Fréttablaðið - 19.07.2008, Side 16

16 19. júlí 2008 LAUGARDAGUR
FÖSTUDAGUR, 11. JÚLÍ.
Fótamálið dularfulla
„Tveir af þeim fimm fótum sem
fundist hafa undan Vesturströnd
Kanada tilheyra sama manninum.
Þetta hefur DNA rannsókn leitt í
ljós.“ Þessar upplýsingar fann ég í
dag á visir.is.
Þetta mál hefur lengi verið mér
hugleikið, því að samkvæmt þeim
fótareksfréttum sem borist hafa
frá Kanada hefur einkum verið
um vinstri fætur að ræða sem þar
hefur rekið á land á undanförnum
vikum fólki til mikillar skelfing-
ar.
Þó er það sennilega rétt hjá Vísi
að fleiri en tveir af þessum fimm
fótum geta varla tilheyrt sama
manninum. Ef þrír eða fleiri fætur
væru af sama líkinu væru það
mikil tíðindi.
Sömuleiðis þætti mér
spennandi að vita hvort
fótaparið sem DNA-
fræðingar hafa nú álykt-
að að sé af sama mann-
inum séu hægri og
vinstri fótur, ellegar
hvort parið er vísbend-
ing um áður ófundinn
vinstrifættan kyn-
stofn á plánet-
unni.
LAUGARDAGUR, 12. JÚLÍ.
Niðurpökkun
Þær stöllur frú Sólveig og litla Sól
eru byrjaðar að pakka niður fyrir
sumarleyfisferðina til Tenerife.
Það tekur þær langan
tíma því að þessu sinni
hefur verið tekin ákvörð-
un um að skilja megnið af
búslóðinni eftir heima og
notast eingöngu við tvær
ferðatöskur.
Sjálfur er ég
snöggur að
pakka. Ég þarf
tölvu, bækur, vega-
bréf, farmiða, pen-
inga og tann-
bursta.
SUNNUDAGUR, 13.
JÚLÍ.
Flokksmaskína
ryðgar
Til að æfa okkur fyrir
sumarleyfið fórum við út
að borða á veitingahúsi í
kvöld.
Nú er loksins kominn
alvöru mexíkanskur
matstaður í Reykjavík
og heitir Santa Maria og
stendur við Laugaveginn, ég giska
á númer 24. Þar er hægt að fá rétti
úr mexikönsku eldhúsi á skikkan-
legu verði.
Það eina sem ég kann í spænsku
lærði ég í sumarlangri dvöl í Mex-
íkó árið 1974. Það eru orð eins og
enchiladas, burritos, tacos, nachos,
pan dulce og molé - það síðast-
nefnda „molé“ er einhver lostæt-
asta sósa í heimi, búin til úr þeim
ólíklegu hráefnum pipar og súkku-
laði.
Hið mexí-
kanska eld-
hús er jafn-
stórkostlegt
og franskt,
indverskt,
kínverskt, taí-
lenskt, ítalskt og líbanskt. Ef svona
staðir væru í röðum á Laugavegin-
um þyrfti sú gata engu að kvíða.
Það er að vísu meiri vandi að bera
fram góðan mat á góðu verði held-
ur en að selja áfengi dýrum
dómum. En fyrr eða síðar mun
Reykjavík komast á það alþjóð-
lega menningarstig að það þurfi
meira en barborð og bjórkrana til
að geta opnað vinsælan veitinga-
stað.
Það er stand á Goddastöðum
núna. Dómsmálaráðherrann okkar
virðist hafa dottið mjög harkalega
á höfuðið því að nú er
hann kominn með þá
flugu í höfuðið að við
eigum að taka upp
evru sem gjaldmiðil -
án þess að ganga í Evr-
ópusambandið.
Hugsanlega er mig
að misminna en það er
samt eins og mig rámi í
að Valgerður Sverris-
dóttir hafi áður en allt
var komið í
óefni hér á
landi viðrað
hugmyndir
eitthvað í
þessa veru
sem vöktu
mikla hneyksl-
an og aðhlátur hjá
Flokknum.
Að ætla að taka upp
evru án þess að ganga
í Evrópusambandið er
álíka raunhæft og
stinga upp á því að ein-
hver verði skipaður
dómari við hæstarétt án
þess að vera í Flokknum.
Það er með ólíkindum hvað þessi
ryðgaða valdamaskína er lengi
að átta sig á því sem hvert
mannsbarn á landinu veit.
Þessi úrræðalausi seina-
gangur minnir helst á öld-
ungaveldið og flokks-
maskínuna þegar
Sovétríkin lögðust bana-
leguna á síðustu öld.

MÁNUDAGUR, 14. JÚLÍ.
Ferðahugur og óhugur
Nú er kominn ferðahugur í frú
Sólveigu en ferðaóhugur í mig. Ég
hlakka til þess að vera kominn á
áfangastað en frómt frá sagt kvíði
ég fyrir ferðalaginu. Mér finnst
heldur óskemmtilegt að afsala
mér bæði sjálfsögðum þægindum
og mannlegri reisn eins og nú tíðk-
ast ef fólk leggur á sig að ferðast
flugleiðis.
MIÐVIKUDAGUR, 16. JÚLÍ.
Ferðamanna-
stóriðja
Sumarfríið er byrj-
að og sólböðun
hafin. Í gærmorgun
á óguðlegum tíma
ók Krummi okkur
Andra, litlu Sól og
frú Sólveigu til Kefla-
víkur. Það var
fyrsti leggur-
inn í
sumarleyfisferðinni til Kanarí-
eyjunnar Tenerife. Næsti leggur
var svonefnd innritun og tók lang-
an tíma því að við lentum aftast í
lengstu biðröð sem ég hef nokk-
urn tímann tekið þátt í. Þarna í
röðinni hittum við svo samferða-
fólk okkar, doktorana Árnýju og
Össur og dæturnar Birtu og Ingu
og það voru fagnaðarfundir.
Ástæðan fyrir því að Kanaríeyj-
ar urðu fyrir valinu að þessu sinni
sem sólarland er einfaldlega sú að
reynsla okkar undanfarin ár af
Miðjarðarhafslöndum er sú að í
júlí og ágúst geti maður reiknað
með að lenda í hitasvækju sem
minnir fremur á helju en himna-
ríki.
Þrjátíu stig eru minn óskahiti.
Við fjörutíu og fimm gráður eins
og í Tyrklandi í fyrrasumar leið
mér eins og spældu eggi og
var álíka frjór í hugsun og
forsætisráðherra á kreppu-
tímum.
Tenerife er ábyggilega
afar merkilegur staður, en
frómt frá sagt er það af
landslaginu hérna sem
ég hef séð á leiðinni
frá flugvelli að íbúða-
hótelinu ekki ósvipað
mjög stórri malar-
gryfju, grýtt og gróð-
ursnautt.
Á þessum allsherjar
sprengisandi hefur
sprottið upp alþjóðlegur
ferðamannaiðnaður sem
gengur fyrir sólarorku,
því að hér er sumar og
blíða allan ársins hring
og svalandi hafgola.
Íbúðahótelið sem við
búum á heitir Marylanza.
Þetta er nýlegt og þægilegt
hótel, byggt í stíl sem hótel-
eigendur telja greinilega að
höfði til ferðafólks og virð-
ist vera sprottinn úr einhverj-
um ævintýraheimi mitt á milli pip-
arkökuhúsa og Disneylands.
Svo er sagt að engin sé rós án
þyrna og ferðamannaiðnaður veld-
ur því miður jafnmikilli mengun
og önnur stóriðja.
Sagnfræðingum ber ekki
nákvæmlega saman um hverjir
það voru sem útrýmdu frumbyggj-
um Kanarí-eyja en alla vega voru
það einhverjir utanaðkomandi
aðilar. Nú eru eyjarnar sýsla í
Spánarveldi.
Á fyrri hluta síð-
ustu aldar áður en
flugsamgöngur urðu
jafntíðar og nú var litið
á þessar eyjar sem
útkjálka og hing-
að var hershöfð-
inginn Franco
sendur í nokk-
urs konar
skammarkrók. En hann lét krók
koma á móti bragði og lagði fyrst
eyjarnar undir sig og hélt síðan til
meginlandsins og hertók allan
Spán. Nafn Francos er síðan til-
beðið af sanntrúuðum hægrimönn-
um en réttlætinu þótti það enginn
héraðsbrestur þegar fjandinn
loksins sótti hann.
FIMMTUDAGUR, 17. JÚLÍ.
Heimsmarkaðsverð
á sólarolíu
Það tekur nokkra
daga að ná full-
komnu meðvit-
undarleysi og
þeirri andlegu
djúpslökun sem
er tilgangur sól-
arlandaferða.
Hérna á hót-
elinu er prýði-
leg aðstaða til
að gleyma
öllum áhyggj-
um og sól-
skinið er vel
og ríkulega
útilátið.
Allar lífs-
nauðsynjar
eins og
vatn og
brauð og
veitingastaðir
eru innan seilingar og
æðri máttarvöld hafa séð til þess
að það netsamband við kreppuna á
Íslandi sem hótelgestum var lofað
reynist vera blekking.
Til allrar hamingju er netsam-
bandslaust við Ísland nema frá
torfundnum netkaffihúsum og
áhyggjuleysið algjört.
Olíuverð á heimsmarkaði skipt-
ir engu máli í velheppnuðu sumar-
leyfi. Hér er það dagsprísinn á sól-
arolíu sem er umræðuefnið á
sundlaugarbakkanum.
KÆRA DAGBÓK
Þráinn Bertelsson skrifar
Sóldýrkun í sandgryfju
Í dagbók Þráins Bertelssonar er sagt frá sóldýrkun, sumarleyfi og ferðamannastóriðju. Einnig er fjallað um dularfulla fætur í
Kanada, endalok Sovétríkjanna og heimsmarkaðsverð á sólarolíu.
SAMSETT MYND