Fréttablaðið - 20.01.2009, Blaðsíða 13

ÞRIÐJUDAGUR 20. janúar 2009 13
Finnur Sveinbjörnsson verð-
ur bankastjóri Nýja Kaupþings
út þetta ár hið minnsta. Stjórn
bankans tilkynnti í gær að ráðn-
ingarsamningur Finns hefði verið
framlengdur til ársloka 2009.
„Jafnframt var ákveðið að aug-
lýsa starf bankastjóra laust til
umsóknar undir árslok,“ segir í
tilkynningu stjórnar Kaupþings,
en bráðabirgðastjórn bankans réð
Finn tímabundið til starfa í okt-
óber síðastliðnum. „Núverandi
bankastjórn leysti bráðabirgða-
stjórnina af hólmi 10. nóvember
2008 og síðan hefur hún unnið
markvisst með Finni að því að
skipuleggja og móta starfsemi
og rekstur nýs banka,“ segir í til-
kynningunni.
Þá er farið yfir margvísleg verk-
efni sem unnið
hefur verið að
hjá Nýja Kaup-
þingi, svo sem
breytingum
á stjórnenda-
teymi, stefnu-
mótun, ráðningu
umboðsmanns
viðskiptavina
og skipulegu
ferli við úrlausn
skuldavandamála og úrvinnslu
stórra slíkra mála.
„Þessar aðgerðir hafa verið
undirbúnar undir stjórn núver-
andi bankastjóra. Hér eru miklir
hagsmunir í húfi og því mikilvægt
að engin óvissa skapist um stöðu
bankastjórans á sama tíma,“ segir
í tilkynningu bankastjórnarinnar.
Jafnframt er bent á að Finnur
Sveinbjörnsson hafi ekki starf-
að hjá Kaupþingi áður, í „gamla
bankanum“, og því marki ráðn-
ing hans í sjálfu sér ákveðin skil
nútíðar og fortíðar í forystu fyr-
irtækisins. „Þessi skil voru síðan
skerpt enn frekar með breyting-
um í stjórnendateymi bankans
um síðustu áramót. Stjórn Nýja
Kaupþings banka telur það gagn-
ast hagsmunum bankans best að
framlengja ráðningarsamning-
inn við Finn og lýsa yfir fullum
stuðningi við hann og hið nýja
stjórnendateymi í brýnum og
vandasömum verkefnum sem
unnið er að til að festa starfsemi
bankans í sessi og skapa honum
trúnað og traust í samfélaginu.“
- óká
FINNUR
SVEINBJÖRNSSON
Kaupþing framlengir ráðningu FinnsVaxtalækkun í mars
Fjórir ástralskir stórbankar eru að
leita fyrir sér með útgáfu á samúr-
æja-bréfum, skuldabréfum í jap-
önskum jenum.
Ekki liggur fyrir hvenær rennt
verði í skuldabréfaútgáfu en lík-
legt þykir að það verði síðar í
mánuðinum, að sögn breska við-
skiptablaðsins Financial Times.
Markaður með bréfin hrundi
í september, eða um svipað leyti
og bandaríski fjárfestingarbank-
inn Lehman Brothers fór í þrot.
Gamla Kaupþing tók samúr-
æjabréf upp á 50 milljarða jena
síðla árs árið 2006 og rann gjald-
dagurinn upp seint í október í
fyrra. Bréfið, sem hljóðaði upp á
56 milljarða íslenskra króna að
þávirði, lenti í vanskilum þar sem
gamla Kaupþing var komið í þrot
og íslenska ríkið búið að taka yfir
íslenska hlutann.
Bloomberg-fréttaveitan segir
stöðugleika kominn á japanskan
lánsfjármarkað og ætli stjórnvöld
eystra að gangast í ábyrgð fyrir
skuldabréfaútgáfunni. - jab
FRÁ TÓKÍÓ Samúræjabréf Kaupþings
lentu í vanskilum eftir bankahrunið í
október í fyrra.
Lífi blásið í
samúræjabréfin
Sparar þér sporin
Framlengt hefur verið út þennan
mánuð bann við skortsölu hluta-
bréfa ákveðinna fyrirtækja sem
hér eru skráð í kauphöll. Fjár-
málaeftirlitið hefur tilkynnt NAS-
DAQ OMX Iceland (Kauphöllinni)
um þetta, en banninu var komið á
í októberbyrjun eftir fall bank-
anna og gilti til 16. þessa mánaðar.
„Um er að ræða áframhaldandi
takmörkun á skortsölu fjármála-
gerninga útgefnum af tilgreind-
um fyrirtækjum í samræmi við
fyrri tilkynningu. Takmörkunin
gildir til og með 31. janúar næst-
komandi,“ segir í tilkynningu til
Kauphallar.
Samkvæmt banninu er óheimilt
að skortselja bréf Glitnis, Kaup-
þings, Landsbankans, Straums-
Burðaráss, Spron og Existu, sem
hér hafa verið tekin til viðskipta í
kauphöll, nema seljandi hafi bréf-
in í sinni vörslu þegar sölutilboð
er lagt fram og tilkynni viðskiptin
án tafar til Fjármálaeftirlitsins.
- óká
Skortsala bréfa
enn bönnuð
NASDAQ OMX Skortsala er þegar láns-
hlutabréf eru seld, gegn því að vera skil-
að síðar. Þá kemur í ljós hvort seljandi
hefur hagnast eða tapað eftir verðþróun
bréfanna. FRÉTTABLAÐIÐ/STEFÁN
Gjaldeyrisforði Seðlabankans
nam í lok desember um þriðj-
ungi af landsframleiðslu síðasta
árs, eða 429 milljörðum króna, að
því er Greining Glitnis bendir á.
Í ársbyrjun 2008 nam forðinn um
163 milljörðum króna.
„Forðinn stækkaði hratt á síð-
astliðnu ári bæði vegna gengis-
breytinga, en eignirnar eru að
mestu erlend verðbréf og inn-
stæður í erlendum fjármálastofn-
unum, en einnig vegna erlendrar
lántöku sem nýtt hefur verið til
að efla forðann,“ segir í umfjöll-
un Glitnis, en forðinn hefur verið
nýttur í að verja stöðu krónunn-
ar.
„Áform eru uppi um að styrkja
gjaldeyrisforða Seðlabankans
frekar, bæði með auknum lántök-
um frá [Alþjóðagjaldeyrissjóðn-
um] og lánum frá fleiri aðilum.
Með styrkingu forðans er búið
í haginn fyrir afnám gjaldeyr-
ishaftanna sem hér hafa verið
við lýði frá hruni bankanna í
október,“ segir Greining Glitn-
is og telur líklegt að næstu skref
í afnámi haftanna verði stigin í
kjölfar stöðumats Alþjóðagjald-
eyrissjóðsins í febrúar. „Ef það
gengur vel má búast við því að í
kjölfarið fylgi lækkun stýrivaxta
Seðlabankans sem nú eru 18 pró-
sent. Reiknum við með fyrstu
vaxtalækkun ársins í mars.“
Næst tekur Seðlabanki Íslands
hins vegar ákvörðun um stýri-
vexti í lok næstu viku. - óká