Tíminn - 19.01.1984, Page 2

■—MFA—---------------------------------------
Félagsmálaskóli alþýðu
1. önn 12. - 25. febrúar
1. önn verður haldin í Félagsmálaskóla a'þýðu
dagana 12.-25. febrúar n.k. í Ölfusborgum.
( aðalatriðum verður starfið með hefðbundnum hætti, en
viðfangsefni annarinnar er einkum eftirfarandi: Félags- og
fundarstörf, ræðumennska, framsögn, skipulag og starfshættir
ASÍ, saga verklýðshreyfingarinnar, vinnuréttur, stefnuyfirlýs-
ing ASÍ, kjararannsóknir og vísitölur, undirstöðuatriði í
féiagsfræði og hópefli (leiðbeining í hópvinnu).
Námsstarfið fer fram í fyrirlestrum, hópvinnu og almennum
umræðum. Flesta daga er unnið frá kl. 09.00-19.00 með
hléum. Nokkur kvöld á meðan skólinn starfar verða menning-
ardagskrár, listkynningar, upplestur og skemmtanir.
Einungis félagsmenn aðildarfélaga ASÍ eiga rétt á skólavist
í Félagsmálaskólanum. Hámarksfjöldi á önninni er 25.
Umsóknir um skólavist þurfa að berast skrifstofu
MFA fyrir 8.febrúar n.k.
Nánari upplýsingar eru veittar á skrifstofu MFA
Grensásvegi 16, sími 84233.
MENNINGAR-CX3 FRÆÐSLUSAMBAND ALÞÝÐU
Hjúkrunarfræðingur
Óskum að ráða nú þegar hjúkrunarfræðing til
starfa við Heilsugæslustöðina í Grundarfirði, gott
húsnæði og barnagæsla til reiðu.
Allar frekari upplýsingar veita Hildur Sæmunds-
dóttir í Síma 93-8711 og Ingibjörg Magnúsdóttir
deildarstjóri í heilbrigðisráðuneytinu í síma
28455.
Heilsugæslustöðin Grundarfirði.
\V Útboð
Tilboð óskast í loftstreng fyrir Rafmagnsveitu Reykjavíkur. Útboðs-
gögn eru afhent á skrifstofu vorri Fríkirkjuvegi 3, Reykjavík.
Tilboöin verða opnuð á sama stað þriðjudaginn 21. febr. 1984 kl. 11
f.h.
INNKAUPASTOFNUN REYKJAVÍKtíRBOR^AR Fríkirkjuvegi 3 — Sími 25800

Verknámsnemi í búskap
Piltur eða stúlka á aldrinum 17-21 árs, óskast á
norskt sveitabýli, sem rekur kúabú með nútíma-
sniði. Ökuréttindi áskilin. Ráðningartími frá fyrstu
viku í júlí nk.
Umsóknir ásamt meðmælum sendist
Pál Dobloug, 2350 Nes H. Norge.
Vegna útfarar
Magnúsar Jónssonar bankastjóra verða allir af-
greiðslustaðir Búnaðarbanka íslands lokaðir
föstudaginn 20. janúar til kl. 13:00.
Búnaðarbanki íslands
Wrnrnm HMMTUDAGUU 19. JANÚAR 1984
Formflökin bæta hag Sambandsfrystihúsanna:
VERÐMÆTAAUKNINGIN
VARÐ HALF MllilÓN
BANDARfKIADOLIARA
■ Sambandsfrystihúsin húfu á sl. ári
útflutning á svokölluðum formflökum til
Bandaríkjanna, og samkvæmt því sem
Guðjön B. Ólafsson forstjóri Iceland
Seafood, sölufyrirtæki Sambandsins í
Bandaríkjunum upplýsti Tímann í gær,
þá skiluöu formflök sem flutt voru út á
síðasta ári, hálfri milljón dollara meira
verðmæti til frystihúsanna á íslandi,
hcldur en þau hefðu gert ef þessi vara
hefði verið flutt út í blokkarformi. Það
er vert að benda sérstaklega á þessa
verðmætaaukningu, því þegar þessi út-
flutningur hófst, þá kölluðu Coldwater-
menn þessi formflök „drullukökur" og
kalla víst enn.
Tíminn ræddi í gær við Guðjón B.
Ólafsson um árangur liðinna ára hjá
Iceland Seafood, markaðshlutdeild,
aukningu og framfíðarhorfur: Guðjón
var fyrst beðinn að rekja söluþróun
fyrirtækisins í Bandaríkjunum undanfar-
in ár:
„Verksmiðjan a þessu svæði, byrjaði í
Steelton í Pennsilvaniu, 1959, og fyrsta
framleiðsluárið var framleiðslan 168
tonn. 1966 var flutt í nýja verksmiðju,
hérna í Camp Hill, þar sem hún stendur
enn í dag, og framleiðslan fyrsta árið í
henni eða 1966, er 2646tonn. Ef ég nefni
þér næst árið Í970, en það er fyrsta árið
þar sem ég hef með nokkurri vissu
dollarasölu fyrirtækisins, þá var fram-
leiðslan komin upp í 10150 tonn og
heildarsalafyrirtækisinsvar 18.9 milljón-
ir dollara. Fimm árum síðar, 1975 þá er
framleiðslan 11.400 tonn og heildarsala
fyrirtækisins 34.2 milljónir dollara. 1980
er framleiðslan komin í 18.300 tonn og
heildarsalan 91.6 milljónir dollara. Síð-
astliðið ár var framleiðslan 25.000 tonn
og veltan 120.4 milljónir dollara.
Þá get ég nefnt þér, að árið 1982 var
heildarneysla í Bandaríkjunum á verk-
smiðjuframleiddum fiskréttum talin vera
um 173 þúsund tonn og þá var okkar
hlutdeild í heildarmarkaðinum 11.7%.
Við seljum ekkert í smásölu, heldur
eingöngu á þessum stofnanamarkaði, og
á árinu 1982 var hlutdeild okkar í þeim
markaði eftir því sem best er hægt að
áætla, 19.3%. 1981 er talið að heildar-
neyslan á fiskréttum hafi verið um 190
þúsund tonn, og þá var okkar hlutdeild
13.1% af heildinni, eða 21% af þessum
stofnanamarkaði."
Hlutdeild Coldwater
minnkar, en lceland
Seafood vex
- Nú hef ég áreiðanlegar heimildir
fyrir því, að þótt markaðshlutdeild Ice-
land Seafood í Bandaríkjunum hafi
farið vaxandi undanfarin ár, þá hafi
heildar umsetning Islendinga vestra ekki
vaxið. Til dæmis veit ég að Coldwater
hefur ekki aukið sölu sína í dollurum frá
því 1979. Ég veit að 1979 var sala
Coldwater 223.5 milljónir dollara, 1980
var hún 201.9 milljónir dollara, 1981 var
hún 195.6 mílljónir dollara, 1982varhún
197.5 milljónir dollara og 1983 var hún
193.8 milljónir dollara. Kannt þú ein-
hverja skýringu á því hvers vegna hlut-
deild ykkar fer vaxandi, en Coldwater
tekst ekki einu sinni að halda í horfinu?
„Ég svara ekki svona spurningu. Það
væri ekki smekklegt af mér að gera það.
Þú verður að spyrja hina aðilana um
skýringar á því."
- I hverju eru söluhvetjandi aðferðir
ykkar hjá Iceland Seafood helst fólgnar?
„Við höfum fundi með okkar umboðs-
mönnum annað hvert ár hérna. Þá
köllum við þá hingað til tveggja daga
■ Guðjón B. Ólafsson. ■
fundar, sem er bæði vörukynningarfund-
ur og kynning á okkar söluprógrömmum
og þess háttar. Hitt árið höfum við
svæðisfundi með þcim út um landið. Þá
höfum við einn fund á vesturströndinni,
einn í miðlandinu og einn á austur-
ströndinni. Þá tökum við prógrammið í
minni hópum og reynum þá að fara
svolítið nánar ofan í hlutina. Við höfum
haft þessa fundi svona reglulega að
minnsta kosti þessi níu ár sem ég er
búinn að vera hérna. Auk þess erum við
með svæðissölustjóra, sem eru búsettir
úti iirn landið, og þeir vinna með um-
buðsmónnunum hver á sínu svæði. Þar
fyrir utan er auðvitað alltaf talsvert um
ferðalög, bæði er það að kaupendur
koma til okkar og við ferðumst til
meiriháttar kaupenda. Við erum auðvit-
að með alls konar auglýsingarherferðir
og vörukynningarherferðir stöðugt í
gangi."
- Finnið þið fyrir því að salan taki
fjörkipp hjá ykkur, eftir að þið haldið
fundi með umboðsmönnum ykkar?
„Nei, það er ekkert sem gerist snögg-
lega, eða allt í einu. Árangur í svona
viðskiptum er alls ekki til sem skyndiár-
angur. Ef okkur gékk sæmilega á sein-
asta ári, þá myndi ég þakka það starfi
tvö til þrjú ár þar á undan og jafnvel enn
lengra tímabili. Þetta gerist þannig, að
fyrirtæki vinna smám saman upp traust
á sinni vöru, sinni þjónustu og áreiðan-
legheitum yfir höfuð. Þetta tekur langan
tíma að byggja upp, en tekur afskaplega
stuttan tíma að glata, ef í það fer.
Árangur næst í rauninni aðeins með
langtíma prógrömmum og stöðugri
vinnu.“
Formflökin skilað
hálfri milljón dollara
meir, en þau hefðu
gert í blokk
- Hvernig hefur salan á formflökunum
gengið, sem útflutningur hófst á í fyrra?
„Það hefur verið talsverður vöxtur í
sölu þessara formflaka. Raunar má
segja að þau hafi á miðju seinasta ári
komist af tilraunastiginu yfir á fram-
leiðslustigið, eins og ég held að Sigurður
Markússon hafi orðað það einhvern
tímann. Það hefur verið vaxandi, og nú
eru fimm eða sex frystihús með fram-
leiðslu á formflökunum, og salan á sl. ári
skilaði Sambandsfrystihúsunum hálfri
milljón dollara meira verðmæti en hún
hefði gert ef þessi vara hefði verið seld í
blokk."
- Ertu bjartsýnn á að Iceland Seafood
takist að halda áfram á þessari braut upp
á við í náinni framfið?
„Það getur náttúrlega enginn spáð
fram í tímann, og ég hallast að því að
það sé rétt að það sé enginn góður
spámaður fyrr en eftir á.
Burtséð frá því get ég sagt þér, að ef
við náum fyrstu þrjá fjóra mánuði þessa
árs, sömu sölu og á þeim tíma í fyrra,
því væri ég mjög ánægður, því þessi tími
í fyrra varokkar mikli aukningartími. Það
sem mér finnst hins vegar blása svolítið
á móti núna, er það, að nautakjöt og
náttúrlega fyrst og fremst hakkað nauta-
kjöt, sem er notað í hamborgara, það er
mjög ódýrt núna. Þvert á allar fyrri spár,
þá er nautakjötið mjög ódýrt núna, því
það hefur verið óvenjumikið um slátran-
ir á nautgripum út af háum fóðurkostn-
aði. Þetta þýðir aftur það að þessar
verulega stóru veitingahúsakeðjur, sem
’selja bæði hamborgara og fiskrétti, hafa
meiri hvatningu í bili til þess að reyna að
selja sína hamborgara, heldur en fiskinn.
Ég er dálítið hræddur um að þetta geri
fiskinum dálítið erfitt fyrir á næstu
mánuðum, og ég á einhvern veginn ekki
von á því að markaðurinn verði verulega
sterkur, fyrr en þá vonandi seinni hluta
ársins. Mín tilfinning er sú, að hann sé
ekki alveg eins sterkur og hann var um
þetta leyti í fyrra. Ég á því ekki von á
því að á næstu mánuðum verði neinar
frægðarsögur um aukningar hjá okkur."
-AB
Askriftar-
tónleikar
Sinfóníunnar
í kvöld
Penderecki
og Schu-
mann
■ Næstuáskriftartónleikar Sinfóníu-
hljómsveitar íslands verða í Háskóla
bíói í kvöld kl. 20.30. Á efnisskránni
eru verkin Dies lrae (dagur reiðinnar)
eftir pólska tónskáldið Penderecki og
1. sinfþnía Schumanns (Vorsinfóní-
an).
Dies Irae var samið árið 1967 að
tilhlutan alþjóðlegrar nefndar sem fal-
ið var að skipuleggja minningarathöfn
um fórnarlömb nasista í fangabúðun-
um í Auschwitz. Texti verksins er
tekinn úr grískum harmlcikjum og
samtímaljóðum pólskra og franskra
skálda. Flytjendur með hljómsveitinni
verða söngvararnir Marianne Mellnás,
Svend Anders Benktsson og Sigurður
Björnsson. Kórhlutverkið er mjög
stórt en með það fara söngsveitin
Fílharmónta og félagar úr karla-
kórnum Fóstbræðrum. Baldvin Hull-
dórsson leikari mun lesa íslcnska þýð-
ingu textans fyrir flutninginn.
Stjórnandi þessara tónleika verður
Guðmundur Emilsson. Guðmundur
lauk mcistaraprófi í tónlistarfræðum í
■ Eastman tónlistarskólanum í Rochest-
er í New York. Hann stjórnaði mörg-
um tónleikum vestra innan skólans og
utan og á árunum 1980-1982 var hann
stjórnandi New Music Ensamble við
tónlistarháskóiann í Indiana. Hann er
nú stjórnandi íslensku hljómsveitar-
innar og Söngsveitarinnar Fílharmón-
íu, auk þcss sem hann stjórnar af ogtil
hjá Sínfóníuhljómsveitinni.
V - JGK.