Fréttablaðið - 02.12.2008, Blaðsíða 11

ÞRIÐJUDAGUR 2. desember 2008 11
MENNTAMÁL Stúdentar héldu 1.
desember hátíðlegan í gær og
efndu meðal annars til hátíðar-
halda á Háskólatorgi og Austur-
velli þar sem íslenskir námsmenn
afhjúpuðu Menntavitann.
Í tilkynningu segir að Mennta-
vitinn hafi það hlutverk að lýsa
Íslendingum leið út úr kröggun-
um og minna ríkjandi stjórnvöld
á mikilvægi menntunar á tímum
sem þessum. Við afhjúpun
Menntavitans lásu fulltrúar
stúdenta upp opið bréf til
Alþingis og ríkisstjórnar þar sem
hvatt var til aðgerða sem snerta
námsmenn. - ovd
Mikilvægi menntunar:
Lýsir Íslending-
um leiðina
FRÁ AUSTURVELLI Menntavitanum er
ætlað að lýsa íslendingum leið út úr
efnahagsþrengingunum.
FRÉTTABLAÐIÐ/PJETUR
RÚMENÍA, AP Jafnaðarmannaflokk-
ur Rúmeníu, sem að hluta til er
arftaki gamla kommúnistaflokks-
ins, fékk nánast
alveg jafnmörg
atkvæði og
Miðflokkurinn
DLF, sem
Traian Basescu
forseti tilheyr-
ir, í þingkosn-
ingum sem
fram fóru í
Rúmeníu á
sunnudag.
Búist er við
erfiðum stjórnarmyndunarvið-
ræðum, þar sem enginn flokkur
fær meirihluta á þingi.
Þegar meira en 90 prósent
atkvæða höfðu verið talin hafði
Jafnaðarmannaflokkurinn fengið
um 33,5 prósent atkvæða en
miðflokkurinn um 33 prósent.
Frjálslyndi flokkur Calins
Popescu Tariceanu forsætisráð-
herra er í þriðja sæti með um 18
prósent atkvæða.
Kjörsókn var mjög lítil, aðeins
um 39 prósent. - aa
Þingkosningar í Rúmeníu:
Enginn flokkur
nær meirihluta
CALIN PAPESCU
TARICEANU
Segja Kim á fótum
Norður-kóreskir ríkismiðlar greindu
frá því í fyrradag, að þjóðarleiðtoginn
Kim Jong-Il, sem ekki hefur sést opin-
berlega síðan í sumar, hefði heimsótt
flughersveit. Engar myndir fylgdu
fréttinni og ekki var heldur tekið fram
hvenær heimsóknin hefði átt sér stað.
Suður-kóresk yfirvöld telja að Kim
hafi fengið heilablóðfall í ágúst.
NORÐUR-KÓREA
DÓMSMÁL Karlmaður á þrítugsaldri
hefur verið dæmdur í sex mánaða
skilorðsbundið fangelsi og til
greiðslu 150 þúsund króna í
skaðabætur. Hann sló annan mann
með bjórglasi. Fórnarlambið hlaut
fjögurra til fimm sentimetra skurð
aftarlega á hvirfli. Hópur fólks var
saman kominn í Ölveri í Reykjavík.
Til orðaskaks kom sem leiddi til
þess að fórnarlambið sagði að
kærasta árásarmannsins væri með
ljót brjóst. Hún ýtti við glasi þess
fyrrnefnda með þeim afleiðingum
að bjór helltist yfir hann. Hann
stjakaði þá við konunni, sem féll
við. Árásarmaðurinn barði hann þá
í höfuðið með bjórglasi. - jss
Skilorðsbundinn dómur:
Barði í höfuð
með bjórglasi
DÓMSMÁL Farið var fram á frávísun
tveggja ákæra á hendur Benjamín
Þór Þorgrímssyni líkamsræktar-
þjálfara í héraðsdómi í gær. Benja-
mín Þór var ákærður fyrir líkams-
árás á Ragnar Ólaf Magnússon.
Árásin var sýnd í Kompásþætti um
handrukkanir á Íslandi síðastliðið
haust.
Vilhjálmur Hans Vilhjálmsson,
verjandi Benjamíns, sagði ljóst að
ákæruvaldið hefði gefið út tvær
ákærur fyrir sama brotið og lagt
þær báðar fyrir Héraðsdóm Reykja-
víkur. Þannig hafi tvö sakamál verið
höfðuð á hendur Benjamín vegna
sömu málanna. Það væri brot gegn
íslensku sakamálaréttarfari, stjórn-
arskrá og sáttmála um vernd mann-
réttinda. Hann átaldi ákæruvaldið
fyrir að senda fjölmiðlum endur-
skoðaða ákæru, áður en hún var birt
ákærða. Verjandi og ákærði hafi
fyrst fengið vitneskju um að ákær-
an væri í þremur köflum en ekki í
tveimur í gegnum fjölmiðla.
Sækjandi málsins hafnaði kröfu
um að málinu yrði vísað frá. Hann
sagði rétt að að forminu til hafi
verið gefnar út tvær ákærur.
Ákæruvaldið hafi hins vegar aftur-
kallað fyrri ákæruna og hafi til þess
skýra lagaheimild. Þá taldi hann
skrítið að ákærði geti ekki upplýst
hvaða ákæra var honum birt, sem
hafi verið sú seinni.
Úrskurðar dómara er að vænta í
dag klukkan ellefu. - hhs
Mál Benjamíns Þórs Þorgrímssonar var tekið fyrir í Héraðsdómi í gær:
Farið fram á frávísun ákæra
Í HÆSTARÉTTI Farið var fram á frávísun
tveggja ákæra á hendur Benjamín Þór
Þorgrímssyni héraðsdómi í gær.
FRÉTTABLAÐIÐ/GVA
ATVINNUMÁL Ljóst er að um
helmingur starfsmanna á
arkitektastofum innan vébanda
Félags arkitektastofa horfir fram
á atvinnuleysi frá og með 1.
febrúar næstkomandi. Þetta segir
í áskorun sem Félag arkitekta-
stofa og Arkitektafélag Íslands
hefur sent stjórnvöldum.
Félögin skora á stjórnvöld að
halda áfram undirbúningi
framkvæmda og áætla hæfilegan
tíma í undirbúning og hönnun.
„Verkefnin verða þá tilbúin til
framkvæmda þegar efnahagslífið
réttir úr kútnum.“ Annars megi
búast við stórfelldum flótta
menntafólks úr landi. - sh
Arkitektar eru uggandi:
Helmingur
missir vinnu
Vildarkorthöfum VISA og Icelandair býðst nú spennandi jólatilboð.
Þeim stendur til boða að velja á milli þriggja jólagjafabréfa hjá Icelandair
og greiða fyrir með Vildarpunktum. Gjafabréfin eru tilvalin jólagjöf
handa heimsborgaranum í fjölskyldunni.
10.000 Vildarpunktar jafngilda 6.000 króna gjafabréfi
20.000 Vildarpunktar jafngilda 13.000 króna gjafabréfi
30.000 Vildarpunktar jafngilda 20.000 króna gjafabréfi
+ Gjafabréfin eru eingöngu bókanleg á vefnum okkar, www.vildarklubbur.is
Sala hefst í dag kl. 09:00.
BREYTTU
VILDARPUNKTUM
Í JÓLAGJÖF
JÓLAGJAFABRÉF VISA OG ICELANDAIR
GILDIR SEM INNEIGN UPP Í FLUGFARGJALD
TIL ALLRA ÁFANGASTAÐA ICELANDAIR
Helstu skilmálar: Gjafabréfið gildir sem greiðsla upp í fargjald með Icelandair. Hægt er að nota eitt gjafabréf á hvern farþega í ferð. Gjafabréfið er hægt að nota fyrir hvern sem er.
Gjafabréfin eru í sölu til 24. desember 2008. Ekki er hægt að breyta gjafabréfi aftur í Vildarpunkta. Gjafabréfið gildir í eitt ár frá útgáfudegi til allra áfangastaða Icelandair í Evrópu og Bandaríkjunum.
Vildarklúbbur
ÍS
L
E
N
S
K
A
S
IA
.I
S
I
C
E
4
4
3
48
1
2/
08