Fréttablaðið - 13.01.2009, Blaðsíða 18

13. JANÚAR 2009 ÞRIÐJUDAGUR2 ● fréttablaðið ● skólar og námskeið
Ýmissa grasa kennir við
símenntun og endurmenntun
Háskólans á Akureyri. Sam-
skipti Íslands og Evrópuríkja
og frumkvöðla- og þróunar-
störf verða meðal annars á
dagskrá.
„Við verðum meðal annars með
námskeið um mál málanna í dag
sem kallast Ísland og Evrópa. Þar
verður gefið yfirlit yfir þróun
samskipta Íslands og Evrópuríkja
og áhrifin skoðuð sem þessi sam-
skipti hafa haft á íslensk stjórn-
mál og efnahagslíf. Sögulegum at-
riðum varðandi Evrópusamskipti
Íslendinga verða gerð skil sem og
starfsemi og stofnanagerð EFTA,
EES, ESB og annarra samtaka sem
tengjast Evrópusamvinnu.“
Þetta segir Elín Margrét Hall-
grímsdóttir, símenntunarstjóri
hjá Háskólanum á Akureyri, sem
hefur það hlutverk að leitast við
að bjóða upp á alhliða sí- og endur-
menntun á háskólastigi með tilliti
til þarfa samfélagsins. Að hennar
sögn hefur núverandi þjóðfélags-
ástand sitt að segja við námsfram-
boð í skólanum. „Við leitumst við
að bregðast við aðstæðum og eft-
irspurn jafnóðum við skipulagn-
ingu námsframboðs skólans.“
Samstarf er við kennsludeild-
ir háskólans um einingabær nám-
skeið sem boðið er upp á. Elín Mar-
grét nefnir í því samhengi þriggja
missera rekstrar- og viðskipta-
nám og þrjú einingabær námskeið
sem í boði verða í fjarkennslu til
símenntunarmiðstöðva. Þar er um
að ræða nám í mannauðsstjórnun
og svo tvö námskeið á meistara-
stigi í heilbrigðisvísindum, það er
að segja leiðsögn í klínísku námi
og nám í orsökum, greiningu og
meðferð krabbameins.
Eins verða í boði námskeið í
fjármálum og rekstri þar sem lögð
er áhersla á frumkvöðla- og þró-
unarstörf, sem henta vel háskóla-
menntuðum og öðrum sem vilja
auka við þekkingu sína á þessu
sviði. Þá má líka nefna námskeið á
sviði viðtalstækni og sálgæslu.
„Svo erum við með ýmis styttri
námskeið á sviði uppeldis- og
kennslufræða. Námskeið sem sér-
staklega eru ætluð kennurum á
öllum skólastigum eru í undirbún-
ingi. Þar má nefna námskeið í bók-
menntum þar sem eðli og gagn-
semi barnabóka verður til umfjöll-
unar. Eins og hvernig fullorðnir,
kennarar eða foreldrar geta laðað
börn að bóklestri,“ segir Elín Mar-
grét og bætir við að lestrarhvatn-
ing sé eitt mikilvægasta verkefni
uppalenda.
Hún bendir jafnframt á að í upp-
hafi árs verði námskeið ætluð ný-
nemum, í fræðilegum vinnubrögð-
um og vinnulagi þar sem farið
verður í helstu rannsóknarsvið og
aðferðir og eins siðferðisleg álita-
mál í rannsóknarstarfi.- vg
Umræða um Evrópumálin
Elín Margrét Hallgrímsdóttir segir að námsframboð við símenntun og endurmenntun Háskólans á Akureyri ráðist meðal annars
af aðstæðum og eftirspurn. Þannig verði samskipti Íslands og Evrópuríkja nú til umfjöllunar á sérstöku námskeiði við skólann.
NORDICPHOTOS/GETTY
Elín segir sí- og endurmenntun HA
bjóða upp á einingabær námskeið með
kennsludeild skólans. MYND/ÚR EINKASAFNI
Í Mosfellsbæ eru haldin námskeið
í ljósmyndun og meðal annars
kennt á stillingar ljósmyndavéla og
hvernig finna má myndefni.
„Ég býð upp á tvö ný námskeið
þetta vorið. Annars vegar nám-
skeið fyrir eigendur lítilla véla og
hins vegar námskeiðið Lærðu að
lesa landið þitt. Þá fer ég með þátt-
takendur í jeppaferð og kenni þeim
að leita uppi myndefni,“ útskýr-
ir Pálmi Guðmundsson, sem hefur
tekið ljósmyndir frá því hann var
tólf ára gutti og kennt ljósmyndun
síðastliðin sex ár.
„Ljósmyndun hefur verið aðal-
atvinna mín árum saman en tilvilj-
un réði því að ég fór að kenna. Ég
fékk fyrirspurn frá Ármúlaskóla
um hvort ég gæti bent á kennara
fyrir ljósmyndanámskeið og sendi
hana á hóp manna en fékk engin
svör. Sambýliskona mín stakk þá
upp á því að ég tæki þetta að mér.
Síðan hefur þetta undið upp á sig
og nú er ég með aðstöðu í Mosfells-
bæ þar sem ég kenni og fer einn-
ig hringinn um landið tvisvar á ári
með ljósmyndanámskeið.“
Fólk kemur með sínar eigin
vélar á námskeiðin hjá Pálma sem
eru ýmist sniðin að litlum vélum,
stórum eða öllum. Námskeiðin eru
allt frá einum degi, þá sjö tímar, og
upp í fjögur kvöld, í samtals sextán
tíma.
„Aðalmálið er að kenna á stilling-
ar vélarinnar svo fólk geti notað þá
möguleika sem það hefur. Svo kenni
ég hvernig á að ná betri myndum,
hvernig á að beita sér og hvernig á
að finna myndefni. Einnig fer ég í
tækniatriðin í tölvunni í sambandi
við vistun mynda og skráningu og í
grunnatriði photoshop-forritsins.“
Ljósmyndun er vinsælt áhuga-
mál og hafa námskeiðin verið vel
sótt. Pálmi nefnir að kreppan virð-
ist ýta fólki frekar út í að sinna
áhugamálum sínum. „Árið byrjar
betur en í fyrra. Fólk lítur sér nær
og leyfir sér að gera eitthvað fyrir
sjálft sig. Þetta er vinsælt áhuga-
mál hjá mjög breiðum hópi fólks en
á síðasta ári voru unglingsstúlka og
maður á níræðisaldri á sama nám-
skeiðinu svo að þetta spannar allan
aldur.“
Skráning á námskeiðin er þegar
hafin og er nánari upplýsingar
að finna á heimasíðunni www.ljo-
smyndari.is. - rat
Lærðu að lesa landið þitt
Pálmi Guðmundsson
segir ljósmyndun vinsælt
áhugamál en hann heldur
námskeið í ljósmyndun í
Mosfellsbæ.
F
R
É
T
TA
B
L
A
Ð
IÐ
/S
T
E
FÁ
N