Fréttablaðið - 30.11.2007, Síða 58

BLS. 10 | sirkus | 30. NÓVEMBER 2007
Jóhanna Vigdís Arnardóttir leikkona
Frjóvgunarmáttur Borgarleikhússins er umtalað-
ur og hefur leiksvið leikhússins breyst í mikinn
frjósemisakur. Sagan hermir að leikkonur á
barneignaraldri megi vart stíga á fja-
lirnar án þess að eiga það á
hættu að verða bomm.
Söng- og leikkonan ást-
sæla Jóhanna Vigdís
Arnardóttir, Hansa,
hefur ekki farið var-
hluta af frjóvgunar-
mætti Borgarleikhússins.
Hún og eiginmaður hennar Þorsteinn
Helgi Guðbjörnsson eiga von á sínu
öðru barni. Það verður nóg að gera
hjá þeim skötuhjúum því fyrir
eiga þau Ólaf Örn sem er eins og
hálfs árs.
Þórunn Erna Clausen leikkona
Hún er komin fjóra mánuði á leið en þess má geta að hún er
frænka Jóhönnu Vigdísar og systir Ragnheiðar Elínar Clausen
sem þjóðin saknar sárt af skjánum. Það verður líf og fjör hjá Þór-
unni þegar kúlubúinn lítur dagsins ljós en hún og eiginmaður
hennar, Sigurjón Brink, eiga fyrir soninn Hauk Örn sem er 3 ára.
Leikaraparið Álfrún Örnólfsdóttir og Friðrik Friðriksson
Bíða mjög spennt eftir erfingjanum en hún er komin framyfir 40
vikur og því getur barnið komið á hverri stundu. Þau eru þó ekki
eina fólkið í leikarastéttinni sem bíður því Nanna Kristín Magn-
úsdóttir, Edduverðlaunahafi og stjörnuleikkona, átti að eiga í síð-
ustu viku, Þegar Sirkus fór í prentun hafði ekki dregið til tíðinda.
Inga Lind Karlsdóttir
Barnalánið leikur við sjónvarpskonuna og fegurðardísina Ingu
Lind Karlsdóttur en hún gengur með sitt fimmta barn. Hún og
eiginmaður hennar, Árni Hauksson kaupsýslumaður, eiga von á
erfingjanum í byrjun næsta sumars og verður enn líflegra í Arnar-
nesinu þar sem þau búa.
Friðrika Hjördís Geirsdóttir sjónvarpskona
Óléttan er orðin eins og haustflensan hjá Friðiku Hjördísi. Eins og
Sirkus greindi frá á dögunum á hún von á öðru barni með manni
sínum Stefáni Hilmarssyni, aðstoðarforstjóra Baugs. Fyrir eiga
þau Gunnar Helga sem er ársgamall og svo á Stefán tvö börn frá
fyrra hjónabandi.
Katrín Bessadóttir
sjónvarpskona
Hún hefur verið blómleg
á skjánum en hún og
kærasti hennar, Helgi Selj-
an, eiga von á barni í
desember. Katrín starfar í
þættinum Ísland í dag. Ekki
er vitað hvort loftið í Skafta-
hlíðinni sé svona örvandi
eða hvort frjósemislyfjum sé
blandað út í kaffið. Kvenpen-
ingurinn má varla hefja störf
við þáttinn án þess að úr
verði barn.
Gerður Kristný rithöfundur og skáld
Hún og eiginmaður hennar, Kristján B. Jónasson, formaður félags
íslenskra bókaútgefenda, stefna á hina rómuðu vísitölufjölskyldu
en í janúar eiga þau von á sínu öðru barni. Fyrir eiga þau soninn
Skírni sem er að verða þriggja ára. Þetta hefur verið einstaklega
frjótt ár hjá Gerði en hún gefur út tvær bækur fyrir jól, Ballið á
Bessastöðum og ljóðabókina Höggstað sem báðar hafa fengið
þrusufína dóma.
Margrét Íris Baldursdóttir
Barnalánið leikur við Mar-
gréti Írisi og mann hennar,
Magnús Ármann fjárfesti og
fyrrverandi umboðsmann
Sólstrandagæjanna. Þau eiga
von á sínu þriðja barni í vor
en fyrir eiga þau Ágúst
Ármann sem er fimm ára og
Magnús Ármann sem er 13
mánaða. Margrét Íris er ann-
áluð smekkkona og fagurkeri
en hún og maður hennar búa
tímabundið í húsi Jóns
Ásgeirs Jóhannessonar að
Laufásvegi 69 á meðan þau
bíða eftir að þeirra hús verði
tilbúið.
Dagmar Una Ólafsdóttir
Gyðjan virðist hafa skipt fræjum sínum bróðurlega á milli hægri
og vinstri vængsins. Sjálfstæðismaðurinn Eyþór Arnalds og
eiginkona hans Dagmar Una Ólafsdóttir verslunareigandi bíða í
eftirvæntingu eftir erfingja sínum. Dagmar er sett í desember og
er þetta þeirra fyrsta barn saman. Fyrir á Eyþór tvö börn.
Katrín Jakobsdóttir
Vinstri græna nútímakonan Katrín gefur formæðrum sínum
ekkert eftir og hleður niður börnum með stuttu millibili. Katrín
og sambýlismaður hennar Gunnar eiga von á sínu öðru barni í
desember en fyrir eiga þau soninn Jakob sem er tæplega tveggja
ára.
BLÓMLEGAR MEÐ BARNI
ÞÆR ERU MARGAR BLÓMARÓSIRNAR SEM GANGA MEÐ BARN UNDIR BELTI SÍNU UM ÞESSAR MUNDIR.
FRJÓSEMISGYÐJAN ÁKVAÐ HELDUR BETUR AÐ FJÖLGA Í HIRÐ SINNI OG SÁÐI FRÆJUM HINNAR
RÓSFINGRUÐU MORGUNGYÐJU Á ÍSLENSKAN AKUR.