Fréttablaðið - 27.12.2007, Blaðsíða 8

MARKAÐURINN 27. DESEMBER 2007 FIMMTUDAGUR8
V I Ð Á R A M Ó T
„Vart hægt að segja annað,“
sagði einn af tuttugu álits-
gjöfum Markaðarins um
verstu viðskipti ársins.
Enginn ágreining-
ur var meðal álits-
gjafa um verstu
viðskiptin. Yfir-
gnæfandi fjöldi
þeirra nefndi
kaup og sölu FL
Group á banda-
ríska flugrisan-
um AMR.
Fólk var ekki
eins sammála um
hver bestu viðskipti
ársins hefðu verið.
Þrenn voru nefnd til sög-
unnar, efst og jöfn: Icesave
innlánareikningur Landsbank-
ans í Bretlandi, sala Novators
á búlgarska símanum BTC og
hlutafjáraukning Baugs í FL
Group.
UMBREYTTU FJÁRMÖGNUNAR-
PRÓFÍLNUM
„Þeir hafa gerbreytt fjármögn-
unarprófíl Landsbankans til
hins betra,“ sagði einn af tut-
tugu álitsgjöfum Markaðarins
um viðskipti ársins 2007.
Icesave reikningur Lands-
bankans varð raunar ekki til á
árinu, en sló í gegn hjá Bret-
um. Þrátt fyrir bankakrísu og
áhyggjur samfara Northern
Rock héldu Bretar ótrauðir
áfram að leggja sparnað sinn
inn hjá Landsbankanum.
Innlán þar nema nú hátt í
fimm milljörðum punda, eða
sem nemur sex hundruð
milljörðum íslenskra
króna. Hlutfall inn-
lána af útlánum hjá
bankanum hefur í
kjölfarið aukist úr
fjórðungi í þrjá
fjórðu.
„BESTI DÍLLINN“
Novator, félag
Björgólfs Thors
Björgólfssonar,
seldi 90 prósenta
hlut sinn í búlg-
arska landsímanum
BTC um miðjan ágúst.
Andvirði sölunnar nam
1,4 milljörðum evra eða
sem nemur 127 millj-
örðum íslenskra
króna. Bandaríska
fjármálafyrirtæk-
ið AIG Global In-
vestment Group
keypti hlutinn.
Hermt er að
Björgólfur Thor
hafi innleyst 60
milljarða króna
hagnað við söl-
una og lá „með cash
þegar ósköpin dundu
yfir í haust“, sagði einn
álitsgjafa og annar bætti
við „rétt áður en slíkt hefði
verið ómögulegt“.
STYRKTI STÖÐUNA
„Jón Ásgeir styrkti stöðu sína
í FL Group með erlendum
eignum,“ sagði einn álitsgjafa
um hlutafjáraukningu Baugs
Group í FL Group nú undir
lok ársins.
Hlutafé í FL Group
var aukið um 64
milljarða króna í
upphafi síðasta
mánaðar ársins.
Baugur komst
til frekari áhrifa
í félaginu með
því að fasteigna-
félög Baugs voru
færð undir FL.
Þannig varð næst-
um 40 prósenta hlut-
ur í Landic Property
settur inn í FL, helmings-
hlutur í Þyrpingu og tæp-
lega fjórðungur í Eik.
Þá keypti FL eignar-
hluti í alþjóðlegum
fasteignasjóðum
af Baugi Group.
BG Capital ehf.,
handhafi fast-
eignafélaganna,
eignaðist sam-
fara þessu yfir
fjórtán prósenta
hlut í FL Group.
AMR ... VART HÆGT AÐ
SEGJA ANNAÐ
Meirihluti álitsgjafa
var ekki í vafa um hver væru
verstu viðskipti ársins. „Versti
díllinn“ varð einum þeirra að
orði. Þar var rætt um kaup og
sölu FL Group á hlutum í banda-
ríska flugrisanum AMR.
FL Group var um tíma stærsti
hluthafinn í AMR og átti mest
9,3 prósenta hlut í félag-
inu. FL á nú rúmt pró-
sent.
Ætla má að félag-
ið hafi varið tugum
milljarða í kaup
í AMR á árinu
sem ekki skiluðu
sér. Þegar bróð-
urparturinn af
hlutnum var seld-
ur í nóvember,
hafði gengi bréfa
í AMR lækkað jafnt
og þétt.
Verðmæti hlutar FL
Group í AMR var ríflega
þrjátíu milljarðar króna við lok
þriðja ársfjórðungs. En hann
lækkaði í virði um fimmtán
milljarða á árinu.
Hannes Smárason, þá for-
stjóri FL Group, reyndi ýmis-
legt til að glæða þessa fjárfest-
ingu lífi, en allt kom fyrir ekki.
GEYSIR GREEN-VITLEYSAN
Álitsgjafar Markaðarins nefndu
fleiri viðskipti í hópi þeirra
verstu og bestu á árinu. Hasarinn
í kringum samruna Geysis
Green Energy og Reykjavík
Energy Invest nefndu flestir.
Af vel heppnuðum viðskipt-
um nefndu álitsgjafar meðal
annars yfirtöku Marels á
Stork, kaup Kaupþings á hol-
lenska bankanum NBIC og fjár-
festingu Róberts Wessmans í
Háskólanum í Reykjavík.
Þrenn viðskipti talin þau bestu á árinu 2007
Álitsgjafar Markaðarins töldu að Sala Novators á búlgarska símanum, Icesave reikningur Landsbankans og hlutafjáraukning
Baugs í FL Group væru bestu viðskipti ársins. Álitsgjafarnir voru ekki í vafa um að kaup og sala FL Group á hlutabréfum í
AMR væru þau verstu. Ingimar Karl Helgason fór yfir bestu og verstu viðskipti ársins 2007.
JÓN ÁSGEIR
JÓHANNESSON
Styrkti stððu sína
í FL Group veru-
lega.
BJÖRGÓLFUR
THOR
BJÖRGÓLFSSON
Tók inn milljarða
á sölunni á BTC.
HANNES
SMÁRASON.
FYRRVERANDI
FORSTJÓRI FL
GROUP
Ábyrgur fyrir
verstu viðskipt-
um ársins.
RÓBERT WESSMAN Forstjóri Actavis var í þriðja
sæti í vali á viðskiptamanni ársins. Hann þykir
meðal annars hafa gert vel í að fjárfesta í
Háskólanum í Reykjavík. MARKAÐURINN/ANTON
A
lls voru 23 einstaklingar nefndir til sögu í vali á
viðskiptamanni ársins. Sá sem settur var í efsta
sæti fékk þrjú stig, sá næsti tvö og sá í þriðja
sætinu eitt. Ekki munaði miklu í stigum á þeim
sem röðuðust í annað til fjórða sæti í valinu um
viðskiptamann ársins. Þar röðuðu sér í eftirfarandi röð,
umbreytingafjárfestirinn Björgólfur Thor Björgólfsson,
Róbert Wessman, forstjóri Actavis, og Sigurjón Þ. Árnason,
bankastjóri Landsbankans.
Eðli málsins samkvæmt er misjafnt hvað fulltrúum
blaðsins í dómnefnd var hugleiknast og haft var orð á
mörgum ólíkum hlutum. Þannig var Björgólfi Thor hrós-
að fyrir vel heppnaða yfirtöku á Actavis á árinu. Þá þótti
ekki ónýtt hvernig hann innleysti rækilegan hagnað á árinu,
bæði með sölunni á fjarskiptafélaginu BTC og EIBank í
Búlgaríu. „Hann fékk þarna gott verð og náði að liggja
með lausafé þegar ósköpin dundu yfir í haust,“ hafði einn
dómnefndarmanna á orði.
Róbert Wessman tryggði sér hins vegar sess á blaði með
því að leggja einn milljarð króna sem hlutafé í nýstofnað-
an Þróunarsjóð Háskólans í Reykjavík. „Hann hefur leitt
vöxt Actavis með glæsibrag í mörg ár og uppskar ríku-
lega þegar fyrirtækið var tekið af markaði. Þá setti hann
af stað sitt eigið fjárfestingarfélag á árinu með úrvalsfólk í
kring um sig og er að byrja að láta til sín taka á nýjum vett-
vangi. Bestu viðskipti ársins fannst mér vera innkoma hans
í Háskólann í Reykjavík,“ sagði dómnefndarmaður.
Sigurjón Árnason kemst svo þetta ofarlega í valinu fyrir
að hafa gerbreytt fjármögnunarprófíl Landsbankans til
hins betra með Icesave innlánsreikningunum í Bretlandi og
styrkja stöðu Landsbankans með framsæknum aðgerðum.
Ekki verður sett upp frekari goggunarröð á þá sem eftir
fylgdu á topp tíu yfir þá sem nefndir voru. Þar eru hins
vegar nöfn á borð við Hörð Arnarson, forstjóra Marel Food
Systems, en á árinu hafðist í gegn samruni við Stork Food
Systems sem lengi hefur verið unnið að. Þá hefur Marel
gengið í gegnum stórstígar breytingar og þanist út síðustu
tvö árin. Svafa Grönfeldt, rektor Háskólans í Reykjavík,
þykir hafa staðið sig vel, sem og Andri Már Ingólfsson, fjár-
festir og ferðamálafrömuður, og Karl Wernersson, stjórn-
arformaður Milestone. Þá fá Sigurður Einarsson stjórnar-
formaður og Hreiðar Már Sigurðsson, forstjóri Kaupþings,
plús í kladdann fyrir stærstu yfirtöku Íslandssögunnar með
kaupunum á NIBC.
SIGURJÓN Þ. ÁRNASON
Sigurjón, sem er bankastjóri
Landsbanka Íslands, var í fjórða
sæti í vali Markaðarins á við-
skiptamanni ársins. Margir dást
að Icesave innlánsreikningi bank-
ans í Bretlandi. MARKAÐURINN/GVA
BJÖRGÓLFUR THOR
BJÖRGÓLFSSON Athafnamaðurinn
og umbreytingafjárfestirinn
Björgólfur Thor Björgólfsson var
í öðru sæti í vali dómnefndar
Markaðarins á manni ársins þetta
árið. Hér sést hann á aðalfundi
Actavis í vor. Yfirtaka Novators á
félaginu er meðal þess sem honum
er talið til tekna. MARKAÐURINN/ANTON
Margir nefndir þótt einn sé útvalinn
Margir voru tilnefndir í vali á manni ársins í viðskiptalífinu þótt Jón Ásgeir Jóhannesson hafi unnið með nokkuð miklum yfir-
burðum. Án þess að gera mjög upp á milli annarra fer Óli Kristján Ármannsson hér yfir þá sem næstir komust toppnum.
E I N N I G T I L N E F N D I R
Í V A L I Á M A N N I Á R S I N S *
Svafa Grönfeldt Háskólanum í Reykjavík
Karl Wernersson Milestone
Hreiðar Már Sigurðsson Kaupþingi
Hörður Arnarson Marel Food Systems
Andri Már Ingólfsson Heimsferðum
Árni Oddur Þórðarson Eyri Invest
Sigurður Einarsson Kaupþingi
Ragnhildur Geirsdóttir Promens
Jón Helgi Guðmundsson Norvik
Aðalheiður Héðinsdóttir Kaffitári
*Ekki í neinni sérstakri röð.