Tíminn - 24.05.1986, Blaðsíða 3

. Laugardagur 24. maí 1986
Tíminn 3
Vefnaðar-
verk frá
Skálatúni
í gær hófst á Gallerí Borg sýning
á vefnaðarverkum vistfólks á Skála-
túni. Eru öll verk á þessari sýningu
til sölu, eins og tíðkst hefur á fyrri
sýningum frá Skálatúni.
Vefnaðurinn á Skálatúni er löngu
orðinn þekktur hjá stórum hópi
fólks, en samt sem áður eru ekki
nægilega margir sem vita af þessari
starfsemi. Með sýningunni á Gallerí
Borg er fleirum gefinn kostur á að
sjá hve listilega vel fólkið á Skálatúni
vinnur og verða þar 25 veggteppi
auk gólfmotta, sem gleðja munu
augu sýningargesta.
Sýninginstendurframtil26. maí.
phh
Góðar fréttir fvrir bílakaupendur!
Viö höfum nú hafiö innflutning á hinum þekktu
LANCIA bílum frá Ítalíu og af því tilefni höldum
viö sýningu á þeim um helgina.
LANCIA hefur jafnan verið talinn með vönduð-
ustu bílum og eru þeir rómaðir um alla Evrópu
fyrir íburð, þægindi og góða aksturseiginleika.
Sýndir verða:
LANCIA „SKUTLAN"
Nýr og snaggaralegur 3 dyra bíll, sem hefur
hlotið frábærar viðtökur í Evrópu. Hann er „lítill
að utan — en stór að innan“ og býður upp á
áður óþekkt þægindi og íburð í bílum af þessari
stærð: Luxusinnréttingu með sérbólstruðum
sætum og fullkomnu mælaborði og í dýrari
gerðinni eru rafknúnar hliðarrúður og rafknúnar
hurðarlæsingar (central lock). Verð frá kr.
258.000
LANCIA PRISMA
Vandaður 4 dyra fólksbíll af millistærö með 1.6L
vél 105 hö. DIN. rafmagnsrúðum, rafmagns-
læsingum og öðrum luxusbúnaði. Verð frá kr.
439.000
Gerið ykkur dagamun, komið á sýninguna hjá
okkur um helgina og skoðið það nýjasta í ítalskri
bifreiðahönnun og tækni.
BILABORG HF.
SMIÐSHÖFÐA 23. REYKJAVIK
BILASALAN H/F
STRANDGOTU 53. AKUREYRI
Þau ætla að spila og syngja fyrir Austfirðinga um helgina og í næstu viku.
Níutíu ungmenni úr Kópavogi:
Syngja og spila
Níutíu ungmenni úr Skólahljóm-
sveit Kópavogs og Kór Kársnes- og
Þinghólaskóla leggja í dag af stað í
tónleikalerð austur á firði. Fyrsti
viðkomustaður verður á Höfn í
Hornafirði á morgun, 25. maí klukk-
an 16. Mánudagskvöld klukkan
20.30 verður sungið og blásið fyrir
Norðfirðinga í Egilsbúð. Þaðan
verður haldið til Eskifjarðar og hefj-
ast tónieikar í Valhöll klukkan 20.30
á Austf jörðum
á þriðjudagskvöld. Á Seyðisfirði
verða tónleikar í Herðubreið mið-
vikudagskvöld klukkan 20.30. Einn-
ig verður spilað og sungið í Egil-
staðakirkju á fimmtudagskvóld.
Stjórnandi kórsins er Þórunn
Björnsdóttir en stjórnandi Skóla-
hljómsveitar Kópavogs er Björn
Guðjónsson. Aðgangur á alla tón-
leikana er ókeypis.
Harpa hf. 50 ára:
„Lifir önnur fimmtíu ár“
- segir Magnús Helgason, framkvæmdastjóri
Árið 1936 hóf Lárus Kjærnested
störf hjá nýstofnuðu fyrirtæki er
framleiddi málningu og bar nafnið
Harpa. í fyrradag var hann heiðrað-
ur fyrir 50 ára starf hjá fyrirtækinu
og hlaut í því tilefni veggklukku að
gjöf. Málningarverksmiðjan Harpa á
sem sagt fimmtíu ár að baki, og
„mun lifa önnur fimmtíu" að sögn
Magnúsar Helgasonar stjórnarfor-
manns og framkvæmdastjóra Hörpu
h/f.
Stofnendur fyrirtækisins voru sex,
Pétur Guðmundsson, kaupmaður,
Lúðvíg Einarsson, málarameistari,
Óskar Gíslason, verslunarmaður,
Sigurður Guðmundsson, bróðir
Péturs, Ágúst Lárusson og Trausti
Ólafsson. Trausti var prófessor í
efnafræði og lagði til þekkingu á því
sviði, enda sagði Magnús að fyrir-
tækið hefði alltaf getað stært sig af
því að hafa unnið flestar „uppskrift-
ir“ að framleiðslu sinni, innanhúss.
Undantekning eru Spread-satin
málningarvörur, en uppskriftir að
þcim féllu í hendur Hörpu h/f, er
fyrirtækið keypti málningarverk-
smiðjuna Atlantis árið 1978.
Þó Harpa h/f, hafi verið fyrsta
málningarverksmiðjan á landinu leið
ekki á löngu þar til hún fékk sam-
keppni. Árið 1937 var fyrirtækið
Litir og Lökk h/f stofnað af stórum
hópi málarameistara og kaupmanna.
Það gerðist síðan 1943 að Oddur
Helgason útgerðarmaður, bróðir
Magnúsar núverandi frkjvstj.,
keypti það fyrirtæki. Árið 1946 sam-
einuðust fyrirtækin, og Litir og Lökk
h/f var lögð niður. Magnús Helgason
og fjölskylda eignaðist síðan tæp
60% í fyrirtækinu árið 1961, og
hefur Magnús síðan þá gegnt störf-
um stjórnarformanns og fram-
kvæmdastjóra.
Starfsemi Hörpu h/f hefur frá
upphafi að mestu farið fram að
Skúlagötu 42. Að sögn Magnúsar er
það húsnæði orðið of lítið og passar
þar á ofan ekki inn í nýtt skipulag
við Skúlagötuna. Hefur Hörpu verið
Magnús Helgason frkvstj. (t.v.) hefur starfað 25 ár hjá Hörpu h/f, en Lárus
Kjærnested verkstjóri á þar 50 ár að baki. (Tímamynd-Pétur)
úthlutað 8000 nr lóð á mótum Vest-
urlandsvegar og Gufunesvegar.
Bjóst Magnús við, að lóðin yrði
tilbúin undir afhendingu á árinu og
þyrfti bygging að vera frágengin
þremur árum síðar. Sagði hann að
öll framleiðsla og lagerpláss yrði
flutt þangað.
Sagði Magnús að rannsóknarstarf-
semi hefði alltaf verið öflug innan
fyrirtækisins, og meðal nýjunga
mætti nefna ætigrunn fyrir þakmáln-
ingu, vatnsþynnanlegt viðarlakk og
vatnsfælu, en það væri málning sem
héldi raka utan veggja, en leyfði þó
veggnum að „anda“.
I gær hélt Harpa h/f síðan upp á
50 ára afmælið með gilli á Hótel
Borg, og var þangað boðið starfs-
fólki ungu sem öldnu, viðskiptavin-
um og velunnurum. Er vonandi að
allir hafi skemmt sér hið besta.
- phh
SPENNUM
BELTIN
sjálfra okkar
vegna!
Vistfólk á Skálatúni við listsköpun.
Nú á Akranesi, Selfossi og í Reykjavík
Sunnudaginn 25. maí stendur Rit-
höfundasamband íslands fyrir degi
ljóðsins. Er þetta annar dagur
ljóðsins, en mun sá fyrri hafa tekist
með fádæmum vel svo hvergi hafi
fundist hnökrar á. Vakti dagur ljóðs-
ins hinn fyrri athygli í Ijóðinu sem
lifandi þætti í íslensku samfélagi,
samofinn starfi þjóðarinnar og
tungu. í ár verður jrráðurinn tekinn
upp að nýj u og verður fólki á þremur
útvöldum stöðum gefið færi á að
njóta samvista undir ljóðalestri.
Staðirnir eru: Akranes, nánar til-
tekið Bókasafn Akraness, og hefst
þar lestur kl. 14.30. Þar lesa Vilborg
Dagbjartsdóttir, Pjetur Hafstein
Lárusson og Matthías Magnússon.
Selfoss, lestur hefst kl. 14.30 í
Tryggvaskála. Skáld, Ingibjörg Har-
aldsdóttir, Gunnar Harðarson,
Bergþóra Ingólfsdóttir og Þorsteinn
frá Hamri. í Reykjavík verður safn-
ast saman í Iðnó, kl. 14.00 og hefst
þá lesturinn. Thor Vilhjálmsson,
Jón úr Vör, Þorgeir Þorgeirsson,
Þóra Jónsdóttir, Ólafur H. Símonar-
son, Einar M. Guðmundsson, Geir-
laugur Magnússon, Jóhamar, Gyrðir
Elíasson og ísak Harðarson lesa. Auk
þess verður lesið úr verkum Vigdísar
Grímsdóttur og Þuríðar Guðmunds-
dóttur. _ phh
Reykjavík og á Akureyri
laugardag og sunnudag frá kl. 1
-6
Tekst skáldum að endurtaka leikinn?
DAGUR LJÓÐSINS