Tíminn - 18.03.1984, Síða 10

10
SUNNUDAGUR 18. MARS 1984
■ Fyrir skömmu voru
tveir piltar frá Unglinga-
heimili ríkisins í starfs-
kynningu á Helgartíman-
um og unnu þeir sem
blaðamenn í nokkra daga
og skrifuðu greinar. Var
hér um að ræða lið í
starfsemi Unglingaheimil-
isins þar sem krökkunum
er gefinn kostur á því að
vinna ýmiss konar störf
úti á hinum svokallaða
vinnumarkaði.Þeir Yngvi
Ómar og Arnar, en svo
heita piltarnir, stóðu sig
með prýði og reyndust
kappsamir í öllu því sem
þeir tóku sér fyrir hendur.
Til að gefa lesendum
blaðsins kost á því að
kynnast ofurlítið því sem
fram fer á Unglinga-
heimilinu fóru þeirfélag
arnir og ræddu við einn
starfsmanna þar, Ingvar
Guðmundsson sálfræð-
ing.
Við spurðum Ingvar fyrst að því fyrir
hverja Unglingaheimilið væri ætlað:
„Þetta heimili er fyrir unglinga eins og
nafnið ber með sér sem að einhverjum
ástæðum geta ekki búið heima hjá sér
eða eiga í erfiðleikum með að stunda
sinn heimaskóla. Krakkarnir sem hér
dveljast eru yfirleitt á aldrinum 13 til 16
ára þó svo að stundum séu gerðar
undantekningar á því. Þannig hafa hér
verið yngri krakkar og svo líka unglingar
sem komnir eru yfir 16 ára aldur.
„Græða krakkarnir eitthvað á því að
vera hérna“?
„Já ég bæði held og vona að þeir geri
það! Það er ýmislegt sem fer hér fram
sem krakkarnir geta lært af t.d. það að
læra að umgangast annað fólk og svo það
að vinna saman, sem getur bæði verið
holt og Iærdómsríkt.
„Hvert fara krakkarnir eftir dvöl sína
á Unglingaheimilinu“?
„Það er mjög misjafnt. Flestir fara
heim til sín og aðrir í sveit eða á
heimavistarskóla úti á landi. Annars er
þetta eins og ég sagði voðalega misjafnt.
Ég býst nú samt við því að flestir endi
með því að flytjast heim til sín aftur.
Nú er það svo að mörgum unglingum
finnst erfitt að búa heima hjá sér og aðrir
beinlínis geta það ekki af mörgum
ástæðum. Við spurðum því Ingvar hvar
unglingar gætu verið, sem ekki geta búið
heima hjá sér.
„Það er því miður ekki úr mörgu að
velja í þannig tilvikum. Þó er t.d. þessi
staður hérna hugsaður fyrir krakka í
þannig aðstæðum. Nú, ef viðkomandi er
fær um að fara í heimavistarskóla þá er
úr ýmsu þar að velja og svo eru aðrir sem
e.t.v. viija fara í sveit og þá er hægt að
koma því fyrir. Fyrir utan þetta er ósköp
lítið sem slíkum unglingum stendur til
boða.“
„Hvernig eru samskiptin milli krakk-
anna“?
„Það getur nú stundum orðið æði
stormasamt hérna enda gefur það auga
leið þegar 10 hressir krakkar eru saman
komnir á einum stað. Samskiptin eru
með ýmsu móti. Það er bæði vinskapur
og fjandskapur og allt þar á milli. Þetta
er í rauninni alltaf að breytast eins og
hjá fólki yfirleitt.
„Er mikið um ofbeldi innan heimilis-
ins.“?
„Það er nú dálítið erfitt að svara
þessari spurningu. Stundum getur orðið
rimma en við forðumst öll handalögmál
og reynum þess í stað að tala út um
hlutina. Það verður þó að vera agi hér
eins og annars staðar og flest vandamál
í mannlegum samskiptum má leysa með
því að tala út um hlutina."
„Hvað er gert hér á daginn"?
„Á veturna er það auðvitað skólinn
sem hæst ber. Allir krakkarnir sem hér
eru stunda skólann og námið tekur nteiri
hluta dagsins. Á sumrin erum við með
Á Unglingaheimilinu eru ekki bara bökuð vandræði eins og myndin sýnir.
f sporum
blaðamanna
Tveir piltar af
Unglingaheimili ríkisins
í starfskynningu
vinnuprógram þannig að hér er alltaf
eitthvað að gerast. Eftir klukkan fjögur
er frjálsara skipulag á hlutunum. Þá er
reynt að gera eitthvað annað skemmti-
legt, hitta kunningjana eða fara eitthvað.
Um helgar er oft farið í smá ferðalög og
eins og þið vitið förum við oft á skíði.
Það er orðin nokkuð fastur liður 1
starfseminni."
„Hvenær eiga krakkarnir að vera
komin inn á kvöldin"?
Á virkum dögum er miðað við að allir
séu komnir inn klukkan ellefu. Þetta er
svo dálítið frjálsara um helgar en þáeiga
menn að vera komnir klukkan eitt.“
„Við hvað starfar þú innan heimilis-
ins“?
Ég vinn við allt mögulegt og tek þátt
í daglegu starfi. Ég held uppi sambandi
við vistunaraðila og tek þátt í fjölskyldu-
fundum. Ég held líka fundi með ykkur
krökkunum og reyni að leysa úr erfið-
leikum sem upp koma.“
„Hvernig líkar þér starfið"?
„Ég er nú búinn að vinna hér í rúm
fjögur ár og það segir e.t.v. svolitla sögu.
Ég býst við að ég væri hér ekki ef mér
líkaði ekki starfið. Annars getur þetta
verið upp og niður. Stundum koma
tímabil sem geta verið þreytandi og svo
leikur allt í lyndi þess á rnilli."
■ Slappað af eftir annasaman dag. Blaðamenn Helgartímans þeir Yngvi ÓmarogArnarerulengsttil vinstri en sálfræðingur Unglingaheimiiisins
Ingvar Guðmundsson sem rætt var við er fyrir miðju.