Fréttablaðið - 02.12.2008, Blaðsíða 2

2 2. desember 2008 ÞRIÐJUDAGUR
MÓTMÆLI Hundruð mótmælenda
söfnuðust saman í anddyri Seðla-
bankans eftir mótmælafund fyrir
utan Stjórnarráðið síðdegis í gær
og kröfðust þess að Davíð segði
af sér. Mótmælendur sungu sam-
stöðusöngva og kölluðu Davíð
burt! Davíð burt!
Mótmælendur dvöldu í Seðla-
bankanum í nær tvær stundir.
Lögreglan hótaði að beita gasi en
ekki kom til þess. Tugir lögreglu-
manna röðuðu sér upp fyrir innan
innstu glerhurðina í Seðlabankan-
um og stóðu þar í þéttri fylkingu
með lögregluhjálma á höfði og
plastbrynjur en smám saman
slaknaði á varnarbrynju lögreglu-
mannanna.
Geir Jón Þórisson, yfirlögreglu-
þjónn hjá lögreglunni í Reykja-
vík, vildi ekki gefa upp hversu
margir lögreglumennirnir hefðu
verið, hvaða vopn lögreglan hafi
verið með eða hvaða gas hafi átt
að nota. „Mótmælendur voru var-
aðir við að ef mótmælin gengju
lengra og menn myndu ryðjast
inn þá gætu þeir átt von á gasi.
Það var búið að undirbúa það.“
Eftir hátt í tveggja tíma mót-
mæli komu mótmælendur með þá
sáttatillögu að ef lögreglan færi
þá myndu mótmælendur fara
líka. Lögreglan mætti skilja þrjá
menn eftir til að fylgjast með að
mótmælendur færu. Lögreglan
yfirgaf samstundis anddyrið.
Mótmælendur yfirgáfu bygging-
una eftir að hafa fagnað sigri.
Áður en mótmælendur komu í
Seðlabankann hafði Eva Hauks-
dóttir, sem titlar sig norn, flutt
Vargastefnu fyrir utan Stjórnar-
ráðið. Eva hitti Geir Jón fyrir
utan Seðlabankann og bað hann
að hjálpa sér að ná tali af seðla-
bankastjóra. Þau hittu seðla-
bankastjórana þrjá og Eva skor-
aði á Davíð að segja af sér. Hún
segir að hann telji sig ekki bera
neina ábyrgð á því hvernig komið
er og hann ætli ekki að víkja. Eva
bar Davíð með táknrænum hætti
út úr Seðlabankanum. „Ég var
með brúðu í líki Davíðs og henti
henni út úr bankanum. Það hefur
táknrænt gildi. Hann mun fara,“
sagði Eva Hauksdóttir.
ghs@frettabladid.is
VIÐSKIPTI Heimsmarkaðsverð á
hráolíu lækkaði um fjóra dali á
tunnu í gær og fór um tíma
undir 49,5 dali eftir að Samtök
olíuútflutningsríkja (OPEC)
ákváðu á neyðarfundi í Kaíró í
Egyptalandi um helgina að
fresta ákvörðun um breytingu á
framleiðslukvóta fram að næsta
fundi eftir um hálfan mánuð.
Mjög hefur dregið úr eftir-
spurn eftir olíu og eldsneyti upp
á síðkastið og hefur það valdið
snarpri verðlækkun á svarta
gullinu. Verðið fór hæst í 147,27
dali á tunnu í júlí. Verði dregið
úr framleiðslunni stefna
samtökin að því að hífa verðið
upp á ný, samkvæmt vefútgáfu
Financial Times í gær. - jab
OPEC fundar eftir tvær vikur:
Vonast til að
hækka olíuverð
Hitti Davíð og henti
líkneski af honum út
Hundruð mótmælenda söfnuðust saman í anddyri Seðlabankans í gær og
kröfðust afsagnar Davíðs Oddssonar. Skömmu áður hafði Eva Hauksdóttir feng-
ið að hitta seðlabankastjórana þrjá og borið Davíð út með táknrænum hætti.
BJÖRGUN Ekkert hefur spurst til
karlmanns um sjötugt sem
saknað hefur verið frá því á
laugardag. Hann fór til rjúpna-
veiða en skilaði sér ekki aftur að
bílnum skammt frá Skáldabúðum
í Skeiða- og Gnúpverjahreppi.
Samkvæmt upplýsingum frá
Slysavarnafélaginu Landsbjörgu
leituðu um 100 björgunarsveitar-
menn mannsins í gær. Leit var
hætt um kvöldmatarleytið, en
leitað verður áfram í dag.
Áhersla var lögð á að þéttleita
svæði í þriggja kílómetra radíus
frá þeim stað sem maðurinn sást
síðast. Notast var við þyrlu,
fjórhjól, hesta og gönguhópa. - bj
Rjúpnaskytta enn ófundin:
Um 100 leituðu
í allan gærdag
LEITUÐU Snjór féll á leitarsvæðinu í
fyrrinótt og skóf í skafla í gær.
MYND/SLYSAVARNARFÉLAGIÐ LANDSBJÖRG
www.skalholtsutgafan.is
FÆST Í KIRKJUHÚSINU OG ÖLLUM HELSTU BÓKAVERSLUNUM
Bók eftir Móður Teresu í þýðingu Karls Sigurbjörnssonar biskups.
Safn ummæla Móður Teresu, hugleiðingar og bænir.
Einfaldur og uppbyggilegur boðskapur
Unnur, ætlið þið að kenna
kórréttan lífstíl?
„Já, og vonum að sem flestir taki
undir með okkur.“
Leikskólinn Kór í Kópavogi var vígður sem
heilsuleikskóli í gær. Unnur Stefánsdóttir
er leikskólastjóri í Kór.
EFNAHAGSMÁL Sænski bankasér-
fræðingurinn Mats Josefsson mun
taka við starfi Ásmundar Stefáns-
sonar við uppbyggingu íslenska
bankakerfisins. Þetta kemur fram
í tilkynningu frá forsætisráðuneyt-
inu. Josefsson starfaði í þrettán ár
hjá Alþjóðagjaldeyrissjóðnum, og
var áður aðstoðarforstjóri sænska
fjármálaeftirlitsins. Hann stýrði
eftirliti með sænsku bönkunum í
bankakreppunni 1990 til 1994.
Josefsson er ráðinn tímabundið,
en hann verður hinn „virti
bankasérfræðingur“ sem vísað er
til í samkomulagi íslenskra
stjórnvalda við Alþjóðagjaldeyris-
sjóðinn. - bj
Svíi tekur við af Ásmundi:
Stýrði eftirliti í
sænskri kreppu
VIÐSKIPTI Kaupþing banki hefur
óskað eftir greiðslustöðvun eða
gjaldþrotavernd samkvæmt
nýjum lögum í Bandaríkjunum.
Beiðni þessa efnis var lögð fram í
gjaldþrotarétti í New York í gær.
Kaupþing (gamla) fékk heimild
til greiðslustöðvunar hér á landi í
síðustu viku og gildir hún til 13.
febrúar á næsta ári. Ólafur
Garðarsson hæstaréttarlögmaður
hefur verið ráðinn aðstoðarmaður
í greiðslustöðvun og fór hann
fram á greiðslustöðvun ytra.
- bih
Útibú Kaupþings í New York:
Greiðslustöðv-
un samþykkt
EFNAHAGSMÁL Vigdís Finnbogadóttir, fyrrverandi for-
seti, stappaði stálinu í Íslendinga á 90 ára afmælis-
hátíð íslenska fullveldisins sem haldin var í Cadogan
Hall í London í gærkvöld. Metaðsókn var á hátíðina
og hvatti Vigdís Íslendinga til að standa þétt saman
á erfiðum tímum.
Mikil og þjóðleg stemning var á hátíðinni sem
endaði á því að þjóðsöngurinn ómaði um salinn.
Vigdís var heiðursgestur hátíðarinnar og í ávarpi
sínu fór hún ekki leynt með vonbrigði sín yfir því
hvernig orðspor Íslendinga hefði beðið hnekki
erlendis í tengslum við íslensku fjármálakreppuna.
„Skyndilega stöndum við frammi fyrir því að það
hefur fallið á bjarta mynd Íslands og það er okkur
Íslendingum næsta óbærilegt að horfast í augu við
grimmilegt hrun þjóðarbúsins og þau miklu
vandamál sem það hefur skapað. Það hefði létt
sárindin gagnvart gömlum bandamanni hefðu orð og
gerðir á vissum stöðum hér í London tekið mið af
ástandinu,“ sagði Vigdís.
Hún sagði særandi að fjallað væri um íslensku
fjármálakreppuna í erlendum fjölmiðlum eins og
allir Íslendingar hefðu staðið að glannalegum
athöfnum sem ekki hafi reynst för til frægðar.
Vigdís lagði áherslu á að Íslendingar hefðu orðið
fyrir miklu andstreymi margsinnis fyrr og ætíð
tekist að rétta sig við. - ha
Vigdís Finnbogadóttir hvatti Íslendinga til að standa saman á erfiðum tímum:
Fallið á bjarta mynd Íslands
VEL TEKIÐ Vigdísi Finnbogadóttur var vel tekið í London. Hér er
hún ásamt Ólafi Kjartani Sigurðarsyni baritón (til vinstri), Sverri
Hauk Gunnlaugssyni sendiherra og Felix Bergssyni, kynni á
hátíðinni. FRÉTTABLAÐIÐ/HELGA ARNARDÓTTIR
KRÖFÐUST AFSAGNAR DAVÍÐS Hundruð mótmælenda söfnuðust saman í and-
dyri Seðlabankans í gær og kröfðust afsagnar Davíðs með söng. Mótmælendur
kölluðu „Davíð burt! Davíð burt!“ „Við ákváðum að fara af því að það er ekki
tekið neitt mark á okkur,“ sagði Kjartan Þór Ingason, einn mótmælenda.
SKOÐANAKÖNNUN Vinstrihreyfingin
- grænt framboð nýtur mests fylgis
um þessar mundir samkvæmt
nýjum þjóðarpúlsi Gallup. Flokkur-
inn mælist með 32 prósenta fylgi.
Stuðningur við ríkisstjórnina hefur
ekki verið minni frá árinu 1993, og
mælist liðlega 32 prósent. Þetta
kom fram í fréttum Ríkisútvarps-
ins. Um 31 prósent styðja Samfylk-
inguna. Um 21 prósent myndu kjósa
Sjálfstæðisflokkinn, sem er sögu-
legt lágmark. Um átta prósent sögð-
ust styðja Framsóknarflokkinn, og
þrjú prósent Frjálslynda. Um þrjú
prósent styðja Íslandshreyfinguna.
Sextán prósent aðspurðra sögðust
myndu skila auðu yrði gengið til
kosninga í dag. Í síðasta Þjóðar-
púlsi Gallup í byrjun nóvember
komu einnig fram miklar sveiflur í
fylgi flokkanna og mældust Sjálf-
stæðisflokkur, Samfylking og
Vinstri-græn þá með áþekkt fylgi.
Ef niðurstöður tveggja síðustu
Þjóðarpúlsa eru skoðaðar hafa
Vinstri-græn bætt við sig ellefu
prósenta fylgi á stuttum tíma sem
svarar til taps Sjálfstæðisflokksins
á sama tíma.
Í nóvember mældist stuðningur
við ríkisstjórnina í fyrsta skipti
undir 50 prósentum á kjörtímabil-
inu, en 46 prósent þeirra sem tóku
afstöðu sögðust styðja ríkisstjórn-
ina á þeim tíma. - bj / shá
Þjóðarpúls Gallup sýnir miklar sveiflur í fylgi stjórnmálaflokkana á stuttum tíma:
Vinstri-græn njóta mests fylgis
FÓLK „Við leggjum áherslu á
heimatilbúinn mat og mat frá
okkar búi,“ segir Ólöf Hall-
grímsdóttir,
ferðaþjónustu-
bóndi, sem
rekur kaffihús-
ið Vogafjós í
Mývatnssveit.
Þar er ekkert
venjulegt kaffi-
hús á ferð þar
sem það er
staðsett í fjósi
og geta gestir
horft í gegnum glugga á kýrnar
og kálfana.
Alla laugardaga fram að jólum
verður þar boðið upp á hádegis-
verðarhlaðborð undir yfirskrift-
inni Baulaðu nú Búkolla mín. Er
þetta í fyrsta sinn sem Vogafjós
býður upp á slíkt á aðventunni.
- sg/ sjá sérblað um Norðurland
Vogafjós í Mývatnssveit:
Veislumatar
notið í fjósi
ÓLÖF HALLGRÍMS-
DÓTTIR
FYLGI STJÓRNMÁLAFLOKKA
Hvaða lista myndir þú kjósa ef
gengið yrði til kosninga nú?
B D S VF
N
óv
em
be
r
N
óv
em
be
r
N
óv
em
be
r
N
óv
em
be
r
N
óv
.
Í
8%
21
%
31
%
32
%
3%3%
ÞJÓÐARPÚLS GALLUP
SPURNING DAGSINS