Fréttablaðið - 23.06.2008, Blaðsíða 2
2 23. júní 2008 MÁNUDAGUR
SNÆFELLSBÆR „Við erum ekki sátt-
ir við að ómenntaðir menn séu að
vinna á bílunum,“ segir Svein-
björn Berentsson, formaður fag-
deildar sjúkraflutningamanna,
um þann vanda sem nú ríkir í
sjúkraflutningamálum í Snæfells-
bæ.
„Það er ekki sama hvernig þetta
er gert. Auðvitað þarf að mennta
mannskapinn,“ segir Sveinbjörn.
Hann segir að svo framarlega
sem hæfir starfsmenn sæki um
og uppfylli grunnkröfur sjúkra-
flutningaskólans um menntunar-
kröfur sé þetta í lagi.
Heilsugæslan í Snæfellsbæ
auglýsti fyrir skemmstu eftir
fólki til að gegna starfi sjúkra-
flutningamanna. Engin umsókn
barst.
Forsvarsmenn heilsugæslunn-
ar höfðu þá samband við Snæ-
fellsbæ um hvort bæjarfélagið
gæti komið til móts við þá. Bæjar-
stjóri hélt í kjölfarið fund með
starfsmönnum og biðlaði til þeirra
að sækja um starfið. „Við erum
reiðubúnir að liðka til fyrir heilsu-
gæsluna ef einhverjir starfsmenn
bæjarins vilja verða sjúkraflutn-
ingamenn,“ segir Kristinn Jónas-
son, bæjarstjóri Snæfellsbæjar.
Kristinn segir málið snúast um
að manna stöðurnar og að bæjar-
búar hafi í langan tíma þrýst á að
fleiri sjúkraflutningamenn væru
til staðar í bæjarfélaginu. „Ef eitt-
hvað kemur upp á viljum við búa
við öryggi. Það er öruggara að
hafa einhvern til þess að keyra
sjúkrabílinn þótt hann sé ómennt-
aður,“ segir Kristinn.
Björg Bára Halldórsdóttir,
framkvæmdastjóri heilsugæsl-
unnar í Snæfellsbæ, segir nokkra
bæjarbúa hafa lýst yfir áhuga.
„Þeir byrja í aðlögun með reynd-
um manni og hefja svo nám í skól-
anum í haust,“ segir Björg Bára.
Til þess að verða sjúkraflutn-
ingamaður þarf fólk að sækja 128
tíma námskeið á vegum Sjúkra-
flutningaskólans á Akureyri.
Í kjölfar námsins er síðan sótt
um starfsréttindi til landlæknis.
„Það má enginn vinna við sjúkra-
flutninga nema hafa til þess mennt-
un samkvæmt lögum,“ segir Hildi-
gunnur Svavarsdóttir, skólastjóri
Sjúkraflutningaskólans á Akur-
eyri.
Hún segir að þó sé leyfilegt að
hafa svokallaða vettvangshjálpar-
liða til að veita fyrstu hjálp áður en
menntaðir sjúkraflutningamenn
koma á staðinn. vidirp@frettabladid.is
Ómenntaður betri
við stýrið en enginn
Enginn sótti um starf sjúkraflutningamanns í Snæfellsbæ þegar starfið var aug-
lýst. Bæjarstjóri biðlar til starfsmanna sinna að taka að sér starfið. Talsmaður
sjúkraflutningamanna er ósáttur við að ómenntaðir menn vinni á bílunum.
SLYSSTAÐUR Mikilvægt er að hafa rétt vinnubrögð og kunna vel til verka á vettvangi.
FRÉTTABLAÐIÐ/TEITUR
HILDIGUNNUR SVAVARSDÓTTIR Hún
segir engan mega vinna við sjúkraflutn-
ingar nema hafa til þess menntun.
FRÉTTABLAÐIÐ/KJK
Sigurður, hlakkar þér ekki ýkt
til þegar liðið verður orðið ókei
að skrifa og allt þannig, eða
hvað?
„Málfarið er þannig að ég skil ekki
spurninguna.“
Sigurður Líndal lagaprófessor segir van-
kunnáttu háskólanema í íslensku valda
kennurum auknu álagi.
REYKJANESBÆR Töluverður
mannfjöldi var í miðbæ Reykja-
nesbæjar aðfaranótt sunnudags
og erilsamt hjá lögreglu.
Tveir ökumenn voru kærðir
fyrir ölvun við akstur og einn
fyrir akstur undir áhrifum
fíkniefna. Einnig voru tveir menn
handteknir fyrir óspektir á
almannafæri. Annar þeirra hafði
fíkniefni í fórum sínum. Þá var
einn maður handtekinn vegna
líkamsárásar í heimahúsi.
Á sunnudagsmorgun barst
lögreglunni svo tilkynning um að
skorið hefði verið á hjólbarða sjö
bifreiða við Háaleiti í Reykjanes-
bæ. - kg
Mannfjöldi í Reykjanesbæ:
Skorið á hjól-
barða bifreiða
BRASILÍA, AP Gengi ungra byssu-
manna rændi brasilísku fótbolta-
hetjuna Pelé fyrir utan borgina
Santos í
Brasilíu.
Bófarnir hirtu
gullhálsmen,
farsíma og úrið
hans og ógnuðu
honum með
byssum og
hnífum.
Pelé lét
lögreglu ekki
vita af ráninu, sem átti sér stað
13. júní síðastliðinn. Ræningjarn-
ir voru á annan tug og stöðvuðu
bifreið knattspyrnugoðsins í
fátækrahverfi. Pelé sagði
drengjunum hver hann væri, en
þeir rændu hann engu að síður.
Pelé varð þrisvar sinnum
heimsmeistari með landsliði
Brasilíu. Ríkisstjórnin gaf honum
titilinn „þjóðargersemi“ árið 1999
og hann var valinn íþróttamaður
aldarinnar af Ólympíunefndum
þjóða heimsins. - sgj
Knattspyrnugoð í hættu:
Pelé rændur af
byssumönnum
PELE
REYKJAVÍK „Ég er alls ekki ánægður með þetta og vil
að þessum skemmdarvörgum verði náð,“ segir Daði
Ómarsson, átta ára nemandi í Húsaskóla í Grafar-
vogi. Forláta kofi, sem Daði hefur eytt tveimur
vikum í að byggja á smíðavelli á Foldaskólalóðinni,
hefur verið lagður í rúst tvær helgar í röð. Einnig
hafa fleiri kofar verið skemmdir á lóðinni.
Daði var kominn vel á veg með smíði kofans
þegar óprúttnir aðilar eyðilögðu hann fyrir fyrir tíu
dögum. Hann lét það ekki á sig fá og hófst handa við
endurbyggingu kofans. Allt gekk eins og í sögu þar
til skemmdarvargar létu aftur til sín taka um
helgina. „Ég átti bara eftir að klára háaloftið og
setja þakið á. Núna verð ég að byrja alveg upp á
nýtt,“ segir Daði vonsvikinn. „Ég veit ekki hverjir
gera svona. Það eru öryggismyndavélar utan á
skólanum, en engin þeirra sér hvað gerist á
skólalóðinni.“
Skemmdarverkin á lóð Foldaskóla eru ekki
einsdæmi. Á laugardagskvöldið þurfti að kalla til
slökkvilið þegar kveikt var í kofum á smíðavelli við
Árbæjarskóla. Það er vonandi að lát verði á enda
illa farið með sumarstörf yngstu þegnanna. - kg
Skemmdarverk framin á smíðavöllum borgarinnar um helgina:
Þarf að byrja alveg upp á nýtt
EYÐILEGGING Kofinn hans Daða hefur verið skemmdur tvær
helgar í röð.
FRÉTTABLAÐIÐ/RÓSA
KÖNNUN Tæp 87 prósent lands-
manna hafa dregið úr akstri eftir
nýlegar hækkanir á eldsneyti,
samkvæmt nýrri könnun sem
Capacent gerði fyrir Stöð 2 og
birt var í gærkvöldi.
Í könnuninni kom fram að 52,5
prósent karla sögðust hafa dregið
mikið eða nokkuð úr notkun á
bílnum, en öllu fleiri konur, eða
62,2 prósent. Þá kom fram að þeir
sem hæstar tekjur hafa eru
ólíklegastir til að draga úr
bílnotkun.
Könnunin var gerð dagana 12.
til 16. júní. Úrtakið var tæplega
1.140 manns á aldrinum 16 til 75
ára. Svarhlutfall var 51 prósent.
- kg
Könnun á bílnotkun:
Tæp 87 prósent
keyra minna
STJÓRNMÁL Fimm aksturshermar
verða fluttir til landsins síðsum-
ars en í þeim verður fólki kennd-
ur svonefndur vistakstur.
Í vistakstri felst að nýta vélar-
afl bílsins sem best með því að
halda vélinni á réttum snúningi og
vera í réttum gír.
Ríkisstjórnin ákvað í síðustu
viku að styrkja Evrópuverkefni í
vistaksturskennslu um þrjár
milljónir króna. Er sú ákvörðun
tekin í kjölfar þjóðhátíðarræðu
forsætisráðherra en í henni sagði
hann nauðsynlegt að efla fræðslu
um vistakstur.
Auk ríkisins eru Toyota á Íslandi
og VÍS bakhjarlar verkefnisins
en Landvernd annast framkvæmd
þess í samstarfi við Orkusetrið.
Stefnt er að því að kenna um tíu
þúsund ökumönnum vistakstur á
tólf mánuðum. Að auki verða
herm arnir notaðir á viðburðum
og kynningum þar sem fólk fær
að prófa þá.
Í tilkynningu frá forsætisráðu-
neytinu er samfélagslegur ávinn-
ingur af vistakstri sagður mikill.
Felst hann helst í minni mengun,
lægri slysatíðni og minni innflutn-
ingi á eldsneyti. Segir í tilkynn-
ingunni að eyðsla og útblástur
þeirra sem tileinka sér vistakstur
minnki um fimm til tíu prósent.
- bþs
Meðalökumaðurinn getur sparað rúmar 20 þúsund krónur á ári með vistakstri:
Fimm aksturshermar væntanlegir
LÆRT AÐ AKA Vistakstur verður kenndur
í þar til gerðum ökuhermum.
FRÉTTABLAÐIÐ/HRÖNN
LÖGREGLUMÁL Eigandi hvolps sem
fannst grafinn undir grjóti við
Kúagerði á laugardag virðist
vera fundinn. Samkvæmt
upplýsingum frá Lögreglunni á
Suðurnesjum gaf einstaklingur
sig fram í gær og kvaðst vera
eigandinn.
Málið er enn í rannsókn og
engar nánari upplýsingar um það
fengust frá lögreglunni sem þó
upplýsti að hvolpurinn væri enn
á Dýraspítalanum í Víðidal. Að
sögn Helga Sigurðssonar
dýralæknis er hvolpurinn óðum
að ná sér en er þó enn lítillega
dofinn á annarri framloppunni
undan farginu sem hann var
fastur undir. - gar
Eigandi særða hvolpsins:
Gaf sig fram
við lögregluna
HVOLPURINN Marinn og dofinn en ekki
vannærður.
Vilja fleiri Hríseyjarferðir
Hríseyingar hafa beðið Kristján L.
Möller samgönguráðherra um að
ferðum ferjunnar Sævars verði fjölgað
um tvær ferðir síðdegis og eina ferð
að morgni. Bæjarráð Akureyrar hvetur
jafnframt samgönguráðuneytið að
endurskoða ferðatíðnina í samráði
við eyjaskeggja.
SAMGÖNGUR
Lögreglan á Akureyri stöðvaði 34
ökumenn fyrir of hraðan akstur yfir
helgina. Þykir það með mesta móti,
sé tekið tillit til fremur lítils umferðar-
þunga miðað við aðstæður.
AKUREYRI
Á fjórða tug keyrði of hratt
SPURNING DAGSINS