Tíminn - 09.06.1982, Page 19

MIÐVIKUDAGUR 9. JÚNÍ 1982
23
og leikhús - Kvikmyndir og leikhús
kvikmyndahornid
w , J
■ Victoria (Helen Mierren) í þungum þönkum í „Löngum föstudegi“.
IRA-menn taka
til hendinni
LANGUR FÖSTUDAGUR (Long Good Friday). Sýningarstaöur:
Regnboginn. Leikstjóri: John MacKenzie. Aöalhlutverk: Bob Hoskins
(Harold Shand), Helen Mirren (Victoria), Dave King (Porky), Derek
Thompson (Jeff), Eddie Constantine (Charlie). Handrit: Barrie Keeffc.
Myndataka: Phil Meheux. Framleiðandi: Barry Hanson fyrir Calendar
Productions og Black Lion Films, dreift af Handmade Films, 1979.
■ Bandarikjamenn hafa yfirleitt
veriö öðrum fremri i gerö sakamála-
mynda, en meö þessari mynd John
MacKenzie er Ijóst að breskir
kvikmyndagerðarmenn gefa sumir
hverjir Bandaríkjamönnum þar ekk-
ert eftir.
„Langur föstudagur" - sem reynd-
ar var sýnd i Háskólabiói á liðnum
vetri, en þá ekki um hana fjallað í
Kvikmyndahorninu, og er nú eins og
fleiri myndir úr Háskólabiói, komin
til framhaldssýninga í Regnboganum
- fjallar um undirheimalífið i
London, þar sem glæpaforingjar
hafa skipt borginni á milli sin svipað
og gerist i ýmsum bandariskum
borgum. Stærstur þeirra allra er
Harold Shand, sem er ieikinn alveg
frábærlega af Bob Hoskins. Shand er
m.a. kóngur spilavitanna i London,
auk ýmissrar annarrar glæpastarf-
semi þar í borg.
Þegar myndin hefst er Shand að
búa sig undir að taka á móti
sendimönnum frá bandarísku mafi-
unni, þar á meðal Charlie, en þeim
hefur hann gert tilboð um að
fjárfesta i uppbyggingu spilavita i
London. Lögð er áhersla á að friður
hafi verið á milli glæpaforingjanna i
borginni í tíu ár, vegna þess að þeir
sömdu um eins konar hverfaskipt-
ingu eftir langvinn átök, en daginn
sem Charlie kemur i heimsókn
verður allt vitlaust: ýmsar eigur
Shands, svo sem Rolls, sem flutti
móður hans til kirkju, og veitinga-
staður springa i loft upp, og sumir
manna Shands eru drepnir. Hann
veit ekki hvaðan á sig stendur veðrið,
en bregst samt við af hörku gegn
öllum þeim, sem hugsanlega gætu
staðið á bak við aðgerðir þessar.
Söguþráðurinn skal ekki rakinn
frekar hér, en rétt er þó að segja frá
þvi, að á daginn kom, að hér hafði
skrattinn hitt ömmu sina, þar sem
Shand hafði óafvitandi lent upp á
kant við IRA-menn í London. Og
þarf vist vart að spyrja að leikslokum
i þeirri viðureign.
Kvikmyndin er mjög skemmtilega
byggð upp. Upphafsatriðin vekja
strax forvitni og spennu, sem helst
allt til loka. Jafnframt er veitt nokkur
innsýn i starfsemi glæpahringa i
London og þá spillingu sem henni
tengist og nær jafnt inn i raðir
lögreglunnar sem stjórnvalda í borg-
inni.
Bob Hoskins tekst að gera Shand
að eftirminnilegum en ógnvekjandi
persónuleika, og Helen Mirren fer
einnig vel með hlutverk sitt sem
eiginkona glæpaforingjans.
Sem sagt: fagmannlega gerð og
spennandi sakamálamynd.
- ESJ.
Elías
Snæland
Jónsson,
skrifar
★★ Langur föstudagur
o Sekureðasaklaus
★ Forsetaránið
★ Með hnúum og hnefum
★★★ Ránið á týndu örkinni
o Gereyðandinn
★★ Lögreglustöðin í Bronx
★★★ Fram í sviðsljósið
★ Konan sem hljóp
Stjörnugjöf Tímans
★ ★ * ★ frábær ■ * + t mjög góð • ★ ★ góð • ★ sæmileg • O léleg