Fréttablaðið - 20.01.2009, Blaðsíða 21
ÞRIÐJUDAGUR 20. JANÚAR 2009 5vetrarlíf ● fréttablaðið ●
Mótormax - Kletthálsi 13 - Sími 563-4400
www.motormax.is
Vertu klár fyrir veturinn
með Mótormax
Hrefna Borg Brynjarsdóttir
er gömul í hettunni í skauta-
íþróttinni þótt hún sé ekki
nema ellefu ára.
„Þetta verður sjötta árið mitt,“
segir Hrefna, sem æfir listskauta
af miklum móð og hefur gert frá
sex ára aldri. Ekki man hún sér-
staklega ástæðu þess að hún fór að
æfa listskauta en telur þó líklega
hafa spilað inn í áhuga hjá sér til
að prófa eitthvað nýtt enda skauta-
íþróttin ákaflega heillandi íþrótt.
„Mér fannst strax mjög gaman,“
segir Hrefna, sem æfir með Skauta-
félagi Reykjavíkur í Laugardal.
Ekkert eitt stendur upp úr í íþrótt-
inni að mati Hrefnu heldur finnst
henni allt sem snýr að skautunum
skemmtilegt. Enda er ekki vanþörf
á að hafa gaman þar sem Hrefna
æfir fimm daga vikunnar, alla daga
nema föstudaga og laugardaga, en
hver æfing er um klukkutími.
Hún stendur sig vel í keppni. „Ég
hef keppt fimm sinnum og verið að
sýna síðan ég var sex ára,“ segir
Hrefna sem hefur þrisvar lent í
fyrsta sæti og tvisvar í því fjórða.
Í keppni sýnir hver einstakling-
ur dans með ýmiss konar miserf-
iðum stökkum og sporum. Hún er
beðin um að nefna nokkur stökk og
telur þá fram Axel og Lutz. „Ég er
að æfa þessi stökk en þau takast
nú ekki alltaf,“ segir hin skelegga
Hrefna sem er nýlega komin í
nýjan skautahóp.
Þrátt fyrir miklar annir hefur
Hrefna tíma fyrir fleiri áhugamál.
Hún æfir á píanó og er nýhætt að
æfa fótbolta þótt það hafi aðeins
verið á sumrin. „Svo er ég stund-
um í golfi á sumrin,“ segir hún og
finnst lítið mál að stunda skólann
þrátt fyrir að mikið sé að gera í
tómstundalífinu.
Ekki ætlar Hrefna þó að leggja
fyrir sig skautaíþróttina. Innt eftir
því hvað hún ætli að verða þegar
hún er orðin stór segist hún vilja
verða hönnuður. „Mig langar að
vinna með leir og stunda mynd-
list,” segir hin fjölhæfa Hrefna,
sem málar töluvert í þeim frí-
stundum sem gefast frá skautum,
píanónámi og skóla.
- sg
Æfir Axel, Lutz og fleiri listir
Hrefna Borg æfir listskauta af miklum móð. FRÉTTABLAÐIÐ/ANTON
Íþróttasamband fatlaðra og Vetrar-
íþróttamiðstöð Íslands standa fyrir
ráðstefnu og námskeiðum um úti-
vist og vetraríþróttir fatlaðra í
Hlíðarfjalli við Akureyri dagana
6. til 10. mars næstkomandi. Sér-
stakur gestur ráðstefnunnar verð-
ur Beth Fox frá Colorado-ríki í
Bandaríkjunum. Hún hefur unnið
með fötluðum í útivist síðastliðin
tuttugu og fimm ár en í Colorado
stunda fatlaðir útivist af miklum
krafti.
„Þetta er annað árið í röð sem
hún Beth Fox kemur hingað en hún
er að hjálpa okkur að fara af stað
með útivistarprógramm bæði að
vetri og sumri, fyrir fatlaða. Við
höfum verið í samstarfi við aðila
í Bandaríkjunum, bæði í Aspen og
í Winter Park, og erum að kenna
bæði leiðbeinendum og fötluðum
en okkur vantar fleiri leiðbeinend-
ur til að þetta geti gengið betur
upp,“ segir Þröstur Guðjónsson,
íþróttakennari og fulltrúi vetrar-
íþróttanefndar Íþróttasambands
fatlaðra.
Ráðstefnan og námskeiðið eru
ætluð fyrir fatlaða íþróttaiðkend-
ur, aðstandendur þeirra, fagfólk
og fyrir þá sem starfa með fötluð-
um og hafa áhuga á útivist fyrir
þá. „Allur útbúnaður fyrir vetrar-
prógrammið er til í Hlíðarfjalli en
útbúnaðurinn er mismunandi eftir
fötluninni,“ segir Þröstur áhuga-
samur og heldur áfram: „Við erum
í dag komin með keppanda sem er
að æfa og keppa í Winter Park í
Colorado og stefnir hún á Ólympíu-
leikana. Þetta er íslensk stúlka frá
Egilsstöðum, Erna Friðriksdóttir.
Síðan eru fleiri að koma til. Annars
horfum við líka til almennings og
þess vegna þurfum við fleiri leið-
beinendur.“ Þröstur nefnir að að-
alatriðið sé að fólk komi og kynni
sér hvað sé í boði.
Beth Fox mun halda kynningu á
útivistarstarfsemi fatlaðra 7. mars
og þá munu aðstandendur einnig
deila reynslu sinni, en málþing
verður haldið í Hlíðarfjalli um
vetraríþróttir fatlaðra 10. mars.
- hs
Vetraríþróttir fatlaðra
Allur útbúnaður fyrir vetrarprógrammið er til í Hlíðarfjalli en hann er mismunandi
eftir fötlun.
Ráðstefnan og námskeiðið eru bæði
ætluð fyrir fatlaða og aðra áhugasama.
MYND/ÍÞRÓTTASAMBAND FATLAÐRA
Skíðasvæðið í Oddsskarði hefur
verið opið tíu daga frá áramót-
um þrátt fyrir lítinn snjó, að sögn
Dagfinns Ómarssonar umsjón-
armanns. „Nú er þetta allt að
koma,“ segir hann kampakátur.
„Það hefur snjóað í allan morgun
(í gær) og snjórinn er kominn í 50
sentimetra.“
Dagfinnur segir nýjan troðara
hafa verið keyptan í fyrra og auð-
velt sé að færa snjó til í fjallinu
þannig að hann nýtist skíðafólki.
Barnalyftan er opin og neðri lyft-
an í háu brekkunni. Hún byrjar í
513 metrum og nær upp í 750.
Dagfinnur segir skíðaáhuga
vera að aukast fyrir austan og
krakkana í Fjarðabyggð hafa verið
duglega að sækja brekkurnar að
undanförnu. - gun
Áhuginn eflist
í Oddsskarði
Krakkarnir í Fjarðabyggð hafa verið
dugleg að sækja skíðabrekkurnar að
undanförnu. MYND WWW.ODDSSKARD.IS