Fréttablaðið - 05.05.2008, Blaðsíða 2

2 5. maí 2008 MÁNUDAGUR
Umsóknarfrestur er til 30. maí
Kynntu þér námið á www.hr.is
H
V
ÍT
A
H
Ú
S
IÐ
/S
ÍA
–
0
8
-0
6
0
8
VARNARMÁL Fjórar Mirage 2000-orrustuþotur úr
franska flughernum koma hingað til lands í dag til
að sinna svonefndu loftrýmiseftirliti fyrir hönd
íslenskra stjórnvalda og Atlantshafsbandalagsins
næstu tvo mánuðina. Þotunum fylgir 120 manna
sveit franskra hermanna sem munu hafa aðsetur
þennan tíma á Keflavíkurflugvelli.
Samkomulagið um þetta loftrýmiseftirlit má
rekja til eftirmála brottfarar bandaríska varnar-
liðsins frá Íslandi árið 2006. Íslenska flugstjórnar-
svæðið er mjög stórt og umferð um það mikil.
Samkvæmt reglum Atlantshafsbandalagsins er
gert ráð fyrir að öll lofthelgi bandalagsins njóti
sambærilegrar verndar og því lagði hermálanefnd
þess til, í kjölfar beiðni þar að lútandi frá íslensk-
um stjórnvöldum, að þær aðildarþjóðir bandalags-
ins sem hafa yfir flugher að ráða skiptust á um að
sinna í takmarkaðan tíma í senn loftrýmiseftirliti á
Íslandi. Þetta fyrirkomulag er að nokkru leyti að
fyrirmynd þess sem viðhaft hefur verið í Eystra-
saltslöndunum og Slóveníu frá því þessi lofthersl-
ausu lönd gengu í NATO árið 2004.
Franska flugsveitin ríður á vaðið en eftir
brottför hennar í sumar kemur hingað bandarísk
flugsveit. Á næstu misserum munu síðan flugsveit-
ir fleiri NATO-ríkja skiptast á um að dvelja hér,
þar á meðal frá Danmörku, Noregi, Spáni og
Þýskalandi. - aa
MIRAGE-ORRUSTUÞOTA Fjórar slíkar munu dvelja hér næstu
átta vikur. NORDICPHOTOS/AFP
Loftrýmiseftirlit Atlantshafsbandalagsins yfir Íslandi að hefjast:
Franskar þotur til landsins í dag
LÖGREGLUMÁL Karlmaður brennd-
ist nokkuð á höndum og fékk
snert af reykeitrun þegar eldur
kom upp á efri hæð íbúðarhúss í
Njarðvík laust fyrir hádegi í gær.
Höfðu íbúar hússins náð að
slökkva eldinn þegar lögregla og
slökkvilið komu á staðinn en
mikill reykur var í húsinu. Er
talið að eldurinn hafi kviknað í út
frá rafmagni og borist í sjónvarp.
Brenndist maðurinn þegar
hann reyndi að koma sjónvarpinu
út úr íbúðinni og var hann fluttur
með sjúkrabifreið á Heilbrigðis-
stofnun Suðurnesja til skoðunar.
- ovd
Brenndist nokkuð á höndum:
Eldur í íbúð
í Njarðvík
LETTLAND, AP Skemmtiferðaskipið
Mona Lisa strandaði í gærmorgun
í Eystrasalti, norðvestur af strönd
Lettlands. 984 voru um borð,
flestir þýskir ferðamenn, en
engan sakaði.
Björgunaraðgerðir hófust í
gærkvöldi og voru þrír dráttar-
bátar notaðir til þess að reyna að
losa skipið. Hópur kafara verða
svo sendir niður þegar skipið
losnar til þess að rannsaka hvort
skemmdir hafa orðið á búk þess.
Við fyrstu sýn virtist þó allt vera
í lagi.
Farþegar skipsins voru ekki
fluttir frá borði fyrr en í gær-
kvöldi þegar byrjað var að reyna
að losa skipið. - kka
Skemmtiferðaskip strandar:
Nærri 1.000
manns á skeri
LÖGREGLUMÁL Tveir voru fluttir á
slysadeild eftir árekstur tveggja
fólksbíla á Miklubraut laust fyrir
klukkan eitt aðfaranótt sunnu-
dagsins.
Tildrög slyssins eru að ökumað-
ur annars bílsins, sem grunaður er
um ölvun, missti stjórn á bíl sínum
neðan við Ártúnsbrekkuna, ók yfir
umferðareyju milli aðreina og í
veg fyrir bíl sem kom úr gagn-
stæðri átt. Voru ökumaður og
farþegi þess bíls fluttir á slysa-
deild en meiðsl þeirra ekki talin
alvarleg. Þurfti slökkvilið að beita
klippum til að ná fólkinu úr
bílunum sem taldir eru ónýtir. - ovd
Árekstur á Miklubraut:
Tveir fluttir
á slysadeild
Sportbílar við Ánanaust
Lögreglan á höfuðborgarsvæðinu
kom í veg fyrir kappakstur þegar fjöldi
ökumanna sportbíla safnaðist saman
á bílum sínum við Ánanaust seint á
laugardagskvöldið. Er talið að bílarnir
hafi verið á bilinu 40 til 60 talsins.
LÖGREGLUFRÉTTIR
Þórarinn, ertu hjartgóður?
„Já, allavega Hjartaheill og við
vorum hjartanlega sammála að
lokum.“
Þórarinn Guðnason er formaður Félags
sjálfstætt starfandi hjartalækna en
samningar náðust á laugardaginn milli
hjartalækna og samninganefndar heil-
brigðisráðherra eftir ríflega tveggja ára
samningsleysi.
LÖGREGLUMÁL „Ég held að það sé
ekki skynsamlegt á þessu stigi að
ég tjái mig um málið,“ segir séra
Gunnar Björnsson, sem hefur
verið kærður fyrir kynferðisbrot
gegn tveimur stúlkum á Selfossi.
Gunnar er farinn í hálfs árs leyfi
frá störfum á meðan málið er í
rannsókn. „Málið er í eðlilegu
rannsóknarferli og það væri ekki
rétt af mér að tjá mig um það,“
segir Gunnar.
Stúlkurnar
tvær eru sex-
tán og sautján
ára sóknarbörn
og hafa báðar
verið virkar í
kórstarfi kirkj-
unnar. Sam-
kvæmt heim-
ildum
Fréttablaðsins
ná meint brot
Gunnars nokkur ár aftur í tím-
ann. Auk þess munu tvær stúlkur
til viðbótar íhuga að kæra Gunn-
ar fyrir sömu sakir.
Gunnar segist hafa átt inni frí
eftir langan starfsaldur. „Eftir 36
ára prestsskapinn minn þá átti ég
inni heilmikið af réttindum til að
fá leyfi frá störfum og þegar
þessi ásökun kom þá fannst mér
upplagt að nota bara tækifærið
og drífa mig í frí.“ Hann kveðst
ekkert geta sagt um það hvað
hann mun taka sér fyrir hendur
þennan tíma, eða hvort hann
hyggst dvelja áfram á Selfossi.
Upp komst um málið þegar for-
eldrar annarrar stúlkunnar leit-
uðu með það til formanns sóknar-
nefndar, sem vísaði þeim til
Biskupsstofu. Þangað kom málið
30. apríl. Þar var málið tekið fyrir
í sérstöku fagráði á vegum Þjóð-
kirkjunnar um meðferð kynferð-
isbrota. Ráðið vísaði málinu til
Barnaverndarnefndar sem hafði
samband síðan við lögreglu. Kær-
urnar tvær bárust nokkrum
dögum seinna.
Skýrslur verða teknar nú í
byrjun vikunnar af stúlkunum
tveimur, en þegar er búið að yfir-
heyra séra Gunnar stuttlega.
Rannsóknin er á algjöru frum-
stigi.
Samkvæmt heimildum Frétta-
blaðsins flokkast meint brot
Gunnars sem kynferðisleg
áreitni, en ekki kynferðislegt
ofbeldi af alvarlegasta tagi. Þá
mun þetta vera í fyrsta sinn sem
fagráð Þjóðkirkjunnar um með-
ferð kynferðisbrota fjallar um
mál tengt Gunnari.
Íbúar á Selfossi eru slegnir yfir
fréttum af kærunum. „Þetta
„sjokkerar“ auðvitað alla,“ segir
Eysteinn Óskar Jónasson, for-
maður sóknarnefndar. Hann
segir sóknarnefndina þó ekki í
aðstöðu til að aðhafast nokkuð
vegna málsins. stigur@frettabladid.is
Séra Gunnar tjáir sig
ekki um meint brot
Séra Gunnar Björnsson, sóknarprestur á Selfossi, vill ekki tjá sig um kærur
tveggja unglingsstúlkna á hendur honum fyrir kynferðisbrot. Skýrslur verða
teknar af þeim í byrjun vikunnar. Tvær stúlkur til viðbótar íhuga að kæra.
SELFOSSKIRKJA Séra Eiríkur Jóhannesson í Hruna messaði í Selfosskirkju í gær. Séra
Gunnar Björnsson er farinn í hálfs árs leyfi frá störfum.
GUNNAR
BJÖRNSSON
SAMGÖNGUMÁL Ístak hf. mun ljúka
við framkvæmdir vegna tvöföld-
unar Reykjanesbrautarinnar milli
Strandaheiðar og Njarðvíkur.
Var samningur þessa efnis
undirritaður á föstudaginn milli
fyrirtækisins og Vegagerðarinnar
eftir endurútboð sem haldið var
enda hafði fyrri verktaki,
Jarðvélar, sagt sig frá verkinu í
desember 2007. Vegagerðin hafði
áður hafnað tilboði Adakris og
Topp-verktaka þar sem verk-
takinn stóðst ekki kröfur Vega-
gerðarinnar. Tilboð Ístaks hljóðar
upp á ríflega 807 milljónir króna
og er áætlað að hefja fram-
kvæmdir í dag, mánudag. Þá er
stefnt að því að 16. október verði
unnt að aka útboðskaflann á
fjórum akreinum. - ovd
Tvöföldun Reykjanesbrautar:
Framkvæmdir
hefjast í dag
KÍNA, AP Erindrekar útlagastjórnar
Tíbeta áttu í gær fund með
fulltrúum Kínastjórnar í borginni
Shenzhen í
Suður-Kína.
Þetta voru
fyrstu beinu
viðræðurnar
sem þessir
aðilar hafa átt
síðan til
uppþotna kom í
Lhasa um
miðjan mars.
Þegar
fundurinn var að hefjast sagði Hu
Jintao Kínaforseti að hann
vonaðist til „jákvæðrar niður-
stöðu“ og að „dyr samræðu yrðu
áfram opnar“ að því er Xinhua-
fréttastofan greindi frá. Mikill
alþjóðlegur þrýstingur hefur verið
á Kínastjórn að ræða við útlaga-
stjórn Dalai Lama fyrir Ólympíu-
leikana í Peking í sumar. - aa
Erindrekar Dali Lama:
Viðræður við
Kínastjórn
HU JINTAO
BÍLSLYS Karlmaður á sjötugsaldri
lést þegar bifreið hans fór út af
Suðurlandsvegi á þriðja tímanum
í gærdag.
Svo virðist sem maðurinn, sem
var einn í bílnum, hafi ekið pallbíl
sínum út af í beygju neðarlega í
Kömbum ofan Hveragerðis og
hrapað niður töluverða vega-
lengd.
Maðurinn var ekki í bílbelti og
kastaðist hann út úr bílnum við
slysið. Var hann úrskurðaður lát-
inn á vettvangi. Mikill viðbúnaður
var vegna slyssins, lögregla og
sjúkraflutningamenn kvödd á
vettvang auk þess sem þyrla Land-
helgisgæslunnar var kölluð út.
Henni var svo snúið við.
Tildrög slyssins eru ókunn en
málið er í rannsókn hjá lögregl-
unni á Selfossi sem biður hugsan-
leg vitni að slysinu að hafa sam-
band í síma 480 1010. - ovd
Karlmaður á sjötugsaldri lést þegar bíll hans fór út af í Kömbunum:
Banaslys á Suðurlandsvegi
BÍLLINN Í HLÍÐINNI Tildrög slyssins eru enn ókunn. MYND/KÁRI
SPURNING DAGSINS