Tíminn - 09.11.1982, Blaðsíða 12

VIÐ LÍTUM A FERJUNA
SEM SAMKEPPNISADIIA”
— segir Bjöm Theódórsson hjá Flugleidum - „Hlynntir samkeppninni
sem af þessu skapast’% segir Gunnar Þorvaldsson hjá Arnarflugi
■ Eins og lcsendur Tímans kannast
við, þá mun glæsileg farþega- og bíla-
ferja verða með áætlanaferðir nk. sumar
frá íslandi til Englands og Þýskalands,
og hafa íslensku skipafélögin Eimskip
og Hafskip stofnað sameiginlegt fyrir-
tæki, Farskip hf. sem mun annast
rekstur ferjunnar. Nú þegar er fólk farið
að bóka sig með ferjunni, og að sögn
framkvæmdastjórans, Einars Her:
mannssonar, þá eru bókanir nú orðnar
á annað hundrað og hefur mest verið
bókað í fyrstu ferðirnar. Sagði Einar að
það væri mest um það að fólk hefði látið
bóka sig og bíl í einhverja ákveðna ferð,
en þó væri umtalsverður' hópur sem
hefði bókað sig og hygðist annaðhvort
taka bílaleigubíi þegar til Newcastle eða
Bremenhaven kæmi, eða bara dveljast
á góðum hótelum í fallegu umhverfi.
Einar sagði einnig: „Það kemur okkur
talsvert á óvart hversu mikið er nú þegar
bókað, því það er nú ekki beinlínis vani
íslendinga að skipuleggja og panta
ferðir sínar með hálfs árs fyrirvara, eða
meira.“
Einar upplýsli blaðamann Tímans um
það, að Farskip myndi geta flutt 6500
manns frá landinu næsta sumar, og er
þá eingöngu miðað við þá tölu sem hægt
er að selja svefnpláss, en ekki eru taldir
með svokallaðir dekkfarþegar. Hann
var að því spurður hvort hann teldi að
Farskip ætti eftir að vera í beinni
samkeppni við flugfélögin, Arnarflug og
Flugleiðir, eða hvort hann teldi að þeir
farþegar sem kysu að ferðast með
ferjunni myndu bætast við þá tölu sem
hefði hvort sem er ferðast með flugfé-
lögunum: „Þegar við erum að tala um
þetta framboð hjá okkur, þá erum við
ekki eingöngu að tala um innanlands-
markað, heldur ekki síður erlendan
markað. Þar er þetta ákaflega eðlilegur
og algengur ferðamáti. Við lítum því á
það þannig að hér sé um umtalsverðan
viðbótarmarkað að ræða, sem ekki
hefur verið fyrir hendi hingað til, en hinu
skal heldur ekki neitað að óhjákvæmi-
legt er að um einhverja samkeppni
verður að ræða á milli okkar og
flugfélaganna, og þar á ég við þá sem
hefðu ferðast með fluginu, ef skipsferð
stæði ekki til boða.
Þá má geta þess að við höfum talað
lítillega við Flugleiðir um hugsanlega
samvinnu að því. leytinu að hægt yrði að
kaupa flug aðra leiðina og skipsferð hina
leiðina, en enn eru þær viðræður á
frumstigi og ég hygg að við munum tala
við Arnarflug á sama grundvelli, ef þeir
hafa hug á.“
„Skapar samkeppni, sem við
erum vissulega hlynntir“
- En hvaða augum líta forsvarsmenn
flugfélaganna í landinu, sem annast flug
til Evrópu, tilkomu þessarar ferju?
Tíminn hafði í gær samband við þá
Gunnar Þorvaldsson, framkvæmda-
stjóra Arnarflugs og Björn Theódórs-
son, framkvæmdastjóra rekstrarsviðs
Flugleiða og spurði þá hvort þeir, og
fyrirtæki þeirra litu á Farskip sem beinan
samkeppnisaðila, eða hvort þeir teldu
að ferjan yrði til þess að auka verulega
við ferðamannastraum til og frá landinu.
Gunnar Þorvaldsson framkvæmda-
stjóri Arnarflugs: „Þetta er nú nokkuð
nýtilkomið, en í fljótu bragði sýnist mér
sem þetta hvorttveggja sem þú nefnir
eigi eftir að verða rétt að hluta, því hún
á vissulega eftir að skapa samkeppni við
flugfélögin, en ég er einnig sannfærður
að ferjan á eftir að skapa aukningu í
ferðamannastraumnum. Ég held að
okkar afstaða hjá Arnarflugi komi
ágætlega fram í því, þegar ég segi að við
erum hlynntir samkeppninni sem af
þessu skapast."
Aðspurður um hvort Arnarflug gæti
verið opið fyrir samvinnu við Farskip um
sölu á annarri ferðinni flugleiðis og hinni
sjóleiðis, sagði Gunnar:
„Já, við værum vafalaust opnir fyrir
slíkri samvinnu, því við teljum einmitt
að þeir aðilar sem standa í ferðaþjónust-
unni, hvort sem það eru flutningsaðilar
eða þjónustuaðilar, eigi að reyna að hafa
samstarf sín á milli, þar sem að báðir
aðilar geta hagnast á slíku samstarfi.“
„Engin launung á því
að við lítum á hana
sem samkeppnisaðila“
Björn Theódórsson, framkvæmda-
stjóri rekstrarsviðs Flugleiða: „Við lítum
vissulega á hana sem samkeppnisaðila -
það er engin launung á þvt'.
Ég geri ráð fyrir að ferjan muni taka
eitthvað af farþegum frá okkur, en það
má vel vera að það verði eitthvað af
nýjum farþegum einnig.
Ég þekki að vísu ekki hvernig
markaðsskipulagningu þeirra er háttað,
eða hvers konar farþega þeir ætla að ná
í, en ég geri ráð fyrir því að þeir rói á
sömu mið og við, þannig að ef {slending-
ar eiga í hlut, þá hlýtur eitthvað af þeim
að takast frá okkur.“
Aðspurður um hvort samvinna á milli
Flugleiða og Farskips kæmi til greina
sagði Björn: „Já, við komum vafalaust
til með að hafa opna leið fyrir þá sem
óska eftir að fljúga aðra leiðina og sigla
hina leiðina. Við höfum þegar rætt það
lítillega."
Björn var að því spurður hvort
Flugleiðir litu stofnun Farskips horn-
auga: „Nei, við gerum það ekkert
frekar. Ef þetta er markaður sem þeir
telja vera fyrir hendi, þá er vafalaust
skynsamlegt að hrinda því af stað, en
■ Gunnar Þoivaldsson
við komum til með að reyna að halda í
þá sem við teljum að við gétum."
- AB
■ Björn Theódórsson
■ M.s. Edda, farþega- og bílferja Farskips sem verður í ferðum milli íslands og
Evrópu næsta sumar.
Opið
ALLAN
HREVRLL
STÆRSTA BIFREIÐASTÖÐ BORGA^X
oc
É
appelsínu
marmelaói
á brauðið