Fréttablaðið - 20.09.2008, Blaðsíða 18
18 20. september 2008 LAUGARDAGUR
SUNNUDAGUR, 14. SEPTEMBER.
Hugdjarfur maður í
heimsókn
Helgin hefur öll farið í vinnu. Ég
er eiginlega hættur að geta hugs-
að um annað en klára bókina
mína.
Össur frændi minn og vinur leit
við hjá mér í heimsókn. Hann er
orðinn leiður á að bíða eftir því að
ég reki smiðshöggið á verkið. Það
sá ég af því að hann dró upp úr
vasa sínum höfðinglega gjöf,
krukku af sultutaui sem soðið er
úr vestfirskum aðalbláberjum.
Hann var búinn að lofa að færa
mér þessa gjöf þegar ég lyki við
bókina en nú er hann sennilega
orðinn úrkula vonar um að mér
takist að ljúka verkinu.
Þótt það sé mjög í tísku núna að
birta innihald trúnaðarsamtala í
dagbókum ætla ég ekki að hafa
eftir hér þær fréttir sem Össur
færði mér úr starfi sínu í ríkis-
stjórn Íslands.
Mér þykir líka svo vænt um
hann að ég sat á strák mínum og
stríddi honum ekkert á samstarf-
inu við Árna Matthiessen. Það
hlýtur að vera merkilegt að eyða
hluta af vinnutíma sínum í að sitja
til borðs með pólitísku líki sem
segist vera sprelllifandi. En hvort
tveggja er jú fremur regla en und-
antekning í Flokknum þar sem
þeir sem liggja rotnandi í valnum
eru allra manna brattastir og
ganga í endurnýjun lífdaganna í
Valhöll og búa í pólitískum graf-
hýsum.
Annars töluðum við mest um
listir og ég vildi meina að hand-
bolti væri íþrótt en ekki list. Ég
spurði Össur hvort Alþingi ætlaði
ekki að reka af sér slyðruorðið svo
að sú nánasarlega „viðurkenn-
ing frá Alþingi“ sem Alþingi
Íslendinga kallar „heiðurs-
laun“ listamanna (150
þús. á mán) haldi ekki
lengur áfram að kalla
á meira en 50% kjara-
skerðingu frá venju-
legum starfslaunum
listamanna sem úthlutað
er af býrókrötum og eru
um 250 þús. á mán. Þetta
þætti Alþingi athuga-
vert ef það væru
skákmeistarar
sem ættu í
hlut en ekki
listamenn.
Össur
sagði fátt
og mátti
af því
ráða að
hann taldi
að Kínatví-
farinn og
handboltaunn-
andinn í mennta-
málaráðuneytinu
hafi tæplega sál-
argáfur til að
hugsa um mál
heiðurslista-
manna út frá lág-
marks sanngirni,
heilbrigðri skyn-
semi né heiðri
Alþingis heldur
eingöngu út frá
sjálfri sér, því
að hún hafi sagst
óttast, ef hún
leiðréttir
skammarkjör
heiðurslista-
manna með
hliðsjón af
almennum
starfslaun-
um, verði
henni legið á
hálsi að vilja
hygla föður
sínum, Gunnari
Eyjólfssyni, stórleik-
ara og vini mínum. Sem enginn
grunar um að hafa nokkurn tím-
ann reynt að koma nokkru tauti
við dóttur sína.
Þetta mál snýst ekki um stórar
fjárhæðir heldur virðingu og
vökult auga Alþingis og þeirra
sem Alþingi vill sýna heiður en
ekki fyrirlitningu eða mis-
munun; jafnvel þótt
menntamálaráðherr-
ann sem situr í augna-
blikinu virðist hvorki
kunna að skeyta um
skömm né heiður. Ein-
hvern tímann verður að
taka fram fyrir hendurnar
á þessari manneskju.
Þegar ég var
líka farinn að
spyrja um leið-
togahæfileika
og stjórnfimi
forsætisráð-
herrans tæmdi
Össur kaffi-
bollann í
einum sopa og
sagðist þurfa
að fara að drífa
sig.
Innst inni
dáist ég að Öss-
uri fyrir
þá
ræktarsemi að líta til
mín með nokkuð jöfnu
millibili og þurfa að hlusta á inn-
blásnar vandlætingarræður, en
vér hófsamir stjórnleysingjar
erum á móti öllum ríkisstjórnum,
ekki bara þeim sem pólitísk lík
eins og A. Matthiessen embætta-
veitinga- og flugvallasöluráðherra
eða B.B. kaldastríðsgeneralissimo
og raftækjaráðherra og Togga
Kínatvífari eiga sæti í.
MÁNUDAGUR, 15. SEPTEMBER.
Dúkkulísur og raftæki
– ekki lögreglumenn
Jón Kaldal skrifar tímabæran leið-
ara í Fréttablaðið: Það er eitthvað
verulega bogið við þá hugsun sem
er að baki þróun löggæslumála í
landinu. Hvaða hugmyndafræði
er til dæmis að lögreglumenn á
höfuðborgarsvæðinu eru færri nú
en þeir voru árið 1990?
Hér höfum við haft dómsmála-
ráðherra sem lét búa til stórar
löggudúkkulísur til að minna fólk
á umferðarreglur og nú höfum við
einn sem hefur áhuga á sérsveit-
um og greiningardeildum og raf-
magnstækjum – sem eiga að
vernda yfirvöld fyrir ólýðræðis-
legum öflum – en engan áhuga á
almennu lögreglunni – sem á að
vernda almenning fyrir lögbrot-
um.
Til að mynda eru innbrot í íbúð-
arhús á höfuðborgarsvæðinu orðin
svo algeng að nánast er um farald-
ur að ræða. Ég efast hvorki um
góðan vilja né metnað hins nýja
lögreglustjóra á höfuðborgar-
svæðinu og hans nánustu með-
stjórnenda um að bæta lög-
gæsluna – en til þess þarf
dómsmálaráðherra sem
lítur á sig sem þjón almenn-
ings en ekki sem general-
issimó í óstofnuðum her.
ÞRIÐJUDAGUR, 16. SEPTEMB-
ER.
Uppstokkun á fjöl-
miðlum og í Fischer-
sundi 3
Fréttastofur RÚV voru sameinað-
ar í dag. Þorgerður Kínatvífari og
ríkisútvarpsalmannahlutafélags-
málaráðherra „segir það vera
greinilegt að stjórnendur RÚV séu
búnir að velta þessu mjög mikið
fyrir sér, enda sé útvarpsstjóri
með mjög mikla reynslu af sjón-
varps- og útvarpsrekstri.“
Fréttastofur visir.is, Bylgjunn-
ar og Stöðvar 2 voru sömuleiðis
sameinaðar í dag án þess að Þor-
gerður Kínatvífari hefði orð um
það að segja.
Hérna á heimilinu varð einnig
mikil uppstokkun. Hrafn yngri
sonurinn heima í Fischersundi 3
hleypti heimdraganum og flutti út
af Hótel Mömmu sem mér þykir
djarfmannlega gert í kreppunni.
Krummi og Atli vinnufélagi hans
leigja sér saman íbúð við Snorra-
braut og ætla að vinna með skóla-
námi í vetur.
Það eru auðvitað blendnar til-
finningar sem fylgja því að sjá á
eftir börnum sínum flytja að heim-
an en Krummi er öflugur strákur
og þegar hann verður búinn að
finna út hvað hann vill fá út úr líf-
inu og setja sér markmið halda
honum engin bönd.
MIÐVIKUDAGUR, 17. SEPTEMBER.
Skrilljónamæringum
fjölgar um 100% fyrir
norðan
DV hefur sagt frá því að Abram-
ovitsj, eigandi knattspyrnuliðsins
Chelsea, hafi hug á lóð og glæsi-
villu við rætur Vaðlaheiðar í Eyja-
firði „og hyggist hann falast eftir
miklu plássi undir höll sína. Stöð 2
hafði samband við eiganda lóð-
anna en hann sagðist ekkert geta
tjáð sig um málið. Og var því
reyndar mjög mótfallinn að fjall-
að yrði um það.“
Ég fyrir mína parta sé ekkert
athugavert við að Rússi flytjist til
Íslands og reyni að hafa það gott
frekar en Íslendingar hafa flust til
Rússlands og efnast vel. Gaman
væri líka að Róman fengi áhuga á
knattspyrnumálum á Akureyri, til
dæmis með því að bjóða Þórsurum
að fá Hiddink fyrir þjálfara og
Jóhannes í Bónus gæti þá útvegað
KA Scolari eftir næstu leiktíð.
Það hlýtur líka að hafa verið
rosalega einmanalegt fyrir
Jóhannes í Bónus að vera eini
skrilljónamæringurinn á svæðinu
og gaman að fá í nágrennið öflug-
an kollega.
FIMMTUDAGUR, 18. SEPTEMBER.
Fögnuður og fréttafyrir-
sagnir
Í morgun hófst hér í Fischersundi
fimm ára afmælisfögnuður sem
stendur þar til á sunnudag.
Hápunkturinn verður þó mikil
afmælisveisla fyrir skólasysturn-
ar sem litla Sól á í Leikskólanum
Njálsborg, en þar verða meðal
veislurétta svonefndar afapitsur
sem hafa gert stormandi lukku í
hverju barnaafmælinu á fætur
öðru undanfarin ár og áratugi.
Af því að þær fréttir sem berast
mér af fólki utan fjölskyldunnar
les ég mest á fréttavefjum á net-
inu langar mig til að koma með
smáathugasemd.
Sumar fréttafyrirsagnir á net-
síðum verða ótrúlega langlífar og
hanga uppi dögum og jafnvel
vikum saman. Á visir.is eru tvær
viðbjóðslegar fyrirsagnir sem eru
þarna uppi dag eftir dag og hljóða
svo: „Keyptu fimm ára telpu til að
hópnauðga“ og hin fyrirsögnin er
„Hafði mök við hund að barni við-
stöddu“.
Ekki efast ég um að góðar heim-
ildir séu fyrir þessum ljótu frétt-
um, en það þarf mikið sinnuleysi
og mikla tilfinningadeyfð til að
hafa svona fyrirsagnir uppi dag
eftir dag.
Lifandi lík í pólitík
Í dagbók Þráins Bertelssonar er fjallað um yfirnáttúrlegt langlífi framliðinna stjórnmálamanna; minnst á Toggu Kínatvífara og
handknattleiksráðherra; Amatthiessen embættaveitinga- og flugvallasöluráðherra og B.B. dómsmálageneralissimo og raftækja-
ráðherra; einnig er talað um að yfirgefa Hótel Mömmu.
KÆRA DAGBÓK
Þráinn Bertelsson skrifar
Vertu öflugri – lengra nám
Opni Háskólinn í HR
Fjármálstjórnandans
„Lykilatriðiárangursríksreksturs“ Námskeiðiðhefst29.september2008íReykjavíken2.oktoberáEgilsstöðum
Stjórnendurframtíðarinnar
„Markvissstjórnendaþjálfunskilarárangri“Hefst9.oktober. Nánariupplýsingarstjornmennt@opnihaskolinn.isS:5996200