Fréttablaðið - 20.01.2009, Síða 31
ÞRIÐJUDAGUR 20. janúar 2009
HVAÐ? HVENÆR? HVAR?
Þriðjudagur 20. janúar 2009
➜ Kvikmyndir
Frönsk kvikmynda-
hátíð stendur yfir í
Háskólabíói 16.-29.
jan. Nánari upplýs-
ingar á www.graen-
aljosid.is og www.
midi.is.
➜ Leiklist
20.00 Sýningin Laddi 6-Tugur verður
sýnd í Borgarleikhúsinu í kvöld.
➜ Fyrirlestrar
12.05 Hetjudáð eða hermdarverk
Kjartan Ólafsson flytur erindi í fyrirlestr-
arsal Þjóðminjasafns Íslands, Suðurgötu
41. Nánari upplýsingar á www.sagnfra-
edingafelag.net.
➜ Sýningar
Í Þjóðminjasafni Íslands við Suðurgötu
41, stendur yfir sýning á íslenskum
munum sem hafa verið í eigu sænska
safnsins. Opið alla daga vikunnar nema
mánudaga kl. 11-17. Nánari upplýsingar
á www.natmus.is.
➜ Fundir
20.00 Opinn
fundur verður
hjá FÓKUS,
félagi áhuga-
ljósmyndara í
Faxafeni 12 (efri
hæð) þar sem
starfsemi félagsins
verður kynnt. Allt áhugafólk um ljós-
myndun velkomið.
➜ Bækur
20.00 Þriðjudagsþreifingar í Hinu
Húsinu við Pósthússtræti. Tim Dyk og
Jeong Heon kynna bók sína Sex +
Money þar sem fjallað er um málefni á
borð við mansal og kynlífsþrælkun.
➜ Myndlist
Herdís Björk Þórðardóttir hefur opnað
sýninguna „Rok“ á Cafe Karólínu við
Kaupvangsstræti á Akureyri.
Upplýsingar um viðburði sendist á
hvar@frettabladid.is
Sýningin Laddi 6-tugur
fagnar óvæntum tíma-
mótum í kvöld en Laddi
sjálfur verður þá 62 ára.
Hópurinn kemur saman í
síðasta sinn á laugardaginn.
„Ég er 62 ára í dag svo það er
afmælissýning í kvöld,“ segir Þór-
hallur Sigurðsson betur þekktur
sem Laddi um sýninguna Laddi
6-tugur. Sýningin hefur nú geng-
ið fyrir fullu húsi síðan hún var
frumsýnd í Borgarleikhúsinu í
febrúar 2007 í tilefni af sextugs-
afmæli Ladda og uppselt hefur
verið á 120 sýningar í röð.
„Þetta átti nú bara að vera
svona afmælissýning yfir eina
helgi. Það tók því ekki að byrja
fyrir minna en fjórar sýningar,
en síðan þá eru komnar 116 auka-
sýningar,“ segir Laddi og brosir.
„Ég hlakka rosalega til í kvöld því
síðasta sýning var fyrir jól svo
það er orðið töluvert langt síðan,“
bætir hann við.
Aðspurður segist hann nú sjá
fyrir endann á uppfærslunni,
tveimur árum eftir frumsýningu.
„Síðasta sýningin er á laugardag-
inn svo það er komið að lokum.
Þetta er búið að vera heilt ævin-
týri. Maður hlakkar alltaf til að
sýna og enginn í hópnum er orð-
inn leiður á þessu svo það er strax
kominn söknuður í fólk,“ útskýr-
ir Laddi sem mun þó ekki sitja
auðum höndum eftir að sýningum
lýkur því hann fer að vinna í plötu
með Björgvini Halldórssyni. Plöt-
una segir hann vera ekta Ladda-
plötu, með gríni og glensi fyrir
alla fjölskylduna.
„Við vorum að hugsa um þetta
fyrir jólin, en frestuðum því. Við
erum að fara í þetta núna, ætlum
að klára plötuna í febrúar og
sjáum svo til hvenær hún kemur
út,“ segir Laddi. - ag
Laddi sextugur í tvö ár
6-TUGUR Í TVÖ ÁR Uppselt hefur verið á sextugsafmælissýningu Ladda frá því að hún
var frumsýnd fyrir tveimur árum, en síðasta sýningin er næstkomandi laugardag.