Fréttablaðið - 25.03.2008, Blaðsíða 11

ÞRIÐJUDAGUR 25. mars 2008 11
er svariðjá
118 ja.is Símaskráin
Ef þú veist ekki
svarið getur þú
opnað hringt í
eða farið á
ÍS
L
E
N
S
K
A S
IA
.I
S
J
A
A
4
14
62
0
3/
08
UMHVERFISMÁL Skipulagsstofnun hefur birt á
heimasíðu sinni tillögur að matsáætlunum
vegna Þeistareykjavirkjunar og er almenn-
ingi boðið að gera sínar athugasemdir fram
til 10. apríl.
Í fyrsta lagi er kynnt sjálf 150 MW
jarðhitavirkjunin í Aðaldælahreppi og
Norðurþingi, vegna álvers á Bakka eða
annarra orkukaupenda.
Í annan stað er kynnt tillaga Landsnets að
matsáætlun vegna 220kv háspennulína frá
Kröflu og Þeistareykjum að Bakka. Línurnar
eiga að liggja um sveitarfélögin Skútustaða-
hrepp, Aðaldælahrepp, Þingeyjarsveit og
Norðurþing, um sextíu kílómetra leið.
Ráðgert er að framkvæmdin taki um tvö ár.
Óvíst er hversu stórt hugsanlegt álver við
Bakka gæti orðið, en viljayfirlýsing Alcoa
fjallar um 250.000 tonna ver, sem gæti þurft
um 400 MW. Til samanburðar má geta þess að
fyrirhugað gagnaver í Keflavík þyrfti 25
MW.
Skipulagsstofnun ákvað 13. febrúar að
samanlögð umhverfisáhrif álversfram-
kvæmda á Bakka þurfi ekki að meta, heldur
hverja framkvæmd fyrir sig.
Ákvörðunin hefur verið kærð til umhverfis-
ráðherra af Landvernd, sem heldur því fram
að yfirsýn þurfi að hafa yfir framkvæmdirn-
ar í heild sinni. - kóþ
Athugasemdir má gera fram til 10. apríl vegna framkvæmda tengdra álverinu:
Tillögur kynntar um álver á Bakka
FRÁ ÞEISTAREYKJUM Hér á að vera 150 megavatta
jarðvarmavirkjun sem geti þjónað 400 megavatta
álveri við Bakka á Húsavík. Skipulagsstofnun hefur
kynnt tvær tillögur að matsáætlunum vegna þessa,
báðar gerðar af VGK-Hönnun. MYND/KRISTJÁN J. KRISTJÁNSSON
WASHINGTON, AP Hæstiréttur
Bandaríkjanna hefur nú til
umfjöllunar túlkun stjórnarskrár
Bandaríkjanna á réttinum til að
eiga og ganga með vopn.
Fyrir utan réttinn hafa tveir
hópar mótmælenda komið sér
fyrir, sem berjast með og á móti
hömlulausum byssueignarrétti.
Hæstiréttur fjallaði síðast um
málið árið 1939. Það er nú fyrir
réttinum þar sem einstaklingar
hafa kært strangar hömlur í
Washington-borg við að menn
gangi um með vopn á borð við
skammbyssur og geymi heima hjá
sér. Glæpatíðnin í borginni er ein
sú hæsta í Bandaríkjunum. - ovd
Hæstiréttur Bandaríkjanna:
Fjallar um rétt
til byssueignar
VINNUMARKAÐUR Starfsmenn
Vinnumálastofnunar fara þessa
dagana í vinnu-
staðaeftirlit á
kvöldin og um
helgar á
veitingastöðum,
skemmtistöðum
og hótelum, þar
sem erlendir
starfsmenn
kunna að vera
við störf. Í
átakinu verða
atvinnu- og
dvalarleyfi starfsmanna skoðuð
auk ráðningarsamninga þar sem
þörf þykir á.
Unnur Sverrisdóttir, lögfræðing-
ur hjá Vinnumálastofnun, segir að
lögð hafi verið áhersla á bygginga-
geirann í haust og nú sé verið að
heimsækja matsölustaði, skemmti-
staði og hótel. Atvinnurekendur
taki starfsmönnunum yfirleitt vel.
Úr ýmsu hafi þurft að bæta. Í
velflestum tilfellum taki eigendur
fyrirtækja leiðbeiningum vel. - ghs
Eftirlit Vinnumálastofnunar:
Heimsækja
veitingastaði
UNNUR
SVERRISDÓTTIR
TÓKÍÓ, AP Teiknaður vélköttur,
Doraemon að nafni, hefur verið
útnefndur sérlegur sendiherra
japanskra teiknimynda. Doraem-
on – eða öllu heldur óþekktur
maður í gervi hans – tók við
embættinu við hátíðlega vígslu-
athöfn í síðustu viku. Hann fékk
einnig stafla af baunapönnukök-
um, uppáhaldseftirréttinum
sínum.
Vélkötturinn er þekktur víða um
heim, einkum í Asíu. Með útnefn-
ingunni ætla Japanir að reyna að
nýta vinsældir japanskrar
poppmenningar í milliríkjasam-
skiptum. Önnur teiknimyndahetja,
Astro Boy, eða Stjörnustrákur, var
gerður að sendiherra öryggismála
í nóvember. - sh
Nýr embættisköttur í Japan:
Gerðu vélkött
að sendiherra
DORAEMON OG RÁÐHERRA Vélkötturinn
er frá 22. öld og notar tól á borð við
tímavél og „hvar-sem-er-hurð“ sem hann
dregur úr fjórvíðum vasa á maga sér.
FRÉTTABLAÐIÐ/AP
Rokkhátíð fór vel fram
Talsverður erill var hjá lögreglunni á
Ísafirði um helgina, en þar fór fram
hátíðin Aldrei fór ég suður. Fjórir gistu
fangageymslur og lögregla fann lítið
magn fíkniefna aðfaranótt sunnu-
dags. Að öðru leyti fór hátíðin vel
fram og lögregla þurfti lítil afskipti að
hafa af gestum hennar.
LÖGREGLUMÁL