Fréttablaðið - 02.12.2008, Blaðsíða 17
Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
JÓLAUPPSKRIFTIR að hinum ýmsu kræsingum
er að finna á síðunni vefuppskriftir.com. Þar má meðal
annars finna uppskriftir að engiferkökum, appelsínu-
kremi, ís, konfekti, steiktum rjúpum og jólaönd.
„Ég hef alltaf verið mikill útivist-
armaður og kynntist fjalla-
mennskunni þegar ég fór í björg-
unarsveit. Nánar tiltekið með
björgunarsveitinni Ingólfi sem
síðar hét Ársæll. Ég fékk áhuga á
ísklifri við það og fór sjálfur á
fullt,“ segir Freyr Ingi Björnsson,
formaður Íslenska alpaklúbbsins,
sem hefur stundað ísklifur frá
árinu 2000.
„Það er kannski erfitt að útskýra
áhugann fyrir því að hanga utan í
frosnum fossi,“ segir Freyr, beð-
inn um að útskýra aðdráttaraflið.
„Sjálfsagt er það vegna þess að
þarna tekst maður bæði á við
sjálfan sig og svo náttúruöflin.
Það er auðvitað skrítið að hugsa
til þess að verið sé að klífa frosinn
foss, vatn sem myndi að öðrum
kosti renna til sjávar. Enda hefur
verið sagt að ísklifur sé með
furðulegri íþróttum.“
Freyr heldur sér í góðu formi til
að geta stundað áhugamálið, fer í
ræktina að meðaltali fjórum sinn-
um í viku og þá tvo tíma í senn.
„Bæði stunda ég ólympískar lyft-
ingar og vinn svo mikið með eigin
líkamsþyngd, það er alveg nauð-
synlegt þar sem maður vinnur
mikið með hana í ísklifrinu,“ segir
hann og bætir við að markmiðið
sé þó ekki að verða eitthvert
vöðvafjall.
„Mitt markmið er ekki að verða
rosalega stæltur, því þá er mass-
inn bara meiri sem þarf að lyfta,“
bendir hann á. „Þvert á móti vil ég
bara vera í góðu formi, maður
þarf til dæmis að geta híft sig 40
sinnum til að ná eitthvert í ísklifr-
inu. Aðalatriðið er auðvitað bara
að hreyfa sig.“
Þótt átta ár séu liðin síðan Freyr
fór fyrst í ísklifur segist hann
endrum og eins upplifa sams
konar fiðring og í fyrstu ferðinni.
„Mér finnst enn fjör að klifra
þegar leiðirnar eru krefjandi, en
þeim fækkar óðum eftir því sem
ég verð reyndari,“ viðurkennir
hann.
Hann bætir við að þeir sem hafi
áhuga á ísklifri geti alltaf skráð
sig á námskeið hjá Íslenska alpa-
klúbbnum. Upplýsingar um hann
má nálgast á www.isalp.is.
roald@frettabladid.is
Finnst enn fjör að klifra
Freyr Ingi Björnsson, formaður Íslenska alpaklúbbsins, hefur stundað ísklifur um árabil og segir gott
líkamlegt form forsendu þess að geta stundað áhugamálið af fullum krafti.
Freyr fór fyrst í ísklifur í Þórsmörk og hefur stundað það af krafti síðan. MYND/GUÐMUNDUR TÓMASSON