram undir nafni á sjálfri síðunni
þar sem allir geta lesið það. Von-
andi mun það breytast.
Kannski fussa einhverjir inni
á kaffistofum úti í bæ án þess að
ég viti af. Mér er þá líka alveg
sama.“
Arna óttast ekki slæm viðbrögð
og segist þvert á móti kalla eftir
gagnrýnum skoðunum á síðunni.
Enda sé markmiðið að skapa lif-
andi vettvang þar sem fólki gefst
færi á að fylgjast með því sem er
að gerast, móta sér skoðanir og
fylgja þeim eftir. Áður en það er
of seint.
„Hlutirnir gerast hratt í augum
þeirra sem ekki fylgjast með,“
segir hún. „Þess vegna skiptir máli
að vera vakandi fyrir umhverfinu
og því sem er að gerast allt í kring-
um okkur. “
Þeim sem vilja fylgjast með
er bent á síðu Örnu, www.123.is/
reykjavik-city. roald@frettabladid.is
Tími til kominn að fólk
hætti pukrinu og tjái sig
„Arkitektúr er pólitískt, flókið og erfitt fag, sem fólk er feimið við að ræða,“ segir Arna. FRÉTTABLAÐIÐ/ANTON
Arna uppi við húsvegg á Spítalastíg sem
henni þykir prýði að vegna teikninganna.
Signý Kolbeinsdóttir hönnuð-
ur snýr aftur með ný póstkort
eftir þriggja ára hlé.
Hönnuðurinn Signý Kolbeins-
dóttir vakti athygli fyrir þrem-
ur árum fyrir póstkort með lit-
ríkum englamyndum. Síðan þá
hefur lítið spurst til þessarar
hæfileikaríku ungu konu, sem
sat þó ekki aðgerðalaus heldur
starfaði á auglýsingastofu ásamt
fleiru. Nú er hún mætt aftur til
leiks með nýja póstkortalínu
og englarnir góðu hvergi sjáan-
legir.
„Ég var bara orðin rosalega
löt og alveg við það að hætta,“
viðurkennir Signý. „Svo fór ég til
Tókýó fyrir stuttu og varð fyrir
svo miklum áhrifum af borginni
að ég settist niður eitt kvöldið og
fór aftur að teikna. Umhverfið
er náttúrlega alveg ótrúlegt og
sterkir litirnir hreinlega æpa alls
staðar á mann.“
Á meðan Signý var úti í Japan
fékk hún fregnir af andláti vinar
síns, sem hafði glímt við hvít-
blæði um árabil. Hún segir að
fréttirnar hafi átt sinn þátt í því
að hún ákvað að halda áfram með
póstkortin.
„Fyrsta englakortið var nefni-
lega gert fyrir hann sem svona
láttu-þér-batna kort þegar hann
greindist fyrir nokkrum árum.
Svo urðu englakortin fyrir hann
fleiri og enduðu sem lína,“ segir
Signý.
Japönsk áhrif eru áberandi
á póstkortunum, en Japan var í
miklu uppáhaldi hjá vini Signýjar
ekki síður en henni sjálfri. Hún
hefur tileinkað vini sínum fyrsta
kortið í nýju línunni. Englana er
hins vegar hvergi að finna.
„Nei. Kannski eru þetta bara
afkvæmi englanna,“ segir Signý
og leggur áherslu á túlkun áhorf-
enda á myndefninu, sem er oftar
en ekki tvírætt.
Til marks um það bendir hún
á viðfangsefni fyrsta kortsins
Tókýó Tako. Þar birtist sjávar-
vera sem þó er óvíst að sé neðan-
sjávar, þrátt fyrir að ýmis sjávar-
dýr sjáist á sveimi og Fuji-fjall í
bakgrunni.
„Kannski þeim sé bara lýst
best sem súrrealískum draumi,“
bætir hún við hugsi.
Póstkortin vera höfð til sýnis
á sýningunni Hönnun + heimili
2007 í Laugardalshöll dagana 19.
til 21. október.
Líkust súrrealískum draumi
Signý Kolbeinsdóttir vinnur nú að nýjum póstkortum sem verða til sýnis á Hönnun +
heimili 2007. FRÉTTABLAÐIÐ/GVA
Tokýó Tako, sem þýðir Tókýó kolkrabbi,
teiknaði Signý í Japan.
Forsíðumynd: Gunnar V. Andrésson tók
myndina af Signýju Kolbeinsdóttur
Útgáfufélag: 365 - prentmiðlar, Skaftahlíð
24, 105 Reykjavík, sími: 512 5000
Ritstjóri: Roald Eyvindsson
Ábyrgðarmaður: Hrannar Helgason.
Blaðið er unnið í samstarfi við Íslandsmót ehf.
Sænska hönnunarteymið
Front hefur vakið verðskuld-
aða athygli. Gripir eins og
hestalampi, grísabakki og
rottuveggfóður eru dæmi
um hugmyndaflug þessara
sænsku hönnuða sem fyrst
leiddu saman hesta sína á
námsárunum.
Teymið var formlega stofn-
að árið 2003 og heldur til í
Stokkhólmi.
Meðal verka Front má nefna
húsgögn sem gerð eru í sam-
starfi við rottur en þær hafa
nagað munstur á veggfóður,
hestalampa og grísabakka.
Einnig má nefna nýstár-
lega línu þar sem hátalari er í
formi kristalvasa, mp3-spilari
tálgaður í við og geislaspilari
er úr gleri.
Nánari upplýsingar er að
finna á www.frontdesign.se.
Samstarf við
rottur og svín