Tíminn - 17.07.1982, Blaðsíða 23

LAUGARDAGUR 17. JÚLÍ 1982
23
og leikhús - Kvikmyndir og leikhús
kvikmyndahornid
Jedanna
★★★ Hörkutólið
0 Stuð meðferð
★★ Sólin ein var vitni
★★ Sverðið og Seiðskrattinn
O Auga fyrir auga II
★★Amerískur varúlfur í London
★ Jarðbúinn
★★★ Lola
Cat Ballou
■ Unnið að myndatöku í rauðviðarskógi við CrescentCity i Kalifomiu,
þar sem þriðja „Star Wars“ myndin er að verða tii.
Mikil leynd
yfir „Hefnd
■ Mikil leynd hvílir yfir tökum á þriðju kvikmyndinni i myndaröðinni um
„Stjörnustríð“ eða „Star Wars“, en unnið er að þeim um þessar mundir í
Kaliforniu. Aður hafa kaflar i myndinni verið teknir m.a. í London og
Arizona. Leyndin, sem hvílir yfir töku myndarinnar er að sögn aðstandenda
hennar til þess að tryggja, að enginn annar kvikmyndaframleiðandi steli þeim
nýjungum, sem þriðja „Star Wars“ myndin hefur uppá að bjóða, áður en
frumsýning hennar verður 27. mai á næsta ári.
„Star Wars“ var sem kunnugt er
hugarsmíð Georg Lucas, sem jafn-
framt leikstýrði þeirri mynd. Hann
er framlciðandi þessarar þriðju
myndar, og hefur gefið margar
hugmyndir varðandi söguþráðinn
þótt hinn opinberi höfundur hand-
ritsins sé Lawrence Kasdan, þekktur
höfundur kvikmyndahandrita og
leikstjóri vestra. Leikstjóri er Rich-
ard Marquand, sem er breskur, og
Alan Hume stjórnar myndatökunni.
Þriðja kvikmyndin nefnist „The
Revenge of the Jedi“, eða „Hefnd
Jedanna“. Hún hefst þar sem „The
Empire Strikes Back“ endaði, en
mun svara mörgum þeim spurning-
um sem ósvarað var i þeirri
kvikmynd. Jafnframt munu þar
koma fram algjörlega nýjar verur,
sem að sögn munu ekki vekja minni
athygli en hinar sérkennilegu per-
sónur i fyrri myndunum tveimur.
Aðalleikararnir eru þeir sömu i
þessari mynd og hinum fyrri: Mark
Hamill fer með hlutverk Luke
Skywalker, Carrie Fischer er Leia
Organa, prinsessan unga, og Harri-
son Ford leikur ævintýramanninn
Han Solo. Fjandmaður þeirra,
Darth Vader, er á sinum stað,
leikinn af David Prowse, og Billy
Dee Williams leikur Lando Calrissi-
an, sem er mun fyrirferðarmeiri í
þessari mynd en hinni fyrri. Og að
sjálfsögðu eru vélmennin R2D2 og
C-3PO á sinum stað að ónefndum
apamanninum Chewbacca.
Kvikmyndatökurnar i Kaliforniu
fara fram á lokuðu svæði þar sem hin
frægu, risastóru rauðviðartré eru
notuð til þess að skapa framandi
landslag fyrir sögupersónurnar í
„Hefntí Jedanna". Þar á sem sé að
vera sérstæð pláneta, þar sem
verulegur hluti myndarinnar fer
fram. Endor nefnist hún, og þar búa
sérkennilegar verur, sem að sögn
innvigðra eiga eftir að koma áhorf-
endum skemmtilega á óvart.
Hver „Star Wars“ myndanna
tekur þrjú ár i vinnslu frá þvi að
handrit liggur fyrir og þar til hægt er
að frumsýna myndina. Þetta er
óvenjulangur timi þar vestra, en
Georg Lucas vill ekkert til spara, og
viðtökur almennings hafa hingað til
sýnt að þessi vönduðu vinnubrögð
borga sig. En auðvitað er þetta
þreytandi fyrir þá, sem vinna við
gerð myndanna - ekki sist þá mörgu,
sem tekið hafa þátt í öllum þremur
myndunum. Því er ljóst, að allir
aðalleikararnir munu hverfa til
annarra verkefna þegar þessari
þriðju kvikmynd er lokið. Það verða
þvi nýir leikarar sem koma munu
fram í næstu stjörnustríðsþrennu
L.ucasar.
„Star Wars“ er enn sú kvikmynd,
sem gefið hefur af sér mesta peninga,
og önnur myndin i röðinni, „The
Empire Strikes Back“, gerði það
einnig mjög gott fjárhagslega. Ekki
er að efa, að svo fer einnig um þriðju
myndina. í það minnsta virðist
geimmyndaáhugi kvikmyndahúsa-
gesta engu minni en fyrr. Það sýna
viðtökur þær, sem nýjasta kvikmynd
Spielbergs, „E.T.“ eða „Geimver-
an“, hefur hlotið i B andaríkjunum
i sumar. Sú mynd halaði inn nærri 90
milljópir dala á fyrstu 25 dögunum,
og er lítið lát á aðsókninni.
Fríðrik
Indríða-
son skrífar
Stjörnugjöf Tímans
* * * * frábær ■ * * * mjög góð - * * gód ■ * sæmlleg • O léleg