Fréttablaðið - 27.12.2007, Blaðsíða 10

27. DESEMBER 2007 FIMMTUDAGUR10 MARKAÐURINN
V I Ð Á R A M Ó T
BREYTTIR TÍMAR
Hlutabréfavelta á síðasta við-
skiptadegi ársins 2006 slagaði
hátt upp í alla veltu ársins 2001
á innlend-
um hluta-
bréfamark-
aði. Veltan
síðastliðinn
föstudag
nam tæpum
113 milljörð-
um króna
sem mest
megnis var
tilkomin vegna færslu á eignar-
hlut FL Group í Glitni frá Íslandi
til Hollands. Til samanburðar
nam heildarveltan á Verðbréfa-
þingi Íslands, forvera Kauphall-
arinnar, 137 milljörðum króna
árið 2001 ...
Hlutabréfin fóru upp á við
fram yfir mitt árið en síðan tóku
þau dýfu í aðra átt ...
HAGLARI, GULL OG DÓSAMATUR
Alþjóðamarkaðir nötra þessa
dagana og enginn virðist treysta
sér til að spá hvenær ósköpunum
lýkur. Krónan veiktist skyndilega
í gær og hlutabréf í Kauphöll
Íslands fylgdu í kjölfarið. Sér-
fræðingar endurtaka í sífellu að
áhættufælni fjárfesta hafi auk-
ist; sem leiði til þess að fjárfestar
dragi sig út af hlutabréfamarkaði
og ávaxti fé sitt á öruggari máta.
Sem endranær eru þó skiptar
skoðanir um hvað teljist örugg-
ar fjárfestingar; sumir færa fé
sitt úr hávaxtamyntum yfir í lág-
vaxtamyntir, aðrir geyma pen-
ingana undir koddanum. Þórður
Gunnarsson, ofurbloggari og við-
skiptablaðamaður, er þó handviss
um hvað beri að gera. „Hagla-
byssa, gull og dósamatur.
Taka þetta öruggt,“ segir
Þórður á bloggsíðu sinni.
FLEIRI DÝRALÆKNAR
Nýr bankastjóri Straums-Burð-
ar áss er hokinn af reynslu í
bankaheiminum og veit sínu viti
í þeim heimi. Fjármálaráðherra
Íslands hefur stundum mátt sæta
því að um bakgrunn hans sé talað
með niðrandi hætti, en hann er
dýralæknir að mennt. Það er
því Árna Mathiesen nokk-
ur huggun að
nýr forstjóri
Straums og
fyrrverandi
háttsettur yfir-
maður Bank of
America er einn-
ig dýralæknir að
mennt ...
BANNAÐ AÐ FARA Í RÆKTINA
Hreiðar Már Sigurðsson, for-
stjóri Kaupþings, hugsar vel
um heilsuna eins og fleiri í fjár-
málageiranum. Yfirstjórn Kaup-
þings á fastan tíma hjá einka-
þjálfara klukkan 11 alla virka
daga í World Class. Sé svigrúm
hjá framkvæmdastjórunum nýta
þeir þennan tíma til æfinga. Ný-
lega fór Hreiðar í ræktina eins og
vanalega. Þar hitti hann marga
af framkvæmdastjórunum, for-
stöðumenn og maura af við-
skiptagólf-
inu. Eitthvað
fannst forstjór-
anum skrítið að
svo margir starfs-
menn bankans væru í
ræktinni á meðan mark-
aðir voru að hrynja í
niðursveiflunni. Sá
hann ástæðu til að senda út leið-
beinandi tilmæli til starfsmanna
um að ekki væri æskilegt að þeir
æfðu á meðan markaðir væru
opnir. Þegar Róm brennur eiga
menn að slökkva elda en ekki
spila á fiðlu.
LOKAÐ Í HÁDEGINU
Icelandic Group hefur átt undir
högg að sækja á hlutabréfamark-
aði, en félagið er skráð í Kaup-
höll Íslands. Stjórnendur eru
þó að taka til í rekstrinum og
straumlínulaga markmiðin. Hins
vegar virðast allir taka sér gott
hádegishlé. Þegar hringt er í Ice-
landic Group milli klukkan tólf
og eitt á daginn svarar símsvari
sem segir skiptiborð lokað í há-
deginu. Margir héldu að það væri
liðin tíð að fyrirtæki lokuðu í há-
deginu og minnast gamals tíma.
Að því er best er vitað er þetta
eina skráða félagið á Íslandi sem
enn heldur í heiðri þennan góða
sið.
SJÓNHVERFINGAMAÐURINN
Þegar lagt var í loftið var töf því
orðin nærri tveir klukkutímar, en
gestir FL Group létu það þó ekki
slá sig út af laginu, enda hafa víð-
förlir menn í viðskiptum (ætli
ekki hafi þarna verið fjórar eða
fimm konur meðal fimmtíu karla)
lent í ýmsu á ferðum sínum.
Sumir slógu á létta strengi og
vakti meðal annars kátínu eins af
spaugsamari mönnum viðskipta-
lífsins að kvikmynd flugsins var
gæðamyndin „The Illusionist“
eða „Sjónhverfingamaðurinn“.
Taldi hann að val á mynd með
þetta heiti hlyti að vera óheppi-
legt í flugi á leið á fjárfestakynn-
ingu þar sem fara ætti yfir gengi
og horfur í einu umsvifamesta
fjárfestingarfyrirtæki landsins.
AÐ TOPPA JONES
Hið árlega ármótapartí Ármanns
Þorvaldssonar, forstjóra Kaup-
þings í London, verður haldið
með pomp og prakt nú um helg-
ina. Þessar veislur eru fyrir
löngu orðnar stórviðburður í við-
skiptaheiminum. Á árum áður
brá Ármann sér á svið og söng
Delilu Toms Jones, en í fyrra
mætti Tom Jones sjálfur og
skemmti gestum. Erfitt verður
fyrir Ármann að toppa skemmti-
atriðið í fyrra og margir velta
því fyrir sér hvernig það verði
toppað í ár. Helst eru menn á því
að Elvis sjálfur mæti á svæðið í
veislu ársins.
KRÖFUR Í SÝND OG REYND
Sýndarveruleiki þarf á ýmsu að
halda eins og veruleikinn sjálfur.
Eins og kemur fram aftar í blað-
inu hefur verið ráðinn yfirmaður
hagstjórnar í leiknum Eve On-
line. Eins konar seðlabankastjóri
sem á að sinna því að halda jafn-
vægi í hagkerfi leiksins. Þarna er
á ferðinni vel menntaður maður
með sitt doktorspróf í hagfræði.
Þessi staðreynd varð mönn-
um umhugsunar-
efni þegar ljóst er
að sýndarveruleik-
inn virðist gera
meiri mennt-
unarkröfur
til embætt-
is seðlabanka-
stjóra en veru-
leikinn sjálf-
ur. Allavega
sá íslenski.
ÓVISSUFERÐ TIL BARCELONA
Væntanlega hafa glaðst í gær
starfsmennirnir 550 hjá Eimskip
og dótturfélögum þegar í ljós kom
að óvissuferð sem lagt var upp í
um morguninn endaði í borginni
Barcelona á Spáni. Mikil spenna
hafði ríkt fyrir ferðina, sem er
þriðja óvissuferðin sem Eimskip
býður sínu fólki upp á. Í fyrra
var ferðinni heitið til Montreal í
Kanada og árið 2005 var haldið til
Búdapest í Ungverjalandi. Flogið
var á Boeing 747-300 vél Air Atl-
anta Icelandic sem er dótturfélag
Eimskips.
Um næstu helgi er óvissudagur
haldinn fyrir starfsfólk 365 sem
enn ríkir leynd yfir, en má vænt-
anlega slá föstu að ekki verði
farið til útlanda, svona miðað við
tap síðasta árs.
BANKASTJÓRI EKKI Í MEGRUN
Vefútsendingar Seðlabankans við
stýrivaxtaákvarðanir hafa geng-
ið brösuglega. Svo var við til-
kynningu stýrivaxta í gær. Davíð
Oddsson seðlabankastjóri sagði
að þetta væri bölvað, þegar at-
hygli hans var vakin á þessu.
Menn hefðu lagt sig alla fram
um að hafa þessi mál í lagi. Enda
skipti máli að menn gætu fylgst
með og allir fengju upplýsing-
arnar á sama tíma. Nú væri ljóst
að áramótaheitið að þessu sinni
yrði ekki að fara í megrun, held-
ur að tryggja að vefútsendingar
við stýrivaxtaákvarðanir gengju
betur fyrir sig. Margir munu lík-
lega gleðjast yfir þessu áramóta-
heiti seðlabankastjóra. Í gær
mátti heyra köll og öskur á gólfi
fjármálafyrirtækja. Menn þyrsti
í upplýsingar frá Seðlabankanum
en fengu ekki.
FUNDAÐ Í EINKAFLUGVÉL
Orri Hauksson stendur í ströngu
í Finnlandi þar sem hann fer
fyrir Novator, fjárfestingarfélagi
Björgólfs Thors Björgólfsson-
ar. Áður var Orri framkvæmda-
stjóri hjá Símanum. Á þeim tíma
kallaði Björgólfur Thor Orra til
sín á fund. Hittust þeir í einka-
þotu Björgólfs á Reykjavíkur-
flugvelli þar sem Orra var boðið
starf. Að fundi loknum hélt hann
sína leið. Það gerði Björgólfur
líka, en ekki upp í háloftin heldur
á bíl sínum. Einkaþotan var notuð
til fundahalda. Ekki þáði Orri
starfið í þetta sinn. Miklar hrær-
ingar voru á vettvangi Símans og
fjölmörg tækifæri í loftinu fyrir
metnaðarfullan mann. Orri hætti
svo hjá Símanum, fór sjálfur í
rekstur en er nú kominn í breiðan
faðm ríkasta manns Íslands.
FRAMANDI VIÐSKIPTAHÆTTIR
Íslendingar hafa tekið virkan þátt
í þróunaraðstoð í Malaví, einu fá-
tækasta ríki Afríku. Hagkerfið
er þriðjungi minna en það ís-
lenska þrátt fyrir að íbúar lands-
ins séu fjörutíu og fjórum sinn-
um fleiri en Íslendingar. Sinn er
siður í hverju landi eins og ís-
lenskur blaðamaður, sem var þar
á ferð, kynntist þegar hann gekk
inn á skrifstofu Kenya Airways í
Lilongwe og átti þar eftirfarandi
samtal við starfsmann:
Íslendingur: „Hi, I‘m here to
pay for my plane ticket.“
Starfsmaður: „Excellent sir.
How do you intend to pay for the
ticket?“
Íslendingur: „By credit card.“
Starfsmaður: „Oh, I‘m sorry,
sir. We only accept credit cards
between 8 and 10 in the morn-
ing ...“
EINKAKLÚBBUR AUÐMANNA
Undanfarnir dagar hafa verið
þrungnir spennu fyrir marga
fjárfesta. Hlutabréf hafa fallið í
verði og margir tapað háum fjár-
hæðum. Þá er nauðsynlegt að geta
slappað af í rólegu umhverfi. Nú
hafa efnaðir einstaklingar í ís-
lensku viðskiptalífi opnað einka-
klúbb við Nýbýlaveg í Kópavogi.
Þar er útvöldum boðið að gerast
meðlimir og þurfa að punga út
hálfri milljón króna fyrir. Mán-
aðargjaldið er svo tíu þúsund
krónur. Meðlimir eru nú um 25.
Dýralæknirinn Elvis Presley leikur á fiðlu
Þetta kom allt fyrir í bankahólfum Markaðarins og peningaskápum viðskiptasíðu Fréttablaðsins á
árinu sem er að líða. Ingimar Karl Helgason fór yfir málin og sá meðal annars ástæðu til að draga
fram haglabyssu og dósamat þegar líða tók á árið.
Óskum öllum farsældar
á komandi ári.
Þökkum ánægjuleg viðskipti
á árinu sem er að líða.
568 1000
Grensásvegi 12A – www.frum.is