Tíminn - 22.06.1982, Blaðsíða 12
■ Vigdis Finnbogadóttir forseti ísiands flytur ávarp sitt.
Mikið fjölmenni var samankomið í iþróttahúsinu á Laugum og þéttsetinn bekkurinn þar, Erlendur Einarsson forstjóri í ræðustól.
Ingvar Gíslason menntamálaráðherra heilsar Vigdisi Finnbogadóttur forseta
„SAMVINNUHREYFINGIN ER EIN
VARMN A VEGFERD ÍSLENDINGA
sagdi Vigdfs Finnbogadóttir, forseti Islands að Laugum
■ Sigriður Ella söng við undirleik Ólafs Vignis.
■ „Samvinnuhreyfingin,
sem nú er eitt hundrað ára,
er ein varðan á vegferð
íslendinga til eigin sjálfstæð-
is. Hún er einnig sönnun
þess að okkur er unnt að
starfa saman, þótt ráðrík
séum hvert og eitt og hver
vill vera sinn eigin herra“
sagði Vigdis Finnbogadóttir
forseti Islands í upphafi
ávarps sins á hatíðarfundi
Samvinnuhreyfingarinnar
sem haldinn var að Laugum
í Reykjadal á sunnudaginn
til að minnast þess að
hreyfingin á 100 ára afmæli
um þessar mundir.
Lúðrasveit Húsavíkur lék undir stjórn
Sigurðar Hallmarssonar áður en fundurinn
hófst, en siðan setti Valur Arnþórsson
stjórnarformaður Sambands íslenskra
samvinnufélaga fundinn og var hann
fundarstjóri.
Vigdís Finnbogadóttir flutti ávarp sitt að
lokinni setningu fundarins og þar sagði hún
m.a.:
„Sameiginlegur arfur og sameiginleg
framtið okkar íslendinga hefur eflaust
verið ofarlega i hugum þeirra, er stofnuðu
fyrsta kaupfélagið, Kaupfélag Þingeyinga
fyrir réttum eitt hundrað árum. Fyrsti
framkvæmdastjórinn, Jakob Hálfdánarson
á Grímsstöðum við Mývatn, og fyrsti
formaður kaupfélagsins Jón Sigurðsson á
Gautlöndum, sáu fyrir sér nýja tíma á
íslandi, menn sem trúðu á afl og
samtakamátt þessarar þjóðar.“
í lok ávarps síns sagði Vigdis Finnboga-
dóttir, forseti, síðan:
„Efnaleg velferð og andlegur auður
getur orðið að ösku í bræðravígum, það
ættum við að hafa lært af eigin sögu. Með
samstarfi og samstöðu er hinsvegar afl
okkar íslendinga ómælt. Þann samhug má
flytja út og gefa öðrum þjóðum á sama hátt
og brautryðjendur Samvinnuhreyfingar-
innar á íslandi gáfu öðrum landsmönnum
á sínum tíma.
Ég óska okkur íslendingum til hamingju
með afmælisbarnið - öldunginn sem ber
aldurinn með virðulegri reisn - og við
vonum öll að megi, ásamt okkur sjálfum,
lifa og dafna í anda þeirra hugsjónamanna
sem horfðu fram á við i traustri trú á gott
land og góða skynsama þjóð“.
Á eftir Vigdísi Finnbogadóttur, forseta
íslands,flutti Finnur Kristjánsson, formað-
ur samstarfsnefndar um afmælishald, ræðu
og fjallaði hann m.a. um tilurð Samvinnu-
hreyfingarinnar á fyrstu árum hennar, en
að ræðu hans lokinni var fluttur leikþáttur-
inn „fsana leysir“ eftir Pái H. Jónsson og
var Páll sögumaður. Þótt sagt væri í
upphafi að allar persónur leikþáttarins
ættu sér ekki stoð í raunveruleikanum þá
blandaðist engum hugur um að leik
þátturinn fjallaði um þann merkisatburð,
fæðingu Samvinnuhreyfingarinnar á fs-
landi.
Að loknum leikþættinum flutti Robert
Davies fulltrúi Alþjóða samvinnusam-
bandsins ávarp og siðan söng Sigriður Ella
Magnúsdóttir einsöng við undirleik Ólafs
Vignis.
Ný öld í
islensku samvinnustarfi
„Upphaf samvinnustarfs á íslandi varð
heillaríkt skref i sjálfstæðisbaráttunni.
Samvinnustarfið jók mátt og styrkti trú á
framtið þjóðarinnar einmitt sökum góðs
árangurs sem samvinnuverslunin skilaði
félagsmönnum sínum" sagði Erlendur
Einarsson forstjóri Sambands islenskra
samvinnufélaga i upphafi hátiðarræðu
sinnar sem hann flutti á fundinum.
í ræðu sinni rakti hann tilurð hreyfingar-
innar og þær aðstæður sem voru i
þjóðfélaginu á þeim tíma er hún fæddist:
„Líkt og til að ögra öllum rökum á sagan
stundum til, að haga svo samspili aðstæðna
og atgervis, á óvæntum augnablikum, að
þegar niðurlægingin og vonleysið er hvað
mest þá er björgin næst. Við hljótum að
undrast þann kjark og það æðruleysi, að
einmitt á þessum tima, þegar varla var
lífsbjörgina að sjá frá degi til dags,
vandamálin hrönnuðust upp og leiðir
virtust fáar til björgunar gegnum harðind-
in, þá lögðu bændur i Þingeyjarsýslu þann
grunn sem hundrað ára samvinnustarf á
íslandi hefur byggst á. Okkur íslendingum
nútímans hrýs oft hugur við vanda líðandi
stundar og við sjáum varla armslengd frá
okkur í moldviðri vandamála, sem hver
vikan þyrlar upp i verðbólguþjóðfélagi
kröfugerðar og allsnægta - Við mættum
margt læra af stórhug þingeysku bændanna
sem létu ekki baslið smækka sig og draga
úr sér kjarkinn, heldur hugsuðu hæst,
þegar úrræðin virtust fæst.”
Undir lok ræðu sinnar sagði Erlendur:
„f hönd fer ný öld í islensku samvinnu-
starfi. Sem fyrr mun samvinnuhreyfingin
setja markið hátt í uppbyggingu íslensks
atvinnulifs, með þátttöku fjöldans sem
kjölfestu og manninn í öndvegi. Það er
boðorð nýrrar aldar“.
Síðasta atriði hátiðardagskrárinnar var
söngur Kirkjukórasambands Suður-Þing-
eyjasýslu, sem lauk með þvi að allir gestir
risu úr sætum og sungu með kórnum
þjóðsöng íslands en að þvi loknu sagði
Valur Arnþórsson fundinum slitið.
Myndir og texti FRI
■ Hátiðin að Laugum var fjölskylduhátið, þar sem allir meðlimir fjölskyldunnar
mættu.
(Tímamyndir FRI)
■ Á fremsta bekk má þekkja Ingvar Gislason menntamálaráðherra, Robert Davies fúlltrúa Alþjóða samvinnusambandsins, Eriend Einarsson forstjóra Sambandsins, Finn
Kristjánsson fyrrverandi kaupfélagsstjóra KÞ, Vigdisi Finnbogadóttur forseta tslands og Hjalta Pálsson framkvæmdastjóra Innkaupadeildar.