Fréttablaðið - 27.12.2007, Blaðsíða 15

15FIMMTUDAGUR 27. DESEMBER 2007MARKAÐURINN
V I Ð Á R A M Ó T
Á
rsins 2007 verður lík-
lega fyrst og fremst
minnst fyrir áhrifa
undirmálskrísunn-
ar á alþjóðlegum fjár-
málamarkaði og þann óróa sem
hún framkallaði um allan heim.
Angar þess vanda teygja sig víða
og íslenskir bankar hafa fundið
fyrir því ástandi sem ríkt hefur
á heimsmörkuðum. Allir bank-
ar verða fyrir áhrifum af þeirri
stöðu sem nú er komin upp á
markaðnum, líka þeir sem höfðu
engan hluta eigna sinna í undir-
málslánum, eins og Glitnir.
Það mótlæti sem íslensku bank-
arnir mættu á vormánuðum 2006,
og reynslan af því, hefur skil-
að sér í sterkari stöðu þeirra nú.
Þeir voru þannig betur undir-
búnir til þess að mæta erfiðleik-
um á alþjóðlegum mörkuðum og
titringurinn hefur því haft minni
áhrif á rekstur þeirra og stöðug-
leika en annars hefði verið. Þó ís-
lensku bankarnir standi almennt
vel að vígi er það deginum ljós-
ara að fjármagn er dýrt um þess-
ar mundir. Bankarnir munu því
án efa halda áfram að leita nýrra
leiða við fjármögnun, sem hefur
hingað til gefið góða raun.
Stóra verkefnið sem framund-
an er á alþjóðlegum fjármála-
mörkuðum er að að leysa úr
lausafjárvandanum. Bankar um
allan heim bíða þess átekta að
ástandið á fjármálamörkuðum
lagist en það mun líklega ekki
gerast fyrr en ársuppgjör fjár-
málafyrirtækja fyrir árið 2007
birtast og í ljós kemur hvert
heildarumfang undirmálskrís-
unnar er í raun og veru. Ég tel
að markaðsumhverfið muni lag-
ast mikið á fyrri hluta nýs árs
en verkefni fjármálafyrirtækja
árið 2008 verður að laga sig að
nýju umhverfi og leita tækifæra.
Ég tel að þó til skamms tíma
tapi allir bankar á þeirri þróun
sem verið hefur muni þeir bank-
ar sem koma sterkir og sveigj-
anlegir inn í breytt markaðsum-
hverfi eiga möguleika á að grípa
þau tækifæri sem hafa og munu
myndast á markaðnum.
Árið 2007 hefur verið gjöfult og
árangursríkt hjá okkur í Glitni.
Bankinn keypti FIM, afar sterkt
félag í Finnlandi, sem hefur bæði
gefið okkur fótfestu í alþjóðlegri
eignastýringu sem og aðgang
að svokölluðum nýmörkuðum.
Breytingar urðu á stjórnenda-
teymi bankans á vormánuðum og
hefur Glitnir fengið til liðs við
sig alþjóðlegan hóp reynslumik-
illa stjórnenda og 600 nýja starfs-
menn, sem staðfestir þau miklu
tækifæri sem liggja í framtíðar-
rekstri bankans. Sú einstaka liðs-
heild og sá framkvæmdaandi sem
ríkir innan Glitnis birtist einmitt
glögglega nú á tímum breytinga
og umróts á mörkuðum. Á slík-
um tímum reynir á samheldnina
og innri styrk bankans og hafa
starfsmenn Glitnis staðist prófið
og gott betur en það.
Þrátt fyrir þann vanda sem
ríkt hefur á fjármögnunarmörk-
uðum þá hefur fjármögnun Glitn-
is gengið vel. Við hófum leikinn
snemma á árinu og lukum endur-
fjármögnun fyrir 2007 um mið-
bik ársins. Við hófum móttöku
innlána í Bretlandi fyrir rétt ári
og sú starfsemi gekk vel á árinu
og nú í október hófum við inn-
lánastarfsemi í Finnlandi og hafa
móttökur verið afar góðar. Þá
opnuðum við skrifstofu í New
York á haustmánuðum og hefur
rekstur hennar farið fram úr
okkar björtustu vonum.
Það bíða okkar mörg spennandi
tækifæri á erlendum mörkuð-
um. Við munum halda áfram að
byggja upp stöðu okkar á Norð-
urlöndunum á sviði fyrirtækja-
lána og fjárfestingabankastarf-
semi. Það hafa verið umtalsverð
umsvif á þessu ári utan Evrópu á
þeim markaðssyllum sem bank-
inn hefur skilgreint sem sérsvið
sín. Við erum rétt að hefja sókn
okkar innan þessara sviðað og
sjáum þar mikil tækifæri, eins
og til dæmis á sviði jarðvarma
þar sem Glitnir hefur skapað
sér sterka stöðu. Markaðssyll-
ur Glitnis á sviði sjávarútvegs
og jarðvarma standa mjög nærri
okkar sögu og uppruna sem ís-
lenskt fyrirtæki og skapa okkur
samkeppnislega sérstöðu alþjóð-
lega. Einnig eru þær, fæða og
orka, í eðli sínu mjög einangr-
aðar frá hagsveiflu. Við horfum
því afar björtum augum til fram-
tíðarinnar og sjáum mörg spenn-
andi tækifæri.
Ef ég lít mér nær þá hefur
nýtt starf sett mark sitt á árið.
Ég er einstaklega ánægður með
að vera kominn aftur til Glitn-
is. Þessir fyrstu átta mánuðir í
starfi hafa verið annasamir en
jafnframt gríðarlega skemmti-
legir. Hjá Glitni starfar sam-
hentur hópur að sama markmiði,
þrátt fyrir mismunandi þjóðerni,
menntun og reynslu, það er að
stöðugt bæta og stækka bankann
og skila hluthöfum okkar góðri
ávöxtun. Ég er sannfærður um
að okkur tekst það á árinu 2008
þrátt fyrir breyttar aðstæður í
rekstrarumhverfi fjármálafyrir-
tækja á heimsvísu.
Lárus Welding, forstjóri Glitnis banka:
Titringur á
alþjóðlegum mörkuðum
A
tvinnulíf á Íslandi stóð
í miklum blóma á árinu
2007 þrátt fyrir óvissu
á fjármálamörkuðum
og hærri stýrivexti
en annars staðar á byggðu bóli.
Ljóst er að undirstöður atvinnu-
fyrirtækja eru traustar, stjórn-
endur þeirra kunna fótum sínum
forráð við erfiðar aðstæður og
margir þeirra hafa komið auga
á ný tækifæri sem óháð aðstæð-
um eru alltaf innan seilingar ef
þeirra er leitað.
Útrás íslensku fyrirtækjanna
hélt áfram á árinu. Þau námu
ný lönd í margvíslegum skiln-
ingi – ný verkefni, ný þjónusta,
nýir markaðir, fleiri lönd og fleiri
heimsálfur. Í þeim fyrirtækjum
sem ég fylgist best með eins og
í Landsbankanum, Eimskip og
Icelandic Group var framhald á
markaðri stefnu um að treysta
rekstur með öflugri og mark-
vissri starfsemi erlendis. Nýjar
skrifstofur í Kanada, Hong Kong,
Kína og víðar sýna að áfram er
unnið að því að gera íslenskum
fyrirtækjum kleift að nýta tæki-
færi hvar í heiminum sem þau
gefast.
Árið 2007 verður líklega mörg-
um minnisstætt fyrir umrót á
innlendum og erlendum fjár-
málamörkuðum síðustu mánuði
ársins. Eftir samfelldan uppgang
fjármálafyrirtækja í heiminum
í yfir fimm ár kom niðursveifl-
an sem margir höfðu varað við.
Óvissa ríkir nú um hversu lengi
hún varir og hvort hún eigi enn
eftir að dýpka. Við slíkar aðstæð-
ur hægir á starfsemi fjármála-
fyrirtækja og fjármagn verð-
ur eðlilega dýrara. Í ljósi þess
hve hratt íslensk fjármálafyrir-
tæki hafa vaxið undanfarin ár og
umfang viðskiptanna var orðið
mikið má ætla að hin snöggu um-
skipti hafi orðið einhverjum fyr-
irtækjum og fjármagnseigendum
erfið. En fjárfestingarstarfsemi
fylgir alltaf áhætta og eftir vel-
gengni undanfarin ár má ætla að
margir hafi haft borð fyrir báru.
Þá er það svo að umskipti búa til
ný tækifæri og á meðan almenn
atvinnustarfsemi í landinu dafn-
ar vel finna kraftar athafnalífs-
ins sér alltaf ný verkefni.
Fyrir íslensku bankana var
þetta annað árið í röð sem þeir
þurftu að takast á við erfiðar að-
stæður undir sterku kastljósi al-
þjóðlegra matsfyrirtækja og fjöl-
miðla. Fátt bendir nú til annars en
að þeir muni standa af sér hretið.
Það er athyglisvert til þess að
hugsa að um þessi áramót, þegar
fimm ár eru liðin frá einkavæð-
ingu Landsbankans og upphafi
útrásar og uppgangi fjármálafyr-
irtækjanna íslensku, hafa þau í
tvö ár staðið í mótvindi sem lýsir
sér m.a. í verri kjörum á skulda-
bréfamörkuðum en fullkomlega
sambærileg norður-evrópsk fyr-
irtæki njóta. Þrátt fyrir mótlæt-
ið í tvö ár af fimm hefur Lands-
bankinn jafnt og þétt styrkt inn-
viði sína, eflt rekstur sinn, aukið
umsvifin og fjölgað starfsstöðv-
um og ég leyfi mér að segja um
þessi áramót það sama og ég hef
sagt undanfarin fjögur áramót;
Landsbanki Íslands er traustari
og öflugri en nokkru sinni fyrr í
langri sögu sinni.
Efnahagur og markaðir eru
háðir sveiflum. Íslendingar hafa
oftar en einu sinni sýnt í verki að
þeir vinna af krafti í uppsveiflu
og þeir glíma af lagni við nið-
ursveiflur. Ekkert hefur gerst á
árinu 2007 sem segir mér að það
hafi breyst. Þjóðin sem kom sér
úr örbirgð í allsnægtir á einum
mannsaldri er enn uppi á dekki
að verka aflann og skapa verð-
mætin. Á meðan getum við öll
leyft okkur að vera bjartsýn á
framtíð okkar.
Björgólfur Guðmundsson, athafnamaður og formaður
bankaráðs Landsbankans:
Áfram numin ný lönd
Á
rsins 2007 verður hjá
flestum íslenskum við-
skiptamönnum og fjár-
festum minnst fyrir þá
lexíu sem hlutabréfa-
markaðurinn kenndi viðskipta-
lífinu. Hve skjótt skipast veður
í lofti og hve fallvölt gæfan er.
Þó við Íslendingar hugsum − og
oft framkvæmum − stórt, gleym-
ist stundum hve hagkerfi Ís-
lands er í raun smátt og markað-
ir hér grunnir. Ofan á það bætist
svo sveiflukennd króna og háir
vextir. Þetta eru áhættuþætt-
ir sem markaðsaðilar mega ekki
gleyma, því áhrifanna gætir um
allt hagkerfið. Þrátt fyrir gott
gengi og mikinn vöxt voru ís-
lenskir fjárfestar minntir á þess-
ar staðreyndir á árinu sem er að
líða.
Nordic Partners hefur hins
vegar ekki tekið þátt í fjárfest-
ingum á íslenska hlutabréfa-
markaðnum. Næstum öll starf-
semi félagsins fer fram erlend-
is, þar sem það hefur einbeitt
sér að fjárfestingum í fasteign-
um, matar- og drykkjavörufram-
leiðslu og hótelfjárfestingum.
Fyrir Nordic Partners var
2007 einstaklega ábatasamt og
ánægjulegt ár. Umtalsverð aukn-
ing varð á fasteignasafni sam-
steypunnar sem jókst í um 700
þúsund fermetra af húsnæði
auk mikilla landfjárfestinga. NP
Properties AB, fasteignaarmur
Nordic Partners, hefur skapað
sér sérstöðu í þróun og rekstri
stærri viðskiptagarða í Austur-
Evrópu og fyrirséð er að fjárfest-
ingar í þessum geira munu halda
áfram af miklum þunga á næstu
árum. Með mikilli hækkun leigu-
verðs í þessum heimshluta hefur
orðið veruleg verðmætaaukning
í fasteignasafni Nordic Partners
árið 2007 sem ekki sér fyrir end-
ann á ennþá. Þó svo að leiguverð
sé eingöngu um fimmtíu prósent
af því sem hægt er að leigja sam-
bærilegt húsnæði á hér á Íslandi,
hefur leiguverð í þessum löndum
hækkað um 35 til 40 prósent á
ári síðustu árin. Þessi þróun mun
halda áfram þar til leigan verð-
ur svipuð því sem gerist í ná-
grannalöndunum í Evrópubanda-
laginu, auk þess sem byggingar-
verð mun verða hið sama.
Matar- og drykkjarvörufram-
leiðsla Nordic Partners sam-
steypunnar, sem er í sérstöku
dótturfélagi NP Confectionary
AB, tók miklum stakkaskiptum
árið 2007 með verulega bættri
rekstrarafkomu ársins. Er fyrir-
séð að sú mikla aukning rekstr-
arhagnaðar muni halda áfram
í það minnsta út 2010. Sterkt
stjórnendateymi auk innri fjár-
festinga hafa skilað umtalsverð-
um árangri. Á næsta ári verð-
ur þessum mikla vexti viðhald-
ið auk þess sem á næstunni eru
miklar fjárfestingar og yfirtök-
ur félaga sem munu enn frekar
styrkja þessa stoð Nordic Partn-
ers. Félagið hefur í dag sterka
stöðu á öllum sínum mörkuðum
í sælgætis- og kexframleiðslu,
drykkjarvörum og ferskum
matvælum.
Nordic Partners hefur ekki
farið hátt á Íslandi undanfar-
in ár en með stofnun NP Hotels
AS og kaupum á hótel- og veit-
ingarekstri í Danmörku breytt-
ist það nokkuð. Við það varð til
ný kjarnastarfsemi í samstæð-
unni. Rekstur Hótel D´Angle -
terre, Hótel Front, Hótel Kong
Frederik og veitingastaðarins
Copenhagen Corner er að breyt-
ast mikið með aðkomu Nordic
Partners. Þar er góður rekst-
ur að verða enn betri með mikl-
um rekstrarbreytingum sem á
hefur verið komið. Sömu sögu er
raunar að segja um annan rekst-
ur félagsins, svo sem flugfélag-
ið IceJet og skyld þjónustufé-
lög, sælkeraverslanirnar Fiski-
saga og Gallerí Kjöt, hafnar- og
timburvinnslustarfsemi auk
byggingaverktakastarfsemi.
Fram undan er spennandi ár
fyrir Nordic Partners. Mjög stór-
ar fjárfestingar eru á lokastig-
um sem munu enn styrkja sam-
steypuna. Enn fremur mun bæt-
ast við stjórnunarteymi félagsins
en unnið hefur verið gagngert
að innri styrkingu stjórnunar og
nýtt skipurit er í vændum. Þar
við bætist að Nordic Partners
mun taka í notkun nýjar höfuð-
stöðvar í Ríga en félagið keypti
1.500 fermetra húsnæði í gamla
miðbænum og hefur unnið við
að endurbyggja þetta sögufræga
hús frá 1823 undanfarna átján
mánuði.
Um þessi áramót er eigna-
safn Nordic Partners að nálg-
ast 100 milljarða króna og fyrir-
séð að sú eignaaukning sem náðst
hefur undanfarin ár er ekki liðin.
Lág skuldsetning, eignasafn fyr-
irtækja í fasteignum og fram-
leiðslufyrirtækjum sem skila
góðu og jákvæðu sjóðstreymi er
sá sterki grunnur sem Nordic
Partners samsteypan mun halda
áfram sínum vexti á.
Íslendingar hafa sýnt og sann-
að að þeir hafa getað nýtt við-
skiptatækifæri í mörgum lönd-
um. En það er sérstaklega
ánægjulegt að sjá hve fjárfestar
eru farnir að vera virkir í löndum
Austur-Evrópu og þá sérstaklega
hve margir eru farnir að feta
í fótspor Nordic-samsteypunn-
ar í Eystrasaltslöndunum. Von-
andi heldur sú þróun áfram og
verður öllum til velfarnaðar. Með
þessum orðum vil ég fyrir hönd
allra starfsmanna Nordic Partn-
ers óska landsmönnum gleðilegs
nýs árs.
Gísli Reynisson, forstjóri Nordic Partners:
Ábatasamt ár að baki