Fréttablaðið - 02.04.2008, Blaðsíða 34

26 2. apríl 2008 MIÐVIKUDAGUR
sport@frettabladid.is
Stjórn handknattleiksdeildar Fram tilkynnti í fyrrakvöld að
félagið hefði náð samkomulagi við Ferenc Antal Buday
um að hann myndi hætta sem þjálfari mfl. karla frá og
með deginum í gær. Magnús Jónsson, aðstoðarþjálfari
Buday í vetur, mun stýra liðinu út leiktímabilið,
þangað til Viggó Sigurðsson tekur við stjórnar-
taumunum. Buday gat ekki leynt vonbrigðum
sínum með skyndilegt brotthvarf sitt frá
Fram, eftir að hafa þjálfað Safamýrarliðið
frá síðasta sumri, þegar Fréttablaðið heyrði
hljóðið í honum í gær.
„Ég er náttúrulega ekki sáttur með
tilhögunina en svona getur líf þjálfara
stundum verið. Ég hefði eðlilega viljað fá
tækifæri til þess að klára tímabilið með
Fram en þar sem annar þjálfari er hvort
sem er að taka við félaginu eftir tímabilið
ákvað ég að sætta mig við það að hætta á þessum
tímapunkti. Ég vonast jafnframt til þess að efnilegt lið Fram
klári tímabilið af fullum krafti og nái öðru sæti á eftir Haukum.
Magnús Jónsson er frábær náungi og hann þekkir íslenskan hand-
bolta út í gegn og á vonandi eftir að klára tímabilið á jákvæðum
nótum,“ sagði Buday, sem kvaðst hafa notið sín vel í starfi hjá
félaginu og lært mikið.
„Ég vissi að þetta yrði krefjandi verkefni þegar ég
tók við þjálfarastarfinu síðasta sumar, bæði hvað
varðar tungumálaörðugleika og ólíka menningu
og hugarfar leikmanna og annað. Ég lærði smátt
og smátt inn á það en núna er það vitaskuld
of seint,“ sagði Buday, sem útilokaði ekki að
þjálfa aftur á Íslandi ef tækifæri byðist.
„Ég fer til að byrja með aftur til Ungverja-
lands þar sem ég mun hitta fjölskyldu mína
og fara vel og vandlega yfir málin. Ég er ekki
búinn að ákveða hvað ég geri í framhald-
inu en ég mun klárlega skoða með opnum
huga þau tilboð sem kunna að berast mér
í hendur,“ sagði Buday að lokum.
UNGVERJINN FERENC ANTAL BUDAY: HÆTTI SKYNDILEGA SEM ÞJÁLFARI HJÁ FRAM Í N1-DEILD KARLA Í HANDBOLTA
Ekki sáttur en svona getur líf þjálfara verið
> Guðjón Valur til Löwen í sumar
Samkomulag hefur náðst á milli þýsku félaganna Rhein-
Neckar Löwen og Gummersbach um
Guðjón Val Sigurðsson. Landsliðsmaðurinn
samdi við Löwen frá og með sumrinu
2009 en Löwen reri að því öllum árum að
fá Guðjón Val í sínar raðir strax í sumar.
Forráðamenn Löwen sættu sig ekki
við þann verðmiða sem Gummers-
bach setti á Guðjón Val og málið
var í miklum hnút. Nú hefur loksins
tekist að skera á hnútinn og Guð-
jón getur því flutt ásamt fjölskyld-
unni til Mannheim í sumar.
Samtök psoriasis
og exemsjúklinga
36. aðalfundur SPOEX 2008
36. aðalfundur Samtaka psoriasis- og exem-
sjúklinga verður haldinn í kvöld miðvikudaginn
2. april nk. að Grand Hótel, Reykjavík v/Sigtún og
hefst fundurinn kl. 20.00.
Dagskrá
Venjuleg aðalfundarstörf.
Önnur mál
Kaffi veitingar
Mætið öll og fræðist um málefni samtakanna.
Stjórnin
Meistaradeild Evrópu:
AS Roma-Man. Utd 0-2
0-1 Cristiano Ronaldo (39.), 0-2 Wayne Rooney
(66.).
Schalke-Barcelona 0-1
0-1 Bojan Krkic (12.).
Iceland Express-deild kvk:
KR-Keflavík 71-84
Stig KR: Candace Futrell 28 (12 frák,., 8 stoðs.),
Sigrún Ámundadóttir 17 (17 frák.), Hildur
Sigurðardóttir 11 (7 frák., 7 stoðs.), Guðrún
Þorsteinsdóttir 11, Guðrún Ámundadóttir 2, Helga
Einarsdóttir 2 (11 frák.).
Stig Keflavíkur: Takesha Watson 22 (9 frák., 6
stoð.), Pálína Gunnlaugsdóttir 21, Ingibjörg Elva
Vilbergsdóttir 15, Susanne Biemer 13 (6 frák.),
Margrét Kara Sturludóttir 7 (15 frák., 5 stoðs.),
Birna Valgarðsdóttir 5, Rannveig Randversd. 2.
ÚRSLIT
HANDBOLTI Línumaðurinn Fannar
Þorbjörnsson hefur ákveðið að
nýta sér klásúlu í samningi sínum
við danska liðið Fredericia og
hætta hjá félaginu í sumar. Hann
er á sínu þriðja tímabili með
liðinu.
Fannar segir við danska
fjölmiðla að framtíðin sé óráðin.
Hann viti ekki hvort hann verði
áfram erlendis eða haldi aftur
heim til Íslands.
Fannar er uppalinn hjá Val en
lék með ÍR áður en hann hélt í
víking. - hbg
Fannar Þorbjörnsson:
Hættir hjá
Fredericia
FÓTBOLTI Porto hefur formlega
verið sakað um að hafa hagrætt
úrslitum tveggja knattspyrnu-
leikja leiktíðina 2003-04. Þá
þjálfaði Jose Mourinho liðið en
ásakanirnar eru ekki taldar snúa
að honum persónulega.
Porto vann annan leikinn, 2-0,
þar sem talið er að úrslitum hafi
verið hagrætt en hinum lyktaði
með markalausu jafntefli.
Félaginu hefur verið gefinn
fimm daga frestur af portúgalska
knattspyrnusambandinu til þess
að svara ásökununum.
Verði Porto dæmt gæti félagið
misst stig, fengið sekt eða
hreinlega verið fellt um deild eða
deildir. - hbg
Hneyksli hjá Porto?
Hagræddi
Porto úrslitum?
FÓTBOLTI Arsene Wenger, stjóri
Arsenal, segir sína menn vel gera
sér grein fyrir því að næstu tíu
dagar muni skipta félagið öllu. Þá
mun liðið spila þrisvar í röð við
Liverpool og í kjölfarið fylgir
leikur gegn Man. Utd á Old
Trafford.
„Næstu tíu dagar skipta öllu
fyrir tímabilið hjá okkur. Þessir
dagar eru gríðarleg áskorun fyrir
okkur,“ sagði Wenger. - hbg
Arsene Wenger:
Tímabilið undir
á tíu dögum
ARSENE WENGER Á leið í erfiða törn
með sitt lið. NORDIC PHOTOS/GETTY IMAGES
KÖRFUBOLTI Keflavíkurkonur eru
aðeins einum sigri frá Íslands-
meistaratitlinum eftir frábæran
þrettán stiga sigur á KR, 71-84, í
gær. Keflavík tók frumkvæðið
strax í byrjun og var með góða
forystu allan leikinn. Pálína Gunn-
laugsdóttir skoraði 9 af fyrstu 18
stigum Keflavíkur og leiddi sitt lið
áfram í vörn sem sókn.
„Þetta snýst bara um vörnina og
ekkert annað. Mér fannst vera
pínu aumingjaskapur hjá mér í
síðasta leik og ég ætlaði alls ekki
að láta það koma fyrir aftur þannig
að ég gaf allt í botn,“ sagði maður
leiksins, Pálína Gunnlaugsdóttir.
Pálína meiddist tvisvar í fyrsta
leiknum og gat þá ekki klárað leik-
inn en það var allt annað upp á ten-
ingnum í gær.
„Ég hlakka mjög til föstudags-
ins og get ekki beðið að fara að
spila leikinn,“ sagði Pálína sem
getur orðið Íslandsmeistari þriðja
árið í röð vinni Keflavík þriðja
leikinn á föstudag.
Það var eins og fimm leikja
serían gegn Grindavík sæti í KR-
liðinu sem náði sér aldrei á strik.
Liðið virtist ekki hafa orku í að
loka á Keflavíkurliðið sem lék
einn sinn besta leik í vetur. Auk
Pálínu var Kesha Watson að spila
vel, Susanne Biemer lék mun
betur en í fyrsta leik og bæði fyr-
irliðinn Ingibjörg Elva Vilbergs-
dóttir og Margrét Kara Sturludótt-
ir áttu frábæra innkomu af
bekknum.
„Þetta var frekar erfiður leikur
og mér fannst við vera alltof sein-
ar í vörninni. Það munaði svo litlu
í síðasta leik þannig að mér fannst
við hefðum átt að koma meira til-
búnar frá fyrstu mínútu.
Við klikkuðum líka á því í fyrsta
leiknum í Keflavík og það er bara
erfitt að elta allan leikinn á móti
Keflavík,“ sagði Hildur Sigurðar-
dóttir, fyrirliði KR og bætti við.
„Þetta er samt langt í frá að vera
búið.“ - óój
Keflavík er einum sigri frá Íslandsmeistaratitlinum eftir sigur í Vesturbænum:
Pálína vildi ekki vera aumingi aftur
TAKESHA WATSON Átti enn einn stórleik-
inn í gær. FRÉTTABLAÐIÐ/ARNÞÓR
FÓTBOLTI Manchester United og Barcelona eru
komin með annan fótinn í undanúrslit Meistara-
deildar Evrópu eftir góða útisigra í gærkvöld.
United lagði Roma, 0-2, á Ítalíu og Barcelona
lagði Schalke, 0-1, í Gelsenkirchen.
Fyrri hálfleikur hjá Man. Utd og Roma var
tilþrifalítill. United setti aðeins meira púður
í sóknarleikinn undir lok hálfleiksins og Ron-
aldo skallaði boltann af harðfylgi í markið sex
mínútum fyrir hlé.
Allur vindur var úr Rómverjum þegar
Rooney kom United í 2-0 með marki af
stuttu færi eftir hrikaleg mistök markvarð-
ar Roma. United stýrði umferðinni í kjöl-
farið og hefði hæglega getað bætt við þriðja
markinu.
„Þetta var flott frammistaða í leik sem
allir vissu að yrði erfiður. Roma spilaði vel en við
sköpuðum okkur nokkur færi sem við nýttum. Ég
tel að þessi sigur hafi verið verðskuldaður,“ sagði
Cristiano Ronaldo eftir leikinn en hann lá óvíg-
ur eftir að hann skoraði.
Barcelona sótti góðan sigur til Þýskalands þar
sem hinn 17 ára Bojan Krkic skoraði eina mark
leiksins. Hann varð um leið yngsti leikmaðurinn
sem skorar í útsláttarkeppni Meistaradeild-
arinnar frá upphafi. Eiður Smári Guðjohn-
sen hóf leik á bekknum hjá Barcelona og
lauk honum þar einnig án þess að fá tæki-
færi. henry@frettabladid.is
Rómverjum veitt rothögg
Manchester United og Barcelona unnu góða útisigra í gærkvöld þegar átta liða
úrslit Meistaradeildarinnar hófust. Ronaldo og Rooney sáu um slaka Rómverja.
BOJAN KRKIC Þessi 17 ára fram-
herji fagnar hér sigurmarki sínu
í gær. NORDIC PHOTOS/GETTY IMAGES
GLEÐI OG SORG Leikmenn Manchester United gleðjast eftir annað markið í Róm. NORDIC PHOTOS/AFP