Fréttablaðið - 20.01.2009, Blaðsíða 8

8 20. janúar 2009 ÞRIÐJUDAGUR
FRAMKVÆMDIR Enn er óljóst hver afdrif
tónlistarhússins við Reykjavíkurhöfn
verða. Framkvæmdir við húsið voru
stöðvaðar um áramótin. Í á þriðja mánuð
hafa samningaviðræður átt sér stað milli
Gamla og Nýja Landsbankans, Aust-
urhafnar, félags ríkis og borgar, ÍAV,
stærsta verktakans, og annarra sem að
verkinu koma.
Íslenskir aðalverktakar eiga útistand-
andi átta hundruð milljónir króna vegna
verksins.
Vonast er til þess að úr málinu leysist
á næstu dögum. - hhs
Framkvæmdir við höfnina:
Enn ríkir óvissa
um tónlistarhúsið
Í FRAMTÍÐINNI Þrátt fyrir samn-
ingaviðræður í á þriðja mánuð
hefur ekki fengist lausn á málum
tónlistarhússins. MYND/PORTUS
Fimm bíla árekstur
Fimm bíla árekstur varð í Ártúns-
brekkunni á milli átta og níu í
gærmorgun. Rákust bílarnir hver aftan
á annan. Fjarlægja þurfti einn bílanna
með kranabíl og urðu nokkrar tafir í
kjölfar, allt að ein klukkustund. Eng-
inn slasaðist alvarlega í árekstrinum.
Töluverð hálka var í brekkunni þegar
áreksturinn varð.
SJÁVARÚTVEGUR „Við erum að und-
irbúa okkar kröfur um bætur sem
við ætlum að senda sjávarútvegs-
ráðherra og forsætisráðherra lík-
legast í þessum mánuði,“ segir
Örn Snævar Sveinsson sem fór
með mál sitt fyrir mannréttinda-
nefnd Sameinuðu þjóðanna sem
ályktaði honum og Erlingi Sveini
Haraldssyni í vil gegn ríkinu 24.
október 2007.
Sjávarútvegsráðherra svar-
aði álitinu 9. júní síðastliðinn en
þeim Erni Snævari og Erlendi
Sveini þykja lítið til þeirra svara
koma. „Það er alveg ljóst að þeir
ætla ekkert að gera svo við förum
þessa leið. Við búumst við því að
þeir muni taka sinn tíma til að
svara kröfum okkar en hafna
þeim svo. Þá munum við stefna
ríkinu fyrir héraðsdóm,“ segir
Örn.
„Mér þykir nú nokkuð hjákát-
legt þegar íslenska ríkið er að
velta vöngum yfir því að fara með
mál sitt gegn breska ríkinu fyrir
Mannréttindadómstól Evrópu.
Hvað vilja þeir með það ef þeir
taka nú ekki einu sinni mark á því
sjálfir sem Sameinuðu þjóðirnar
álykta í þessum efnum?“
Þeir Örn Snævar og Erling-
ur Sveinn voru dæmdir fyrir að
veiða kvótalausir. Í sumar fóru
þeir fram á að mál þeirra yrði
tekið upp aftur í Hæstarétti
vegna ályktunarinnar en Hæsti-
réttur synjaði beiðninni. - jse
Undirbúa kröfur á hendur ríkinu vegna ályktunar mannréttindanefndar SÞ:
Fara í mál hafni ríkið kröfum
ÖRN SNÆVAR SVEINSSON Örn segir bar-
áttu þeirra Erlings Sveins hvergi nærri
lokið. FRÉTTABLAÐIÐ/EYÞÓR
VESTMANNAEYJAR Höfnin í Vest-
mannaeyjum fylltist af síld í gær-
morgun í annað skiptið á tæpum
mánuði.
Svo mikið magn var af síld
að hana mátti bæði sjá og heyra
að sögn Kristjáns Eggertsson-
ar hafnarvarðar. „Síldin sást vel
í yfirborðinu og svo sporðaköst
sem framkölluðu nokkurs konar
vatnsnið.“
Í desemberlok fylltist höfnin
af síld og við sýnatöku greindist
sýking í helmingi tilvika að sögn
Vals Bogasonar, útibússtjóra
Hafrannsóknastofnunar í Vest-
mannaeyjum. Bjóst hann við að
tekið yrði sýni á ný. - sdg
Sporðaköst ómuðu í Eyjum:
Síld fyllir höfn
Vestmannaeyja
Brot í Hvalfjarðargöngum
Brot 89 ökumanna voru mynduð í
Hvalfjarðargöngum frá fimmtudegi til
mánudags. Alls fóru 8.590 ökutæki
um göngin á þeim tíma. Meðalhraði
hinna brotlegu var 84 kílómetrar á
klukkustund en í göngunum er 70
kílómetra hámarkshraði.
LÖGREGLUFRÉTTIR
PALESTÍNA, AP „Fólk er svo sann-
arlega ánægt að sjá okkur,“
sagði Ahmed, einn af lögreglu-
mönnum Hamas-hreyfingarinn-
ar, sem nú eru komnir aftur út á
götur Gasaborgar eftir þriggja
vikna stanslausar árásir Ísraels-
manna.
Auk lögreglumanna eru borg-
aralegir starfsmenn Hamas byrj-
aðir að ferðast um Gasasvæðið til
að meta skemmdirnar sem Ísra-
elar hafa valdið. Víða á svæðinu
eru íbúðarhús jafnt sem opinber-
ar byggingar orðnar rústir einar.
Erfitt er að komast í mat og aðrar
nauðsynjar.
Þriggja vikna árásir Ísraela
kostuðu að minnsta kosti 1.259
Palestínumenn á Gasasvæðinu
lífið, auk þess sem meira en fimm
þúsund manns særðust. Palest-
ínumenn, mannréttindasamtök og
Sameinuðu þjóðirnar fullyrða að
um það bil helmingur hinna föllnu
hafi verið almennir borgarar, þar
af hundruð á barnsaldri.
Hamashreyfingin sagði í gær
að hún hefði einungis misst 48 af
stríðsmönnum sínum, en að auki
hafi hreyfingin misst 165 lög-
reglumenn. Önnur herská samtök
á Gasasvæðinu segjast hafa misst
104 af sínum mönnum.
Ísraelar sögðust í gær von-
ast til þess að herinn yrði farinn
frá Gasasvæðinu áður en Barack
Obama verður settur í embætti
forseta Bandaríkjanna síðdegis
í dag – svo fremi sem sprengju-
flaugarnar fari ekki að fljúga yfir
landamærin til Ísraels á ný. - gb
Eyðileggingin á Gasa metin í kjölfar árása:
Ísraelar ætla
frá Gasa í dag
1. Hver varð fyrir valinu leik-
skáld ársins 2009 hjá Borgar-
leikhúsinu?
2. Hversu gamall er nýkjörinn
formaður Framsóknarflokks-
ins?
3. Með hvaða farartæki kom
nýkjörinn Bandaríkjaforseti til
Washington á laugardaginn?
SJÁ SVÖR Á SÍÐU26
Í RÚSTUM HEIMILIS SÍNS Palestínsk fjölskylda hefur misst heimili sitt og þarf nú að
takast á við daglegt líf á Gasasvæðinu eftir að árásum Ísraela er lokið. NORDICPHOTOS/AFP
VEISTU SVARIÐ?