Tíminn - 25.08.1982, Blaðsíða 12
MIÐVIKUDAGUR 25. ÁGÚST 1982
16
Framhaldsnám
Evrópuráöiö býður fram styrki til framhaldsnáms starfandi og
veröandi verkmenntakennara á árinu 1983. Styrkirnir eru fólgnir í
greiðslu fargjalda milli landa og dvalarkostnaðar (húsnæði og fæði)
á styrktímanum, sem getur orðið frá 2 vikum og upp í sex mánuði.
Umsækjendur skulu helst vera á aldrinum 26-50 ára og hafa stundað
kennslu við verkamenntaskóla eða leiðbeiningarstörf hjá iðnfyrirtæki
í a.m.k. þrjú ár.
Sérstök umsóknareyðublöð fást í menntamálaráðuneytinu, Hverfis-
götu 6, 101 Reykjavík. Umsóknir skulu hafa borist ráðuneytinu fyrir
15. september 1982.
Menntamálaráðuneytið
22. ágúst 1982.
Raflagnir Raflagnir
Fyrsta flokks
þjónusta
Þurfirðu að endurnýja raflagnir,gera við,
bæta við eða breyta, minnir Samvirki á
fullkomna þjónustu sína.
Harðsnúið lið rafvirkja er ævinlega reiðubúið
til hjálpar.
samvirki
SKEMMUVfGl 30 - KOPAVOGI SÍMl 44.->66
Ríkisútvarpið
Sjónvarp
auglýsir stöðu
deildarverkfræðings
lausa til umsóknar. Hlutverk deildarverkfræðings
er að veita tæknideild sjónvarpsins forstöðu og
sjá um innkaup og rekstur á tækjakosti þess.
Viðkomandi þarf helst að geta hafið störf eigi
síðar en 1. október 1982.
Umsóknum ber að skila til Sjónvarpsins,
Laugavegi 176, á eyðublöðum sem þar fást, fyrir
10. september n.k.
Lögtaksúrskurður
Hér með úrskurðast lögtak fyrir gjaldföllnum og
ógreiddum þinggjöldum ársins 1982 álögðum í
Kópavogskaupstað, en þau eru: tekjuskattur,
eignaskattur, sóknargjald, slysatryggingagjald
v/heimilisstarfa, iðnaðarmálagjald, slysa-
tryggingagjald atvinnurekenda, lífeyris -
tryggingagjald, atvinnuleysistryggingagjald, al-
mennur og sérstakur launaskattur, kirkjugarðs-
gjald, kirkjugjald, iðnlánasjóðsgjald, sjúkra-
tryggingagjald, gjald í framkvæmdasjóð aldraðra
og vinnuskattur af verslunar - og skrifstofuhús-
næði. Ennfremur fyrir skipaskoðunargjaldi,
lestrargjaldi og vitagjaldi, bifreiðaskatti, skoðunar-
gjaldi bifreiða og slysatryggingagjaldi ökumanna
1982, áföllnum og ógreiddum skemmtanaskatti
og miðagjaldi, söluskatti af skemmtunum, vöru-
gjaldi af innl. framl. sbr. 1. 65/1975, gjöldum af
innlendum tollvörutegundum, matvælaeftirlits-
gjaldi, vinnueftirlitsgjaldi og gjaldi til styrktarsjóðs
fatlaðra, skipulagsgjaldi af nýbyggingum, sölu-
skatti, sem í eindaga er fallinn, svo og fyrir
viðbótar og aukaálagningum söluskatts vegna
fyrri tímabila.
Vegða lögtökin látin fara fram án frekari fyrirvara
á kostnað gjaldenda en ábyrgð ríkissjóðs, að 8
dögum liðnum frá birtingu úrskurðar þessa, ef full
skil hafa ekki verið gerð.
Bæjarfógetinn í Kópavogi,
17. ágúst 1982
■ Þessir ungu Breiðabliksmenn
eru í unglingalandsliðinu sem leikur
í Færeyjum.
Anders Dahl var markahæstur gegn Drott.
KR-ingum
gengur vel
í Noregi
■ 1. deildarlið KR í handknattleik er
um þessar mundir í keppnisferðalagi í
Noregi. Þar tóku þeir þátt í móti um
helgina og gerðu sér lítið fyrir og unnu
það tiltölulega auðveldlega. Reyndar
blés ekki byrlega fyrir þeim í fyrsta
leiknum, sem þeir töpuðu með einu
marki, en á þeim sannaðist máltækið, að
fall sé fararheill og þeir hafa verið á
sigurbraut frá þeim leik. 1 því tóku þátt
sterk 1. deildarlið í Noregi, eins og t.d.
Refstad og í úrslitum léku KR-ingarnir
gegn Drott frá Svíþjóð og unnu þá með
níu marka mun.
KR-ingamir léku einnig tvo æfinga-
ieiki við slök norsk lið og unnu
auðveldlega. För þeirra er einnig heitið
til Danmerkur og greinilegt er, að liðið
er á réttri braut undir stjórn danska
þjálfarans og leikmannsins Anders Dahl
Nielsen. Hann virðist vera að ná upp
geysisterku liði og allar líkur em á að
handboltinn í vetur verði spennandi og
skemmtilegur. sh.
Þeir eru hressir
á Austfjörðum
■ Íþróttasíða Tímans fékk sent frétta-
bréf UÍA og er þar greint frá ýmsum
þáttum í starfsemi sambandsins. Þar var
í starfi í sumar farandþjálfari, sem hafði
það hlutverk að auka áhuga á íþróttum,
einkum meðal barna og unelinea.
Þjálfarinn Karen Erlingsdóttir segir
meðal annars í grein sinni:
„Aðstaða til íþrótta á þeim stöðum
sem ég kom til var víðast hvar ekki góð,
en eins og kunnur íþróttamaður sagði,
þá er það ekki bara aðstaðan sem skiptir
máli, heldur viljinn. Já, viljinn til að
leggja sig alla fram - viljinn til afreka.
Viljinn var líka fyrir hendi á þessum
stöðum. Bæði til þess að bæta þá
aðstöðu sem fyrir var og einnig viljinn
til að standa sig vel í æfingum og keppni,
hvort sem um var að ræða börn,
unglinga eða fullorðið fólk. Mér er
ofarlega í huga gamli maðurinn í
Skriðdalnum sem kominn var hátt á
áttræðisaldurinn, en lét sig samt hafa
það að skella sér í knattspyrnu með
hinum unglingunum.
Svo mörg voru þau orð. Þeir eru
hressir fyrir austan, enda sést það á
sífellt betri árangri og sífelldri fjölgun
þátttakenda í íþróttum á Austfjörðum.
sh
Færeyjar -
ísland í Klakks-
vlk í kvöld
■ í kvöld leikur unglingalandsliðið í
knattspyrnu skipað leikmönnum á aldr-
inum 16-18 ára landsleik við frændur
okkar Færeyinga. Leikið verður í
Klakksvík og voru valdir 16 leikmenn til
ferðarinnar.
Markverðir:
Friðrik Friðriksson Fram
Gísli Heiðarsson Víðir
Aðrir leikmenn:
Einar Áskelsson KA
Engilbert Jóhannesson ÍA
Guðni Bergsson Val
Hlynur Stefánsson ÍBV
Ingvar Guðmundsson Val
Jón Sveinsson Fram
Jón Sveinsson Grindavík
Magnús Magnússon Breiðablik
Ólafur Þórðarson í A
Pétur Arnþórsson Þrótti R
Stefán Pétursson KR
Steindór Elísson Breiðablik
Steingrímur Birgiss. KA
Örn Valdimarsson Fylki
Þekktastir þessara leikmanna eru
Hlynur Stefánsson sem leikið hefur með
1. deildarliði ÍBV og Steingrímur
Birgisson sem leikið hefur að undan-
förnu með liði KA með góðum árangri.
Þessi leikur í kvöld og annar sem
háður verður á föstudag eru liður í
undirbúningi unglingalandsliðsins undir
þátttöku í Evrópukeppni unglingalands-
liða, en þar eiga þeir að mæta írum.
Þjálfari unglingalandsliðsins er Hauk-
ur Hafsteinsson.
■ Guðrún Fema Ágústsdóttir setti tvö ný íslandsmet í bringusundi á dögunum.
Gudrún Fema
og Eðvarð á EM
unglinga í sundi
■ Ákveðið hefur verið að tveir
íslendingar verði meðal þátttakenda á
Evrópumeistaramóti unglinga í sundi,
sem haldið verður í Innsbruck í
Austurríki dagana 26. - 29. ágúst
næstkomandi. Það eru þau Guðrún
Fema Ágústsdóttir og Eðvarð Eðvarðs-
son sem keppa munu fyrir íslands hönd
og keppir Eðvarð í 100 og 200 metra
baksundi og Guðrún í 100 og 200 metra
bringusundi.
Að undanförnu hafa þau tvö verið við
æfingar í Svíþjóð og hafa æft með
sænska unglingalandsliðinu og miðast
æfingar þeirra eðlilega við að ná sem
bestum árangri í Innsbruck.
Þau voru meðal þátttakenda í lands-
keppni milli Svía, Frakka og Vestur-
Þjóðverja, þar sem þau syntu sem gestir.
Náðu þau bæði ágætum árangri, einkum
þó Guðrún sem setti tvö íslandsmet í
þeim greinum sem hún mun keppa í á
Evrópumeistaramótinu. Hún synti 100
metrana á 1:16,25 mín og 200 metrana
á 2:45,06.
Fararstjóri með íslensku keppendun-
um í Austurríki verður Guðfinnur
Ólafsson formaður Sundsambands Is-
lands.