Fréttablaðið - 27.12.2007, Blaðsíða 21

MARKAÐURINN 21FIMMTUDAGUR 27. DESEMBER 2007
V I Ð Á R A M Ó T
Þ
egar ég horfi til baka yfir atburði
líðandi árs eru mér efstar í huga
þær miklu hræringar sem hafa
átt sér stað í fjármálaumhverfinu
á síðari hluta ársins. Mikill vöxt-
ur og velgengni hefur verið í banka- og
fjárfestingarstarfsemi á Íslandi og raunar í
öllum heiminum. Samfara örum vexti hafa
verið miklar sveiflur í þessari starfsemi og
mikið verðfall undir það síðasta. Verðfallið
í þessari grein er hinsvegar ekki mikið ef
það er skoðað í samhengi með verðbreyt-
ingum undanfarin ár. Undirmálslánakrísan
og verðfall á fasteignamörkuðum erlendis
er ákveðið áhyggjuefni og einnig fjár-
mögnun banka og fjárfestingarfyrirtækja
hér á landi.
Ný stjórn tók við á Íslandi á árinu.
Fráfarandi stjórn hafði skapað gott um-
hverfi fyrir atvinnuvegina og ég vona að
þessi muni gera slíkt hið sama. Mikið
þensluástand ríkir á Íslandi og samfara því
aukinn kostnaður á nánast öllum sviðum.
Óöryggi er samfara nýjum samningum á
vinnumarkaði og áhyggjuefni ef hinum
mikla sveigjanleika sem hefur einkennt
íslenskan vinnumarkað verður kastað fyrir
róða eins og mér sýnast ítrustu kröfur
verkalýðshreyfingarinnar ganga út á.
Hvað Össur varðar erum við sem betur
fer ekki í sveiflukendum iðnaði þannig að
stöðnun og niðursveifla á mörkuðum hafa
ekki nema lítil áhrif á okkar starfsemi,
nema hvað að fjármögnun ytri vaxtar gæti
orðið erfiðari næstu misseri ef ástandið
á fjármálamörkuðunum jafnar sig ekki í
bráð.
Þegar ég lít yfir árið hjá Össuri hefur það
einkennst af innri uppbyggingu. Mikil sam-
hæfing hefur verið gerð á sölukerfi okkar
í Bandaríkjunum og munum við njóta þess
á næsta ári. Hátæknivörulínan okkar hefur
haldið áfram að hljóta verðskuldaða at-
hygli á árinu og staðfestir enn frekar þá
afgerandi forystu sem Össur hefur á sviði
stoðtækja. Varðandi stuðningsvörurnar
einkennir það árið að mikil orka fór í
að samræma vöruframboð á hinum ýmsu
mörkuðum, en okkar markmið er að ná af-
gerandi tækniforystu á sviði stuðnings-
tækja. Í október var hlutafé aukið í félag-
inu og bættist þá stærsti lífeyrissjóður
Danmerkur í hluthafahóp Össurar.
Ég er mjög bjartsýnn á komandi ár. Við
hjá Össuri erum bjartsýn, enda eru marg-
ar nýjar vörur í burðarliðnum og örugg
staða á okkar lykilmörkuðum, svo ekki er
annað hægt en að líta björtum augum fram
til næsta árs.
Jón Sigurðsson, forstjóri Össurar:
Innri uppbygging einkenndi árið
FORSTJÓRI OG HLAUPARI Jón Sigurðsson, forstjóri
Össurar, ásamt Oscar Pistorius, einum af liðsfélögum
„Team Össur“, liði sem í eru fatlaðir íþróttamenn sem
Össur styrkir. MARKAÐURINN/GVA
Á
rið 2007 var ár breytinga. Í hinu
pólitíska landslagi, milli flokka
og innan flokka. Í viðskiptalíf-
inu, tími mikils uppgangs og
síðar mikils bakslags og síðast
en ekki síst hjá fólkinu í landinu, sem þarf
að glíma við nýjan efnahagslegan veru-
leika og stendur frammi fyrir samdrætti í
einkaneyslu.
Árið 2007 er árið þegar uppsveiflan sem
hófst með vaxtalækkunum í kjölfar 11.
september 2001, sem settar voru til bjarg-
ar hinu frjálsa hagkerfi, náði hámarki og
fundu markaðir á seinni hluta árs fyrir af-
leiðingum af þessu tímabili. Á sama tíma
eru þróunarríki Suðaustur-Asíu í mikl-
um uppgangi sem hefur leitt af sér áður
óþekktar stærðir í fjárfestingum, auknum
hagvexti og háu verði hráafurða. Tímabil
sem einkennst hefur af miklum hagvexti,
lágri verðbólgu og lágum vöxtum getur
ekki verið viðvarandi. Á slíkum tímum
hækkar eignaverð mikið. Í kjölfarið hefst
leiðréttingarskeið og vinda tekur ofan af
þeim hækkunum sem orðið hafa á eigna-
verði og vonandi næst jafnvægi sem fyrst.
Það sama gildir um íslenskt samfélag
og alþjóðasamfélagið – sem eru farin að
sveiflast í meiri takti en áður hefur þekkst.
Við þurfum að komast út úr því ójafnvægi
sem við erum í. Hér á landi erum við í efna-
hagslegu ójafnvægi sem vonandi kemst á
réttan kjöl á árinu 2008.
Árið 2007 er líka árið þegar heimur-
inn áttaði sig á þvi mikla ójafnvægi sem
ríkir í neyslu heimsins á náttúruauðlind-
um og kemur m.a. fram í útblæstri gróð-
urhúsalofttegunda. Núverandi ástand er
óásættanlegt og því blasir við að verðum
að finna jafnvægi milli nýtingu auðlinda og
umhverfisverndar. Þrýstingur á slíkt jafn-
vægi mun aukast gríðarlega á næstu árum.
Vistvæn orkuframleiðsla er lykilþáttur í
slíku ferli.
Fyrir mig er ákveðinn söknuður að
yfirgefa Glitni eftir geysiskemmtilega
tíma með einstöku fólki og vil ég nota
þetta tækifæri til að þakka það frábæra
samstarf. Þetta eru ögrandi tímar, en með
réttu viðhorfi styrkja þeir okkur fremur en
skaða. Minni söknuður er að nánum sam-
skiptum við stjórnmálamenn um málefni
REI og Orkuveitunnar. Þar bíður engu að
síður brýnt verkefni; hvernig við Íslend-
ingar getum stuðlað að vistvænni heimi á
arðbæran hátt með þeirri þekkingu sem
við höfum á nýtingu jarðvarma hér á landi.
Grunnurinn að því var því miður ekki lagð-
ur á árinu 2007. Vonandi verður hið sama
ekki á ferð árið 2008.
Árið sem fram undan er mun snúast um
jafnvægi. Stór hluti þess er að sjálfsögðu
að spurja spurninga um hvers konar sam-
félag við viljum byggja upp. „Allir vilja
breyta heiminum en enginn vill breyta
sjálfum sér.“ Það er lykilatriði í hverju sem
við gerum að við séum sátt við sjálf okkur
og okkar gjörðir. Gleðilegt nýtt ár.
Bjarni Ármannsson fjárfestir:
Ögrandi tímar
fram undan
MARAÞONHLAUPARINN BJARNI