Tíminn - 26.10.1982, Blaðsíða 6
Fimm inn-
brot um
helgina
■ Nokkur innbrot voru kærð til
rannsóknarlögreglu ríkisins eftir
helgina. Fjórum dekkjum undan Volvo-
Lapplader var stolið úr verslun Gunnars
Ásgeirssonar við Suðurlandsbraut.
Tuttugu lengjum af vindlingum var
stolið úr Söluturninum við Leifsgotu 4.
Þjófar voru á ferð í Barðanum við
Súðavog. Þá var brotist inn í skrifstofur
við Njálsgötu 16 og í Söluturn við
Laufásveg 2, en á hvorugum staðnum er
vitað til að nokkru hafi verið stolið.
- Sjó.
Katrín og
Einar
fréttamenn
■ Útvarpsstjóri hefur veitt Einari
Sigurðssyni, fyrrum fréttaritara út-
varpsins í Lundúnum og Katrínu
Pálsdóttur áður ritstjóra tímaritsins Líf
stöður fréttamanna á fréttastofu hljóð-
varps. Þrjár stöður voru auglýstar í einu
og er þriðju stöðunni óráðstafað, en í
hana hlutu meðmæli útvarpsráðs, Atli
Steinarsson blaðamaður 4 atkv. og
Stefán Jóhann Stefánsson, sem starfað
hefur sem fréttamaður í afleysingum
undanfarið, 3 atkv. Andrés Björnsson
útvarpsstjóri kvaðst í gær ekki geta sagt
hvenær ákvörðun yrði tekin um þriðju
stöðuna
■ Konumar á vinnuvöku vora greinilega í hópi þeirra sem oft tekst á ótrúlegan
hátt að skapa mikið af litlu. Margir fallegir og skemmtilegir hlutir urðu til á þessu
borði í kjallara Hallveigarstaða þá stund sem Tímamaður leit þar við og öllum fylgir
þeim eflaust góður hugur jafnt til þeirra sem eiga þá nú og þeirra sem ágóðans eiga
að njóta - aldraða fólksins í Reykjavík.
„HVAÐfl VERÐ SETJ-
UM VIÐ Á ENGIANA”
FaPOHÚSÍÐ HF.
Suðurlandsbraut 30 105 Reykjavik • Simi 86605.
Sendum gegn póstkröfu hvert á land sem er.
Model Reykholt er glæsilegt
borðstofusett í íslenskum
sögualdarstíl.
Framleitt af okkur úr valinni
massífri furu.
Fæst í Ijósum viðarlit eða
brúnbæsað.
Úrval fallegra áklæða.
Það er varla hægt að komast
nær handverki en gert er í
þessum húsgögnum.
Litið við á „vinnuvöku”
á Hallveigarstöðum
■ „Hvaða verð setjum við á englana",
kvað við frá einu borðinu á „Vinnu-
vöku“ á Hallveigarstöðum í Reykjavík
þegar Tímamaður leit þar inn upp úr
miðnætti síðasta laugardag, eða réttara
sagt byrjun sunnudags. Við eitt borðið
sat hópur kvenna og var m.a. að búa til
engla, jólasveina og ýmisskonar smá-
skraut til að selja til ágóða fyrir aldraða
í Reykjavík.
Það var glatt á hjalla á vinnuvökunni,
spjallað saman og hlegið. Sumar voru
búnar að sitja við klukkutímum saman,
aðrar voru nýkomnar og áttu nóttina
framundan. Unnur Ágústsdóttir for-
maður Bandalags kvenna - sem stóð að
vökunni í Reykjavík - bakaði vöflur, og
sá um að alltaf væri til heitt á könnunni
bæði fyrir þær sem sátu að verki og gesti
sem litu inn til að spjalla og kaupa þá
eigulegu hluti sem reykvískar konur
höfðu búið til og buðu til sölu. Á borði
sáum við heklaða dúka, sjöl og ýmsa
smáhluti. Útprjónaða vettlinga, saum-
aðar svuntur og bangsa- þessa mjúku
hlýlegu sem alla jafna verða í hvað
mestu uppáhaldi af leikíóngum yngstu
kynslóðarinnar.
Að sögn Unnar voru munir seldir fyrir
í kringum 20 þús. krónur. Óbeinan
ágóða taldi hún þó jafnvel ennþá meiri
- þann að konur kynnist, skiptist á
skoðunum og vinni saman, svo og að
vekja athygli annarra á því mikla starfi
sem konur inna af hendi. „Margar af
þessum konum eru á vinnuvöku hálfan
veturinn11, sagði Unnur. Þar á hún við
að konur f öllum hinum 30 kvenfélögum
borgarinnar nota nær hverja frístund til
að undirbúa eigin basar, hlutaveltur og
aðrar fjáröflunarleiðir.
Úr Kópavogi er svipaða sögu að segja.
Fjöldi kvenna sat þar við handavinnu og
föndur, ásamt kökubakstri. Kópavogs-
konur höfðu kaffisölu auk þess að selja
handavinnu og söfnuðu milli 20 og 30
þús. krónum í kassann á vinnuvökunni.
Að sögn Sólveigar Runólfsdóttur for-
manns Kvenfélagasambandsins í Kópa-
vogi komu einnig margir góðir gestir í
heimsókn til að skemmta með söng,
spili, upplestri ljóðum og á annan hátt.
Báðar báðu þær Tímann fyrir þakk-
læti til þeirra mörgu sem lagt hefðu sitt
af mörkum til að „Vinnuvaka“ tækist
eins vel og raun bar vitni.
-HEI
■ Með lagni og alúð verða nokkrír hvítir bandspottar á skammrí stund að hinu
| fallegasta blómahengi. Túnamyndir HEI