Fréttablaðið - 18.02.2008, Blaðsíða 44
20 18. febrúar 2008 MÁNUDAGUR
folk@frettabladid.is
> HRYLLINGSSÖGUR
„Ég vildi ekki að neitt óvænt
kæmi upp á. Í hreinskilni sagt
vildi ég ekki rifna. Ég hef heyrt
hryllingssögur af því,“ segir
Christina Aguilera um ástæður
þess að hún kaus að fæða son
sinn með keisaraskurði. Hún
segir það erfiðasta hafa verið
að velja fæðingardaginn.
Tískugúrúar í Lundúnaborg eru sammála um að sýning Marios Schwab þar í bæ hafi
verið ein þeirra sem gefa tóninn fyrir komandi haust. Hann sýndi þar meðal annars
níðþrönga, ökklasíða kjóla, sem eru stórt stökk frá þeim stuttu, víðu sniðum sem hafa
verið allsráðandi síðustu misserin. Ef marka má aðdáun tískuskríbenta á línu Schwabs
megum við eiga von á að þurfa að æfa okkur að ganga í þessum lítt frjálslega fatnaði, því
hann er talinn vera það sem koma skal.
Þröngir kjólar gera lukku
Kjólarnir sem Marios Schwab
sendi niður tískupallana á
sýningu sinni í London í síðustu
viku geta seint kallast frjálslegir.
Níðþröng sniðin sem sleikja
líkamann alveg niður á ökkla
vöktu þó mikla lukku hjá
áhorfendum, sem virtust taka
tilbreytingu frá lausum, stuttum
pilsum opnum örmum. Ekki
þótti efnismeðferðin síðri, en rifur
og skraut úr mismunandi efnum
prýddu langflestar flíkurnar.
ÞRÖNG OG
FALLEG FÖT
Árið 1976 gerði Ólafur
Haukur Símonarson hina
geysivinsælu plötu Eniga
meniga og naut þar
liðsinnis Olgu Guðrúnar
Árnadóttur, sem söng öll
lögin, og Gunnars Þórðar-
sonar sem útsetti þau og
tók upp. Mörg lög nutu
vinsælda, þeirra á meðal
titillagið sem fjallaði, að
því er virtist, um fánýti
peninga: Eniga – meniga,
allir rövla um peninga,
súkkadí – púkkadí, kaupa
meira fínerí, kaupæði –
málæði, er þetta ekki
brjálæði...
Nú, 32 árum síðar,
kippist eflaust margur
gamall gærukomminn
illþyrmilega við í La-z-
bojnum að heyra þetta
sama lag undir í
auglýsingu frá Byr
sparisjóði. Þurfti Ólafur
Haukur að hugsa sig mikið
um áður en hann leyfði
þessa notkun á laginu?
„Nei, ekki neitt,“ segir
hann. „Ég veitti leyfið af
því að mér var sagt að
auglýsingin ætti að kynda undir sparnað. Ég hef ekki séð auglýsing-
una, en er það ekki boðskapurinn? Ég hef aldrei talið það neitt
ósiðlegt að fara vel með peninga. Og eru ekki hæstu innlánsvextir á
Íslandi? Mér skilst það. Það eru reyndar helmingi hærri
útlánsvextir en það er önnur saga.“
Ólafur Haukur segir það líka skipta máli að það er Sparisjóðurinn
sem auglýsir með laginu hans. „Ég hef alltaf verið jákvæður í garð
sparisjóðanna. Ég hefði til dæmis aldrei leyft KB-banka að nota
lagið. Sparisjóðurinn er banki litla mannsins, eða var það allavega.
Nú skilst mér að Guðmundur Hauksson sé kominn í sjálftökulauna-
flokkinn svo það er kannski að breytast.“
Ólafur Haukur er alveg með það á hreinu að það er ekkert
„brjálæði“ að Eniga meniga sé komið í bankaauglýsingu. „Nei og það
er ekkert brjálæði að fara vel með peninga. Það sem er brjálæði er
að borga bankastjóranum fimm milljónir á mánuði. Það ætti einhver
að semja lag um það.“
Olga Guðrún sagðist ekkert vilja láta hafa eftir sér um málið
þegar eftir því var leitað. Hún segist fjölmiðlafælin með
eindæmum. Engu að síður mátti heyra á henni að henni þætti þetta
allt frekar öfugsnúið. - glh
Ekkert brjálæði að
fara vel með peninga
Nýjung!
Nýju réttirnir frá Knorr eru
gerðir úr grófu mjöli sem er matarmeira
og seðja lengur. Eldaðu uppáhaldsréttina þína, enn hollari og næringarríkari.
Á köldum og dimmum vetri er nauðsynlegt að fá bæði
fallegan lit í tilveruna og yl í kroppinn og hjúfra sig
inni í hlýjunni yfir heitri súpu eða pastarétti frá Knorr.
Alltaf einfalt, litríkt og gott með Knorr!
Hlýtt í vetur
F
í
t
o
n
/
S
Í
A
F
I
0
2
4
6
5
5
HEFÐI ALDREI LEYFT KB-BANKA AÐ NOTA ENIGA
MENIGA Ólafur Haukur þurfti ekkert að hugsa sig
um þegar Byr hafði samband.
Bítillinn Sir Paul McCartney
hefur komist að samkomu-
lagi við Heather Mills um
skilnað þeirra hjóna. Í sam-
komulaginu felst að
McCartney greiðir Mills
tæpa níu milljarða króna af
auðæfum sínum. Breska
blaðið News of the World
greinir frá þessu í gær.
Hermt er að samkomulagið
hafi verið teiknað upp fyrir
helgi og verði gengið frá
lausum endum í réttarsal í
dag.
McCartney féllst á að greiða
lögfræðikostnað eiginkonu
sinnar. Hann greiðir henni 2,6
milljarða af upphæðinni í upp-
hafi en síðan fær Heather 350
milljónir árlega næstu fimmt-
án árin fyrir sig og Beatrice
dóttur þeirra. Bítillinn greið-
ir fyrir öryggisgæslu þeirra
mæðgna, barnfóstru, ráðs-
konu, einkaþjálfara og ferða-
kostnað. Í staðinn skrifar
Heather undir trúnaðaryfir-
lýsingu sem felur í sér að
hún megi aldrei gagnrýni
hjónaband þeirra eða fjöl-
skylduna.
Heather Mills er sögð
hæstánægð með þessa
niðurstöðu. „Hún er yfir sig
ánægð og ætlar meira að
segja að fagna þessum
áfanga með veislu fyrir vini
sína,“ sagði kunningi hennar
við blaðið.
Heather Mills fær níu milljarða
HEATHER FÉKK SITT Bítillinn Paul McCartney og Heather Mills eru um
það bil að ganga frá skilnaði sínum. McCartney greiðir Mills háar fjár-
hæðir. NORDICPHOTOS/GETTY