Tíminn - 15.05.1986, Blaðsíða 12

12 Tíminn
Fimmtudagur 15. maí 1986
FRANSGÁRD
FLAGJAFNARAR
-■ W. -
L '4 glaœSgy*"-
Skekkjanlegir, hægt að snúa þeim við og
bakka með landhjólum.
Vinnslubreidd 2,50 metrar.
Nauðsynleg tæki á hverju býli.
KAPLAHRAUNI 18
220 HAFNARFIRÐI:
S-91.651800
LESENDUR SKRIFA
laðbera
vantar
/ eftirtalin hverfi.
Blaðberar
óskast í
Rjúpufell
Torfufell
Afleysingar í Holtin
Mosfellssveit 31/5-
1/7
Iiniiiin
SIÐUMULA 15
@686300

ÆÍS'o,
■11
Lögreglustöð á Dalvík
Tilboð óskast í gólfsteypu og innanhúsfrágang í
húsi lögreglustöðvar, Gunnarsbraut 4-6, alls ca.
110 m2 á einni hæð.
Verkinu skal skila í tvennu lagi, 15. ágúst 1986 og
1. febr. 1987.
Útboðsgögn verða afhent hjá Innkaupastofnun
ríkisins, Borgartúni 7, Rvk. og hjá Kristjáni Baldurs-
syni, Bakkahlíð 18, Akureyri gegn 1500,- kr.
skilatryggingu. Tilboð verða opnuð á skrifstofu
Innkaupastofnunar ríkisins, Borgartúni 7, Reykja-
vík 3. júní 1986, kl. 11.00.
INNKAUPASTOFNUN RIKISINS
BOUGaWMJN: y 5'MI 26844
í heimsókn til
annarra hnatta
I.
Draumfarir
Eini hnötturinn utan jarðar, sem
menn hafa getað ferðast til með
farartækjum, er tunglið. Og ekki er
alveg óhugsandi, að menn geti, á
sama hátt, heimsótt einhverja aðra
hnetti í sólhverfi voru, í einhverri
framtíð, þegar tæknin hefur tekið
nokkrum framförum, frá því sem nú
er. Mundi þar helst koma til greina
reikistjarnan mars, því hún er að
ýmsu leyti eðlisskyldust jörðinni,
þrátt fyrir miklu meiri fjarlægð frá
sól, og því meiri kulda á yfirborði.
Víst má telja, að ekki þróist vitlíf
annarstaðar í sólhverfi voru en á
jörðinni. Til þess eru aðstæður allar
of andstæðar.
En sól vor og sólhverfi er aðeins
agnarlítill hluti alls þess sólna- og
hnattaskara, sem vetrarbraut vor
samanstendur af. Þar má því telja
alveg víst að séu þúsundir og milljón-
ir mannkynja, sent ntörg hver hljóta
að vera á hliðstæðu eða miklu hærra
þroskastigi, en mannkyn jarðar
vorrar.
Nú munu flestir halda, að tilgangs-
laust sé að vera með hugleiðingar
um líf á öðrum hnöttum fjarlægra
sólhverfa; þær séu svo óralangt í
burtu, að þaðan geti oss aldrei borist
nokkur vitneskja.
En er nú alveg víst, að þannig sé
í pottinn búið frá náttúrunnar hendi?
Er það í rauninni hugsanlegt að
mannkynjum fjarlægra hnatta sé ó-
kleift, að hafa sambönd og sam-
skipti sín á milli? Væri ekki einmitt
ennþá óhugsanlegra, að mannkyn
alheimsins lifðu hvert út af fyrir sig,
án sambands hvers við annað? Höf-
um við jarðarbúar engin sambönd
við lifendur annarra stjarna í fjar-
lægum sólhverfum? Hefur okkur engin
vitneskja borist, um líf þeirra og
ýmsar aðstæður?
Til þess að svara þessum spurning-
um vil ég fyrst vitna í kenningar dr.
Helga Pjeturs um sambandseðli
lífsins; um eðli svefns og drauma,
um eðli skyggni og fjarskynjana
ófreskra manna:
Allt líf jarðar vorrar byggist ein-
mitt á sambandi þess við lífheima
annarra stjarna alheimsins. Vegna
þess sambands hefur lífið náð að
koma hér fram og þróast. í svefni
mögnumst vér aðsendri orku. Án
þeirrar orku gætum vér ekki lífi
haldið.
Draumar eru samfara svefninum.
Draumar eru sambandsskynjanir.
Vér sjáum og skynjum í draumi. það
sem vakandi maður sér og skynjar.
Sá maður er „draumgjafi" vor. Og
oftast er sá draumgjafi einhver íbúi
annarra stjarna.
Það er því eins og vér förum í
„heimsókn" til annars hnattar, í
hvert sinn, sem okkur dreymir. Og
vér verðum margs vísari í þessum
„heimsóknum" vorum um víða ver-
öld alheimsins. Séu draumar vorir
skýrir, þ.e. sé sambandið við
„draumgjafa" vorn nægilega full-
komið, sjáum vér greinilega ein-
hvern hluta þess heims, sem draum-
gjafinn, sambandsvera vor, hefur
fyrir augum, þá stundina, sem oss er
að dreyma. Óg vér sannreynum. að
eitt og annað, sem vér skynjum í
draumförum vorum, er annað en
það, sem vér eigum að venjast á
vorri jörð: Vér sjáum fólk með
annað útlit, en nokkurt það fólk,
sem byggir vora jörð; vér sjáum
jurtir og dýr, sem að ýmsu leyti eru
frábrugðin jurtum og dýrum jarðar
vorrar; og oft sjáum vér í draumi
stjörnuhimin, þar sem stjörnumerki
eru ólík og allt önnur en þau, sem
sjást héðan af jörð.
Og þar sem slíkar sýnir geta ekki
átt uppruna sinn á vorri jörð, er
engin skýring líklegri en sú, að um
sýnir sé að ræða frá öðrum hnetti.
Sýnir ófreskra manna eru sama
eðlis, en sá er aðalmunur, að þar er
sjáandinn vakandi.
Ef betur hagaði til, ef samband
vort við íbúa annarra hnatta væri
fullkomnara, mundu draumskynjan-
ir vorar veita oss miklu meiri vitn-
eskju um aðra hnetti og um það líf,
er þar þróast.
II.
Hamfarir
Þar sem lífsþróunin er lengra
komin, og samstilling miklu meiri,
en vér menn þekkjum, munu raun-
verulegar heimsóknir eiga sér stað
hnatta á milli. Um það vitna ótal
Líkamningar hafa stundum komið
fram á miðilsfundum. Hér er mynd
af einum slíkum, sem fram kom á
fundi hjá Einari Níelssen, hinum
þekkta, danska miðli (f. 1894).
slendingar gætu reist fyrstu stjörnusambandsstöð jarðar vorrar. - Hjá
lífstefnumannkynjum annarra hnatta munu slíkar stöðvar vera þær bygging-
ar, sem mest er vandað til og sem mest eru sóttar, enda þar hin bestu skilyrði
til móttöku Ijómandi gesta frá fullkomnum lífstjörnum. - Myndin á að sýna
eina slíka, sem gnæfir mót stjörnum skrýddum himni, þar sem einnig má sjá
þrjú tungl á lofti, enda mun ekki óalgengt, að sumum jarðstjörnum fylgi fleiri
en eitt tungl.
frásagnir niiðla og annarra sjáenda.
Eigi munu slíkar heimsóknir fara
fram með vélrænum eða tæknilegum
hætti, heldur líffræðilegum. Ham-
farir eru það, sem þá eiga sér stað.
Gestir frá annarri stjörnu koma
frarn, þeir líkamast, verða áþreifan-
legir, eins og aðrir viðstaddir. Séu
gestirnir frá æðra þroskastigi, þar
sem góðvild og fegurð og máttur er
guðlegs eðlis, njóta allir viðstaddir
magnanar og styrks meiri en ella.
Hjá mannkynjum á framfaraleið,
munu slíkar heimsóknir teljast eftir-
sóknarverðari en allt annað. Víða á
hnöttum alheimsins munu vera reist
mikil og vegleg hús, stjörnusam-
bandsstöðvar, þar sem þúsundir
manna geta komið saman, í þeim
tilgangi, að veita móttöku hinum
guðlegu gestum frá öðrum stjörnum
og magnast af mætti þeirra, meðan
á heimsókn þeirra stendur. Slíkar
heimsóknir eru mikilsverðustu at-
burðir hvers þess mannkyns, sem
komið er á framfaraleið.
Frásagnir miðla og annarra ó-
freskra manna, af slíkum atburðum,
eru margar, og tel ég alveg víst, að
slíkar fréttir frá öðrum hnöttum séu
í öllum aðalatriðum rétt hermdar,
enda í fullu samræmi við það, sem
gera má ráð fyrir, að eigi sér stað,
þar sem rétt er stefnt og þar sem
lífstefnan er orðin ráðandi.
Einnig hér á jörð hafa heimsóknir
átt sér stað, frá öðrum hnöttum, þótt
á ófullkominn hátt sé, miðað við
það, sem sumstaðar annarsstaðar
gerist, þar sem mikilli fullkomnun
hefur verið náð. Líkamningar hafa
komið hér fram á miðilsfundum.
Frægastur mun vera líkamningurinn
Katie King, sem rannsakaður var
nákvæmlega af hinum mikilsvirta vís-
indamanni, William Crookes,
snemma á þessari öld. Eru til Ijós-
myndir frá þessum rannsóknum,
sem sanna þetta. En fjölmargir aðrir
hafa komið fram og verið rannsakað-
ir. Allt eru þetta gestir frá öðrum
hnöttum, sem tekist hefur, vegna
sérstakra skilyrða, að koma hér
fram um stundarsakir.
Skilyrði til sambands við lengra
komna lifendur á öðrum hnöttum
þurfa að batna, hér á jörðu vorri. Og
þau skilyrði mætti bæta, ef vilji væri
fyrir hendi og skilningur nógu
margra, á nauðsyn bættra lífsam-
banda, við lengra komna íbúa annarra
hnatta, og ef almennt væri vitað,
hvað til þess þarf. íslensk þjóð gæti
riðið hér á vaðið og reist fyrstu
raunverulegu stjörnusambandsstöð-
ina, sem byggð yrði hér á jörðu, með
samstilltu átaki margra manna.
Ef slík samstaða næðist, mundi
þar verða upphaf meiri tíðinda og
betri, en orðið hafa á öllum öldum
áður. Slík framkvæmd mundi marka
algjör. tímamót í sögu íslenskrar
þjóðar og síðan, í sögu alls heimsins,
því þegar í ljós kæmi árangur slíkrar
framkvæmdar, mundu aðrar þjóðir
ekki lengi láta sinn hlut eftir liggja.
Aukin magnan frá lífheimum ann-
arra hnatta, mundi breyta hinu illa
ástandi, sem nú ríkir á jörðu vorri,
svo að hér skapaðist sá heimur friðar
og farsældar, sem svo lengi hefur
verið vonast eftir.
Ingvar Agnarsson.
Skógarhögg/mannúðar
leysi við hænsnarækt
f Tímanum 22. apríl sl. er góð
grein og eftirtektarverð eftir Gunn-
þór Guðmundsson, fyrrverandi
bónda, þar sem hann ræðir um
landsins gagn og nauðsynjar en eink-
um um málefni sveitanna.
Mig langar að gera fyrirspurn um
tvö atriði.
1. Gunnþór talar um, að hér sé
eggjaframleiðsla að mestu í höndum
örfárra stórframleiðenda, en að í
Danmörku séu slík bú bönnuð af
mannúðarástæðum. Ég vil spyrja:
Er farið hér ómannúðlega með hæn-
urnar í þessum stórbúum, og í
hverju er þá sú illa meðferð fólgin?
2. Gunnþór talar um að hér á
landi gangi mjög á skógana m.a.
vegna skógarhöggs. - Ég vil spyrja:
Eru til slíkir skógar hér á landi, að
þar sé stundað skógarhögg?
Vegna þess að hér er um að ræða
mjög athyglisverð atriði, og sem
miklu máli skipta þætti mér mikils-
vert að Gunnþór (eða einhver
annar) gæfi hér á nánari skýringar.
Ingvar Agnarsson.