Fréttablaðið - 18.02.2008, Blaðsíða 18

[ ]
Ef boðið er til mannfagnaðar og allt er í drasli,
þá getur góður gestasprettur reddað málunum.
„Ef lítill tími er þar til gestirnir koma, þá er auðvitað
langbest að draga fyrir gluggatjöld og lækka ljósin.
Eða kveikja bara á kerti. Það er fljótlegasta lausnin
ef húsráðendur eru alveg í bullinu,“ segir Stefán Ingi
Óskarsson og hlær en hann er framkvæmdastjóri
Gæðavara, sem selur hreinlætisvörur frá Evans, og
hefur starfað sem hreinlætisráðgjafi fyrir fyrirtæki,
stofnanir og heimili í átján ár.
Að öllu gamni slepptu segir Stefán að hægt sé að
ná ótrúlegum árangri í þrifum á aðeins 20 til 25
mínútum. „Mikilvægast er þá að byrja á forstofunni.
Hana verður að taka til, svo gestirnir geti gengið
beint inn án þess að vaða yfir yfirhafnir og skó-
fatnað. Það skapar yfirleitt vellíðan hjá gest-
komandi.“
Stefán segir síðan gott að taka næst fyrir stofu og
borðstofu. Raða þar púðum séu þeir til staðar og fjar-
lægja allt lauslegt drasl, sérstaklega kringum svæðið
þar sem gestirnir koma til með vera. Gott sé að
þurrka ryk af ljósi fyrir ofan borðstofuborð þar sem
gestir skoði þau gjarnan, ekki síst ef þau eru flott.
„Síðan skiptir máli að yfirfara vel baðherbergið.
Því ef baðherbergi er skítugt hugsar fólk með sér að
allt annað hljóti að vera það líka,“ segir Stefán með
áherslu og bætir við að Protect sé kjörið hreinsiefni
inni á baðherbergið. Það virki á klósett, sturtu, vask,
blöndunartæki og spegla. „Svo er tilvalið að nota
nokkrar tuskur í mismunandi litum til skiptanna, svo
sýklarnir berist ekki á milli svæða, og einnota pappír
á salernisskálina.“
Stefán mælir einnig með því að rennt sé yfir gólf
hafi menn tíma aflögu, en til þess henti örtrefja-
moppur með áfastri sprautugræju. Þá sé lyktareyðir
tilvalinn til að losna við steikingarlykt úr eldhúsi og
aðra ólykt og svo gagnist hreinsiefnið Est Em nánast
á hvað sem er. Þar gildi líka sú regla að hafa nokkrar
tuskur í ólíkum litum til skiptanna; nota eina á gler
og slíkt, aðra á borð og þá þriðju á hurðarhúna og í
kringum slökkvara. „Svo er einfaldast að loka inn í
hjónaherbergi og barnaherbergi. Þangað á enginn
erindi nema húsráðandi. það er þó í lagi að búa um
og breiða yfir, ef einhver vill skoða,“ segir Stefán og
bætir við að algjör óþarfi sé að hafa áhyggjur af
rykugum gluggakistum og myndarömmum. Fæstir
skoði slíkt. roald@frettabladid.is
Hreint og fínt á nóinu
Stefán Ingi Óskarsson, t.h., ásamt Þráni Sigurbjörnssyni hjá
Ræstingaþjónustunni, sem annast dagleg þrif, aðalhreingern-
ingar og fleira. FRÉTTABLAÐIÐ/VILHELM
Kaffikanna verður að vera til á öllum heimilum því þótt þú
drekkir ekki kaffi sjálfur verðurðu að geta boðið gestum upp á
molasopa.
Eigum gríðarlegt úrval af
tröppum og fylgihlutum
Það flottasta og besta í dag!!
Opnunartími:
Mánudag - föstudag
12.00 - 18.00
Magnaða moppuskaftið
Dagar skúringafötunnar eru taldir Alltaf tilbúið til notkunar
Gólfin þorna á augabragði
Fljótlegt og þægilegt
Sölustaðir:
Húsasmiðjan - Byko - Pottar og prik Akureyri - Áfangar Keflavík - Fjarðarkaup - Parket og gólf -
Eyjatölvur - Miðstöðin Vestmannaeyjum - Litabúðin Ólafsvík - Skipavík Stykkishólmi - Rými -
SR byggingavörur Siglufirði - Rafsjá Sauðárkróki - Nesbakki Neskaupsstað - Núpur Ísafirði -
Vélaleiga Húsavíkur. Heildsöludreifing: Ræstivörur ehf.
Stæsta bloggsamfélagið á Íslandi
Tjáðu þig!
Viltu sýn’eikkað?
Ný útlit · Myndaalbúm · Símablogg
Stæsta
bloggsamfélagið!
Yfir 150.000
notendur!