Tíminn - 27.11.1982, Blaðsíða 3
LAUGARDAGUR 27. NÓVEMBER 1982
3
■ Ingvar Gíslason menntamálarádherra og frú hans Auður Erlingsdóttir sátu
ársfund Rannsóknaráðs ríkisins, en menntamálaráðherra er jafnframt formaður
Rannsóknaráðsins. Þá var Vigdís Finnbogadóttir, forseti íslands viðstödd fundinn,
svo og Hjörleifur Guttormsson iðnaðarráðherra, en að baki honum má sjá
þingmennina Guðmund G. Þórarinsson og Magnús H. Magnússon.
Tímamynd - Róbert.
Þáttaskil framundan í atvinnulffi
okkar íslendinga:
Idnadur verður
að taka við af
landbúnaði og
fiskveiðum
Segír í langtímaáætlun
Rannsóknaráðs ríkisins
■ Það er sennilega óhætt að fullvrða, að
talsvert breytt viðhorf eru ráðandi í Iangtíma-
áætlun Rannsóknaráðs ríkisins, um rann-
sóknir og þróunarstarfsemi, miðað við það
sem ríkt hefur á þeim vettvangi undanfarin
ár.
Vilhjálmur Lúðvíksson, framkvæmda-
stjóri Rannsóknaráðs ríkisins fylgdi þessari
fimrn ára áætiun úr hlaði, á ársfundi
Rannsóknaráðs sem haldinn var í Háskóla-
bíói í gær, og að lokinni kynningu áætlunar-
innar afhenti hann ríkisstjóminni hana, en
áætlunin var unnin að beiðni ríkisstjórnarinn-
ar, í samræmi við þingsályktun frá 1979.
Markverðustu breytingar sem lagðar eru
til, er að bent er á að fiskimiðin séu nú
fullnýtt og ekki verði aukinn afli úr þessu -
því verði að beina athyglinni í ríkara mæli
að því að bæta gæði framleiðslu okkar, og
auka fjölbreytni, og það verði fyrst og
fremst gert með því að auka rannsókna- og
þróunarstarfsemi. Á það er einnig bent að
hefðbundinn landbúnaður hér á landi, sé
genginn sér til húðar, og nú þurfi að beina
athyglinni að nýjum búgreinum, auknum
gæðum landbúnaðarvara, en fyrst og fremst
þurfi að draga úr hefðbundinni landbúnað-
arframleiðslu til samræmis við innlendan
markað. Auka verði framleiðni iðnaðar,
nýjar vörutegundir og bættar framleiðsluað-
ferðir þarf að þróa. Þetta sé með þýðingar-
mestu verkefnum næstu ára, því iðnaður
verði að taka við hlutverki frumvinnslugreina
sem undirstaða hagvaxtar og atvinnuaukn-
ingar.
Það er sem sé greint frá því í þessari áætlun
að þeir sem hana unnu, og reyndar mun
fleiri, telja að veruleg þáttaskil séu framund-
an í atvirínulífi okkar íslendinga, þar sem
iðnaður verði að taka við að miklu leyti, því
hlutverki sem verið hefur í höndum landbún-
aðar og fiskveiða um áratugaskeið.
Á ársfundinum fluttu einnig erindi: Magn-
ús Magnússon, vélaverkfræðingur- Orkuiðja
- rannsóknir og þróunarstarfsemi, dr. Sig-
urgeir Ólafsson, plöntusjúkdómafræðingur,
um heilbriði kartöflustofna, Magnús Gústafs-
son, framkvæmdastjóri um vöruþróun í
iðnfyrirtæki og dr. Ólafur Andrésson lífefna-
fræðingur um erfðatækni. Það var mennta-
málaráðherra íslands, Ingvar Gíslason, sem
setti fund Rannsóknaráðs, en hann er
jafnframt formaður Rannsóknaráðs ríkisins.
Formaður framkvæmdanefndar Rannsókna-
ráðs, Haraldur Ásgeirsson sleit fundinum
síðdegis í gær.
-AB
Breytt skipulag BHM aðalmál
þingsins sem hófst í gær:
Launamálaráðum
f jölgað og gerd
sjálfstæðari
■ „Helsta mál þingsins álít ég breytingar á
lögum Bandalags háskólamanna", sagði
Valdimar K. Jónsson, form bandalagsins við
upphaf 5. þings þess í gær, sem stendur í tvo
daga. Með lagabreytingum kvað hann m.a.
hugmyndina að breyta skipulagi BHM í þá
átt að framkvæmdastjórn þess vinni meira
að aimennum málum sem snerta alla háskóla-
menn, en á hinn bóginn að launamálaráðum
verði fjölgað og þau gerð sjálfstæðari innan
BHM. Til þessa hefur aðeins starfað
launamálaráð fyrir ríkisstarfsmenn, en
Valdimar kvað verða stefnt að því að bæta
við tveim öðrum fyrir; borgarstarfsmenn og
sjálfstætt starfandi háskólamenn. Slíkri skip-
an er m.a. ætlað að vinna gegn þeim
tilhneigingum sem gætt hefur meðal ein-
stakra stétta að kljúfa sig út úr bandalaginu.
„Jú, málefni Háskóla íslands verða tekin
fyrir á þinginu. Við munum gera hér
ályktanir um skólann, um rannsóknir og um
endurmenntun, þannig að ýmislegt mun
verða rætt hér um Háskólann og stöðu hans.
í upphafi þingsins verða einnig flutt tvö
erindi sem fjalla um atvinnumál háskóla-
manna.
Fjölgun háskólastúdenta kemur mér ekki
á óvart enda tel ég liana eðlilega. Ef við lítum
t.d. til nágrannaþjóða okkar þá er þetta
svipuð þróun og þar hefur verið. En það sem
við höfum kannski gleymt að huga að er
framhaldið. Það verður ekki hægt að hleypa
öilum þessum fjölda inn í þær hefðbundnu
námsbrautir sem um er að ræða í dag. Við
verðum að gera námið miklu fjölbreyttara
og jafnvel leiða það inn í aðra sérskóla, sem
gætu þá hugsanlega verið á háskólastigi. við
höfum nú þegar þrjá aðra skóla á
háskólastigi; Tækniskólann, Kennaraháskól-
ann og Bændaskólann á Hvanneyri. Hugsan-
lega er hægt að fjölga slíkum skólum
varðandi aðrar atvinnugreinar."
Þar sem Valdimar er nú að hætta eftir
fjögurra ára formennsku í BHM spurðum við
hvað hann teldi markverðustu breytingarnar
hjá bandalaginu í hans formannstíð.
„Ég á nú bágt með að hæla sjálfum mér.
En kannski er það mikilvægasta að við
fluttum í eigið húsnæði á þessu tímabili, sem
bætt hefur alla aðstöðu mjög, auk þess sem
ég held að það hafi að vissu leyti þjappað
mönnum saman að fá betri aðstöðu, t.d. til
fundahalda. Einnig tel ég að í hinum nýju
lögum sé ýmislegt sem ætti að geta gert
BHM að samstilltari samtökum í framtíð-
inni“, sagði Valdimar.
-HEI
Fjórir sovéskir vísindamenn af hafrann
sóknarskipi handteknir:
HOTAÐ AÐ KYRR-
SETJA SKIPIÐ
— vegna meints þjófnaðar á 50 kr. úr veski
afgreiðsiukonu í leikfangaverslun
■ Utanríkisráðuneytið hefurbeðiðdóms-
málaráðuneytið um skýrslu, þar sem gerð
yrði opinber grein fyrir meðferð Rannsókn-
arlögreglu ríkisins á máli Qögurra sovéskra
visindamanna, sem handteknir voru i
síðustu viku grunaðir um stuld á veski
afgrciðslukonu i leikfangaversluninni
Leikhúsinu við Laugaveg. í veskinu voru
50 krúnur auk skilríkja. Mennimir vom
handteknir uni kl. 16 fimmtudaginn 18.
þ.m. og settir í einangrun í fangageymslum
lögreglunnar við Hlcmm án þcss að vita
fyrir hvað þeir vom handteknir, en þeir
töluðu ekki ensku eða önnur vcsturlanda-
mál.
Vísindamennimir voru af sovésku haf-
rannsóknaskipi, sem hér var í höfn í tvo
daga. Skipstjóri skipsins var kallaður til
þegar leið á kvöld, svo og fulltrúi úr
sovéska sendiráðinu. Mennirnir voru leyst-
ir úr einagnrun undir miðnætti, og fluttir í
aðsetur Rannsóknarlögreglunnar í Kópa-
vogi. Teknar voru af þeim skýrslur og kom
ekkcrl fram sem bent gæti til þess að þeir
væru sekir um stuldinn. Þegar kom að því
að undirrita skýrslur neituðu þeir því í
viðurvist skipstjórans og sendiráðsmanns-
ins, og kváðust einungis skrifa undir, ef
skýrslurnar væru skrifaðar á rússnesku.
Var þeim þá hótað, aö skipið yrði kyrrsett
uns saksóknari ríkisins hefði fengið málið
í hendur og tekið í því ákvörðun, og
fjórmenningarnir hafðir áfram í haldi. Stóð
í þessu stappi til kli 03 um nóttina en þá
var mönnunum sleppt.
Sendiráðsfulltrúinn, sem viðstaddur var,
sagði í samtali við Tintann í gær aö skipið
heföi verið hætt komið í óveðrinu á
dögunum og hefði vcrið ætlunin að hafa
hér stutta viðdvöl til hvildar og aflöppunar.
Kári Valvesson hjá Skipadeild Sambands-
ins, sem var umboðsmaður Sovétmann-
anna hér, sagði að skips'.jórinn og fjórir
mennirnir hefðu verið miður sín yfir
mótttökunum, en þetta hefði verið í fyrsta
sinn sem þeir gistu landið. „Ég hef
aðstoöað þessi sovésku rannskóknarskip
þegar þau hafa koniið hér og hef ekki
annað en mjög ánægjulega reynslu af
samskiptum mínum við ntenn af þessum
skipum. Þetta er afar lciðinlegt mál og
hörmulegt að fjölmiðlar hér á landi skyldu
stimpla þessa menn búðarþjófa."
Hannes Hafstein skrifstofustjóri í utan-
ríkisráðuneytinu sagði í saintali viðTínrann
að sendiráð Sovétríkjanna hefði borið
• fram kvörlun við utanríkisráðuneytið
vegna þessa máls og eftir að hafa athugað
málavexti kallaði ráðuneytið fulltrúa sendi-
ráðsins til sín og bað hann formlega
afsökunar vegna meðferðarinnar á fjór-
menningunum. „Við báðum einnig sérstak-
lega um að þessari afsökunarbeiðni yröi
komið á framfæri við vísindamennina
fjóra.” Hann sagði að ráðuncytið biði nú
eftir skýringu dómsmálaráðuneytisins á
málsmcðferðinni.
Hallvarður Einvarðsson rannsóknarlög-
reglustjóri ríkisins stjórnaði yfirheyrslun-
um yfir Sovétmönnunum fjórunr. Tíminn
reyndi ítrekað að ná tali af honum í gær
vcgna þcssa máls, en án árangurs. JGK
SMIÐJUVEGI 44 D KÓPAVOGI SÍMI 75400 og 78660
Á SÓLARHRING
Bílaleigan hf. býður nú sérstakt haustverð á bílaleigubílum sínum sem gildir
frá 1. okt. til áramóta. Innifalið í þessu fasta verði er ótakmarkaður fjöldi ekinna
km, trygging svo og söluskattur.
VERÐSKRÁ PR. SÓLARHRING:
Toyota Starlet
Toyota Tercel
Toyota Corolla
Toyota Corolla St.
kr. 690
kr. 710
kr. 730
kr. 750
Erum einnig með sérstök helgartilboð sem gilda frá kl. 16.00 á föstudegi til kl.
9.00 á mánudagsmorgni.
VERÐ PR. HELGI:
Toyota Starlet kr. 1.500
Toyota Tercel kr. 1.540
Toyota Corolla kr. 1.580
Toyota Corolla St. kr. 1.620
Nú er hægt að láta verða af því að heimsækja Jónu frænku á Húsavík eða
hann Palla frænda í Þykkvabænum verðsins vegna.