Fréttablaðið - 03.03.2008, Blaðsíða 2
2 3. mars 2008 MÁNUDAGUR
VEÐURFAR Svo miklum snjó kyngdi niður í Vest-
mannaeyjum í fyrrinótt og gærdag að fólk komst
vart milla húsa í gær. „Við byrjuðum á því að skutla
fólki heim sem hafði verið úti að skemmta sér,“
segir Guðjón Sigtryggsson, björgunarsveitarmaður
hjá Björgunarfélagi Vestmannaeyja.
„Síðan átti fólk erfitt með að komast til vinnu og í
Herjólf þannig að það hefur verið nóg að gera.
Reyndar er snjórinn það mikill að við höfum verið
að festa okkur og erum við þó á stórum bílum,“
bætir hann við.
Þar sem starfsfólki gekk illa að komast úr og í
vinnu urðu nokkrir að standa langa vakt á sjúkra-
húsinu í bænum. Um klukkan sex í gær var til
dæmis einn sjúkraliði að ljúka vakt en hann kom til
vinnu klukkan ellefu kvöldið áður.
Engin slys urðu á fólki að sögn lögreglu en einn
ökumaður sem var á ferð í gærmorgun velti bíl
sínum skammt frá Týsvellinum.
Óskar Friðriksson, trésmiður og ljósmyndari, segir
að ekki hafi snjóað svo mikið í Eyjum síðan í mars
1968. „Hér minnast eldri menn þess snjóadags ennþá
og er hann kallaður snjórinn mikli,“ segir hann. - jse
FJÁRMÁL Konur virðast hafa tekið sig mun betur á en
karlar í fjármálum frá árinu 2003 samkvæmt
gögnum frá Creditinfo Ísland.
Í árslok 2003 voru alls 18.846 einstaklingar á
vanskilaskrá. Það svaraði til 7,2 prósenta þeirra sem
voru átján ára og eldri. Við síðustu áramót nam
þetta hlutfall hins vegar 5,7 prósentum. Hlutfalls-
lega hafði einstaklingum á vanskilaskrá á Íslandi
þannig fækkað um tuttugu prósent.
Frá því í árslok 2003 hefur konum á vanskilaskrá
fækkað hlutfallslega um 32,2 prósent. Um síðustu
áramót taldist tæplega ein af hverjum hundrað
konum yfir átján ára vera á vanskilaskrá. Hlutfallið
hjá körlum var hins vegar 2,7 prósent. Sem hlutfall
af heildarfjölda hafði körlum á vanskilaskrá um
síðustu áramót fækkað um sextán prósent frá 2003.
Alls voru 15.782 einstaklingar, karlar og konur, á
vanskilaskrá um síðustu áramót. - gar
Ýsuhakk Nóatún mælir með
598 kr.kg.
noatun.is
LÉTTIR ÞÉR LÍFIÐ
Gott á mánudegi
Hlutfall vanskilamanna á Íslandi lækkaði um fimmtung á fimm árum frá 2003:
Karlar þrefalt oftar í vanskil
ÞRÓUNIN 2003-2007 Einstaklingar hafa verulega tekið sig á
varðandi vanskil á síðustu fimm árum og standa konur þar
langt framar körlum. HEIMILD: CREDITINFO ÍSLAND
FÆKKUN VANSKILA FRÁ 2003
2003 2004 2005 2006 2007%
Karlar
Konur
0
-10
-20
-30
-6,3%
-15%
-17,9%
-15,8%
-11,3%
-21,9%
-29,4%
-32,2%
RÍKISFJÁRMÁL Sæferðir ehf. keyptu
ferjuna Baldur af fjármálaráðu-
neytinu fyrir þá ríkisstyrki sem
fyrirtækið fær og mun fá næstu
árin fyrir að sigla yfir Breiðafjörð.
Ekkert var greitt út í hönd.
Kristín H. Sigurbjörnsdóttir,
framkvæmdastjóri hjá Vegagerð-
inni, staðfestir þetta og að Sæferðir
séu enn að greiða ráðuneytinu af
skipinu, sem fyrirtækið keypti
beint af ríkinu fyrir 37,8 milljónir í
lok janúar 2006 og seldi tveimur
vikum seinna fyrir rúmar 100 millj-
ónir. Sex milljónir fóru í sölulaun.
Skuldin er verðtryggð og með fimm
prósenta vöxtum.
Við gerð kaupsamnings var
ákveðið að skipið yrði greitt niður
næstu fimm árin, til ársins 2010,
með „niðurtröppunargreiðslum“
Vegagerðarinnar til Sæferða.
Þessar greiðslur minnka með
hverju ári og eru einnig verð-
tryggðar. Þær
nema um hundr-
að milljónum
króna í ár.
Eins og greint
hefur verið frá í
Fréttablaðinu
seldi fjármála-
ráðuneytið
Sæferðum
gamla Baldur
beint, án þess að
skipið væri auglýst. Þurfti Vega-
gerðin svo að innheimta skuld
Sæferða við ráðuneytið af sölu-
hagnaði ferjunnar. Lækkaði skuld-
in úr nítján milljónum í sautján,
eftir að hafa verið í vanskilum í
fimmtán mánuði. Seinkaði greiðslu
af ýmsum sökum, meðal annars af
reynsluleysi Vegagerðarinnar af
innheimtu og flækjum vegna fyrri
afskipta ráðuneytisins.
„Þetta er ekki innheimtustofnun,“
sagði Kristín og bauð blaðamanni
að biðja fjármálaráðuneytið skýr-
inga á því að Vegagerðin hefði verið
sett í þennan starfa.
Böðvar Jónsson, aðstoðarmaður
fjármálaráðherra, segir ástæðuna
þá að „Vegagerðin fór með málefni
Sæferða og hafði upplýsingar um
fjárstreymið milli Vegagerðar og
Sæferða. Það var því eðlilegt, þegar
gengið var frá sölunni, að þeir
fengju þennan hluta líka og hann
færi í gegnum Vegagerð.“
Böðvar kveður það „kannski ekki
mjög algengt að gengið sé frá
málum með þessum hætti“. Hins
vegar sé eðlilegt að láta ekki
margar ríkisstofnanir rukka eða
greiða sama fyrirtækinu. „Það
hlýtur að eiga að fara gegnum einn
aðila,“ segir hann. Páll Kr. Pálsson,
stjórnarformaður Sæferða, vildi
ekki tjá sig um málið.
klemens@frettabladid.is
Keyptu ríkiseign
með ríkisstyrkjum
Sæferðir ehf. keyptu gamla Baldur fyrir ógreidda ríkisstyrki, sem fyrirtækið fær
fyrir að flytja fólk yfir Breiðafjörð. Ekkert var greitt út í hönd. Sæferðir fá um
100 milljónir á ári. Talið var eðlilegt að ein stofnun sæi alveg um fyrirtækið.
BÖÐVAR JÓNSSON
Mestu snjóþyngsli í Vestmannaeyjum síðan 1968:
Veðurtepptir í vinnunni
SNJÓÞYNGSLI Í EYJUM Samgöngur lágu niðri í Heimaey í gær
en snjóþyngslin þar í gær voru að sögn Eyjamanna þau mestu
síðan 1968. MYND/ÓSKAR FRIÐRIKSSON
GAMLI BALDUR Mynd af
nýja Baldri fylgdi fréttinni
í gær fyrir mistök. Hér sést
gamli Baldur, ríkiseignin
sem fjármálaráðuneytið
seldi framhjá Ríkiskaup-
um án auglýsingar.
M
YN
D
/Ú
R
SA
FN
I
Átta gistu fangaklefa
Átta gistu fangageymslur lögreglunn-
ar á höfuðborgarsvæðinu í fyrrinótt
vegna ölvunar og óspekta, þar af tveir
sem höfðu ekið ölvaðir. Tvær minni-
háttar líkamsárásir voru tilkynntar um
nóttina og nokkrir árekstrar án slysa
á fólki.
LÖGREGLUFRÉTTIR
VENESÚELA, AP Hugo Chavez
Venesúelaforseti hafði í gær í
hótunum við stjórnvöld í
grannríkinu Kólumbíu. Sagði
hann að stríð gæti brotist út á
milli landanna ef
kólumbískir
stjórnarhermenn
voguðu sér inn
yfir landamærin
að Venesúela.
Með þessu var
Chavez að
bregðast við
fréttum af því að
kólumbískir
hermenn hefðu
farið inn yfir landamæri
Ekvador til að hafa uppi á og
vega einn af leiðtogum stærstu
uppreisnarhreyfingar Kólumbíu.
Varaði Chavez kólumbískan
starfsbróður sinn, Alvaro Uribe,
við því að reyna nokkuð svipað á
landamærunum að Venesúela.
Hann boðaði auk þess lokun
sendiráðs Venesúela í Kólumbíu
og fjölgun hermanna á landa-
mærunum. - aa
Hugo Chavez í ham:
Varar Kólumbíu-
stjórn við stríði
HUGO CHAVEZ
PALESTÍNA, AP Talsmenn Ísraels-
stjórnar létu sér í gær fátt finnast
um alþjóðlega gagnrýni á
hernaðaraðgerðir hennar á Gaza-
svæðinu, sem kostað hafa yfir 100
Palestínumenn lífið undanfarna
daga. Þeir sóru að aðgerðunum
yrði haldið áfram uns tekist hefði
að stöðva sprengiflaugaárásir
herskárra Palestínumanna á
Ísrael frá Gaza. Mahmoud Abbas,
forseti Palestínumanna, sá sig
knúinn til að aflýsa frekari
friðarviðræðum í bili vegna
atburðanna.
Ísraelsher gerði í gær meðal
annars loftárás á tómar skrifstof-
ur Ismail Haniyeh, forsætisráð-
herra Hamas-stjórnarinnar, í
Gaza-borg. Alls hafa 106 Palest-
ínumenn verið drepnir síðan átök
hörðnuðu síðastliðinn miðviku-
dag, þar á meðal konur og börn.
- aa
Mikið mannfall á Gaza:
Friðarviðræð-
um frestað
LOFTÁRÁSIR Rústir mosku sem var hluti
af byggingu sem öryggissveitir Hamas
notuðu í Rafah á Gaza. FRÉTTABLAÐIÐ/AP
SLYS Frekar rólegt var að gera hjá
lögreglu um allt land um helgina.
Níu gistu fangageymslur hjá
lögreglunni á höfuðborgarsvæðinu
í fyrrinótt. Frá því klukkan sjö í
gærmorgun og til klukkan þrjú í
gær höfðu orðið tíu árekstrar
vegna hálku í Reykjavík en engin
slys urðu á fólki. Lögreglan á Eski-
firði hafði afskipti af einum
ölvuðum ökumanni og eitt
umferðaróhapp varð á föstudags-
kvöldið á Eskifirði. Engin slys
urðu á fólki. Lögreglan á Horna-
firði sagði helgina hafa verið
erilsama vegna Norðurljósablús-
hátíðarinnar á Höfn en allt hefði
farið vel fram. - rat
Rólegt hjá lögreglunni:
Tíu árekstrar
vegna hálku
Dofri, verður þá ekki að
minnsta kosti vinnufriður í
olíuhreinsunarstöðinni?
„Líklega mun fjölskyldulífið ekki
tefja menn frá vinnu.“
Dofri Hermannsson, framkvæmdastjóri
Samfylkingarinnar, sagði á laugardag
að vandi landsbyggðarinnar væri ekki
skortur á störfum heldur skortur á kven-
hylli. Rætt er um olíuhreinsunarstöð á
Vestfjörðum. Dofri sagði konur ekki hafa
dálæti á stóriðju.
Flugslys á Flórída
Þrennt fórst og fjórði maðurinn slas-
aðist alvarlega er tvær einkaflugvélar
rákust saman við flugvöll á Flórída í
gær. Þegar slysið varð var Félag um
tilraunaflugvélar, Experimental Aircraft
Association, með mót á vellinum, að
því er talsmaður rannsóknarnefndar
flugslysa vestra, NTSB, sagði.
BANDARÍKIN
Skjálftar við Upptyppinga
Jarðskjálftahrina reið yfir svæðið norð-
an Vatnajökuls, skammt frá Kárahnjúk-
um í gær. Þeir eru hluti af hrinu sem
verið hefur við Upptyppinga í rúmt ár.
Þessi hrina hófst á hádegi í gær og
náði hámarki um klukkan tvö. Stærstu
skjálftarnir voru um tveir á richter.
NÁTTÚRA
SPURNING DAGSINS