Tíminn - 21.08.1982, Blaðsíða 5

LAUGARDAGUR 21. ÁGÚST 1982
s
INNKAUPASTOFNUN RÍKISINS
BORGARTÚNI 7 SÍMI 26844 PÓSTHÓLF 1441 TELEX 2006
Tilboð óskast í eftirtaidar bifreiðar, er verða
til sýnis þriðjudaginn 24. ágúst 1982 kl. 13-16
á birgðastöð Ftarik, Egilsstöðum.
Subaru 4WD station...................árg. 1978
Ford Bronco............................“ 1974
Ford Bronco............................“ 1974
ARO 4WD torfærubifreið.................“ 1980
Land Rover diesel......................“ 1976
Land Roverdiesel.......................“ 1973
UAZ 452 torfærubifreíð.................“ 1979
UAZ 452 torfærubifreið.................“ 1979
UAZ 452 torfærubifreið.................“ 1968
Tilboðin verða opnuð sama dag kl. 16:30 að
viðstöddum bjóðendum. Réttur áskilinn til að
hafna tilboðum, sem ekki teljast viðunandi.

■ Kadhafi, Arafat og Hussein.
Hussein er hyggnasti Arabaleiðtoginn
■ ÞVÍ er spáð af ýmsum fréttaskýrend-
um um þessar mundir, að ísraelsstjórn
muni eftir að hafa tryggt aðstöðu sína í
Líbanon, snúa sér að Jórdaníu og reyna
með illu eða góðu að fá Hussein
Jórdaníukonung í lið með sér. Gegn því
verði honum boðið að hluti af
vesturbakkanum verði innlimaður í
Jórdaníu.
Hussein konungi mun hér berast
mikill vandi á hendur, en það verður
ekki í fyrsta sinn, sem hann hefur þurft
að glíma við erfið stjórnmálaleg verk-
efni. Oft hefur verið spáð illa fyrir
honum, en hann jafnan sloppið furðu
vel. Það virðist hafa farið saman hjá
Hussein að vera hygginn og heppinn.
Þegar Bretar stofnuðu ríkið Jórdaníu
(þá Transjórdaníu) árið 1946, spáðu fáir
því, að það ætti langa framtíð fyrir
höndum. Jórdanía hafði verið fursta-
dæmi undir tyrkneskri stjórn fram til
loka fyrri heimsstyrjaldarinnar, en eftir
ósigur Tyrkja þá fól þjóðabandalagið
Bretum að fara með yfirráð í Palestínu
og Jórdaníu í umboði þess.
í fyrstu höfðu Bretar sameiginlega
stjóm fyrir bæði þessi lönd, en skildu
þau að 1922 og gerðu Jórdaníu að
sérstöku furstadæmi undir yfirstjórn
sinni.
Ástæðan var sú, að konungsætt sú,
sem Bretar höfðu stutt til valda í Arabíu
(nú Saudi-Arabíu), hafði beðið ósigur
fyrir Saudættinni og Bretar þurftu að
gera vel við Abdullah, sem var
aðalleiðtogi hinnar sigruðu konungsætt-
ar. Þeir gerðu hann því að fursta í
Jórdaníu. Árið 1946 gerðu þeir svo
Jórdaníu að sjálfstæðu konungdæmi.
Abdullah reyndist Bretum vel og þótti
góður stjórnandi. Hann var vinsæll
meðal landsmanna. Árið 1951 var
Abdullah myrtur í Jerúsalem og var þá
í fylgd með honum 16 ára gamall
sonarsonur hans, Hussein.
Faðir Husseins var geðveikur og tók
Hussein því við konungdómi 1952 og
hefur farið með völd síðan. Hann hefur
því setið í þrjá áratugi á konungsstóli,
þótt hann sé ekki nema 48 ára gamall.
FÁUM ÁRUM áður en Abdullah var
myrtur, kom Israelsríki til sögunnar
eftir styrjöld milli ísraelsmanna og
Araba. Þeirri styrjöld lauk þannig að
ísraelsmenn náðu stærstum hluta hinn-
ar fornu Palestínu, en Abdullah
náði vesturbakkanum svonefnda og
hinum arabíska hluta Jerúsalemborg-
ar. Þetta landsvæði hertóku ísraels-
menn í styrjöldinni 1967 og hafa
haldið því síðan. í sambandi við
þau styrjaldarátök, sem hafa verið á
milli ísraelsmanna og Araba, hefur
fjöldi arabískra flóttamanna frá Pale-
stínu setzt að í Jórdaníu og haft sig þar
oft mikið í frammi.
■ Assad Sýrlandsforseti og Hussein.
Árið 1970 voru frelsissamtök Palest-
ínumanna búin að koma sér þannig
fyrir í Jórdaníu, að vel mátti búast við,
að þau reyndu að ná völdum. Hussein
ákvað að verða fyrri til og kom til
vopnaðra átaka milli hers Jórdaníu og
skæruliða frelsishreyfingarinnar.
Þeim lauk þannig, að herinn bar sigur
úr býtum og skæruliðarnir voru hraktir
úr landi og hafa þeir ekki getað haldið
uppi neinni starfsemi í Jórdaníu síðan.
Fyrir þetta var Hussein fordæmdur af
leiðtogum annarra Arabaríkjaogstimpl-
aður sem leiguþý ísraels og Bandaríkj-
anna. Einkum voru það hinir róttækari
Arabaleiðtogar, sem fordæmdu hann.
Þetta breyttist þó fljótlega. Það leið
ekki á löngu þangað til Arafat, Assad
og Kadhafi fóru að stíga í vænginn við
hann að nýju. Nú er hann metinn
mikils af hinum róttæku Arabaleið-
togum, þótt ekki hafi hann slegizt í fylgd
með þeim.
BÆÐl Sadat og Carter reyndu mikið
til þess að fá Hussein til að taka þátt í
viðræðunum, sem hófust eftir fund
þeirra og Begins í Camp David. Begin
var þess einnig fýsandi.
Hussein hefur til þessa hafnað því að
taka þátt í viðræðum við ísraelsmenn á
grundvelli samkómulagsins í Camp
David. En hann hefur ekki hafnað því
að taka þátt í slíkum viðræðum, ef
breyting fæst á samkomulagsgrundvcll-
inum, sem gerður var í Camp David.
Breytingarnar, sem Hussein vill fá,
eru í stuttu máli þær, að ísraelsmenn
heiti því fyrirfram að lokamark við-
ræðnanna sé að þeir láti öll herteknu
svæðin af hendi og viðurkenni sjálf-
stætt ríki Palestínumanna, en gegn
því heiti Arabaríkin að viðurkenna
sjálfstæði ísraels og virða öryggi þess.
Þá setur Hussein það fram sem
ófrávíkjanlegt skilyrði, að ísraelsmenn
láti hinn arabíska hluta Jerúsalem af
hendi.
Þessi skilyrði sýna vel að Hussein er
raunsær og framsýnn. Bandaríkjamenn
og ísraelsmenn þurfa að gera sér grein
fyrir því, að varanlegur friður kemst
ekki á nema fallizt sé á tillögur Husseins
um endanlegt takmark viðræðnanna.
Hussein hefur í þau þrjátíu ár, sem
hann hefur stjórnað Jórdaníu, oft sýnt
mikil stjórnmálahyggindi. Hann getur
verið harður í horn að taka, eins og sýndi
sig í átökunum við skæruliða PLO.
Hann getur einnig verið varfærinn og
hugsað vel ráð sitt, eins og um þessar
mundir. Land hans er fátækt og hann
hefur þurft á verulegri aðstoð að halda,
en ekki látið það leggja bönd á sjálfstæði
sitt.
Hussein mun sa nuiifandi þjóðhöfð-
ingi, sem oftast hefur verið reynt að
ráða af dögum. Hingað til hefur hann
alltaf sloppið, þótt oft hafi hurð skollið
nærri hælum.
Þórarinn Þórarinsson,
ritstjóri, skrifar
BUNAÐARBANKI
ÍSLANDS
Tilkynning frá Stofnlánadeild
landbúnaðarins
Umsóknir um lán vegna framkvæmda á árinu
1983 skulu hafa borist Stofnlánadeild landbúnaö-
arins fyrir 15. september næstkomandi.
Umsókn skal fylgja teikning og nákvæm lýsing á
framkvæmdinni, þar sem meðal annars er
tilgreind stærö og byggingarefni.
Ennfremur skal fylgja umsögn héraösráðunaut-
ar, skýrsla um búrekstur og framkvæmdaþörf,
svo og veðbókarvottorð.
Þá þurfa að koma fram í umsókn væntanlegir
fjármögnunarmöguleikar umsækjanda.
Sérstaklega skal á það bent að þeir aðilar sem
hyggja á framkvæmdir í loðdýrarækt árið 1983,
þurfa að senda inn umsóknir fyrir 15. september
n.k. svo þeir geti talist lánshæfir.
Eldri umsóknir falla úr gildi 15. september
næstkomandi, hafi deildinni eigi borist skrifleg
beiðni um endurnýjun.
Reykjavík, 18. ágúst 1982.
Búnaðarbanki íslands
Stofnlánadeild landbúnaðarins
Rafvirkjar - Rafvélavirkjar
Félag íslenskra rafvirkja
Félagsfundur
verður haldinn mánudaginn 23. ágúst 1982 kl.
20.30 í félagsmiðstöð rafíðnaðarmanna, Háaleitis-
braut 68, Reykjavík.
Fundarefni: Nýir kjarasamningar.
Félagar fjölmennið.
Stjórn Félags íslenskra rafvirkja.
Kennara vantar
Tvo kennara vantar að Grunnskóla Eskifjarðar,
aðalkennslugreinar, danska og íþróttir stúlkna.
Upplýsingar gefur skólastjóri í síma 97-6182.
Næst snýr Begin
sér að Hussein