Fréttablaðið - 18.02.2008, Blaðsíða 8
8 18. febrúar 2008 MÁNUDAGUR
SKIPULAGSMÁL Ríkinu stendur nú
til boða lóð í Hellnahrauni í
Hafnar firði undir nýtt fangelsi
og höfuðstöðvar lögreglunnar á
höfuðborgarsvæðinu.
Rúmt ár er síðan fjár-
málaráðuneytið sendi
Reykjavíkurborg, Kópa-
vogsbæ, Garðabæ og
Hafnarfirði bréf með ósk
um lóð undir áðurnefnda
starfsemi. Engin formleg
svör munu hafa borist
fyrr en nú að bæjarráð
Hafnarfjarðar býður
fram lóð vestan svæðis
sem heitir Hellnahraun
III. Það er ofan Kapellu-
hrauns.
Í bréfi Böðvars Jóns-
sonar, aðstoðarmanns
Árna Mathiesen fjár-
málaráðherra, til Lúðvíks
Geirssonar, bæjarstjóra í
Hafnarfirði, kemur fram
að í framhaldi af samein-
ingu lögregluliðanna
þriggja á höfuðborgarsvæðinu
hafi spunnist umræður um að
sameina höfuðstöðvar lögreglu-
liðsins á einn stað. Að auki hafi
verið rætt um að gæsluvarð-
haldsfangelsi væri undir þessu
sama þaki.
„Mikilvægt er að höfuðstöðvar
lögreglu á höfuðborgarsvæðinu
séu staðsettar miðsvæðis á höf-
uðborgarsvæðinu og í góðri
tengingu við helstu umferðar-
æðar. Hólmsheiði er því ekki tal-
inn heppilegur staður ef hvort
tveggja væri undir sama þaki,“
segir í bréfi Böðvars sem ritað er
í lok janúar í fyrra.
Að sögn aðstoðarmanns fjár-
málaráðherra gerir gróf áætlun
ráð fyrir að höfuðstöðvar lögreglu
þurfi um 10 þúsund fermetra
húsnæði, fangelsið um
3.500 fermetra og fang-
elsismálastofnun um
1.500 fermetra. Samtals
væri um að ræða um 15
þúsund fermetra hús-
næði. Tók hann fram að
aðeins væri um hugmynd
á könnunarstigi að ræða.
Lúðvík Geirsson
bæjarstjóri segir Hellna-
hraun vera þann stað
innan lögsögu Hafnar-
fjarðar sem helst komi til
greina. Hann bendir á að
þótt staðurinn sé ef til
vill afsíðis í dag muni það
breytast eftir því sem
byggðin þróist í suður-
átt.
„Þetta tengist fyrir-
huguðum ofanbyggða-
vegi sem verður
framtíðar þjóðbraut og við erum
að benda lögreglunni og þessum
aðilum á þau tækifæri sem eru á
þessu svæði. Byggðin mun þróast
suður með ströndinni næstu
fimmtíu árin og þá er spurningin
hvar miðpunkturinn verður,“
segir Lúðvík sem kveðst enn ekki
hafa fengið viðbrögð frá ríkinu.
„Ég hef ekki tekið afstöðu til
einstakra staða enda hef ég ekki
heildarmynd af því hvaða lóðir
eru fyrir hendi,“ segir Björn
Bjarnason dómsmálaráðherra
sem kveður áfram unnið að
málinu.
gar@frettabladid.is
Höfuðstöðvar
og fangelsi úti
í hrauni
Bæjarráð Hafnarfjarðar býður ríkinu lóð vestan
Hellnahrauns undir nýtt fangelsi og nýjar höfuð-
stöðvar lögreglunnar á höfuðborgarsvæðinu. Ríkið
vill lóð miðsvæðis. Bæjarstjórinn segir miðpunkt
höfuðborgarsvæðisins færast sunnar.
LÚÐVÍK GEIRSSON
BJÖRN BJARNASON
Í HELLNAHRAUNI Ríkinu stendur nú til boða að reisa gæsluvarðhaldsfangelsi og
nýjar höfuðstöðvar fyrir lögregluna á höfuðborgarsvæðinu á þessum stað í jaðri
Hafnarfjarðar.
STJÓRNMÁL Mike Corgan,
prófessor við Boston University,
heldur opinn hádegisfyrirlestur á
vegum stjórnmálafræðiskorar í
Háskóla Íslands á morgun.
Í fyrirlestrinum leitast Corgan
við að svara nokkrum lykil-
spurningum um möguleg úrslit
forvals og forsetakosninganna í
Bandaríkjunum auk þess að fjalla
um áhrif niðurstöðunnar á
utanríkisstefnu Bandaríkjanna.
Fyrirlesturinn fer fram á
neðstu hæð Háskólatorgs í stofu
HT-104 og hefst klukkan tólf.
- ve
Kosningar í Bandaríkjunum:
Mike Corgan
með fyrirlestur
LÖGREGLUFRÉTTIR
Slagsmál í Reykjanesbæ
Fimm menn gistu í fangageymslum
lögreglunnar á Suðurnesjum í fyrri-
nótt vegna slagsmála og ölvunar.
TOLLAR „Það er margoft búið að
fara yfir þetta mál, meðal annars
á alþingi, og niðurstaðan hefur
verið sú að skásta færa leiðin til
að deila út þessum takmörkuðu
gæðum er með útboði,“ segir
Einar Kristinn Guðfinnsson land-
búnaðarráðherra. Aðrar leiðir,
svo sem að velja með því að draga
úr hatti, séu óskynsamlegar.
Forstjóri Samkeppniseftirlits-
ins, Páll Gunnar Pálsson, gagn-
rýndi fyrirkomulag við útdeil-
ingu tollkvóta í Fréttablaðinu á
fimmtudag og telur það hækka
vöruverð.
„Auðvitað velta þessir tollar út
í verðlagið með einhverjum
hætti,“ segir Einar. Endurskoðun
hans frá því í fyrra hafi þó sannar-
lega lækkað tolla og þar með
stuðlað að lækkun vöruverðs. Svo
þurfi að sjá hvernig það skili sér.
Páll Gunnar gagnrýndi einnig
ríkjandi innflutningsvernd á land-
búnaðarvörum og sagði hana
hamla samkeppni.
„Innflutningsverndin er hluti
af stuðningskerfi landbúnaðarins.
Og það væri stærri pólitísk spurn-
ing hvort hverfa eigi frá allri inn-
flutningsvernd. Ég trúi ekki að
Samkeppniseftirlitið sé að
krefjast þess. Við virðum auðvit-
að gerða samninga við bændur.“
Einar vill þó ekki útiloka
endurskoðun á þessari vernd á
kjörtímabilinu.
- kóþ
Landbúnaðarráðherra svarar gagnrýni Samkeppniseftirlitsins:
Útboð kvóta er skásta leiðin
EINAR KRISTINN GUÐFINNSSON
Segist ekki útiloka að endurskoða
innflutnings vernd á landbúnaðarvörur
á kjörtímabilinu. Hins vegar komi ekki
annað til greina en að standa við gerða
samninga. FRÉTTABLAÐIÐ/GVA
UMHVERFISMÁL Minnihluti stjórnar
Orkuveitunnar fagnaði því með
bókun á stjórnarfundi á föstu dag-
inn að „þyrma“ ætti Ölkelduhálsi.
Sagðist minnihluti álykta þetta
af nýlegum ummælum vara -
formannsins Ástu Þorleifsdóttur í
fjölmiðlum.
Ásta, sem áður hefur lýst yfir
andstöðu við áformum um
Bitruvirkjun, ítrekaði í vikunni að
hún „tæki ekki þátt í neinu sem
ógnaði Ölkelduhálsinum“. Hún
útilokar þó ekki að virkjunin rísi í
einhverri mynd.
Meirihluti stjórnarinnar bókaði
ekki á móti þessari fagnaðar-
bókun minnihlutans. - kóþ
Minnihluti Orkuveitustjórnar:
Fagnar orðum
um Ölkelduháls
1. Hver er forstjóri Fangelsis-
málastofnunar?
2. Hvern langar til að vera
gerður að heiðursborgara
Reykjavíkur?
3. Hvaða hljómsveit vill Nelson
Mandela að komi fram á heið-
urstónleikum í tilefni af níutíu
ára afmæli hans í júní?
SVÖR Á SÍÐU 30
TYRKLAND Recep Tayip Erdogan,
forsætisráðherra Tyrklands, reyndi
í gær að róa óróaöldur sem hafa
gengið yfir landið eftir að ríkis-
stjórn hans gerði umdeilda laga-
breytingu sem leyfir stúlkum að
bera höfuðslæður í háskólum.
Erdogan sagði að ríkisstjórn
hans væri ekki að reyna að skapa
trúarríki. „Við viljum vernda
systur okkar og börn sem ekki nota
slæður en að sama skapi viljum við
vernda hinar sem nota þær,“ sagði
Erdogan.
Lagabreytingin, sem léttir banni
sem hingað til hefur ríkt um að
konur beri slæður í háskólum, var
gerð fyrr í þessum mánuði.
Þúsundir manna hafa mótmælt
breytingunni af ótta við að hún
komi til með að ögra veraldlegu
kerfi landsins. Helsti stjórnar-
andstöðuflokkurinn segist ætla að
áfrýja lagabreytingunni til stjórnar-
skrárdómstóls enda telur hann
hana brjóta í bága við stjórnar-
skrána. - ve
Recep Taypi Erdogan, forsætisráðherra Tyrklands:
Snýst til varnar
vegna slæðulaga
TYRKNESKAR KONUR Nú mega konur
bera höfuðslæðu í háskólum landsins.
VEISTU SVARIÐ?