Fréttablaðið - 02.12.2008, Blaðsíða 22

2. DESEMBER 2008 ÞRIÐJUDAGUR2 ● fréttablaðið ● norðurland
Sinfóníuhljómsveit Norðurlands
heldur stórtónleika á aðventu
laugardaginn 6. desember næst-
komandi klukkan 18.00.
Tónleikarnir verða í Íþróttahúsi
Glerárskóla en með hljómsveit-
inni verða tveir einsöngvarar, Dís-
ella Lárusdóttir og Jóhann Smári
Sævarsson ásamt Kvennakór
Akur eyrar. Vilhjálmur Ingi Sig-
urðarson spilar einleik á trompet
og stjórnandi er Guðmundur Óli
Gunnarsson. Búast má við hátíð-
legri stemningu sem kjörin er í að-
draganda jóla.
Miðar á tónleikana fást í Penn-
anum Eymundsson í Hafnarstræti
á Akureyri og í Hamri, félags-
heimili Þórs, við Skarðshlíð. Miða-
verð er 2.500 krónur. - hs
Sinfóníutónleikar á aðventunni
Sinfóníuhljómsveit Norðurlands heldur sína árlegu aðventutónleika 6. desember
næstkomandi og verða þar góðir gestir með í för. MYND/SINFÓNÍUHLJÓMSVEIT NORÐURLANDS
Ólöf Hallgrímsdóttir ferðaþjónustubóndi býður upp á heimareykt hangikjöt á hádegisverðarhlaðborði í Vogafjósi í Mývatnssveit
alla laugardaga fram að jólum.
Íslendingar vilja íslenskt í þess-
ari tíð. Það veitist þeim auðvelt
á hádegisverðarhlaðborði í
Vogafjósi við Mývatn þar sem
allur matur kemur beint af
býlinu.
„Við leggjum áherslu á heima-
tilbúinn mat og mat frá okkar
búi,“ segir Ólöf Hallgrímsdótt-
ir, ferðaþjónustubóndi í Vogum í
Mývatnssveit, en þar rekur hún
ásamt fjölskyldu sinni kaffihús-
ið og gistiheimilið Vogafjós. Alla
laugardaga fram að jólum verð-
ur þar boðið upp á hádegisverð-
arhlaðborð undir yfirskriftinni
Baulaðu nú Búkolla mín. „Við
teljum mjög mikilvægt að vita
hvað maður setur ofan í sig,“
segir Ólöf sem býr til, ásamt fjöl-
skyldu sinni, fjölbreyttan mat á
býlinu.
„Við reykjum kjöt og silung,
búum til kæfu, framleiðum ost
úr mjólkinni okkar, bæði mots-
arella og fetaost,“ segir Ólöf en
á öllu þessu má smakka á hádeg-
isverðarhlaðborðinu. Vogabænd-
ur selja einnig vöru sína beint
frá bænum og því getur fólk fest
kaup á hangikjötslæri eftir mat-
inn, eða gert sér ferð í Vogafjós
til að ná í reyktan silung á jóla-
borðið. En er hægt að kaupa
vörur þeirra víðar? „Nei, við vilj-
um sem fæsta milliliði,“ segir
Ólöf með áherslu.
Vogafjós er ekkert venjulegt
kaffihús. Eins og nafnið ber með
sér er það í fjósinu sjálfu og geta
gestir horft í gegnum glugga á
kýrnar og kálfana, en á Vogum
er stundaður búskapur með kýr
og kindur. Eins og gefur að skilja
myndast við þetta einstök stemn-
ing. Þetta er í fyrsta sinn sem
Vogafjós býður upp á hádegishlað-
borð á aðventunni en venjulega er
kaffihúsið opið frá maí og fram í
október. Þá er einnig tekið við hó-
papöntunum aðra daga ársins.
Ólöf segir móttökurnar við há-
degishlaðborðinu nú á aðventunni
góðar og bendir á að margt annað
sé í boði í Mývatnssveit þessa
dagana enda taki allir í þessu litla
sveitarfélagi þátt í því að gera
tíma ferðafólks sem eftirminni-
legastan. „Svo mæli ég með að
fólk fari í helgarferð í Mývatns-
sveit í staðinn fyrir að fara til út-
landa,“ segir Ólöf glettin. Hádeg-
isverðarhlaðborðið verður haldið
6., 13. og 20. desember og er mat-
urinn fram borinn milli 11.30 og
14. Á vefsíðunni www.vogafjos.
net má nálgast matseðilinn sem
er hreint út sagt girnilegur. Í for-
rétt er boðið upp á grafinn silung,
marinerað silungasalat, motsar-
ellasalat, reyktan silung auk þess
sem borið er fram hverabrauð,
ljóst brauð, sósur og smjör.
Aðalréttir eru soðið hangi-
kjöt, nautastrimlar í teriyaki-
sósu og bakaður silungur ásamt
fjölbreyttu meðlæti á borð við
jafning, kartöflur, rauðrófur,
epli, grænar baunir, kartöflusal-
at, steikt ferskt grænmeti, ferskt
grænmeti með fetaosti og sætar
kartöflur. Engin máltíð er full-
komin nema henni fylgi einhver
sætindi í lokin. Í Vogafjósi er
boðið upp á íslenska ábætisrétti
eins og ábrystir með berjasultu
og þeyttum rjóma, súkkulaði-
köku með rjóma og möndlugraut
með berjasósu. Þess má geta að
einhver heppinn fær möndlu-
verðlaunin. - sg
Baulaðu nú Búkolla mín
Úrsúla Árnadóttir guðfræðingur
tekur við prestsembætti á Skaga-
strönd á næstu vikum. Hún hlýt-
ur vígslu við Hóladómkirkju 14.
desember og mun að eigin sögn
sinna einhverju helgihaldi í sínu
væntanlega prestakalli strax
um hátíðarnar enda prestslaust
á Skagaströnd. En hvar liggja
hennar rætur?
„Ég er innfæddur Akurnesing-
ur og hef búið á Skaganum alla
mína tíð, þannig að ég flyt bara
af einum Skaga á annan,“ segir
hún glaðlega og kveðst hlakka
til að kynnast Norðurlandinu.
„Ættir mínar liggja sunnan heiða,
um Borgarfjörð og teygja sig
til Þykkvabæjar. En systir mín
býr að Flatatungu í Skagafirði
og á börn og barnabörn nyrðra
svo komin er stór grein af fjöl-
skyldunni þar. Það er heilmikill
stuðningur fyrir mig enda stutt
að skreppa í Skagafjörðinn yfir
Þverárfjallið.“ Hún segir eigin-
manninn, Guðmund Ágúst Gunn-
arsson vélvirkja, fylgja henni
norður og veit að dæturnar þrjár
verða að minnsta kosti tíðir gest-
ir þar.
Úrsúla er 51 árs og hefur
reynslu af ýmsum atvinnugrein-
um. Hún var þjónustustjóri í Ís-
landsbanka um árabil og rak
matvöruverslun á Akranesi í sjö
ár. „Ég fór í guðfræðinámið árið
2000 og lauk því árið 2006. Þá tók
ég þá vinnu sem bauðst sem var
í Norðuráli í Hvalfirði. Þar vann
ég með körlunum við kerin í
átta mánuði,“ lýsir hún og kallar
greinilega ekki allt ömmu sína.
Nú starfar Úrsúla sem skrif-
stofustjóri og meðhjálpari í
Neskirkju og sinnir meðal ann-
ars launabókhaldi og kaffihúsi.
Einnig kveðst hún hafa predikað
í kirkjunni og hjálpað til að deila
út sakramentinu við altarisgöng-
ur. „Í Neskirkju er mjög mikið
starf og ég fer með reynslu-
banka í farteskinu héðan norð-
ur,“ segir hún brosandi en kveðst
þó aðspurð ekki hafa tónað. „Ég
hef sungið í kirkjukór Saurbæj-
ar í Hvalfirði og vona að ég fari
ekki mikið út af laginu. En það
þýðir ekkert að stressa sig á því.
Auðvitað getur okkur mistek-
ist stundum og verðum bara að
viðurkenna það.“ Hún tekur vel
í uppástungu blaðamanns um að
æfa tónið bara í sturtunni! „Já
og á leiðinni í og úr vinnu. Ég er
í bílnum tvo tíma á dag og þar
gefst mér gott tækifæri til að
syngja.“ - gun
Æfir tónið í bílnum
Flytur af einum Skaganum á annan. Úrsúla Árnadóttir var valin úr þremur umsækj-
endum til að gerast prestur á Skagaströnd. FRÉTTABLAÐIÐ/GVA
NÚ ERU JÓLIN AÐ KOMA!