Fréttablaðið - 10.01.2009, Qupperneq 6

6 10. janúar 2009 LAUGARDAGUR
Er rétt að gjörbylta starfsemi St.
Jósefsspítala í Hafnarfirði?
JÁ 21%
NEI 79%
SPURNING DAGSINS Í DAG:
Telur þú að kosið verði til
Alþingis á þessu ári?
Segðu þína skoðun á vísir.is
DÓMSMÁL „Fólki er auðvitað rosa-
lega brugðið,“ segir Ragnar Sig-
urðsson umsjónarmaður íþrótta-
hússins í Þorlákshöfn, þar sem
þrír fimmtán ára piltar neyddu
tólf ára dreng í sameiningu til að
gangast undir grófa kynferðis-
lega áreitni. Tveir piltanna héldu
drengnum föstum. Sá þriðji
leysti niður um sig, beraði kyn-
færi sín fyrir honum, otaði þeim
að andliti hans og sló hann með
þeim ítrekað í andlit og hendur.
Piltarnir voru dæmdir í Hér-
aðsdómi Suðurlands til að greiða
fórnarlambinu 100 þúsund krón-
ur í miskabætur. Þeim var ekki
gerð refsing vegna ungs aldurs
en eru á skilorði.
Sá piltanna sem gekk lengst í
athæfinu gegn drengnum sagði
fyrir dómi að svona lagað gerð-
ist margoft í fótbolta með yngri
krökkum. Hann hefði séð
bekkjarfélaga sína slá yngri
nemendur á hans aldri eða ári
eldri, í sturtunni eftir fótbolta-
leiki. Hann nefndi jafnframt
framhaldsskóla til sögunnar.
„Ég hef aldrei heyrt þetta fyrr
og við höfum aldrei orðið vör við
svona lagað í íþróttahúsinu,
hvorki fyrr né síðar. “ segir
Ragnar. „Ég spurðist víða fyrir
eftir að þetta kom upp. Peyjar og
ungir menn kannast jú við í
íþróttunum að dangla utan í
lærið hver á öðrum í sturtu eða
eitthvað svoleiðis. Þetta er ein-
hver fíflagangur og stríðni.
En það kannast enginn við
svona nokkuð. Þetta sem þarna
átti sér stað var af allt öðrum
toga, því þetta var gróf nauðung-
araðgerð. Þetta er ekki eitthvað
sem er daglegt brauð í íþrótta-
húsinu hjá mér né annars staðar.
Þetta er einstakt tilfelli, for-
dæmalaus atburður sem á sér
stað, en á ekki að gerast.“
Ragnar segir mikið eftirlit
með því sem fram fer í íþrótta-
húsinu. Hins vegar sé ekki hægt
að vera alls staðar á sama tíma.
„Enda dettur engum í hug að
svona nokkuð geti átt sér stað,“
segir hann. „Maður er kjaft-
stopp.“ - jss
ÞORLÁKSHÖFN Þrír fimmtán ára piltar
hafa nú hlotið dóm í Héraðsdómi Suð-
urlands eftir að þeir réðust á tólf ára
dreng í íþróttahúsinu í Þorlákshöfn.
Fimmtán ára piltar réðust að tólf ára dreng og áreittu kynferðislega:
Fólki er rosalega brugðið
VIÐSKIPTI „Síðasta ár var mjög gott
hjá Iceland-keðjunni, sérstaklega
um jólin,“ segir Gunnar Sigurðs-
son, forstjóri Baugs.
Iceland-keðjan selur frysta mat-
vöru á lágu verði, sem þykir búbót
í kreppunni sem þjakað hefur
Breta upp á síðkastið.
Velta matvörukeðjunnar er
áætluð tveir milljarðar punda,
jafnvirði 380 milljarða króna, á
yfirstandandi rekstrarári sem
lýkur í febrúar. Þetta er tuttugu
prósenta aukning milli ára. Þá er
áætlað að rekstrarhagnaður auk-
ist um allt að þrjátíu prósent.
Iceland-keðjan tilheyrði Big
Food Group-samstæðunni sem
Baugur keypti ásamt fleirum fyrir
rétt um fimm árum. Eftir upp-
stokkun á samstæðunni varð
Baugur stærsti hluthafi Iceland
ásamt íslensku bönkunum og
stjórnendum verslunarinnar. Upp-
stokkunin er skólabókardæmi um
vel lukkaðan viðsnúning enda hafa
helstu eigendur fengið margfalt
kaupverð til baka í formi arð-
greiðslna.
Gunnar segir ekki liggja fyrir
hvort arður verði greiddur út
vegna afkomunnar í fyrra. Áhersla
hafi verið lögð á niðurgreiðslu
skulda og sé verslunin nú lítið
skuldsett.
Verslanir Iceland-keðjunnar eru
667 talsins auk 51 sem keypt var úr
þrotabúi Woolworths fyrir jól. - jab
MACOLM WALKER Forstjóri og stofnandi
Iceland-keðjunnar brosir í kampinn,
eflaust ánægður með bætta afkomu í
skugga þrenginga. FRÉTTABLAÐIÐ/HAFLIÐI
Reiknað með mjög góðri afkomu lágvöruverðsverslunar Íslendinga í Bretlandi:
Iceland búbót í breskri kreppu
STJÓRNSÝSLA „Maður er allt að því
orðlaus. Viðskiptaráðherra leggur
fram á Alþingi frumvarp þar sem
gert er ráð fyrir því að fasteigna-
salar þurfi ekki að fara eftir þeim
siðareglum sem þeim ber skylda
að fylgja í sínum störfum í dag,“
segir Grétar Jónasson, fram-
kvæmdastjóri
Félags fast-
eignasala.
Grétar vísar
til frumvarps
Björgvins G.
Sigurðssonar
viðskiptaráð-
herra sem ætlað
er að tryggja
neytendavernd
og skýra réttar-
stöðu við sölu fasteigna, fyrir-
tækja og skipa. Í frumvarpinu er
gert ráð fyrir að fella niður núver-
andi skylduaðild fasteignasala að
Félagi fasteignasala. Í greinar-
gerð með frumvarpinu kemur
fram að vafi sé á því að gildandi
ákvæði laga um skylduaðildina
standist ákvæði stjórnarskrár um
félagafrelsi. Til þess að svo væri
þyrfti skylduaðildin að vera nauð-
synleg til þess að félag geti sinnt
lögmætu hlutverki vegna almanna-
hagsmuna. Eftir sem áður munu
fasteignasalar þurfa að fá löggild-
ingu hjá sýslumanni.
Grétar bendir á að með því að
fella niður skylduaðildina geti
fasteignasalar komið sér undan
því að starfa eftir siðareglum
Félags fasteignasala. Bæði Neyt-
endasamtökin og Húseigendafé-
lagið segi þetta mikið hættuspil.
„Siðareglur eru alfa og omega
allra fasteignaviðskipta. Ég held
að viðskiptaráðherra sé á svo
miklum yfirsnúningi á mörgu öðru
að hann áttar sig varla á hvað hann
er að gera og hvaða áhrif þetta
kann að hafa. Maður hélt að það
væri verið að byggja upp nýtt
þjóðfélag, byggt á trausti og sið-
ferðilegum gildum, og það er ótrú-
legt að mönnum detti þá þetta í
hug,“ segir Grétar sem gefur lítið
fyrir þau rök að skylduaðildin
standist ekki stjórnarskrána.
„Á sama tíma eru ákveðnir aðil-
ar sem fara með viðskipti fyrir
almenning, eins og til dæmis lög-
menn, algerlega bundnir af því að
fara eftir siðareglum og það er
sérstök eftirlitsnefnd sem fylgist
með því. Núna um áramótin skyld-
aði löggjafinn endurskoðendur að
vera í Félagi endurskoðenda að
því að það er talið nauðsynlegt að
þeir fylgi samræmdum siðaregl-
um. Ekki einn einasti þingmaður
gerði athugasemd við þá skyldu-
aðild, ekki einu sinni Björgvin G.
Sigurðsson. Og nú á að fara þver-
öfuga leið varðandi fasteignasala
og lögleiða það ástand að fast-
eignaviðskipti geti verið siðlaus
þótt þau sé lögleg.“ gar@frettabladid.is
Losar fasteignasala
undan siðareglum
Með frumvarpi viðskiptaráðherra sem felur í sér afnám skylduaðildar að Félagi
fasteignasala verður mönnum í sjálfsvald sett hvort þeir fylgja siðareglum segir
framkvæmdastjóri félagsins. Ráðherrann geri sér ekki grein fyrir afleiðingum.
GRÉTAR JÓNASSON
FERÐAÞJÓNUSTA Atkvæðagreiðsla
fer fram á heimasíðunni
new7wonders.com um sjö ný
náttúruundur í heiminum og
verður hægt að greiða atkvæði
fram í júlí. Vatnajökull er á lista
yfir tæplega 300 staði sem hægt
er að kjósa sem eitt fallegasta
náttúruundur í heiminum.
Framkvæmdin fer þannig fram
að greidd eru atkvæði fram til 7.
júlí um fallegustu staði í heimin-
um. Þá verða þeir 77 staðir sem
flest atkvæði hafa fengið teknir
úr og velur dómnefnd 21 stað og
úr þeim hópi verða náttúruundrin
sjö valin, þó ekki fyrr en árið
2011. - ghs
Sjö undur heims:
Vatnajökull í at-
kvæðagreiðslu
BJÖRGVIN G. SIGURÐSSON Félag fasteignasala er ósátt við nýtt frumvarp viðskipta-
ráðherra. Framkvæmdastjóri félagsins telur að væntanleg lög muni leiða til þess að
fasteignasalar þurfi ekki að fara eftir siðareglum. FRÉTTABLAÐIÐ/VILHELM
KJÖRKASSINN