Fréttablaðið - 24.12.2007, Blaðsíða 2

2 24. desember 2007 MÁNUDAGUR
LÖGREGLUMÁL Fangageymslur
lögreglunnar á höfuðborgarsvæð-
inu voru fullar í gærmorgun eftir
nóttina. Fjórtán fíkniefnamál
komu upp, fjórar líkamsárásir
voru tilkynntar, einn var tekinn
ölvaður undir stýri og annar
undir áhrifum fíkniefna.
Að sögn varðstjóra voru
fíkniefnamálin afrakstur eftirlits
lögregluhóps á skemmtistöðum
borgarinnar. Um neysluskammta
var að ræða í öllum tilfellum.
Þar að auki voru níu hand-
teknir fyrir brot á lögreglusam-
þykkt, flestir fyrir ólæti og að
kunna ekki fótum sínum forráð.
- sþs
Fangageymslur lögreglu fullar:
Fjórtán teknir í
fíkniefnaeftirliti
HÁTÍÐARHÖLD Heldur óvenjuleg messa verður annan dag jóla í Lindar-
sókn en þar verða þekkt jólalög leikin í kántrístíl. Ekki er nóg með það
heldur verða tónlistarmennirnir uppáklæddir í fullum kúrekaklæðum.
„Við erum bara nokkuð vissir um að fólk verði búið að fá nóg af
hátíðleikanum svo okkur langar að bjóða upp á smá tilbreytingu,“
segir Keith Reed, organisti og söngstjóri Lindarsóknar. „Það verður
eflaust forvitnilegt fyrir fólk að heyra jólalögin leikin á fiðlu og banjó
með kúrekastíl. Það verður enginn línudans að þessu sinni en ef þetta
fer nú allt vel er hugsanlegt að við setjum hann inn í dagskrána á
næsta ári,“ segir Keith kankvís.
Þar sem byggingu Lindarkirkju er ekki lokið fara guðsþjónustur
sóknarinnar fram í Salaskóla og hefst hún klukkan ellefu á miðviku-
dag en um næstu jól er fyrirhugað að Lindarkirkja verði tilbúin.
„Ég er frá Bandaríkjunum og ég hef svolítið gaman af kántrí, svona
endrum og eins að minnsta kosti. Þetta er svona eins og með Íslend-
inga og skötuna, menn myndu ekki vilja hafa hana á borði alla daga en
hún er góð einstaka sinnum.“
Meðal laga á dagskrá er Heims um ból og segir Keith að eflaust þyki
mörgum forvitnilegt að heyra hvernig það kemur út í túlkun þeirra
kántrímanna. - jse
Okkur langar að bjóða upp á smá tilbreytingu, segir organisti og söngstjóri Lindarsóknar:
Guðsþjónusta með ekta kúrekablæ
KEITH REED TILBÚINN Í KÚREKAMESSU Söngstjóri Lindarsóknar segir
að bjóða verði sóknarbörnum upp á tilbreytingu og hann situr ekki við
orðin tóm heldur býður til kúrekamessu á annan dag jóla.
LÖGREGLUMÁL Þrír karlmenn voru
handteknir vegna fíkniefnamáls á
Siglufirði í fyrrinótt. Nokkurt
magn fíkniefna fannst þegar
leitað var í húsum þeirra í
kjölfarið, segir á fréttavef
lögreglunnar á Akureyri. Einnig
var leitað í bifreið í eigu mann-
anna.
Lögreglan á Siglufirði naut
aðstoðar fíkniefnahunds lögregl-
unnar á Akureyri við eftirlitið.
Mennirnir voru yfirheyrðir og
sleppt að því loknu. - sþs
Árangursríkt eftirlit á Siglufirði:
Hundur fann
fíkniefnaþef
VÍSINDI „Hörmungarnar á Íslandi
voru aðeins upphafið að mun
stærri slóð eyðileggingar sem
teygði sig hálfa leið kringum
heiminn, frá Altai-fjöllum í
Síberíu til Mexíkóflóa,“ segir í
umfjöllun um Skaftárelda í jóla-
tölublaði tímaritsins The Econ-
omist.
Skaftáreldar hófust með gosi í
Laka 8. júní árið 1783. Það sem
fylgdi er gjarnan kallað Móðu-
harðindin, vegna gríðarlegs
magns gass sem kom upp með
gosinu og barst með veðri og
vindum víða um heim.
„Menn hafa verið að rannsaka
áhrif Lakagossins á samfélög
víða um heim í nokkurn tíma,“
segir Einar Sveinbjörnsson veður-
fræðingur. „Úr Laka var gasið
þungt, barst með yfirborðinu og
fór mjög víða. Það drakk í sig
geislun sólar svo að yfirborð
jarðar hitnaði ekki og uppskera
brast.“
Í greininni í The Economist eru
atburðirnir tengdir við ógnir hlýn-
unar jarðar sem talin er yfirvof-
andi. Sagt er að viðbrögð mann-
anna við veðurfarsbreytingum
valdi sjálf miklum skaða. „Sumir
halda að loftslagsbreytingar skelli
á okkur eins og hver önnur hita-
bylgja, en þær verða á áratugum,“
segir Einar. „Veðursveiflur, eins
og í kjölfar flestra eldgosa, hafa
ekkert að segja um þessa yfirvof-
andi hnattrænu hlýnun.“
Sagt er frá því í grein tímarits-
ins hvernig móðan breiddist yfir
Evrópu. Tveimur dögum eftir
upphaf gossins varð hennar vart
í Danmörku og í Noregi. Sex
dögum seinna vofði hún yfir Prag
og degi seinna Berlín. Undir lok
júní hafði móðan borist til Rúss-
lands, Sýrlands og Írak.
Í Evrópu þykknaði móðan og
skemmdi uppskeru. Um 23 þús-
und Englendingar létust umfram
það sem venjulegt gæti talist á
þessum tíma og fimm prósent
frönsku þjóðarinnar lést um
sumarið. Segir í greininni að
þetta megi rekja beint til Skaft-
árelda.
Hitastig um allan heim lækk-
aði næsta árið. Á Íslandi var
þremur gráðum kaldara en venju-
lega og í Evrópu að meðaltali
tveimur gráðum kaldara en á
venjulegu ári. Í Bandaríkjunum
var fimm gráðum kaldara en
meðallagið og kuldinn í Japan
var svo mikill að hrísgrjónaupp-
skeran brast. Er talið að dauða
milljón manns megi rekja til
þessa. steindor@frettabladid.is
Draga má lærdóm
af Móðuharðindum
Tímaritið The Economist fjallar ítarlega um Skaftárelda í jólablaði sínu. Móðu-
harðindin hafi valdið uppskerubresti og dauða milljóna manna um allan heim.
Tímaritið segir að læra megi um loftslagsbreytingar af atburðunum.
LAKAGÍGAR Vatn og mosi hylja nú hraunið sem rann úr Lakagígum á átjándu öld.
LÖGREGLUMÁL Maður henti glasi í
andlitið á öðrum í Reykjanesbæ
aðfaranótt laugardags. Sá var
fluttur á sjúkrahús þar sem sauma
þurfti í hann þrjátíu spor. Árásar-
maðurinn fannst ekki þegar
lögregla reyndi að ná af honum
tali í fyrradag, en hann átti að
yfirheyra í gær.
Árásin átti sér stað inni á
staðnum Mamma Mía í Sandgerði.
Samkvæmt upplýsingum frá
lögreglu varð mönnunum sundur-
orða, og endaði rifrildið með því
að annar henti glasi framan í hinn.
Líðan fórnarlambsins er sögð góð
eftir atvikum. - sþs
Sauma þurfti þrjátíu spor:
Grýtti glasi í
andlit gests
BANDARÍKIN, AP Íbúar Pittsburgh í
Bandaríkjunum sem týna hanska
þurfa ekki lengur að henda hinum
og fjárfesta í nýju pari.
Fyrir mánuði opnaði bandaríski
listneminn Jennifer Gooch
vefsíðuna www.onecoldhand.com
þar sem hún birtir myndir af
týndum hönskum sem hún viðar
að sér í Pittsburgh þar sem hún
býr. Hefur hún sameinað fjögur
hanskapör frá opnun síðunnar.
Gooch áætlar að setja upp
svipaðar síður í fleiri löndum og
hafa síður þegar verið opnaðar í
öðrum bandarískum borgum, í
Kanada og á Ítalíu. - sdg
Fjögur hanskapör sameinast:
Vefsíða fyrir
týnda hanska
JENNIFER GOOCH, STOFNANDI SÍÐUNN-
AR Vefsíðan fékk 55.000 heimsóknir
fyrstu tíu dagana. FRÉTTABLAÐIÐ/AP
Stefán, mokaðir þú þeim út?
„Nei, ég kastaði þeim út.“
Síbrotamenn á fíkniefnum rændu
Litlu-kaffistofuna á laugardagsmorgun
vopnaðir hníf og kylfu. Stefán Þormar
Guðmundsson, eigandi staðarins, varðist
þeim með skóflu.
JÓL Næsta útgáfa Fréttablaðsins
verður fimmtudaginn 27.
desember, en netsíðan Visir.is
mun halda úti öflugri fréttavakt
allar hátíðarnar.
Auglýsingadeild Fréttablaðsins
verður opin í tvo daga milli jóla
og nýárs; fimmtudaginn 27. og
föstudaginn 28. desember.
Lokað verður aðra daga, svo
sem á aðfangadag, annan í jólum
og á gamlársdag.
Fréttablaðið yfir hátíðirnar:
Næsta tölublað
á fimmtudag
Líkamsárás á Akranesi
Ráðist var á mann aðfaranótt laugar-
dags á Akranesi. Kæra hefur verið
lögð fram vegna árásarinnar. Maður-
inn var með verulega áverka á andliti
þegar lögregla kom að honum, en
ekki alvarlega slasaður. Að öðru leyti
verst lögreglan á Akranesi fregna af
málinu meðan það er í rannsókn.
LÖGREGLUFRÉTTIR
HEILBRIGÐISMÁL Maður var fluttur
með sjúkraflugi frá Húsavík og
til Reykjavíkur í gær. Flug
mannsins var sett í mesta
forgang, enda var hann talinn
vera mjög hjartveikur.
Hann liggur að öllum líkindum
inni á hjartadeild Landspítalans.
Þaðan fengust hins vegar engar
upplýsingar um líðan mannsins,
spítalinn hefði ekki mannafla til
að sinna upplýsingaþjónustu.
Beiðni um flugið barst slökkvi-
liði Akureyrar klukkan 11.20 og
lenti vélin með manninn í
borginni klukkan 13.00. - kóþ
Sjúkraflug frá Húsavík:
Maður fluttur
á Landspítala
REYKJAVÍK Samningar um inn-
heimtuþjónustu á vegum borgar-
innar hafa hingað til ekki verið
boðnir út, þrátt fyrir að fjölmörg
ákvæði í almennri stefnu hennar
gefi til kynna að svo skuli gert.
Fréttablaðið hefur greint ítar-
lega frá samningagerð borgarinn-
ar við innheimtuna Momentum.
Í röksemdafærslu Birgis Finn-
bogasonar, þáverandi fjármála-
stjóra, fyrir beinum samningum
um innheimtu vangoldinna fast-
eignagjalda, taldi hann upp fyrir
borgarráði fordæmi svipaðra
samninga.
SPRON, Intrum og Óskar Norð-
mann, einn stjórnarmanna Mom-
entums, hafa í gegnum tíðina séð
um ýmsa innheimtu fyrir borgina
og „ekki er sýnilegt [...] að þeir
byggi á útboði,“ eins og Birgir
orðar það. Útboð hafi ekki þekkst.
Önnur röksemd Birgis fyrir
samningnum við Momentum er sú
að með því að „hvetja“ gjaldendur
til að greiða skuldir sínar, sé ólík-
legra að vanskilafólk hafi „hag“ af
því að borga aðrar skuldir fyrst.
Umrædd hvatning getur hækk-
að skuldina um 43 prósent.
Nýr borgarstjóri hefur kallað
þessa innheimtu „blóðuga“ en
kveður borgina bundna af samn-
ingum. Einnig vill hann að útboð
séu reglan og beinir samningar
undantekning í viðskiptum borgar-
innar. - kóþ
Einkaaðilar sem annast innheimtu opinberra gjalda Reykjavíkurborgar:
Samningar ekki boðnir út
MOMENTUM Fyrirtækin Spron og
Intrum, ásamt Óskari Norðmann, einum
stjórnanda Momentums, hafa einnig
séð um innheimtu fyrir borgina. Þeir
samningar voru heldur ekki boðnir út.
FRÉTTABLAÐIÐ/VALLI
SPURNING DAGSINS