Fréttablaðið - 18.02.2008, Blaðsíða 6
6 18. febrúar 2008 MÁNUDAGUR
með ánægju
Hópferðir
Hópadeild Iceland Express gerir hópum, 11 manns og fleiri, tilboð í allar
gerðir hópferða til áfangastaða flugfélagsins.
Kynntu þér kostina í síma 5 500 600 eða á www.icelandexpress.is/hopar
Óttastu handrukkara?
Já 23,1%
Nei 76,9%
SPURNING DAGSINS Í DAG:
Gætir þú hugsað þér að skipta
um nafn?
Segðu þína skoðun á visir.is
KJARAMÁL Kjarasamningar voru
undirritaðir á níunda tímanum í
gærkvöld. Geir H. Haarde forsæt-
isráðherra og Ingibjörg Sólrún
Gísladóttir utanríkisráðherra höfðu
þá kynnt aðkomu ríkisstjórnarinn-
ar til að liðka um fyrir gerð samn-
inganna. Aðgerðirnar munu kosta
um 20 milljarða króna næstu þrjú
árin.
„Hér er verið að ráðast í aðgerðir
sem geta í senn stuðlað að auknum
jöfnuði í samfélaginu og jafnvægi,“
sagði Ingibjörg Sólrún. „Við erum
þar í takt við verkalýðshreyfing-
una, sem ég tel að sé að gera mjög
merkilega samninga núna.“
Persónuafsláttur mun hækka um
7.000 krónur á kjörtímabilinu
umfram hækkun í samræmi við
neysluvísitölu. Verkalýðsforystan
hafði farið fram á að sá peningur
yrði nýttur í sérstakan persónu-
afslátt til handa fólki með tekjur
undir 300.000 krónur á mánuði.
„Einn félagi minn orðaði það svo
að þunn væri stjúpmóðursneiðin í
skattamálunum,“ segir Kristján
Gunnarsson, formaður Starfs-
greinasambandsins. „Við lögðum
upp með allt aðrar kröfur, en þeim
var hafnað. Niðurstaðan er þessi.“
Verkalýðsforystan sættist á
útspil ríkisstjórnarinnar, en leið-
togar hennar sögðu að margt hefði
mátt betur fara. „Svör ríkisstjórn-
arinnar eru misjafnlega ásættanleg,
en heildarmyndin er ásættanleg,“
segir Grétar Þorsteinsson, forseti
Alþýðusambands Íslands. „Við
teljum mjög mikilvægt að vaxta-
bæturnar hækki meira en ríkis-
stjórnin hefur fallist á. Við vildum
líka að atvinnuleysisbæturnar
hækkuðu sérstaklega.“
Guðmundur Gunnarsson, for-
maður Rafiðnaðarsambands
Íslands, lýsti einnig yfir vonbrigð-
um með vaxtabæturnar. „Stóra
vandamálið með þær er að þær
þurrkuðust nánast út á
höfuðborgarsvæðinu þegar fast-
eignaverð hækkaði. Ungt fólk átti
nú nógu erfitt með að kaupa sér
íbúð fyrir það. Þetta er leiðrétt að
hluta til, en ekki nóg.“
Skerðingarmörk barnabóta munu
hækka úr 100 þúsund krónum í 150
þúsund á tímabilinu og skerðingar-
hlutföll vegna annars og þriðja
barns verða lækkuð um eitt prósent.
Þetta er í samræmi við upphaflegar
kröfur verkalýðsforystunnar.
Tekjuskattur á fyrirtæki mun
lækka úr 18 prósentum í 15 pró-
sent, strax á næsta ári. „Það var
mjög gott að ná fram tekjuskatts-
lækkun á fyrirtæki, það er góð
aðgerð fyrir atvinnulífið í landinu,“
segir Vilhjálmur Egilsson, fram-
kvæmdastjóri Samtaka atvinnulífs-
ins.
Skrifað var undir samningana á
níunda tímanum í gærkvöld. Samn-
ingarnir gilda til nóvember 2010 og
fela í sér tafarlausa átján þúsund
króna hækkun launataxta og í
heildina 32 prósent hækkun lægstu
launa á samningstímanum. Launa-
taxtar iðnaðarmanna munu hækka
um 21 þúsund krónur við undir-
skrift. Almenn ánægja var með
samningana og sögðu margir þá
vera einsdæmi.
„Það fólk sem er á lægstu
töxtunum fær mjög miklar hækk-
anir og það sama á við um þá sem
ekki hafa notið launaskriðs á síð-
ustu árum,“ sagði Grétar Þorsteins-
son. „Svo er æði stór hópur í efri
kanti launaskalans sem fær ekkert.
Mér er til efs að samningar af þessu
tagi hafi áður verið gerðir.“
Gunnar Páll Pálsson, formaður
VR, er ánægður með niðurstöðu
viðræðnanna. „Við náum vissulega
fram miklum hækkunum á launa-
töxtunum og á sama tíma réttum
við hlut þeirra sem hafa setið eftir.
Vonandi verður þetta til þess að
launaskriðið nái upp allan skalann
án þess að verðbólga fari úr bönd-
unum. Það yrðu tímamót,“ segir
Gunnar. steindor@frettabladid.is
20 milljarðar í kjara-
bætur á þremur árum
Ríkisstjórnin kynnti aðgerðir til að greiða fyrir gerð kjarasamninga í gær.
Persónuafsláttur hækkar um 7.000 krónur umfram verðuppfærslu. Tekjuskattur
á fyrirtæki lækkar í 15 prósent. Samningar tókust á níunda tímanum í gærkvöld.
SAMGÖNGUR Forsvarsmenn Strætós
eru nú að skoða möguleika á að
koma upp svokölluðum rauntíma-
búnaði í stærri biðskýlum, eða
töflum sem sýna hversu langt er í
að vagninn komi.
Þetta fyrirkomulag er ekki ólíkt
því sem þekkist á lestarstöðvum
erlendis og vakti Gísli Marteinn
Baldursson borgarfulltrúi máls á
hugmyndinni nýlega.
Hörður Gíslason, aðstoðar-
framkvæmdastjóri Strætós, segir
þetta lið í bættri þjónustu fyrir-
tækisins. Önnur hugmynd er sú að
hægt sé að fá upplýsingar um stað-
setningu vagna beint í farsíma.
Nú þegar á að vera hægt að
hringja í Strætó til að fá þessar
upplýsingar, en tvennum sögum
fer af þeirri þjónustu, sér í lagi
um helgar.
„Meiningin er samt sú að við
getum aðstoðað alla sem hringja í
okkur,“ segir Hörður.
Síðustu vikur hafa verið tafir á
ferðum vegna veðurs en einnig
hafa verið óútskýrðar tafir, til að
mynda á leið 13, sem fer frá
Seltjarnarnesi og upp að Borgar-
spítala. Sá vagn kemur allt að 15
mínútum of seint og farþegar, sem
Fréttablaðið hefur rætt við,
segjast hættir að treysta því að
vagninn komi á réttum tíma.
Hörður kannast ekki við tafirnar
á þessari leið en segir að málið
verði skoðað. - kóþ
Aðstoðarframkvæmdastjóri Strætós kannast ekki við miklar tafir á leiðum:
Eru að skoða rauntímabúnað
BEÐIÐ VESTUR Í BÆ Tristan Karlsson,
nemandi í Landakotsskóla, tekur gjarnan
leið 13. Á henni hafa verið allt að fimmt-
án mínútna tafir síðustu daga.
FRÉTTABLAÐIÐ/KLEMENS
„Ég fagna því auðvitað hvernig
mönnum hefur tekist að ná þessu
samkomulagi og óska þeim til
hamingju með
það, Samtökum
atvinnulífsins
og ASÍ,“ segir
Guðjón Arnar
Kristjánsson,
formaður
Frjálslynda
flokksins.
„Það er
auðvitað mikill
áfangi að eiga
kjarasamninga til þriggja ára og
ekki vanþörf á að stuðla þannig
að stöðugleika,“ segir hann.
Þó hefði Guðjón viljað sjá
hugmyndir umbjóðenda launa-
fólks um sérstakan persónuafslátt
verða að veruleika. - kóþ
Formaður frjálslyndra:
Mikill áfangi
og fagnaðarefni
GUÐJÓN ARNAR
KRISTJÁNSSON
Skattar:
■ Persónuafsláttur hækkar um sjö
þúsund krónur á næstu þremur
árum, umfram almenna verðupp-
færslu.
■ Tekjuskattur fyrirtækja lækkar úr
18 prósentum í 15 prósent strax á
næsta ári.
■ Lækkanir á tollum og
vörugjöldum verða skoðaðar.
■ Stimpilgjöld vegna lána til kaupa
á fyrstu fasteign verða felld niður.
Bætur:
■ Skerðingarmörk barnabóta
hækka úr 100 þúsund krónum á
mánuði í 150 þúsund krónur fyrir
einstaklinga.
■ Hámarkshúsaleigubætur hækka
úr 31 þúsund krónum á mánuði í
46 þúsund.
■ Eignaskerðingarmörk vaxtabóta
verða hækkuð um 35 prósent á árinu.
■ Atvinnuleysisbætur hækka til
samræmis við hækkun lægstu
launa.
Annað:
■ Rýmri veðheimildir á lánum til
leiguíbúða og fjölgun lánsvilyrða
með niðurgreiddum vöxtum til
félagslegra leiguíbúða.
■ Húsnæðissparnaðarkerfi með
skattafrádrætti fyrir fólk undir 35 ára.
■ Nefnd geri tillögur að róttækum
breytingum á almannatrygginga-
kerfinu.
■ Greiðslur úr Endurhæfingarsjóði
og fleiri sjóðum verði skattfrjálsar.
■ Uppbygging starfs- og framhalds-
skólamenntunar í því skyni að ekki
meira en 10 prósent fólks á vinnu-
markaði verði án slíkrar menntunar.
■ Framlög til símenntunar og full-
orðinsfræðslu verða aukin um 300
milljónir á næstu árum.
SKATTALÆKKANIR OG BÓTAHÆKKANIR
„Ég samfagna Alþýðusambandinu
að ná samningum þar sem eru
félagslegar áherslur sem eru að
mínu skapi,“
segir Ögmundur
Jónasson.
„En hvað
varðar aðkomu
stjórnvalda að
þessum
samningum þá
hlýtur það að
vekja mann til
umhugsunar
þegar þarf
kjarasamninga til að stjórnmála-
flokkar standi við kosningaloforð-
in,“ segir Ögmundur.
Hann efast um að ástæða hafi
verið til að lækka skatta fyrir-
tækja, frekar en almennings.
- kóþ
Þingflokksformaður VG:
Skattapólitíkin
mætti breytast
ÖGMUNDUR
JÓNASSON
„Heilt yfir tel ég að þetta sé
góður dagur, ekki bara fyrir aðila
vinnumarkaðar-
ins, heldur fyrir
samfélagið
allt,“ segir
Valgerður
Sverrisdóttir,
varaformaður
Framsóknar-
flokksins.
„Ég er
jákvæð
gagnvart útspili
ríkisstjórnarinnar. Þar er tekið á
mörgum mikilvægum þáttum. En
það hefði vissulega verið hægt að
gera enn betur ef stjórnin hefði
sýnt aðhald við fjárlagagerðina.
Það gerði hún því miður ekki.“ kóþ
Varaformaður Framsóknar:
Góður dagur
fyrir samfélagið
VALGERÐUR
SVERRISDÓTTIR
SLYS Stúlka félll af hestbaki í
Grindavík í gær þegar hestur
hennar fældist við hávaða frá
torfæruhjólum. Að sögn vitnis
fældust mörg hross við lætin í
hjólunum sem ekið var um í
nágrenni við hesthúsahverfið.
Stúlkan hlaut áverka á baki en
meiðsli hennar reyndust ekki
alvarleg. Bifhjólamennirnir voru
enn í næsta nágrenni þegar
lögregla og sjúkralið voru á
staðnum en héldu sig í hæfilegri
fjarlægð og óku að lokum burt
með miklum látum.
Lögreglan óskar eftir upplýs-
ingum um hvaða menn voru
þarna á ferð. - þo
Stúlka féll af hestbaki:
Bifhjólamenn
fældu hross
TÖRNINNI LOKIÐ Gleðin leyndi sér ekki á andlitum aðila vinnumarkaðarins þegar
loksins var skrifað undir kjarasamninga á níunda tímanum í gær. FRÉTTABLAÐIÐ/VILHELM
KJÖRKASSINN