Tíminn - 05.03.1986, Blaðsíða 2

2 Tíminn
Miövikudagur 5. mars 1986
þó vextir lækki
„Þrátt fyrir lækkun nafnvaxta
eru miklar líkur á að raunvextir
hækki að sinni, svo sem algengt er
þegar verðbólga hjaðnar," segir
m.a. í frétt frá Seðlabankanum.
En í Ijósi nýrra verðbólguútreikn-
inga, þar sem gert er ráð fyrir inn-
an við 10% hækkun lánskjaravísi-
tölu næstu 12 mánuði hefur Seðla-
bankinn lækkað nafnvexti frá 1.
mars að telja. Vextir á almennum
skuldabréfum lækkuðu úr 32% í
20% og afurðalánavextir úr
28,5% í 19,25%. Þá lækkuðu van-
skilavextir úr 45% í 33% á ári.
Búast má við frekari lækkun
nafnvaxta á næstunni að sögn
Seðlabankans. Sem fyrr sé stefnt1
að því aö raunvextir verði jákvæð-
ir, en lækkun þeirra síöar muni
ráðast af stöðugleika efnahags-
mála og ekki síst af framvindu
ríkisfjármála.
Sú breyting hefur nú á oröið að
innlánsstofnanir ráða sjálfar vöxt-
unt á öllum tegundum innlána svo
og á víxilvöxtum að fengnu sam-
þykki Seðlabankans.
Nokkur ntismunur er á vöxtum
eftir stofnunum. Á venjulegunt
sparisjóðsbókum eru þeir 12-
13%, af öðru sparifé 13-20%, en
af veltiinnlánum 4-5%. Útláns-
vextir víxla- og hlaupareiknings-
lána lækkuðu úr 31,5% og 30%
niður í 19,5% frá 1. mars. -HEI
Davíð Oddsson borgarstjóri opnaði hið nýja útibú Borgarbókasafnsins í Gerðubergi í gær. Hér sést hann á tali við
aðra borgarfulltrúa og safnverði í safninu i gær.
Tímamynd Árni Bjarna
Uppbygging ferðaþjónustu á Vesturlandi:
Víkingaveislur að forn-
um sið - þó án mannvíga
„Ljúka við byggingu veitingasalar
með fornu sniði, þar sem boðið yrði
upp á átveislur á langborðum án
notkunar á nýtísku borðbúnaði og
drukkið yrði úr hornum. Gestir yrðu
klæddir í skikkjur í fornum stíl og
skinnskó áður en þeir gengju til
veislu. Á meðan á veislu stæði yrðu
kveðnar rímur og fleira þjóðlegt í
fornum stíl (enginn þó veginn).“
Þetta er ein af hugmyndum Óla
Jóns Ólasonar ferðamálafulltrúa á
Vesturlandi, sem kemur fram í nýrri
áfangaskýrslu: „Uppbyggingaáætlun
ferðaþjónustu á Vesturlandi". í
skýrslunni, sem unnin var fyrir
Ferðamálasamtök Vesturlands, hef-
ur Óli Jón skipt Vesturlandi í 14
svæði,sem hann tekurfyrirhvertfyr-
ir sig. Fyrst gerir hann grein fyrir því
sem þegar er til staðar varðandi;
samgöngur, gististaði, veitingastaði,
verslanir, bifreiðaþjónustu og aðra
þjónustu, afþreyingu, markverða
staði og fleira. í framhaldi af því tel-
ur hann upp möguleika þá sem stað-
irnir hafa helsta til að bera til að auka
og bæta þjónustu við ferðamenn og í
hvaða framkvæmdir þurfi að ráðast í
því sambandi. Hvað úr verði segir
hann undir heimamönnum komið.
„í þessari skýrslu er lögð megin-
áhersla á að efla þá ferðaþjónustu-
staði sem fyrir eru á Vesturlandi og
eru flestar hugmyndir mínar byggðar
upp út frá þeim forsendum. 1 hvert
einasta skipti sem ég hef komið á
þessi svæði hafa mér opnast nýir
heimar. Ég er því sannfærður um að
Vesturland er eitt fornvitnilegasta

'vrsf7
í
svæði landsins fyrir ferðafólk," segir
Óli Jón m.a. Hann kveðst hafa fund-
ið mikinn áhuga hjá heimamönnum í
hinum einstöku byggðarlögum Vest-
urlands og sannfærður um að með
einhuga samstöðu þeirra sé hægt að
gera það áhugaverðan og ómissandi
landshluta í ferðalögum bæði inn-
lendra sem erlendra ferðamanna.
Af fjölmörgum frumlegum hug-
myndum Óla Jóns má nefna m.a.:
- Hernámssafn og hvalveiðisafn í
Hvalfirði. Skíðaparadís í Botnssúl-
um.
- Koma upp stóru heilsuhæli á
Kleppjárnsreykjum.
- Byggja upp og nýta veiðimögu-
leika á Árnarvatnsheiði og skíða-
möguleika og sleðaferðir á jöklum.
- Byggja „sjávarþorp“ á Búðum
þarsemgestirgætu t.d. valiðum gist-
ingu í húsum skipstjóra eða tómt-
húsmanna. Einnig gæti verið „brúð-
arsvíta" með lokrekkju og í fram-
haldi af því boðið upp á 2-3ja daga
brúðkaup upp á gamla mátann.
Bátaleiga og sjóstangaveiði.
- Beint flug frá Keflavík á Rif og
ferðir á Snæfellsjökul. Markaðssetja
dularkraft jökulsins.
- Bjóða upp á; bátarallí, sjó-
stangaveiði, fuglaskoðunarferðir og
stuttar rómantískar kvöldferðir á bát-
um frá Stykkishólmi.
- Skipulagðar kræklingafjöruferð-
ir í Dölum.
- Komið verði upp fjölbreyttri
þjónustumiðstöð á Húsafelli, sumar-
húsum fjölgað og sundlaug stækkuð
með tilheyrandi vatnsrennibrautum
og íþróttamiðstöð.
Þetta eru aðeins fáar af þeim fjöl-
mörgu tillögum sem Óli Jón Ólason
leggur til í fróðlegri skýrslu sinni.
-HEI
Hafrannsóknarstofnun:
Leiðangur til að
mæla stofnstærð
Ríkisfjármálin í höndum verkalýðsforkólfanna!
I dag hefst umfangsmikill lciðang-
ur á vegum Hafrannsóknarstofnun-
arinnar sem miðar að því að meta
stofnstærð botnlægra fisktegunda á
íslandsmiðum. Þessi leiðangur er
liöur í stærra verkefni, sem byrjað
var á í fyrra og hlaut nafnið „Stofn-
mæling botnfiska á fslandsmiðum".
Gagnasöfnun fyrir verkefni þetta á
að fara fram í marsmánuði ár hvert
og áætlað er aö henni Ijúki í ár í
kringum 25. mars.
Segja má að hér sé um að ræða
samstarfsverkefni milli Hafrann-
sóknarstofnunarinnar og sjómanna
því til þessa verkefnis hafa verið
leigðir fimm togarar og eru á hverju
skipi 13 manna áhöfn auk 5 rann-
sóknarmanna frá Hafrannsóknar-
stofnun.
Teknar verða um 600 togstöðvar
allt niður á 500 metra dýpi, umhverf-
is landið. Kvarnasýni verða tckin af
öllum helstu tcgundum og þær kyn-
greindar. Botnfisklægar tegundir
veðra lengdarmældar og gögnum
safnað til rannsókna á fæðu þorsks.
Leiðangursstjórar verða Einar
Jónsson, Ólafur K. Pálsson, Björn
Æ. Steinarsson, Sigfús Schopka og
Guðni Þorsteinsson. allir frá Haf-
rannsóknarstofnun. Skipstjórar á
togurunum fimm cru Eyjólfur Pét-
ursson á Vestmannaey VE. Guðjón
A. Kristjánsson á Páli Pálssyni ÍS.
Birgir Þórbjarnarson á Arnari HU,
Gunnar Tryggvason á Brettingi NS
og Albert Stefánsson á Ljósafclli
SU.
Á sama tíma mun rannsóknar-
skipið Bjarni Sæmundsson verða við
svipaðar rannsóknir fyrir norðan og
austan land.
- BG
Athugasemd
Vegna viðtals í síðasta helgarblaði
Tímans við Sæmund Hauk Haralds-
son vildi Einar Gíslason forstöðu-
maður Fíladelfíusafnaðarins koma
því á framfæri að Sæmundur hefði
aldrei verið skírður inn t' söfnuðinn
né sótt þar um inngöngu.
Borgarbókasafn
í Gerðubergi
Nýtt ' útibú Borgarbókasafns
Reykjavíkur var opnað í gær í
Gerðubergi í Breiðholti. Þetta er
fjórða útibúið sem stofnað er hjá
Borgarbókasafninu.
Fjöldi binda í safninu er um 40
þúsund og í tónlistardeild safnsins eru
nær 2000 hljómplötur sem hægt er að
hlusta á þar. Heildarkostnaður borg-
arsjóðs vegna bókasafnsins nemur
39,5 milljónum og þar af er hlutur
bókakaupa 16 milljónir króna.
Vcgna opnunar safnsins verður
sérstök dagskrá þar út vikuna þar
sem ýmsir menningarviðburðir
vcrða en menningarmiðstöðin
Gerðubergi átti þriggja ára starfs-
afmæli í gær.
Raunvextir hækka