Fréttablaðið - 17.10.2007, Blaðsíða 12

17. OKTÓBER 2007 MIÐVIKUDAGUR4 skipulag&hönnun
Á BRUM, sérstöku sýningar-
svæði íslenskra hönnuða á
sýningunni Hönnun + heimili
2007, gefst gestum færi á
að skoða helstu nýjungar í
íslenskri hönnun.
„Sumt af þessu hefur aldrei komið
fyrir augu almennings og þess
vegna eru nokkrar frumsýning-
ar þarna í gangi. Annað hefur sést
en ekki verið til sölu áður,“ segir
Guðfinna Mjöll Magnúsdóttir, sem
hefur ásamt Brynhildi Pálsdóttur
umsjón með BRUM, sem er svæði
íslenskra hönnuða á Hönnun +
heimili 2007.
„Það er búið að vera vanda-
samt verk að velja út hönnuði, þar
sem BRUM er verslun þetta árið og erfitt að finna íslenska hönnun
sem nýtur sérstöðu og er jafn-
framt í framleiðslu,“ viðurkennir
Guðfinna og segir hlutfallið milli
ungra, upprennandi hönnuða og
þeirra þekktu og reyndari nokkuð
jafnt á BRUM.
„Við erum að kynna fagfólk en
ekki áhugafólk sem við teljum
mjög mikilvægt,“ segir Guðfinna.
„Við vonum að þetta skerpi að-
eins á almenningsvitund um góða
hönnun, vegna þess að hún er ekki
alltaf nógu skýr. Auk þess er þetta
fyrsta skref sumra hönnuða til að
kynna hönnun sína fyrir framleið-
endum og verslunareigendum.
Þarna verður allt frá glænýju ís-
lensku letri og upp í einstakan
borðbúnað. Þetta er hlaðborð af ís-
lenskri hönnun.“
Guðfinna telur að mikill upp-
gangur sé í hönnun á Íslandi,
meðal annars þar sem fleiri tæki-
færi bjóðist. „Möguleikinn felst í
því að hönnun verði stærri hluti af
atvinnulífi og íslensku samfélagi
og setji það í betri samkeppnis-
stöðu innanlands sem á alþjóð-
legum vettvangi, að því tilskildu
að fagið verði betur nýtt,“ segir
hún.
Nánar um BRUM á www.is-
landsmot.is
Gestum og gangandi
boðið til hönnunarveislu
Brynhildur og Guðfinna eru sýningarstjórar BRUM, svæðis íslenskra hönnuða á Hönnun + heimili 2007. FRÉTTABLAÐIÐ/GVA
„Með kökuformunum ílepparósa sameina ég áhuga minn á textílhefð og matarhefð.
Innblásturinn kemur úr íslenskum íleppum sem voru prjónuð innlegg í skinnskóm.
Með kökuformunum er hægt að búa til alls konar mat með formum ílepparósa, svo
sem áttablaðarósa, stigarósa og tíglarósa.“ - Hélène Magnússon.
Handmálaðir postulínsdiskar eftir
Katrínu Ólínu þar sem gefur að líta
furðuverur eins og drauginn Noc og
Trumpet Head. Diskana má nota sem
punt eða undir eftirrétti, brauð, olíur
eða krydd. Þeir eru nú í fyrsta sinn til
sölu á Íslandi.
Þessi kollur er samstarfsverkefni Sig-
ríðar Sigurjónsdóttur, Tinnu Gunnars-
dóttur og Guðrúnar Lilju Gunnlaugs-
dóttur. Markmiðið er að vinna út frá
náttúru Íslands og menningararfi, að
uppgötva möguleikana sem þar liggja
og útfæra brot af þeim. Efniviðurinn
er íslenskt birki og gull. Kollarnir eru í
fyrsta sinn til sölu í BRUM.