Tíminn - 07.11.1982, Qupperneq 3

SUNNUDAGUR 7. NÓVEMBER 1982.
fólk í listuml
■ Njörður P. Njarðvík rithöfundur.
Heldurðu að játningu feðganna megi
rekja til blindrar trúar á það að
valdsmenn hljóti að hafa rétt fyrir sér,
að þeir séu handhafar sannleikans?
„Það er nú kannski partur af þessu.
En ég segi þessa sögu á þann hátt að ég
skil lesandanum mikið eftir. Ég forðast
ailar útskýringar og reyni að segja
söguna með því að sýna hana og hafa
fast taumhald á höfundi. í svona hluti
eins og þú spyrð um verður fólk að ráða
dálítið sjálft.
Hins vegar má segja að í þessari sögu
komi fram ákveðin hugmynd um að
áframhaldandi barátta sé vonlaus eða
þýðingarlaus. Inn í þetta blandast það
viðhorf Jóns eldra að hann sé búinn að
eiga sitt líf og þurfi ekki að lifa neitt
mikið lengur. Hann hvetur hins vegar
son sinn til að flýja sem sonurinn gerir
ekki því það telur hann jafngilda
játningu.
í þessu sambandi er eitt atriði ákaflega
athyglisvert. Það er í raun og veru
framið á þeim feðgum réttarmorð. Þeir
eru kallaðir fyrir dómþing 14. desember
og þá er þeim dæmdur tylftareiður. í
því felst að þeir eiga sjálfir að tilnefna
fjóra menn í dóminn á vorþingi. En svo
gerist það að feðgamir era handteknir á
miðjum vetri þannig að þeir hafa aldrei
tækifæri til að koma fram sínum tylftar-
eiði.“
Hvað með sveitungana? Voru þeir
kannski tregir til að liðsinna feðgunum?
„Á Kirkjubóli var þríbýlt og það er
sérstaklega ein fjölskylda sem kemur við
sögu, svo er það bóndinn í Engidal sem
telur sig hafa orðið fyrir göldrum, en sá
maður sem er eiginlega þeirra eina
hjálparhella er Jón Ólafsson í Arnardal.
Hann varar þá við athöfnum prestsins
og ber þeim fréttir af honum því að
þegar prestur fer til Magnúsar sýslu-
manns sem bjó á Eyri við Seyðisfjörð þá
fer hann um Arnardal.
í sambandi við þennan trega sveitunga
má nefna annað þema í bókinni:
útskúfunina. Ótta annarra við þá sem
liggja undir galdraámæli. Ótta við
hugsanlegt vald þeirra og ótta við að
dragast inn í málið. í raun og veru hafa
þeir feðgar átt erfitt að útvega eiðvætti.
Það kemur fram í heimildum að fólk sem
þeir leituðu til hrökklaðist svona heldur
undan.“
Hvenær skrifaðirðu þessa bók?
„Ég hef verið með hana í smíðum í
þrjú ár meira eða minna, og stundað
kennslu í háskólanum á milli, nema
hvað ég fékk launalaust leyfi í eitt ár og
var að vinna að þessu verki þá. Það fór
óskaplega mikil vinna í undirbúninginn,
miklu meiri en ég hafði látið mér detta
í hug. í vor lauk ég svo við söguna og
fékk þá fimm manns til að lesa hana yfir:
sagnfræðing, prest og þrjá bókmennta-
fræðinga. Eg vildi vera viss um að engar
villur hefðu slæðst í ritið, t.d. hvað
varðar söguleg efnisatriði varðandi guðs-
þjónustur o.s.frv. Ég vona að verkið sé
nú orðið nokkura veginn skammlaust"
sagði Njörður P. Njarðvík að lokum.
-GM.
■ Karólína Lárusdóttir við eitt verka sinna á sýningunni að Kjarvalsstöðum.
„Leikhús“ heitir myndin og er máluð á þessu ári.
Islenskt mann-
líf og náttúra
■ Óhætt er að slá því föstu að
myndlistarsýning sú sem Karólína Lár-
usdóttir opnar í vestursal Kjarvalsstaða
síðdegis í dag, laugardag 6. nóvember,
mun vekja mikla athygli meðal áhuga-i
fólks um myndlist í Reykjavík. Myndir |
hennar eru málaðar í Lundúnum, þar
sem hún hefur verið búsett um árabil,
enviðfangsefniðer oftast náttúra íslands
og mannlíf hér á landi. Við sjáum
peysufatakonur og gilda bændur í
kirkjuferð, prúðbúið bæjarfólk með
séríslenskan svip hátíðar og virðuleika,
börn að leita að Óskasteininum í
Öskjuhlíð og ballgesti í þvögunni við
fatahengið á Hótel Borg. Líka eru
myndir þar sem stefið er kindur í
íslenskri sveit, eða fólk að spássera um
fjöll og engi. Þá eru einnig myndir sem
geyma minningar frá óhirtu blómabeði
í garði Karólínu í suður Lundúnum, svo
dæmi séu tekin.
Samtals eru 180 verk á sýningunni,
einkum olíumyndir og vatnslitamyndir,
en einnig teikningar og grafík. Myndirn-
ar eru gerðar sérstaklega með þessa
sýningu í huga og flkestar á þessu ári.
Karólína Lárusdóttir er fædd í Reykja-
vík lýðveldisárið og lauk stúdentsprófi
frá Menntaskólanum í Reykjavík 1964.
Snemma kviknaði með henni áhugi á að
læra myndlist og haustið 1964 sigldi hún
til Englands og hóf listnám, fyrst í
Lundúnum, síðar Oxford og loks Lund-
únum á ný.
' Karólína á tvö börn 12 og 14 ára að
aldri, og það er ekki fyrr en þau voru
orðin stálpaðri að hún gat farið að gefa
sig óskiptari að því að mála og teikna.
Frá 1978 hefur hún tekið þátt í nokkrum
samsýningum enskra myndlistarmanna,
m.a. sýndi hún á Royal Academy í
Lundúnum árið 1979, en það er heiður
sem fínum málurum hlotnast. Hún er
einnig félagi í hinu virðulega myndlistar-
félagi Royal Society of Painter-Etchers.
Karólína á verk á nokkrum listastöfnum
á Englandi, en vinnustofu hefur hún á
heimili sínu í einu úthverfa Lundúna.
— GM.
Listafólk frá Mið-Asín í Austurbæjarbíói:
••
SONGUR OG DANS
FRÁ TADSJIKISTAN
■ Listamenn frá Tadsjikistan, sem er
eitt af Mið-Asíulýðveldum Sovétríkj-
anna, koma fram á hátíðarsamkomu og
tónleikum í Austurbæjarbíói í dag,
laugardaginn 6. nóvember kl. 14.
Listamennirnir eru staddir hér á landi
vegna Sovéskra daga 1982, en félagið
MÍR, Menningartengsl fslands og Ráðs-
tjómarríkjanna, gengst árlega fyrir slík-
um menningardögum og kynnir þá
hverju sinni sérstaklega þjóðmenningu
ogþjóðlíf í einu af sovétlýðveldunum 15.
í hópi Tadsjikistanna eru nokkrir
einsöngvarar, einleikarar og sólódansar-
ar, en flestir listamennirnir eru félagar í
einum frægasta söng- og þjóðdansa-
flokki Sovétríkjanna, Rúbob-sveit
Ríkisfílharmóníunnar í Tadsjikistan.
Sveit þessi er að mestu skipuð ungum
stúlkum sem syngja, dansa og leika á
rúbob, gamalt þjóðlegt strengjahljóð-
færi frá Mið-Asíulöndunum. Dansatriði
flytur sveitin að jafnaði við undirleik
dojru, igamals þjóðlegs ásláttarhljóðfær-
is.
Á undan tónleikunum og danssýning-
unni verða flutt stutt ávörp og minnst 65
ára afmælis Októberbyltingarinnar og
60 ára afmælis sovéskra sambandsríkis-
ins. Seinna um daginn verður listafólkið
statt í Eden í Hveragerði, en í Listaskál-
anum þar hefur verið sett upp listsýning
frá Tadsjikistan. Á morgun sunnudag,
verða tónleikar og danssýning í Hlégarði
í Mosfellssveit, á mánudag og þriðjudag
verður hópurinn í Vestmannaeyjum, á
miðvikudag í Gaulverjabæ og á föstudag
í Gunnarshólma í Landeyjum.

tC\0NW«v\\\ 6*
u
R
i
Snorrabraut Sími 13505
Glæsibæ Sími 34350
Hamraborg - Kópavogi Sími46200
Miðvangi - HafnarfirÓi Sími 53300