Tíminn - 25.08.1982, Blaðsíða 20

Opið virka daga
9-19.
Laugardaga 10-16
WF£>Í>
Skemmuvegi 20 Kopavogi
Simar (91)7 75 51 & 7-80-30
Varahlutir
Mikiö úrval
Sendum um allt land
Ábyrgð á öllu
Kaupum nýlega
bíla til niðurrifs
Gagnkvæmt
tryggingafé/ag
labriel
HÖGGDEYFAR
QJvarahlutir
Armiila 24
Sími 36510
MIÐVIKUDAGUR 25. ÁGÚST 1982

■ Markakóngur þriðju deildarinnar í knattspyrnu, Óli Agnarsson, frá Siglufirði, liggur nú kjálkabrotinn á Borgarsjúkrahúsinu eftir að hann lenti í samstuði við mark
vörð Selfyssinga á dögunum. Innfellda myndin er tekin á knattspyrnuvellinum á Siglufirði. Tímamyndir GE og Róbert Guðfinnsson / Siglufirði. _
.JHARKHEPPNIN KOMID MER
A OVART JAFNT OG ODRUM
— segir Óli Agnarsson KS, sem hefur skorad tuttugu
mörk í íslandsmótinu í knattspyrnu í sumar
■ „Mér hefur tekist að skora ein
tuttugu mörk í íslandsmótinu í sumar.
Eg geri vart fleiri úr þessu því ég
kjálkabrotnaði í leik á móti Selfyss-
ingum um daginn. Markmaðurinn
þeirra rak hnéð í andlitið á mér og síðan
hef ég verið óvígur,“ sagði murkahæsti
maðurinn í íslandsmótinu í knattspyrnu
í sumar, Óli Agnarsson, sem leikur ineð
þriðju deildar liði KS frá Siglufirði.
„Ég hef æft með meistaraflokki KS í
fimm sumur en varð ekki fastamaður í
liðinu fyrr en í sumar. Ég spilaði alltaf
einn og einn leik, en var á bekknum á
milli.“
-Skoraðirðu mörk í þeim leikjum sem
þú fékkst að spila?
„Ég gerði nokkur, en ekkert sérstak-
lega mörg. Enda hefur markheppni mín
í sumar komið mér jafn mikið á óvart
og flestum öðrum. Þetta hefur einhvern
veginn komið af sjálfu sér með góðri
aðstoð félaga minna í KS-liðinu.“
... langar ekki að spila í
fyrstu deild...
„Mér hefur enn ekki verið boðið að
leika með fyrstu deildar liðum. Fari svo
mun ég hiklaust hafna því boði. Mig
langar alls ekkert að spila í fyrstu
deildinni. Mér er alveg nóg að leika í
annarri deild, sem ég vona eindregið að
KS komist í næsta sumar."
-Hvernig er aðstaða til knattspyrnu-
iðkunar á,Siglufirði?
„Hún er vægast sagt léleg. Malarvöll-
urinn, sem við leikum á, hefur aldrei
verið fullkláraður. En það má alveg
sætta sig við hann, því hann er löglegur.
Við getum notast við hann í annarri
deildinni. En fari svo að við komumst
einhvern tíma í fyrstu deild þurfum við
að fá grasvöll. Bæjarstjórnin hefur líka
lofað okkur að gera úrbætur í vallar-
málunum, ef við komumst upp,“ sagði
Óli.
- Hvað hefur þú skorað mörg mörk í
einum leik?
„Ég hef mest skorað fjögur í leik. Það
var í heimaleik á móti Sindra frá Höfn
í Hornafirði. Það var leiðindaleikur,
algjör einstefna á mark Sindra. Við
unnum 9-0.
Skemmtilegasti leikurinn okkar í
sumar var á móti Huginn frá Seyðisfirði.
Við unnum þá 5-0 á heimavelli. Par af
skoraði ég tvö mörk. Annað þeirra var
fallegasta mark sem ég hef á ævinni
skorað. Enda var ég í sigurvímu marga
daga á eftir.“
-Finnst þér ekki súrt í brotið að vera
ekki með í úrslitakeppninni í þriðju
deildinni?
„Það er auðvitað leiðinlegt. En maður
verður bara að vona það besta. Ég held
að strákamir geti alveg klárað þetta án
mín“ sagði Óli.
fréttir
Játaði
landhelgisbrot
■ Réttarhöld yfir skipstjór-
anum á Þórkötlu GK-97 fóru
fram í gær hjá sýslumanninum
í Gullbringusýslu. Báturinn
var staðinn að togveiðum 2,3
sjómílur frá Dyrhólaey í
fyrradag. t>ar má ekki veiða í
troll innan þriggja mílna.
Við réttarhöldin viður-
kenndi skipstjórinn brot sitt,
en dómur verður kveðinn upp
yfir honum fyrir hádegi í dag.
Samkvæmt upplýsingum
Sigurðar Halls Stefánssonar
fulltrúa eru viðurlög við brot-
um af þessari gerð hjá litlum
skipum, þ.e. innan við 39
metra löngum, 4-14 þúsund
gullkrónur og afli og veiðar-
færi gerð upptæk. Ein gull-
króna jafngildir um sjö krón-
um, trollið er metið á rétt um
100 þúsund krónur og afli
bátsins var um sex tonn - SV.
Stjórn SVR
skoðar tilboðin
íIkarus
■ Tilboð í Ikarusvagnana
voru til umræðu í borgarráði
í gær. Engar ákvarðanir voru
teknar um hvort einhverju
tilboðanna skuli tekið eða þá
hverju. Heldur var málinu
vísað til umsagnar stjóm
SVR.
Eins og kunngt er af
fréttum voru nýlega opnuð
tilboð í Ikarusvagnana þrjá,
sem SVR á. Þrjú tilboð
bárust, en aðeins eitt þeirra
var í alla vagnana þrjá. Það
tilboð hljóðaði uppá 400
þúsund krónur fyrir hvem
vagn. _ sv_
Blaðburðarbörn
óskast
Tímann
vantar
fólk til
blaðburðar
í eftirtalin
hverfi:
Reykjavík:
Skjólin
Tunguvegur
Akurgerði
Selvogsgrunn
Hofteigur
Hraunteigur
WtWÍVtU Sími: 86300
dropar
Albert heimt-
ar auglýsingu
■ Að tillögu Alberts Guð-
mundssonar hcfur verið ákveð-
ið að auglýsa lausa til umsókn-
ar stöðu skrifstofustjóra launa-
deildar Reykjavíkurborgar. Á
fundi borgarráðs í gær lagði
vinnumálastjóri, Magnús Ósk-
arsson, til að Þorsteinn Einars-
son, sem gegnt hefur stöðunni
rúmt undanfarið ár, yrði fast-
ráðinn í stöðuna. Albert mun
hins vegar hafa hug á að koma
öðrum aðila í stöðuna, og lagði
því fram tillögu um að hún yrði
auglýst. Var sú tillaga sam-
þykkt samhljóða enda Ijóst að
fulltrúar minnihlutans í borgar-
ráði myndu styðja hana.
Kalt stríð
ríkis og
borgar
■ Þessa dagana standa yfir
viðræður á milli Rcykjavíkur-
borgar og ríkisins um hugsan-
lega yfirtöku fyrmefnda aðil-
ans á mestum hluta lands
Keldna, en það er hugmynd
núverandi borgarstjóra að í-
buðarbyggð rísi þar strax á
næsta ári. Dropar hafa fregnað
að meðan á viðræðunum
standi þýði ekki svo lítið sem
að biðja um leyfi fyrir bygg-
ingu hundakofa á því svæði
sem ríkisstofnanir hafa til
umráða á Keldnasvæðinu.
Ekkert verði leyft fyrr en
ákjósanleg niðurstaða hafi
fengist út úr viðræðunum að
mati Reykjavíkurborgar.
Borgarritari
hættir
■ A fundi borgarráðs í gær
var lagt fram erindi frá Gunn-
laugi Péturssyni, borgarritara,
þar sem hann óskar eftir því að
verða leystur frá störfum frá og
með 1. nóvember nk. Mun
Gunnlaugur vera kominn með
rétt til fullra eftirlauna, og hafa
í hyggju að setjast í helgan
stein.
Ekki var tekin ákvörðun í
gær hvort staða hans yrði
auglýst eða hvort henni yrði
ráðstafað á annan hátt. Bjöm
Friðfinnsson, fjármálastjóri
borgarinnar, þykir standa
henni nálægt, enda verið hægri
hönd Gunnlaugs undanfarin
ár.
Krummi ...
spáir að nú dugi ekkert minna
en brú yfir Ölfusárósa til að
koma Eggert Haukdal aftur
yfir í stuðnmgsmannalið ríkis-
stjómarinnar, og þá frekar
tvær en ein.